2 تِمُوتَاوُس 1:3 - الكتاب المقدس بالعربي الدارجي هنا تشاد

³ فِي شَانَكْ إِنْتَ، نَشْكُرْ اللّٰهْ النَّعَبُدَهْ مِثِلْ جُدُودِي عَبَدَوْه بِنِيَّةْ مُخْلِصَةْ وَ نِفَكِّرْ فَوْقَكْ دَايْماً وَكِتْ نَدْعِي لَيْل وَ نَهَارْ.

2 تِمُوتَاوُس 1:3 Referenca të Kryqëzuara

عِبْرَانِيِّين 13:8

عِيسَى الْمَسِيحْ أَبَداً مَا يِلْغَيَّرْ. هُو قَاعِدْ مِنْ أَوَّلْ وَ الْيَوْم وَ إِلَى الْأَبَدْ.

أعمال الرُسُل 23:1

وَ بُولُسْ قَاعِدْ يِشِيفْ نَاسْ الْمَجْلَسْ عَدِيلْ فِي عُيُونْهُمْ وَ قَالْ: «يَا الْأَخْوَانْ، كُلَّ حَيَاتِي أَنَا عِشْتَهَا بِنِيَّةْ مُخْلِصَةْ قِدَّامْ اللّٰهْ.»

أعمال الرُسُل 24:14

«لَاكِنْ شَيّءْ وَاحِدْ بَسْ صَحِيحْ مِنْ الْكَلَامْ الْقَالَوْه قِدَّامَكْ. وَ دَاهُو. أَنَا عَابِدْ اللّٰهْ رَبّ جُدُودْنَا حَسَبْ دَرِبْ عِيسَى الْمَسِيحْ الْهُمَّنْ يُقُولُوا مَا عَدِيلْ. وَ لَاكِنْ أَنَا مُؤمِنْ بِكُلَّ شَيّءْ الْمَكْتُوبْ فِي التَّوْرَاةْ وَ كُتُبْ الْأَنْبِيَاء.

1 تِمُوتَاوُس 1:19

أَكْرُبْ الْإِيمَانْ قَوِي وَ سَوِّي كُلِّ شَيّءْ بِنِيَّةْ مُخْلِصَةْ. نَاسْ وَاحِدِينْ خَلَّوْا مِنْهُمْ النِّيَّةْ الْمُخْلِصَةْ وَ تَلَّفَوْا إِيمَانْهُمْ مَرَّةْ وَاحِدْ.

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

أعمال الرُسُل 24:16

وَ أَشَانْ دَا، أَنَا نَعَصِرْ قَلْبِي أَشَانْ نِعِيشْ دَايْماً بِنِيَّةْ مُخْلِصَةْ قِدَّامْ اللّٰهْ وَ قِدَّامْ النَّاسْ.

أعمال الرُسُل 22:3

«أَنَا يَهُودِي وِلْدَوْنِي فِي حِلَّةْ طَرْسُوسْ فِي بَلَدْ كِلِكِيَّةْ وَ لَاكِنْ رَبَّوْنِي هِنِي فِي مَدِينَةْ الْقُدُسْ. وَ بِقِيتْ تِلْمِيذْ هَنَا سَيِّدْنَا قَمَلِيِيلْ وَ هُو عَلَّمَانِي كِكَّيْف نِتَابِعْ شُرُوطْ التَّوْرَاةْ هَنَا جُدُودْنَا عَدِيلْ وَ نِتَابِعْ كَلَامْ اللّٰهْ بِشِدَّةْ مِثِلْكُو إِنْتُو كُلُّكُو الْقَاعِدِينْ هِنِي الْيَوْم.

2 تِمُوتَاوُس 3:15

مِنْ إِنْتَ صَغَيَّرْ، عِرِفْت كِتَابْ اللّٰهْ الْأَنْطَاكْ الْعِلِمْ الْيِوَدِّيكْ لِلنَّجَاةْ بِالْإِيمَانْ بِالْمَسِيحْ عِيسَى.

