2 تِمُوتَاوُس 2:2 - الكتاب المقدس بالعربي الدارجي هنا تشاد

² وَ الْكَلَامْ الْإِنْتَ سِمِعْتَهْ مِنْ خَشْمِي قِدَّامْ شُهُودْ كَتِيرِينْ، كَلِّفْ بَيَّهْ نَاسْ أَمِينِينْ الْيَقْدَرَوْا يِعَلُّمُوا بَيَّهْ نَاسْ آخَرِينْ بَتَّانْ.

2 تِمُوتَاوُس 2:2 Referenca të Kryqëzuara

1 تِمُوتَاوُس 4:6

كَنْ تِعَلِّمْ الْأَخْوَانْ الْوَصَايَا دَوْل، إِنْتَ تَبْقَى خَدَّامْ عَدِيلْ لِلْمَسِيحْ عِيسَى. وَ كَلَامْ الْإِيمَانْ وَ التَّعْلِيمْ الْعَدِيلْ التِّتَابِعَهْ، دَوْل يَبْقَوْا لَيْك مِثِلْ أَكِلْ الْيَنْطِيكْ قُدْرَةْ.

1 تِمُوتَاوُس 6:12

جَاهِدْ جِهَادْ عَدِيلْ فِي دَرِبْ الْإِيمَانْ. أَكْرُبْ قَوِي الْحَيَاةْ الْأَبَدِيَّةْ الْاللّٰهْ نَادَاكْ لِتَدْخُلْ فَوْقهَا وَ إِنْتَ كُلَ شَهَدْت لَيْهَا بِشَهَادَةْ الْحَقّ قِدَّامْ شُهُودْ كَتِيرِينْ.

مَلاخِـي 2:7

«وَ أَيِّ رَاجِلْ دِينْ، وَاجِبْ لِسَانَهْ يَحْفَضْ الْمَعْرَفَةْ وَ مِنْ خَشْمَهْ، الشَّعَبْ يَسْمَعَوْا شُرُوطْ التَّوْرَاةْ أَشَانْ هُو رَسُولْ اللّٰهْ الْقَادِرْ.

2 تِمُوتَاوُس 3:10

لَاكِنْ إِنْتَ رَافَقْتِنِي وَ تَعَرِفْنِي. شِفْتِنِي وَكِتْ أَنَا قَاعِدْ نِعَلِّمْ النَّاسْ وَ تَعَرِفْ حَالِي وَ نِيّتِي فِي كُلِّ شَيّءْ. تَعَرِفْ إِيمَانِي وَ صَبْرِي وَ مَحَبِّتِي وَ قَلْبِي الثَّابِتْ.

إرْمِيا 23:28

خَلِّي النَّبِي الْعِنْدَهْ رُؤْيَةْ يِحَجِّي بِرُؤْيِتَهْ. وَ لَاكِنْ الْعِنْدَهْ كَلَامِي أَنَا، خَلِّي يِحَجِّي كَلَامِي بِأَمَانْ. أَشَانْ الْقَشّ وَ الْقَنَادِيلْ مَا سَوَا.» وَ دَا كَلَامْ اللّٰهْ.

لُوقا 12:42

وَ الرَّبّ عِيسَى قَالْ: «يَاتُو مِنْكُو الْيَبْقَى مِثِلْ الْوَكِيلْ الْأَمِينْ وَ الْفَاهِمْ؟ سِيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ الْأَكِلْ فِي وَكْتَهْ.

عَزْرا 7:25

وَ إِنْتَ، يَا عَزْرَا، عَلَيْ حَسَبْ الْحِكْمَةْ الرَّبَّكْ أَنْطَاكْ، خُطّ قُضْيَاءْ وَ حُكَّامْ فِي الْمَنْطَقَةْ الْغَرِبْ لِبَحَرْ الْفُرَاتْ. وَ هُمَّنْ يَحْكُمُوا بِالْعَدِلْ فِي كُلَّ الشَّعَبْ الْيَعَرْفُوا تَوْرَاةْ إِلٰـهْكُو. وَ لِلنَّاسْ الْمَا يَعَرْفُوهَا كَمَانْ، عَلِّمْهُمْ.

