2 تِمُوتَاوُس 1:18 - الكتاب المقدس بالعربي الدارجي هنا تشاد

¹⁸ وَ نَسْأَلْ رَبِّنَا لِوَانِي سِفِرُسْ أَشَانْ يَلْقَى رَحْمَةْ مِنْ اللّٰهْ فِي الْيَوْم الْأَخِيرْ. وَ إِنْتَ تَعَرِفْ هُو سَاعَدَانِي كَتِيرْ وَكِتْ أَنَا قَاعِدْ فِي حِلَّةْ أَفَسُسْ كُلَ.

2 تِمُوتَاوُس 1:18 Referenca të Kryqëzuara

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

2 تِمُوتَاوُس 1:16

خَلِّي رَبِّنَا يَرْحَمْ نَاسْ بَيْت أَخُونَا وَانِي سِفِرُسْ أَشَانْ هُو جَاءْ لَيِّ فِي السِّجِنْ وَ شَجَّعَانِي كَتِيرْ. جَنَازِيرِي أَبَداً مَا سَوَّوْا لَيَّهْ عَيْب.

1 تِمُوتَاوُس 1:3

نُقُولْ لَيْك نَفْس الْكَلَامْ الْقُلْتَهْ لَيْك وَكِتْ خَلَّيْتَكْ وَ سَافَرْت لِبَلَدْ مَقِدُونِيَةْ. وَاجِبْ تَقْعُدْ فِي حِلَّةْ أَفَسُسْ أَشَانْ تِوَصِّيهُمْ لِلنَّاسْ الْقَاعِدِينْ يِشَتُّتُوا التَّعْلِيمْ الْمَا صَحِيحْ. آمُرْهُمْ أَشَانْ يِخَلُّوا مِنْهُمْ الْكَلَامْ دَا.

رُؤية 2:1

«أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ أَفَسُسْ. دَاهُو كَلَامِي، أَنَا الشَّايِلْ السَّبْعَةْ نُجُومْ فِي إِيدِي الزَّيْنَةْ وَ رَايِغْ أَمْبَيْنَاتْ السَّبْعَةْ فَانُوسْ هَنَا دَهَبْ.

1 بُطْرُس 1:10

وَ الْأَنْبِيَاء الْأَتْنَبَّأَوْا بِالنِّعْمَةْ الْإِنْتُو تَلْقَوْهَا، هُمَّنْ دَوَّرَوْا يَفْهَمَوْا النَّجَاةْ دِي وَ فِي شَانْهَا قَدَّمَوْا سُؤَالَاتْ كَتِيرِينْ.

2 تِمُوتَاوُس 4:12

وَ أَنَا رَسَّلْت أَخُونَا تِشِيكُسْ فِي حِلَّةْ أَفَسُسْ.

1 تَسَلونِيكِي 2:19

أَيْوَى، نِدَوْرُوا نِشِيفُوكُو بَتَّانْ أَشَانْ إِنْتُو بَسْ عَشَمْنَا وَ فَرَحْنَا. وَ فِي يَوْم جَيَّةْ رَبِّنَا عِيسَى، شُنُو الدَّلِيلْ الْيِوَصِّفْ خِدْمِتْنَا مَا فَشَلَتْ؟ الدَّلِيلْ هُو إِنْتُو وَ إِيمَانْكُو.

أفَسُس 2:4

وَ لَاكِنْ رَحْمَةْ اللّٰهْ، هِي عَظِيمَةْ وَ هُو يِحِبِّنَا بِمَحَبَّةْ كَبِيرَةْ بِلْحَيْن.

2 كُرُنْتُس 9:1

وَ بِالصَّحِيحْ، مَا وَاجِبْ لَيِّ نَكْتِبْ لَيْكُو فِي الشَّيّءْ الْبُخُصّ الْمُسَاعَدَةْ النِّدَوْرُوا نِوَدُّوهَا لِلْأَخْوَانْ الصَّالِحِينْ الْفِي مَدِينَةْ الْقُدُسْ.

