2 تِمُوتَاوُس 2:15 - الكتاب المقدس بالعربي الدارجي هنا تشاد

¹⁵ أَعَصِرْ قَلْبَكْ أَشَانْ تَبْقَى نَادُمْ الْاللّٰهْ يَرْضَى بَيَّهْ. أَبْقَى مِثِلْ خَدَّامْ الْخِدِمْتَهْ مَا تِسَبِّبْ لَيَّهْ عَيْب. فَسِّرْ كَلَامْ الْحَقّ بِتَفْسِيرْ عَدِيلْ.

2 تِمُوتَاوُس 2:15 Referenca të Kryqëzuara

1 تَسَلونِيكِي 2:4

بِالْعَكْس، اللّٰهْ شَافْ قُلُوبْنَا وَ كَلَّفَانَا بِالْبِشَارَةْ وَ أَشَانْ دَا بَسْ، نِبَشُّرُوا النَّاسْ. وَ نِبَشُّرُوهُمْ دَا، مَا أَشَانْ نِدَوْرُوا رِضَى مِنْهُمْ لَاكِنْ أَشَانْ نِدَوْرُوا رِضَى مِنْ اللّٰهْ الْيَكْشِفْ قُلُوبْنَا.

2 بُطْرُس 1:10

أَشَانْ دَا، يَا أَخْوَانِي، سَوُّوا جُهُدْ بِزِيَادَةْ أَشَانْ بِحَالْكُو دِي تِأَكُّدُوا كَدَرْ اللّٰهْ عَزَلَاكُو وَ نَادَاكُو فِي دَرْبَهْ. وَ كَنْ تِسَوُّوا مِثِلْ أَنَا قُلْتَهْ، أَبَداً مَا تَمُرْقُوا مِنْ الدَّرِبْ الْعَدِيلْ دَا.

1 تِمُوتَاوُس 4:6

كَنْ تِعَلِّمْ الْأَخْوَانْ الْوَصَايَا دَوْل، إِنْتَ تَبْقَى خَدَّامْ عَدِيلْ لِلْمَسِيحْ عِيسَى. وَ كَلَامْ الْإِيمَانْ وَ التَّعْلِيمْ الْعَدِيلْ التِّتَابِعَهْ، دَوْل يَبْقَوْا لَيْك مِثِلْ أَكِلْ الْيَنْطِيكْ قُدْرَةْ.

2 كُرُنْتُس 10:18

أَشَانْ النَّادُمْ الْاللّٰهْ يَشْهَدْ لَيَّهْ، هُو بَسْ الْاللّٰهْ قِبِلَهْ وَ مَا يَقْبَلْ النَّادُمْ الْيَشْهَدْ لِنَفْسَهْ.

2 كُرُنْتُس 5:9

وَ خَلَاصْ، زِيَادَةْ مِنْ كُلَّ شَيّءْ آخَرْ، نِدَوْرُوا نِسَوُّوا الشَّيّءْ الْيَرْضَى بَيَّهْ رَبِّنَا، كَنْ أَنِحْنَ نَسْكُنُوا فِي الْجِسِمْ الْأَرْضِي وَلَّا نِخَلُّوهْ.

2 كُرُنْتُس 4:2

وَ أَنِحْنَ أَبَيْنَا مَا تَابَعْنَا الْحَالْ التِّجِيبْ الْعَيْب وَ لَا الذُّنُوبْ الْيِسَوُّوهُمْ النَّاسْ بِعَشِيرْ. نَابَوْا مَا نِسَوُّوا شَيّءْ بِنَجَاضَةْ وَ أَبَداً مَا نِبَدُّلُوا كَلَامْ اللّٰهْ. لَا. لَاكِنْ قِدَّامْ اللّٰهْ نِكَلُّمُوا الْحَقّ بِكَلَامْ وَاضِحْ وَ نِخَلُّوا قَلِبْ هَنَا أَيِّ نَادُمْ يَشْهَدْ لِحَالْنَا الْعَدِيلَةْ.

