2 تِمُوتَاوُس 2:10 - الكتاب المقدس بالعربي الدارجي هنا تشاد

¹⁰ وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

2 تِمُوتَاوُس 2:10 Referenca të Kryqëzuara

كُلُوسِي 1:24

وَ أَنَا فَرْحَانْ بِتَعَبِي أَشَانْ أَنَا قَاعِدْ نَتْعَبْ فِي شَانْكُو. وَ فِي جِسْمِي، نَحْمَلْ كُلَّ التَّعَبْ الْيِقَصِّرْ لِلْمَسِيحْ فِي شَانْ أُمَّتَه الْهِي جِسْمَهْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

2 تِمُوتَاوُس 2:3

أَقْبَلْ التَّعَبْ مِثِلْ عَسْكَرِي عَدِيلْ هَنَا الْمَسِيحْ عِيسَى.

2 كُرُنْتُس 1:6

كَنْ أَنِحْنَ قَاعِدِينْ فِي الضِّيقَةْ، دَا بِقِي أَشَانْ إِنْتُو تَلْقَوْا الشَّجَاعَةْ وَ النَّجَاةْ. وَ كَنْ اللّٰهْ أَنْطَانَا الشَّجَاعَةْ، دَا بِقِي أَشَانْ إِنْتُو كُلَ تَلْقَوْا الشَّجَاعَةْ وَ تَقْدَرَوْا تَحْمَلَوْا التَّعَبْ بِصَبُرْ مِثِلْنَا.

2 كُرُنْتُس 4:17

وَ التَّعَبْ الْعِنْدِنَا هَسَّعْ دَا، هُو خَفِيفْ وَ مَا يِطَوِّلْ. لَاكِنْ التَّعَبْ دَا يِجَهِّزْنَا لِلْمَجْد الْعَظِيمْ الْأَبَداً مَا يِكَمِّلْ.

1 بُطْرُس 2:10

وَ مَكْتُوبْ فِي الْكِتَابْ: <أَوَّلْ إِنْتُو مَا شَعَبْ اللّٰهْ لَاكِنْ هَسَّعْ إِنْتُو بِقِيتُوا شَعَبَهْ. أَوَّلْ رَحْمَةْ اللّٰهْ مَا جَاتْ فَوْقكُو لَاكِنْ هَسَّعْ رَحْمَتَهْ جَاتْ فَوْقكُو خَلَاصْ.>

1 تَسَلونِيكِي 5:9

أَشَانْ اللّٰهْ مَا قَدَّرْ لَيْنَا الْعَذَابْ. لَا. هُو قَدَّرْ لَيْنَا النَّجَاةْ بِرَبِّنَا عِيسَى الْمَسِيحْ.

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

أفَسُس 3:13

وَ أَشَانْ كُلَّ الْكَلَامْ دَا، نَطْلُبْ مِنْكُو مَا تَحْزَنَوْا لَيِّ فِي تَعَبِي. أَنَا قَاعِدْ نَتْعَبْ مِثِلْ دَا فِي شَانْكُو إِنْتُو وَ دَا يَبْقَى لِفَايْدِتْكُو الْمَجِيدَةْ.

2 كُرُنْتُس 4:15

وَ كُلَّ خِدْمِتْنَا دِي لِفَايْدِتْكُو. وَ نَخْدُمُوا أَشَانْ رَحْمَةْ اللّٰهْ تَلْحَقْ كُلَّ النَّاسْ وَ هُمَّنْ يَشْكُرُوا اللّٰهْ زِيَادَةْ وَ كُلُّهُمْ يِمَجُّدُوهْ.

1 كُرُنْتُس 9:22

وَ كَنْ أَنَا قَاعِدْ مَعَ النَّاسْ الْمَا عِنْدُهُمْ قُدْرَةْ، أَنَا كُلَ نِسَوِّي نَفْسِي نَادُمْ الْمَا عِنْدَهْ قُدْرَةْ لِنِجِيبْ الْمَا عِنْدُهُمْ قُدْرَةْ فِي دَرِبْ النَّجَاةْ. أَنَا نِسَوِّي نَفْسِي مِثِلْ أَيِّ نَادُمْ فِي أَيِّ حَالْ لِنِنَجِّي وَاحِدِينْ مِنْهُمْ بِأَيِّ دَلِيلْ.

رَوْمَا 9:23

وَ اللّٰهْ حِمِلَاهُمْ طَوَّلْ أَشَانْ دَوَّرْ يِبَيِّنْ كُتُرْ خَيْرَهْ الْمَجِيدْ لِمَوَاعِينْ آخَرِينْ الْهُو يِدَوْر يَرْحَمْهُمْ وَ جَهَّزَاهُمْ لِيَدْخُلُوا فِي مَجْدَهْ.

رَوْمَا 2:7

هُو يَنْطِي الْحَيَاةْ الْأَبَدِيَّةْ لِلنَّاسْ الْيِسَوُّوا الْخَيْر وَ يِفَتُّشُوا دَايْماً مِنْ اللّٰهْ الْمَجْد وَ الشَّرَفْ وَ الْحَيَاةْ الْمَا عِنْدَهَا حَدّ.