1 كُرُنْتُس 16:8

وَ نَقْعُدْ هِنِي فِي حِلَّةْ أَفَسُسْ لَحَدِّي عِيدْ الْخَمْسِينْ

أعمال الرُسُل 19:1

وَ وَكِتْ أَبُلُوسْ قَاعِدْ فِي كُرُنْتُسْ، بُولُسْ كَمَّلْ رُوَاغْتَهْ فِي الْحِلَّالْ الْفِي الْجِبَالْ وَ خَلَاصْ، وِصِلْ فِي مَدِينَةْ أَفَسُسْ. وَ هِنَاكْ لِقِي تَلَامِيذ وَاحِدِينْ.

لُوقا 8:3

وَ جَانَا مَرِةْ خُوزَا وَكِيلْ هَنَا هِرُودُسْ الْمُحَافِظْ وَ سُوزَانَةْ وَ عَوِينْ آخَرَاتْ كَتِيرَاتْ. وَ الْعَوِينْ دَيْل قَاعِدَاتْ يِسَاعِدَنْ جَمَاعَةْ عِيسَى بِمَالْهِنْ حَلَالْهِنْ.

لُوقا 1:78

وَ رَبِّنَا اللّٰهْ حَنُونْ وَ يِرَيِّسْنَا بِرَحْمَتَهْ. أَشَانْ دَا، نُورْ اللّٰهْ يُقُمّ يِضَوِّي فَوْقنَا مِنْ السَّمَاءْ.

لُوقا 1:72

مِثِلْ دَا، هُو رَحَمْ جُدُودْنَا وَ فَكَّرْ فِي مُعَاهَدَتَهْ الْمُقَدَّسَةْ.

1 مُلوك 17:20

وَ فِي الْبَكَانْ دَا، سَأَلْ اللّٰهْ بِشِدَّةْ وَ قَالْ: «يَا اللّٰهْ إِلٰـهِي، لِلْمَرَةْ الْأَنَا قَاعِدْ ضَيْف فِي بَكَانْهَا دِي كُلَ تِسَوِّي لَيْهَا شَيّءْ فَسِلْ وَ تَكْتُلْ وِلَيْدهَا وَلَّا؟»

أعمال الرُسُل 18:19

وَ وَكِتْ وِصْلَوْا فِي مَدِينَةْ أَفَسُسْ، بُولُسْ خَلَّى بِرِسْكِيلَةْ وَ أَكِيلَا. وَ مَشَى دَخَلْ فِي بَيْت الصَّلَاةْ هَنَا الْيَهُودْ وَ نَاقَشْ مَعَاهُمْ.

أعمال الرُسُل 18:21

وَ مَشَى خَلَّاهُمْ وَ قَالْ: «إِنْ شَاءْ اللّٰهْ، نِقَبِّلْ لَيْكُو يَوْم آخَرْ.» وَ مَرَقْ مِنْ أَفَسُسْ وَ رِكِبْ فِي سَفِينَةْ وَ سَافَرْ.

1 كُرُنْتُس 1:8

الْمَسِيحْ يَحْفَضْكُو لَحَدِّي فِي الْآخِرَةْ. أَشَانْ دَا، فِي يَوْم جَيَّةْ رَبِّنَا عِيسَى الْمَسِيحْ، تُكُونُوا بَلَا عَيْب.

1 كُرُنْتُس 3:13

وَ الْخِدْمَةْ الْأَيِّ نَادُمْ خَدَمْهَا تِنْعَرِفْ أَشَانْ يَوْم الْحِسَابْ يِوَصِّفْهَا بِنَارْ. وَ النَّارْ تِجَرِّبْ خِدْمَةْ أَيِّ نَادُمْ كَنْ عَدِيلَةْ وَلَّا مَا عَدِيلَةْ.

2 تِمُوتَاوُس 1:17

بِالْعَكْس، وَكِتْ وِصِلْ فِي رَوْمَا هُو فَتَّشَانِي بِنِيَّةْ وَاحِدَةْ لَحَدِّي لِقِينِي.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.