1 تِمُوتَاوُس 1:18

يَا وِلَيْدِي تِمُوتَاوُسْ، الْوَصِيَّةْ الْأَنْطَيْتهَا لَيْك تِوَافِقْ مَعَ الْكَلَامْ الْأَتْنَبَّأَوْا بَيَّهْ الشُّيُوخْ فِي شَانَكْ. فَكِّرْ فِي الْكَلَامْ دَا وَ جَاهِدْ بَيَّهْ جِهَادْ عَدِيلْ.

1 تِمُوتَاوُس 1:12

وَ أَنَا نَشْكُرْ كَتِيرْ رَبِّنَا عِيسَى الْمَسِيحْ الْأَنْطَانِي الْقُدْرَةْ الْبَيْهَا نِسَوِّي الْخِدْمَةْ دِي. نَشْكُرَهْ أَشَانْ هُو جَعَلَانِي نَادُمْ أَمِينْ وَ عَزَلَانِي أَشَانْ نَخْدِمْ لَيَّهْ.

أمْثال 13:17

الْمُرْسَالْ الْهَوَانْ يَقَعْ فِي الشَّرّ وَ الْأَمِينْ يِجِيبْ السَّلَامْ.

1 تِمُوتَاوُس 4:14

خُطّ بَالَكْ فِي الْبَرَكَةْ الْاللّٰهْ أَنْطَاهَا لَيْك بِالْكَلَامْ الْأَتْنَبَّأَوْا بَيَّهْ جَمَاعَةْ الشُّيُوخْ وَكِتْ خَطَّوْا إِيدَيْهُمْ فَوْقَكْ.

1 كُرُنْتُس 4:2

وَ الشَّيّءْ الْوَاجِبْ لِأَيِّ نَادُمْ الْمَسْؤُولْ، هُو الصِّدِقْ.

عَزْرا 7:10

وَ عَزْرَا شَالْ نِيَّةْ مُخْلِصَةْ أَشَانْ يَقْرِي تَوْرَاةْ اللّٰهْ وَ يِطَبِّقَهْ فِي نَفْسَهْ وَ يِعَلِّمْ قَوَانِينَهْ وَ شُرُوطَهْ لِبَنِي إِسْرَائِيلْ.

2 تِمُوتَاوُس 3:14

لَاكِنْ إِنْتَ، أَقْعُدْ ثَابِتْ فِي كُلِّ شَيّءْ الْعَلَّمْتَهْ وَ آمَنْت بَيَّهْ بِإِيمَانْ قَوِي. تَعَرِفْ كَدَرْ النَّاسْ الْعَلَّمَوْك لَيَّهْ أَمِينِينْ.

كُلُوسِي 1:7

وَ إِنْتُو سِمِعْتُوا بِشَارَةْ الْمَسِيحْ مِنْ خَشُمْ حَبِيبْنَا أَبْفُرَاسْ الْهُو عَبْد الْمَسِيحْ مِثِلْنَا. هُو قَاعِدْ يَخْدِمْ لِلْمَسِيحْ بِأَمَانْ وَ يِمَثِّلْنَا فِي أُسُطْكُو.

زَبُور 101:6

عُيُونِي فِي النَّاسْ الْعِنْدُهُمْ أَمَانْ فِي الْبَلَدْ لِيَسْكُنُوا مَعَايِ وَ الْيَمْشِي عَدِيلْ يُكُونْ فِي خِدِمْتِي.

نَحَمْيا 7:2

وَ أَنَا كَلَّفْت أَخُويِ حَنَانِي كَبِيرْ فِي مَدِينَةْ الْقُدُسْ وَ مَعَايَهْ حَنَنْيَا مَسْؤُولْ فِي الْقَصِرْ. وَ هُو رَاجِلْ أَمِينْ وَ بَخَافْ الرَّبّ زِيَادَةْ مِنْ النَّاسْ الْآخَرِينْ.