يُوحَنَّا 17:24

«يَا أَبُويِ، نِدَوْر كَدَرْ النَّاسْ الْأَنْطَيْتهُمْ لَيِّ يَقْعُدُوا مَعَايِ فِي الْبَكَانْ الْأَنَا نَقْعُدْ فَوْقَهْ. أَشَانْ هِنَاكْ يِشِيفُوا الْمَجْد الْإِنْتَ أَنْطَيْتنِي. وَ دَا بِسَبَبْ مَحَبِّتَكْ لَيِّ مِنْ قُبَّالْ بِدَايَةْ الدُّنْيَا.

يُوحَنَّا 17:9

«وَ أَنَا نَسْأَلَكْ لَيْهُمْ. أَنَا مَا نَسْأَلَكْ لِنَاسْ الدُّنْيَا لَاكِنْ لِلنَّاسْ الْإِنْتَ كَلَّفْتِنِي بَيْهُمْ أَشَانْ هُمَّنْ هِنَيْك.

يُوحَنَّا 11:52

وَ دَا مَا لِأُمَّةْ الْيَهُودْ وِحَيْدهَا. دَا يَبْقَى لِكُلَّ عِيَالْ اللّٰهْ الْمُشَتَّتِينْ لِيِلِمُّوهُمْ أُمَّةْ وَاحِدَةْ.

مَتَّى 24:31

وَ حِسّ الْبُرُنْجِي الْعَظِيمْ يِنْسَمِعْ وَ هُو يِرَسِّلْ مَلَائِكَتَهْ فِي أَيِّ جِيهَةْ أَشَانْ يِلِمُّوا النَّاسْ الْعَزَلَاهُمْ مِنْ أَيِّ بَكَانْ فِي الْأَرْض.

مَتَّى 24:24

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ كُبَارْ وَ عَجَايِبْ لَحَدِّي يُغُشُّوا النَّاسْ الْاللّٰهْ عَزَلَاهُمْ، كَنْ دَا مُمْكِنْ.

مَتَّى 24:22

وَ كَنْ اللّٰهْ مَا نَقَصْ عَدَدْ أَيَّامْ التَّعَبْ دَا، نَادُمْ وَاحِدْ مَا يَنْجَى. وَ لَاكِنْ اللّٰهْ فَكَّرْ فِي النَّاسْ الْعَزَلَاهُمْ وَ فِي شَانْهُمْ هُو نَقَصْ عَدَدْ أَيَّامْ التَّعَبْ دَا.

أمْثال 8:35

أَشَانْ الْيَلْقَانِي، يَلْقَى الْحَيَاةْ وَ يَلْقَى رِضَى مِنْ اللّٰهْ.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

لُوقا 18:7

وَ فِي فِكِرْكُو، اللّٰهْ مَا يَنْصُرْهُمْ لِنَاسَهْ الْعَزَلَاهُمْ الْيَصْرَخَوْا لَيَّهْ لَيْل وَ نَهَارْ وَلَّا؟ يِأَخِّرْ لَيْهُمْ وَلَّا؟

1 كُرُنْتُس 1:21

أَشَانْ اللّٰهْ سَوَّى كُلَّ شَيّءْ حَسَبْ حِكْمَتَهْ وَ لَاكِنْ نَاسْ الدُّنْيَا مَا أَعْتَرَفَوْا بَيَّهْ. وَ خَلَاصْ اللّٰهْ شَالْ نِيَّةْ أَشَانْ يِنَجِّي النَّاسْ الْيِآمُنُوا بَيَّهْ بِطَرِيقْ الْبِشَارَةْ، حَتَّى كَانْ نَاسْ الدُّنْيَا يِشِيفُوهْ كَلامْ بَاطِلْ كُلَ.

2 كُرُنْتُس 12:15

وَ فِي شَانْكُو إِنْتُو، نَنْطِي بِفَرَحْ كُلَّ شَيّءْ الْعِنْدِي وَ نَنْطِي نَفْسِي فِي شَانْكُو بَتَّانْ. كَنْ نِحِبُّكُو كَتِيرْ، هَلْ إِنْتُو تِحِبُّونِي شِيَّةْ وَلَّا؟

2 تِمُوتَاوُس 1:1

جَوَابْ مِنِّي أَنَا بُولُسْ رَسُولْ هَنَا عِيسَى الْمَسِيحْ بِإِذِنْ اللّٰهْ. وَ هُو جَعَلَانِي رَسُولْ أَشَانْ نِبَلِّغْ الْحَيَاةْ الْأَبَدِيَّةْ الْاللّٰهْ وَاعَدَانَا بَيْهَا وَ أَنْطَاهَا بِعِيسَى الْمَسِيحْ.

2 تِمُوتَاوُس 2:1

وَ إِنْتَ، يَا وِلَيْدِي، أَبْقَى ثَابِتْ فِي النِّعْمَةْ الْعِنْدِنَا فِي الْمَسِيحْ عِيسَى.

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

لُوقا 22:57

وَ بُطْرُسْ نَكَرْ وَ قَالْ: «مَرَةْ زَيْنَةْ، أَنَا مَا نَعَرْفَهْ.»