2 تِمُوتَاوُس 1:5

أَنَا قَاعِدْ نِفَكِّرْ فِي إِيمَانَكْ الْمُخْلِصْ الْمِثِلْ الْإِيمَانْ الْأَوَّلْ شِفْتَهْ فِي جِدِّتَكْ لُوِيسَةْ وَ أَمَّكْ يُونِكَةْ وَ هَسَّعْ أَكِيدْ قَاعِدْ فَوْقَكْ إِنْتَ.

1 تَسَلونِيكِي 3:10

لَيْل وَ نَهَارْ نَسْأَلَوْا اللّٰهْ بِشِدَّةْ أَشَانْ يِلِمِّنَا بَتَّانْ مَعَاكُو وَ نِزِيدُوا لَيْكُو كُلَّ شَيّءْ اللِّسَّاعْ مُقَصِّرْ لَيْكُو فِي إِيمَانْكُو.

أفَسُس 1:16

أَنَا قَاعِدْ نَشْكُرْ اللّٰهْ دَايْماً فِي شَانْكُو وَ نِفَكِّرْ لَيْكُو فِي أَيِّ وَكِتْ النِّصَلِّي.

غَلاطِية 1:14

وَ فِي دِينْ الْيَهُودْ، أَنَا فَايِتْ نَاسْ كَتِيرِينْ الْعُمْرِي مَعَاهُمْ سَوَا أَشَانْ أَنَا مُنْكَرِبْ بِلْحَيْن فِي عَادَاتْ جُدُودْنَا.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

رَوْمَا 9:1

نُقُولْ لَيْكُو الْحَقّ بِأُسُمْ الْمَسِيحْ وَ كَلَامِي مَا كِدِبْ. وَ قَلْبِي يَشْهَدْ لَيِّ مَعَ الرُّوحْ الْقُدُّوسْ كَدَرْ كَلَامِي صَحِيحْ.

أعمال الرُسُل 27:23

فِي لَيْلَةْ دِي، اللّٰهْ الْأَنَا نَعَبُدَهْ وَ أَنَا هَنَايَهْ هُو بَسْ، هُو رَسَّلْ لَيِّ وَاحِدْ مِنْ مَلَائِكَتَهْ. وَ الْمَلَكْ جَاءْ وَقَفْ فِي جَنْبِي

أعمال الرُسُل 26:4

كُلَّ الْيَهُودْ يَعَرْفُوا حَالِي مِنْ أَنَا صَغَيَّرْ وَ يَعَرْفُوا كِكَّيْف أَنَا عِشْت، أَوَّلْ مَعَ نَاسْ حِلِّتِي وَ بَعَدْ دَا، فِي مَدِينَةْ الْقُدُسْ.

لُوقا 2:37

وَ بَتَّانْ مَا أَخَدَتْ رَاجِلْ وَ عِنْدَهَا 84 سَنَةْ وَ قَاعِدَةْ دَايْماً فِي فَضَايَةْ بَيْت اللّٰهْ. وَ قَاعِدَةْ تَعَبُدْ اللّٰهْ لَيْل وَ نَهَارْ بِالصَّلَاةْ وَ الصِّيَامْ.

1 صَمُوِيل 12:23

وَ كَنْ لَيِّ أَنَا، مَا نِوَقِّفْ الدُّعَا فِي شَانْكُو أَشَانْ كَنْ أَنَا وَقَّفْتَهْ، دَا ذَنِبْ ضِدّ اللّٰهْ. وَ وَاجِبْ نِوَصِّفْكُو الدَّرِبْ السَّمَحْ وَ الْعَدِيلْ.

1 تِمُوتَاوُس 5:5

لَاكِنْ الْمَرَةْ الْأَرْمَلَةْ الْمَا عِنْدَهَا نَادُمْ يِفَكِّرْ فَوْقهَا، هِي تُخُطّ عَشَمْهَا ثَابِتْ فِي اللّٰهْ وَ تِنْكَرِبْ فِي دُعَاهَا وَ صَلَاوَاتْهَا، لَيْل وَ نَهَارْ.