2 تِمُوتَاوُس 2:12 - الكتاب المقدس بالعربي الدارجي هنا تشاد

¹² وَ كَنْ نَحْمَلَوْا التَّعَبْ فِي شَانَهْ، نَمُلْكُوا مَعَايَهْ. وَ كَنْ نَنْكُرُوهْ، هُو كُلَ يَنْكُرْنَا.

2 تِمُوتَاوُس 2:12 Referenca të Kryqëzuara

رَوْمَا 8:17

وَ كَنْ أَنِحْنَ عِيَالَهْ، أَنِحْنَ كُلَ مِثِلْ وُرَّاثَهْ. أَنِحْنَ وُرَّاثْ اللّٰهْ، أَيْوَى، وُرَّاثَهْ مَعَ الْمَسِيحْ. أَشَانْ كَنْ نَتْعَبَوْا مَعَ الْمَسِيحْ، نَدْخُلُوا مَعَ الْمَسِيحْ فِي مَجْدَهْ كُلَ.

مَتَّى 10:33

وَ أَيِّ نَادُمْ الْيَنْكُرْنِي قِدَّامْ النَّاسْ، أَنَا كُلَ نَنْكُرَهْ قِدَّامْ أَبُويِ اللّٰهْ.

رُؤية 20:4

وَ شِفْت كَرَاسِي وَ الْقَاعِدِينْ فَوْقهُمْ الْكَلَّفَوْهُمْ بِالشَّرِيعَةْ. وَ شِفْت النَّاسْ الْقَطَعَوْا رُوسَيْهُمْ أَشَانْ تَابَعَوْا شَهَادَةْ عِيسَى وَ كَلَامْ اللّٰهْ وَ النَّاسْ الْمَا سَجَدَوْا لِلْحَيْوَانْ الْفَسِلْ وَ لَا صَنَمَهْ وَ مَا قِبْلَوْا وَسْمَهْ وَ لَا فِي جَبْهَاتْهُمْ وَ لَا فِي إِيدَيْهُمْ. وَ هُمَّنْ حِيَوْا وَ حَكَمَوْا مَعَ الْمَسِيحْ مُدَّةْ أَلِفْ سَنَةْ.

رُؤية 20:6

مَبْرُوكْ لِأَيِّ نَادُمْ الْيِشَارِكْ فِي الْبُعَاثْ الْأَوَّلَانِي. هُو يَبْقَى خَاصّ لِلّٰهْ. وَ الْمَوْت التَّانِي مَا عِنْدَهْ قُدْرَةْ فِي النَّاسْ دَوْل. هُمَّنْ يَبْقَوْا رُجَالْ دِينْ وَ يَعَبُدُوا اللّٰهْ وَ الْمَسِيحْ وَ يَحْكُمُوا مَعَايَهْ مُدَّةْ أَلِفْ سَنَةْ.

لُوقا 12:9

وَ لَاكِنْ أَيِّ نَادُمْ الْيَنْكُرْنِي قِدَّامْ النَّاسْ، أَنَا كُلَ نَنْكُرَهْ قِدَّامْ مَلَائِكَةْ اللّٰهْ.

رُؤية 5:10

وَ إِنْتَ كَوَّنْتُهُمْ مَمْلَكَةْ وَ سَوَّيْتهُمْ رُجَالْ دِينْ أَشَانْ يَعَبُدُوا اللّٰهْ وَ يَحْكُمُوا فِي الْأَرْض.»

لُوقا 9:26

وَ أَيِّ نَادُمْ الْيَنْكُرْنِي بِسَبَبْ الْعَيْب الْيَلْقَى مِنْ النَّاسْ، أَنَا إِبْن الْإِنْسَانْ نَنْكُرَهْ وَكِتْ نِقَبِّلْ بِقُدُرْتِي الْمَجِيدَةْ وَ بِقُدْرَةْ الْمَجِيدَةْ هَنَا أَبُويِ اللّٰهْ وَ مَلَائِكَتَهْ الْمُقَدَّسِينْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.

