11 الْكَلَامْ دَا حَقّ. كَنْ مُتْنَا مَعَايَهْ، نَحْيَوْا مَعَايَهْ.
وَ كَنْ مُتْنَا مَعَ الْمَسِيحْ، نِآمُنُوا كَدَرْ نَحْيَوْا مَعَايَهْ كُلَ.
نُقُولُوا الْمَسِيحْ عِيسَى جَاءْ فِي الدُّنْيَا أَشَانْ يِنَجِّي الْمُذْنِبِينْ وَ الْكَلَامْ دَا حَقّ وَ وَاجِبْ لِكُلَّ النَّاسْ يِصَدُّقُوا بَيَّهْ. وَ أَنَا أَذْنَبْت فَوْقَهْ زِيَادَةْ مِنْ كُلَّ النَّاسْ.
أَشَانْ كَنْ أَنِحْنَ بِقِينَا وَاحِدْ مَعَ الْمَسِيحْ وَ مُتْنَا مَعَايَهْ فِي مَوْتَهْ، أَكِيدْ نَبْقَوْا مَعَايَهْ وَاحِدْ فِي بُعَاثَهْ.
الْمَسِيحْ تِعِبْ وَ مَاتْ. وَ فِي أَيِّ بَكَانْ، أَنِحْنَ كُلَ نَتْعَبَوْا مِثْلَهْ أَشَانْ حَيَاةْ عِيسَى تِنْشَافْ فِي جِسِمْنَا.
بَعَدْ وَكِتْ شِيَّةْ بَسْ، نَاسْ الدُّنْيَا مَا يِشِيفُونِي بَتَّانْ. لَاكِنْ إِنْتُو تِشِيفُونِي. أَنَا نَحْيَى وَ أَشَانْ دَا، إِنْتُو كُلَ تَحْيَوْا.
وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.
الْمَسِيحْ مَاتْ فِي شَانَّا وَ بَيْدَا، كَنْ أَنِحْنَ حَيِّينْ وَلَّا مَيْتِينْ كُلَ فِي يَوْم جَيْتَهْ، نِعِيشُوا مَعَايَهْ سَوَا.
وَ بَعَدْ دَا، أَنِحْنَ الْحَيِّينْ اللِّسَّاعْنَا مَا مُتْنَا، اللّٰهْ يَرْفَعْنَا مَعَاهُمْ سَوَا فِي السَّحَابْ وَ نِلِمُّوا مَعَ الرَّبّ فَوْق فِي السَّمَاءْ. وَ خَلَاصْ، نَقْعُدُوا دَايْماً مَعَ الرَّبّ.
صَحِيحْ، الْمَسِيحْ خَلَّى مِنَّهْ الْقُدْرَةْ وَ مَاتْ فِي الصَّلِيبْ لَاكِنْ هُو حَيّ بِقُدْرَةْ اللّٰهْ. وَ فِي عَلَاقِتْنَا مَعَايَهْ، أَنِحْنَ مَا عِنْدِنَا قُدْرَةْ لَاكِنْ نَحْيَوْا مَعَايَهْ بِقُدْرَةْ اللّٰهْ. وَ الْقُدْرَةْ دِي، أَنِحْنَ نِوَصُّفُوهَا لَيْكُو.
نُقُولُوا كَنْ نَادُمْ يِدَوْر يَبْقَى وَاحِدْ مِنْ مَسَائِيلْ الْمُؤمِنِينْ، هُو يِدَوْر يُقُمّ بِخِدْمَةْ كَرِيمَةْ. وَ الْكَلَامْ دَا حَقّ.