2 بُطْرُس 3:14

يَا أَخْوَانِي النِّحِبُّكُو، دَا بَسْ الشَّيّءْ التَّرْجَوْه مِنْ اللّٰهْ. وَ أَشَانْ دَا، سَوُّوا جُهُدْ أَشَانْ تِعِيشُوا بِسَلَامْ قِدَّامَهْ بَلَا خَطَا وَ لَا عَيْب.

غَلاطِية 1:10

شُنُو فِكِرْكُو فِي الْكَلَامْ دَا؟ نِدَوْر نَلْقَى بَيَّهْ رِضَى مِنْ النَّاسْ وَلَّا رِضَى مِنْ اللّٰهْ؟ نِدَوْر نَعَجِبْ النَّاسْ وَلَّا؟ نُقُولْ لَيْكُو كَنْ أَنَا لِسَّاعْ نِدَوْر نَعَجِبْ النَّاسْ، خَلَاصْ أَنَا مَا عَبْد الْمَسِيحْ.

2 بُطْرُس 1:15

وَ نِسَوِّي جُهُدْ أَشَانْ بَعَدْ أَنَا فَارَقْت الدُّنْيَا، تَقْدَرَوْا تِفَكُّرُوا فِي الْكَلَامْ دَا فِي أَيِّ وَكِتْ.

أفَسُس 1:13

وَ إِنْتُو كُلَ، سِمِعْتُوا كَلَامْ الْحَقّ فِي بِشَارَةْ الْمَسِيحْ الْبَيْهَا نِجِيتُوا وَ بِقِيتُوا مُؤمِنِينْ بِالْمَسِيحْ. وَ بِسَبَبْ عَلَاقِتْكُو مَعَ الْمَسِيحْ، اللّٰهْ نَزَّلْ فَوْقكُو الرُّوحْ الْقُدُّوسْ الْوَاعَدَانَا بَيَّهْ وَ هُو مِثِلْ الْوَسِمْ الْاللّٰهْ خَطَّاهْ فَوْقكُو.

1 تَسَلونِيكِي 5:14

يَا أَخْوَانِي، أَسْمَعَوْا وَصَايَانَا. حَذُّرُوا الْعَاطِلِينْ وَ ثَبُّتُوا الْخَوَّافِينْ وَ سَاعُدُوا الضَّعِيفِينْ. وَ أَصْبُرُوا لِكُلَّ النَّاسْ.

2 كُرُنْتُس 3:6

أَيْوَى، هُو أَنْطَانَا الْقُدْرَةْ لِنَبْقَوْا خَدَّامِينْ وَ نَخْدُمُوا لِلّٰهْ فِي الْمُعَاهَدَةْ الْجَدِيدَةْ. وَ الْمُعَاهَدَةْ الْجَدِيدَةْ دِي مَا هَنَا شُرُوطْ مَكْتُوبِينْ وَ لَاكِنْ هَنَا رُوحْ اللّٰهْ. أَشَانْ مُعَاهَدَةْ الشُّرُوطْ الْمَكْتُوبِينْ تِجِيبْ الْمَوْت وَ لَاكِنْ رُوحْ اللّٰهْ يِجِيبْ الْحَيَاةْ.

رَوْمَا 14:18

النَّادُمْ الْيِتَابِعْ الْمَسِيحْ مِثِلْ دَا، اللّٰهْ يَرْضَى بَيَّهْ وَ النَّاسْ كُلَ يِكَرُّمُوهْ.

عِبْرَانِيِّين 4:11

وَ خَلَاصْ، خَلِّي نِجَاهُدُوا لِنَدْخُلُوا فِي الرَّاحَةْ دِي، أَشَانْ نَادُمْ مِنِّنَا مَا يِوَدِّرْ بِسَبَبْ الْعِصْيَانْ مِثِلْ جُدُودْنَا.

يَعْقُوب 1:18

بِوَاسِطَةْ كَلَامْ الْحَقّ، اللّٰهْ أَنْطَانَا الْحَيَاةْ الْجَدِيدَةْ بِنِيّتَهْ أَشَانْ أَنِحْنَ نَبْقَوْا مُهِمِّينْ مِنْ كُلَّ مَخْلُوقِينَهْ.

