2 تِمُوتَاوُس 2:21 - الكتاب المقدس بالعربي الدارجي هنا تشاد

²¹ وَ بِمِثِلْ دَا، كَنْ نَادُمْ يِصَفِّي نَفْسَهْ مِنْ كُلَّ الْوَسَاخَةْ، هُو يَبْقَى مِثِلْ مَاعُونْ هَنَا عَمَلْ نَضِيفْ وَ مَاعُونْ خَاصّ الْعِنْدَهْ فَايْدَةْ لِسِيدَهْ. هُو يَبْقَى جَاهِزْ أَشَانْ يِسَوِّي أَيِّ عَمَلْ هَنَا خَيْر.

2 تِمُوتَاوُس 2:21 Referenca të Kryqëzuara

2 تِمُوتَاوُس 3:17

وَ بَيَّهْ خَدَّامْ اللّٰهْ يَبْقَى قَادِرْ وَ جَاهِزْ أَشَانْ يِسَوِّي أَيِّ عَمَلْ هَنَا خَيْر.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

زَبُور 119:9

كِكَّيْف الصَّبِي يِعِيشْ فِي الطِّهَارَةْ؟ بِحَفَضَانْ كَلَامَكْ.

1 يُوحَنَّا 3:3

وَ أَيِّ نَادُمْ الْعِنْدَهْ عَشَمْ مِثِلْ دَا فِي الْمَسِيحْ، يِطَهِّرْ قَلْبَهْ تَمَامْ مِثِلْ إِبْن اللّٰهْ هُو طَاهِرْ.

2 تِمُوتَاوُس 2:20

فِي بَيْت هَنَا نَادُمْ غَنِيْ، فِي مَوَاعِينْ غَالِيِّينْ مِنْ الدَّهَبْ وَ الْفُضَّةْ وَ مَوَاعِينْ رَخِيصِينْ مِنْ الْحَطَبْ وَ الطِّينَةْ. وَ الْوَاحِدِينْ يَخْدُمُوا بَيْهُمْ عَمَلْ نَضِيفْ وَ الْوَاحِدِينْ يَخْدُمُوا بَيْهُمْ عَمَلْ وَسْخَانْ.

إشَعْيا 52:11

سِيرُوا! سِيرُوا! أَمُرْقُوا مِنْ هِنَاكْ، يَا إِنْتُو الشَّايْلِينْ مُعِدَّاتْ اللّٰهْ. أَمُرْقُوا مِنْ لُبّ بَابِلْ وَ طَهُّرُوا نُفُوسْكُو وَ مَا تَلْمَسَوْا شَيّءْ نِجِسْ!

تِيطُس 3:8

وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

إرْمِيا 15:19

وَ فِي شَانْ دَا، دَاهُو اللّٰهْ قَالْ: «يَا إِرْمِيَا! كَنْ تِقَبِّلْ لَيِّ، أَنَا نِقَبِّلَكْ وَ تَقِيفْ قِدَّامِي. وَ كَنْ تِفَنِّدْ بَيْن الْكَلَامْ النَّجِيضْ وَ النَّيّ، تَبْقَى نَبِي لَيِّ وَ تِكَلِّمْ بِكَلَامِي بَتَّانْ. وَ وَاجِبْ هُمَّنْ بَسْ يِقَبُّلُوا لَيْك، مَا إِنْتَ يَا تِقَبِّلْ لَيْهُمْ.

1 بُطْرُس 1:7

نَعَرْفُوا كَدَرْ الدَّهَبْ الْبَعَدَيْن يِدَّمَّرْ، يَكْشُفُوهْ بِالنَّارْ. وَ مِثِلْ دَا، إِيمَانْكُو الْقِيمْتَهْ زِيَادَةْ مِنْ الدَّهَبْ، كُلَ يِجَرُّبُوهْ أَشَانْ ثَبَاتَهْ يِنْشَافْ. وَ بَيْدَا، تَلْقَوْا شُكُرْ وَ مَجْد وَ شَرَفْ فِي الْيَوْم الْعِيسَى الْمَسِيحْ يِبِينْ فَوْقَهْ.

1 كُرُنْتُس 5:7

أَمُرْقُوا مِنْكُو النَّادُمْ الْقَاعِدْ يَذْنِبْ دَا، أَشَانْ تَبْقَوْا بَتَّانْ مِثِلْ عَجِينْ جَدِيدْ الْمَا عِنْدَهْ تَوَّارَةْ. وَ أَنِحْنَ بِقِينَا نَاسْ جُدَادْ أَشَانْ الْمَسِيحْ مَاتْ مِثِلْ حَمَلْ الدَّبَحَوْه زَمَانْ فِي الْفِصْحَ الْأَوَّلْ.

مَلاخِـي 3:3

هُو مِثِلْ الصَّيَّاغِي الْيَقْطَعْ وَ يِصَفِّي الْفُضَّةْ. يِطَهِّرْ اللَّاوِيِّينْ مِثِلْ يِصَفِّي الْفُضَّةْ وَ الدَّهَبْ. وَ هُمَّنْ يَبْقَوْا هِنَيْ اللّٰهْ وَ يِقَدُّمُوا لَيَّهْ ضَحَايَا بِالْعَدَالَةْ.

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.

تِيطُس 3:1

ذَكِّرْ الْأَخْوَانْ أَشَانْ يَسْمَعَوْا كَلَامْ الْحَكُومَةْ وَ الْكُبَارَاتْ وَ يِتَابُعُوا كَلَامْهُمْ. وَ خَلِّي يَبْقَوْا جَاهِزِينْ لِيِسَوُّوا الْخَيْر فِي كُلِّ حَالْ.

إشَعْيا 1:25

بَتَّانْ نُقُمّ ضِدِّكِ وَ نَقْطَعْكِ فِي النَّارْ. وَ نِصَفِّيكِ وَ نَمْرُقْ وَسَخْكِ مِثِلْ غَسَّلَوْكِ بِصَابُونْ.

2 كُرُنْتُس 9:8

وَ اللّٰهْ يَقْدَرْ يَنْطِيكُو رَحْمَةْ بِزِيَادَةْ لَحَدِّي فِي أَيِّ وَكِتْ عِنْدُكُو الْيَكْفِي لَيْكُو أَشَانْ تِشَارُكُوا زِيَادَةْ فِي أَيِّ عَمَلْ هَنَا خَيْر.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

2 تِمُوتَاوُس 2:16

وَ أَنْقَرِعْ مِنْ الْكَلَامْ الشَّيْن الْمَا عِنْدَهْ فَايْدَةْ. النَّاسْ الْيِتَابُعُوا الْكَلَامْ دَا يِزِيدْهُمْ كُفُرْ بِزِيَادَةْ.

2 تِمُوتَاوُس 4:11

وَ مِثِلْ دَا، إِلَّا أَخُونَا لُوقَا وِحَيْدَهْ قَاعِدْ مَعَايِ. أَمْشِي لِأَخُونَا مَرْخُوسْ وَ جِيبَهْ مَعَاكْ. هُو يِسَاعِدْنِي زِيَادَةْ فِي خِدْمَةْ الرَّبّ.