رُؤية 1:9

وَ أَنَا يُوحَنَّا أَخُوكُو الْقَاعِدْ نِتَابِعْ عِيسَى مِثِلْكُو. أَنَا كُلَ مُشَارِكْ مَعَاكُو فِي التَّعَبْ وَ فِي مَمْلَكَةْ اللّٰهْ وَ نَحْمَلْ التَّعَبْ بِصَبُرْ مِثِلْكُو. وَ كَرَبَوْنِي أَشَانْ بَلَّغْت لِلنَّاسْ كَلَامْ اللّٰهْ وَ شَهَادَةْ عِيسَى الْمَسِيحْ. وَ هَسَّعْ أَنَا مَسْجُونْ فِي الْجَزِيرَةْ الْأُسُمْهَا بَطْمُسْ.

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

فِلِبِّي 1:28

مَا تِخَلُّوا الْخَوْف يِسَوِّيكُو بِسَبَبْ أَيِّ خِدْمَةْ الْيِسَوُّوهَا النَّاسْ الْيِخَالُفُوكُو. وَ دَا يَبْقَى لَيْهُمْ عَلَامَةْ التِّوَصِّفْ كَدَرْ هُمَّنْ فِي دَرِبْ الْهَلَاكْ وَ إِنْتُو فِي دَرِبْ النَّجَاةْ. وَ الْيِنَجِّيكُو، هُو اللّٰهْ.

مَرْخُوس 8:38

أَكِيدْ نَاسْ الْوَكِتْ الْحَالِي مُذْنِبِينْ وَ خَايْنِينْ. وَ أَيِّ نَادُمْ الْيَنْكُرْنِي بِسَبَبْ الْعَيْب الْيَلْقَاهْ مِنْهُمْ، أَنَا إِبْن الْإِنْسَانْ نَنْكُرَهْ وَكِتْ نِقَبِّلْ بِقُدْرَةْ أَبُويِ اللّٰهْ الْمَجِيدَةْ مَعَ مَلَائِكَتَهْ الْمُقَدَّسِينْ.»

مَتَّى 26:35

وَ بُطْرُسْ قَالْ: «أَنَا كَنْ نُمُوتْ مَعَاكْ كُلَ، أَبَداً مَا نَنْكُرَكْ!» وَ كُلَّ التَّلَامِيذ قَالَوْا نَفْس الشَّيّءْ.

رُؤية 3:8

أَنَا نَعَرِفْ كُلَّ شَيّءْ السَّوَّيْتَهْ. وَ نَعَرِفْ عِنْدَكْ قُدْرَةْ شِيَّةْ بَسْ وَ لَاكِنْ مَا فَشَلْت. إِنْتَ تَابَعْت كَلَامِي عَدِيلْ وَ مَا نَكَرْت أُسْمِي. وَ شِيفْ، أَنَا فَتَحْت الدَّرِبْ قِدَّامَكْ وَ مَا فِي نَادُمْ الْيَقْدَرْ يِسِدَّهْ.

أمْثال 30:9

أَشَانْ كَنْ غِنِيتْ وَ شِبِعْت، أَكُونْ نَكْفُرْ وَ نُقُولْ: «اللّٰهْ دَا يَاتُو؟» أَوْ كَنْ فِقِرْت وَ تِعِبْت، أَكُونْ نَسْرِقْ وَ نِتَلِّفْ أُسْمَكْ، يَا إِلٰـهِي.

أعمال الرُسُل 14:22

وَ فِي كُلَّ الْحِلَّالْ دَوْل، شَجَّعَوْا التَّلَامِيذ وَ وَصَّوْهُمْ أَشَانْ يَقْعُدُوا ثَابْتِينْ فِي الْإِيمَانْ. وَ قَالَوْا لَيْهُمْ: «أَكِيدْ، تَعَبْ كَتِيرْ يَجِي فَوْقنَا كُلِّنَا فِي الدَّرِبْ الْيِوَدِّينَا فِي مَمْلَكَةْ اللّٰهْ.»