1 صَمُوِيل 2:35

وَ نَعَزِلْ لِنَفْسِي رَاجِلْ دِينْ أَمِينْ أَشَانْ يِسَوِّي الشَّيّءْ الْقَلْبِي وَ نَفْسِي يِدَوْرُوهْ. وَ نِثَبِّتْ عَايِلْتَهْ لِتَخْدِمْ دَايْماً مَعَ الْمَلِكْ الْأَنَا مَسَحْتَهْ وَ دَرَّجْتَهْ.

عِبْرَانِيِّين 2:17

وَ بِسَبَبْ دَا، لَابُدَّ يَبْقَى مِثِلْ أَخْوَانَهْ فِي كُلَّ شَيّءْ وَ يَبْقَى لَيْهُمْ كَبِيرْ رُجَالْ الدِّينْ، الرَّحِيمْ وَ الْأَمِينْ، وَ يَخْدِمْ لِلّٰهْ وَ يِسَوِّي كَفَّارَةْ لِذُنُوبْ الشَّعَبْ.

1 تِمُوتَاوُس 5:22

مَا تِسَّعْجَلْ وَكِتْ تِدَوْر تِدَرِّجْ شَيْخ وَ مَا تِشَارِكْ فِي ذُنُوبْ هَنَا نَادُمْ آخَرْ. أَنْقَرِعْ مَا تِتَلِّفْ حَالَكْ الطَّاهِرَةْ.

مَتَّى 24:25

أَيْوَى، أَنَا أَوْرَيْتكُو بِالْكَلَامْ دَا قُبَّالْ مَا يُكُونْ.

مَتَّى 13:52

وَ عِيسَى قَالْ: «خَلَاصْ، أَيِّ نَادُمْ الْهُو عَالِمْ بِالتَّوْرَاةْ وَ بِقِي تِلْمِيذْ مَمْلَكَةْ اللّٰهْ، هُو مِثِلْ نَادُمْ وَاحِدْ سِيدْ بَيْت كَبِيرْ. وَ مِنْ خُمَامَهْ الْغَالِي الدَّمَّهْ فِي بَيْتَهْ، هُو يَقْدَرْ يَمْرُقْ شَيّءْ جَدِيدْ وَ شَيّءْ قَدِيمْ الْمَضْمُومْ مِنْ زَمَانْ كُلَ.»

عَدد 12:7

وَ لَاكِنْ دَا مَا مِثِلْ أَنَا قَاعِدْ نِسَوِّيهْ مَعَ مُوسَى عَبْدِي أَشَانْ هُو رَاجِلْ أَمِينْ فِي كُلَّ شَعَبِي.

2 كُرُنْتُس 2:14

وَ الْحَمْدُ للّٰهْ! اللّٰهْ قَاعِدْ دَايْماً يُقُودْنَا فِي مَجْمُوعَةْ التَّفْرَحْ بِالنَّصُرْ هَنَا الْمَسِيحْ. وَ فِي أَيِّ بَكَانْ، هُو يِوَزِّعْ بَيْنَا عِرْفَةْ اللّٰهْ الْمِثِلْ رِيحَةْ حَلُوَّةْ.

2 كُرُنْتُس 3:5

أَنِحْنَ بِنُفُوسْنَا مَا عِنْدِنَا الْقُدْرَةْ الْوَاجْبَةْ لِنِسَوُّوا الْخِدْمَةْ دِي. نَقْدَرَوْا نِسَوُّوا الْخِدْمَةْ دِي إِلَّا كَنْ اللّٰهْ أَنْطَانَا الْقُدْرَةْ الْوَاجْبَةْ.

لاوِيِّين 14:42

وَ يِشِيلُوا حُجَارْ آخَرِينْ وَ يُخُطُّوهُمْ فِي قَدّ الْحُجَارْ الْمَرَقَوْهُمْ. وَ يِشِيلُوا تُرَابْ آخَرْ لِيِطَلُّسُوا الْبَيْت مِنْ دَاخَلْ.