2 تِمُوتَاوُس 2:22 - الكتاب المقدس بالعربي الدارجي هنا تشاد

²² أَنْقَرِعْ مِنْ شَهْوَاتْ هَنَا الصُّبَى. خُطّ بَالَكْ أَشَانْ تَبْقَى نَادُمْ صَالِحْ وَ تَبْقَى قَوِي فِي الْإِيمَانْ وَ الْمَحَبَّةْ وَ السَّلَامْ مِثِلْ كُلَّ النَّاسْ الْيَدْعُوا الرَّبّ بِقَلِبْ طَاهِرْ.

2 تِمُوتَاوُس 2:22 Referenca të Kryqëzuara

1 بُطْرُس 2:11

يَا أَخْوَانِي النِّحِبُّكُو الْعَايْشِينْ فِي الدُّنْيَا مِثِلْ أَجَانِبْ وَ ضِيفَانْ، نُقُولْ لَيْكُو أَنْقَرْعُوا. شَهْوَاتْ الْإِنْسَانْ عَدُو. آبَوْا مَا تِتَابُعُوهُمْ.

1 بُطْرُس 3:11

خَلِّي يِبَعِّدْ مِنْ الْفَسَالَةْ وَ يِسَوِّي الْخَيْر. خَلِّي يِفَتِّشْ السَّلَامْ وَ يِتَابِعَهْ بِنِيَّةْ وَاحِدَةْ.

1 كُرُنْتُس 6:18

خَلَاصْ، بَعُّدُوا مِنْ الزِّنَى. كُلَّ الذُّنُوبْ الْآخَرِينْ الْيِسَوِّيهُمْ الْإِنْسَانْ مَا يِلَمُّسُوا الْجِسِمْ، لَاكِنْ الزَّنَّايْ هُو بَسْ يُضُرّ جِسْمَهْ.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

زَبُور 119:9

كِكَّيْف الصَّبِي يِعِيشْ فِي الطِّهَارَةْ؟ بِحَفَضَانْ كَلَامَكْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

1 كُرُنْتُس 10:14

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَنْقَرْعُوا مِنْ عِبَادَةْ الْأَصْنَامْ.

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.

1 كُرُنْتُس 1:10

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

رَوْمَا 14:19

بِمِثِلْ دَا، خَلِّي نِجَاهُدُوا أَشَانْ نِسَوُّوا الشَّيّءْ الْيِثَبِّتْ السَّلَامْ أَمْبَيْنَاتْنَا وَ الْيِقَوِّينَا كُلِّنَا.

1 كُرُنْتُس 14:1

أَشَانْ دَا، أَنْكَرْبُوا فِي الْمَحَبَّةْ وَ بَتَّانْ أَتْمَنَّوْا بِنِيَّةْ وَاحِدَةْ أَشَانْ تَلْقَوْا بَرَكَاتْ الرُّوحْ الْقُدُّوسْ. وَ مِنْ الْبَرَكَاتْ دَوْل، أَتْمَنَّوْا زِيَادَةْ أَشَانْ تِتْنَبَّأَوْا.

1 كُرُنْتُس 1:2

وَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ، إِنْتُو الْاللّٰهْ خَصَّصَاكُو بِعَلَاقِتْكُو مَعَ الْمَسِيحْ عِيسَى. اللّٰهْ نَادَاكُو فِي دَرْبَهْ أَشَانْ تَبْقَوْا خَاصِّينْ سَوَا مَعَ كُلَّ النَّاسْ الْيَدْعُوا فِي أَيِّ بَكَانْ بِأُسُمْ رَبِّنَا عِيسَى الْمَسِيحْ وَ هُو رَبُّهُمْ وَ رَبِّنَا.

رَوْمَا 14:17

أَشَانْ الْمُهِمّ فِي مَمْلَكَةْ اللّٰهْ مَا الْأَكِلْ وَ الشَّرَابْ، لَاكِنْ هُو الْعَدَالَةْ وَ السَّلَامْ وَ الْفَرْحَةْ فِي الرُّوحْ الْقُدُّوسْ.

أعمال الرُسُل 9:14

وَ يُقُولُوا هُو جَاءْ هِنِي بِإِذِنْ كُبَارَاتْ رُجَالْ الدِّينْ أَشَانْ يَكْرُبْ أَيِّ نَادُمْ الْيَدْعِي بِأُسْمَكْ.»

أمْثال 6:5

أَنْبَلِصْ مِنَّهْ مِثِلْ الْغَزَالْ مِنْ الشَّرَكْ أَوْ مِثِلْ الطَّيْر مِنْ إِيدْ الْقَنَّاصِي.

1 تِمُوتَاوُس 2:8

وَ فِي كُلِّ بَكَانْ نِدَوْر كَدَرْ الرُّجَالْ الْيَعَبُدُوا اللّٰهْ يَبْقَوْا صَالِحِينْ وَ يَرْفَعَوْا إِيدَيْهُمْ قِدَّامْ اللّٰهْ بَلَا زَعَلْ وَ لَا هُرَاجْ.

1 تِمُوتَاوُس 1:14

وَ رَبِّنَا أَنْطَانِي نِعْمَةْ كَبِيرَةْ بِلْحَيْن وَ أَنْطَانِي الْإِيمَانْ وَ الْمَحَبَّةْ الْقَاعِدِينْ فِي الْمَسِيحْ عِيسَى.

أمْثال 15:8

ضَحِيَّةْ الْعَاصِيِينْ، اللّٰهْ يِحَرِّمْهَا وَ صَلَاةْ الْعَدِيلِينْ، اللّٰهْ يَقْبَلْهَا.

زَبُور 17:1

يَا اللّٰهْ! سَوِّي الْعَدَالَةْ، أَسْمَعْ شَكْوِتِي، أَسْمَعْ صَلَاتِي وَ دَا بَلَا غَشّ!

أعمال الرُسُل 7:59

وَ وَكِتْ قَاعِدِينْ يَرْجُمُوهْ، إِسْتِفَانْ دَعَى وَ قَالْ: «يَا رَبِّنَا عِيسَى، شِيلْ رُوحِي.»

لاوِيِّين 15:18

وَ كَنْ رَاجِلْ رَقَدْ مَعَ مَرَةْ، هُمَّنْ الْإِتْنَيْن وَاجِبْ يِلْبَرَّدَوْا. وَ بَيْدَا كُلَ، يُكُونُوا نِجْسِينْ لَحَدِّي الْعَشِيَّةْ.

أمْثال 7:8

هُو فَايِتْ فِي الشَّارِعْ جَنْب بَكَانْ الزَّانِيَةْ وَ بِبِشَيْش، مُتَوَجِّهْ عَلَيْ بَيْتهَا.