1 كُرُنْتُس 2:6

وَ لَاكِنْ كَنْ أَنِحْنَ قَاعِدِينْ مَعَ مُؤمِنِينْ كُبَارْ فِي الْإِيمَانْ، نِكَلُّمُوا لَيْهُمْ بِحِكْمَةْ عَدِيلَةْ. وَ الْحِكْمَةْ دِي مَا تِشَابِهْ حِكْمَةْ نَاسْ الدُّنْيَا وَ لَا حِكْمَةْ كُبَارَاتْ نَاسْ الدُّنْيَا اللَّابُدَّ يَبْقَوْا مَا فِيهُمْ.

أعمال الرُسُل 2:22

«يَا بَنِي إِسْرَائِيلْ، أَسْمَعَوْا كَلَامِي! اللّٰهْ وَصَّفْ لَيْكُو سُلْطَةْ عِيسَى الْمِنْ النَّاصِرَةْ. أَشَانْ بَيَّهْ هُو اللّٰهْ سَوَّى أَعْمَالْ كُبَارْ وَ عَجَايِبْ وَ عَلَامَاتْ فِي أُسُطْكُو. وَ إِنْتُو ذَاتْكُو تَعَرْفُوهْ عَدِيلْ.

أعمال الرُسُل 20:27

أَنَا بَلَّغْت لَيْكُو هَدَفْ اللّٰهْ كُلَّ كَيْ وَ مَا لَبَّدْت مِنْكُو شَيّءْ وَاحِدْ.

مَتَّى 13:52

وَ عِيسَى قَالْ: «خَلَاصْ، أَيِّ نَادُمْ الْهُو عَالِمْ بِالتَّوْرَاةْ وَ بِقِي تِلْمِيذْ مَمْلَكَةْ اللّٰهْ، هُو مِثِلْ نَادُمْ وَاحِدْ سِيدْ بَيْت كَبِيرْ. وَ مِنْ خُمَامَهْ الْغَالِي الدَّمَّهْ فِي بَيْتَهْ، هُو يَقْدَرْ يَمْرُقْ شَيّءْ جَدِيدْ وَ شَيّءْ قَدِيمْ الْمَضْمُومْ مِنْ زَمَانْ كُلَ.»

رَوْمَا 16:10

وَ سَلُّمُوا أَفَلِيسْ الْوَصَّفْ ثَبَاتَهْ فِي الْمَسِيحْ. وَ سَلُّمُوا الْأَخْوَانْ فِي بَيْت أَرِسْتُبُولْ.

لُوقا 12:42

وَ الرَّبّ عِيسَى قَالْ: «يَاتُو مِنْكُو الْيَبْقَى مِثِلْ الْوَكِيلْ الْأَمِينْ وَ الْفَاهِمْ؟ سِيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ الْأَكِلْ فِي وَكْتَهْ.

مَرْخُوس 4:33

وَ عِيسَى حَجَّى لِلنَّاسْ بِأَمْثَالْ كَتِيرِينْ مِثِلْ الْأَمْثَالْ دَوْل وَ بَلَّغْ لَيْهُمْ كَلَامْ اللّٰهْ. وَ حَجَّى لَيْهُمْ بِكَلَامْ مَا قَاسِي لِيَفْهَمَوْه.

رَوْمَا 6:13

مَا تِسَلُّمُوا بَتَّانْ أَجْسَامْكُو لِلذَّنِبْ مِثِلْ آلَةْ الْيِسَوُّوا بَيْهَا الشَّرّ. لَاكِنْ بِالْعَكْس، إِنْتُو ذَاتْكُو سَلُّمُوا نُفُوسْكُو لِلّٰهْ مِثِلْ نَاسْ الْبَعَثَوْا مِنْ أُسْط الْمَيْتِينْ. وَ سَلُّمُوا أَجْسَامْكُو لِلّٰهْ مِثِلْ آلَةْ الْيِسَوُّوا بَيْهَا الْخَيْر.

يَعْقُوب 1:12

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.