مَرْخُوس 10:33

وَ عِيسَى قَالْ: «أَسْمَعَوْا. أَنِحْنَ مَاشِينْ لِمَدِينَةْ الْقُدُسْ. وَ هِنَاكْ يِسَلُّمُوا إِبْن الْإِنْسَانْ لِكُبَارَاتْ رُجَالْ الدِّينْ وَ لِلْعُلَمَاءْ. وَ هُمَّنْ يَحْكُمُوا لَيَّهْ بِالْمَوْت وَ يِسَلُّمُوهْ لِلْمَا مُؤمِنِينْ.

مَتَّى 26:75

وَ بُطْرُسْ فَكَّرْ فِي الْكَلَامْ الْعِيسَى قَالَهْ: «قُبَّالْ الدِّيكْ مَا يِعَوْعِي، تَنْكُرْنِي تَلَاتَةْ مَرَّاتْ.» وَ خَلَاصْ، بُطْرُسْ مَرَقْ مِنْ الْبَيْت وَ بَكَى بَكِي شَدِيدْ.

رُؤية 1:6

وَ هُو كَوَّنَانَا مَمْلَكَةْ وَ سَوَّانَا كُلِّنَا رُجَالْ دِينْ أَشَانْ نَعَبُدُوا اللّٰهْ أَبُوهْ. وَ وَاجِبْ لِعِيسَى الْمَسِيحْ الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

لُوقا 22:29

وَ مِثِلْ أَبُويِ اللّٰهْ أَنْطَانِي مَمْلَكَةْ، أَنَا كُلَ نَنْطِيكُو مَمْلَكَةْ.

لُوقا 22:30

وَ تَاكُلُوا وَ تَشَرْبَوْا فِي نَفْس الدَّبَلَايْ مَعَايِ فِي مَمْلَكَتِي وَ تَقْعُدُوا فِي كَرَاسِي وَ تَحْكُمُوا قَبَايِلْ بَنِي إِسْرَائِيلْ الْأَتْنَا عَشَرْ.»

رَوْمَا 5:17

أَكِيدْ الْمَوْت جَاءْ بِسَبَبْ خَطَا هَنَا النَّادُمْ الْوَاحِدْ دَا. وَ بِسَبَبْ النَّادُمْ الْوَاحِدْ دَا بَسْ، الْمَوْت مَلَكْ فِي النَّاسْ. وَ لَاكِنْ النَّاسْ اللِّقَوْا نِعْمَةْ اللّٰهْ الْكَبِيرَةْ بِلْحَيْن وَ بِقَوْا صَالِحِينْ بِالْعَطِيَّةْ الْبَلَا تَمَنْ، هُمَّنْ يَمُلْكُوا فِي الْحَيَاةْ الْأَبَدِيَّةْ بِالنَّادُمْ الْوَاحِدْ عِيسَى الْمَسِيحْ.

1 تِمُوتَاوُس 5:8

وَ أَيِّ نَادُمْ الْيَابَى مَا يِرَيِّسْ أَهَلَهْ وَ خَاصَّةً نَاسْ بَيْتَهْ، هُو نَكَرْ الْإِيمَانْ خَلَاصْ. نَادُمْ كَافِرْ أَخَيْر مِنَّهْ.

رُؤية 3:10

إِنْتَ تَابَعْت كَلَامِي بِصَبُرْ كَتِيرْ. أَشَانْ دَا، نَحْفَضَكْ مِنْ الضِّيقَةْ التَّجِي فِي كُلَّ نَاسْ الدُّنْيَا. الضِّيقَةْ دِي تِجَرِّبْهُمْ لِسُكَّانْ الْأَرْض.

رُؤية 3:21

وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَقْعُدْ مَعَايِ فِي عَرْشِي. أَيْوَى، هُو يِسَوِّي مِثِلْ أَنَا ذَاتِي أَنَّصَرْت وَ قَعَدْت مَعَ أَبُويِ اللّٰهْ فِي عَرْشَهْ.