2 تِمُوتَاوُس 1:10 - الكتاب المقدس بالعربي الدارجي هنا تشاد

¹⁰ وَ هَسَّعْ فِي الزَّمَنْ الْحَاضِرْ، هُو بَيَّنْ رَحْمَتَهْ بِجَيَّةْ النَّادُمْ الْيِنَجِّينَا وَ هُو الْمَسِيحْ عِيسَى. الْمَسِيحْ بَطَّلْ قُدْرَةْ الْمَوْت وَ فِي بِشَارْتَهْ وَصَّفْ لَيْنَا الْحَيَاةْ الْأَبَدِيَّةْ.

2 تِمُوتَاوُس 1:10 Referenca të Kryqëzuara

1 يُوحَنَّا 1:2

الْحَيَاةْ بَانَتْ وَ شِفْنَاهَا وَ شَهَدْنَا لَيْهَا. وَ نِبَلُّغُوا لَيْكُو الْحَيَاةْ الْأَبَدِيَّةْ الْأَوَّلْ قَاعِدَةْ مَعَ أَبُونَا اللّٰهْ وَ بَانَتْ لَيْنَا.

رَوْمَا 16:26

وَ لَاكِنْ هَسَّعْ بَيَّنَهْ خَلَاصْ بِكُتُبْ الْأَنْبِيَاء لِكُلَّ الْأُمَمْ الْمَا يَهُودْ. وَ اللّٰهْ الْحَيّ إِلَى الْأَبَدْ أَنْطَى الْأَمُرْ دَا أَشَانْ كُلَّ الشَّعَبْ يِآمُنُوا بَيَّهْ وَ يِتَابُعُوا كَلَامَهْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

تِيطُس 2:11

أَكِيدْ، نِعْمَةْ اللّٰهْ بَانَتْ فِي الْمَسِيحْ أَشَانْ تِنَجِّي كُلَّ النَّاسْ.

1 كُرُنْتُس 15:26

وَ الْعَدُو الْآخِرْ الْيِدَمِّرَهْ، هُو الْمَوْت.

رَوْمَا 2:7

هُو يَنْطِي الْحَيَاةْ الْأَبَدِيَّةْ لِلنَّاسْ الْيِسَوُّوا الْخَيْر وَ يِفَتُّشُوا دَايْماً مِنْ اللّٰهْ الْمَجْد وَ الشَّرَفْ وَ الْحَيَاةْ الْمَا عِنْدَهَا حَدّ.

2 تِمُوتَاوُس 1:1

جَوَابْ مِنِّي أَنَا بُولُسْ رَسُولْ هَنَا عِيسَى الْمَسِيحْ بِإِذِنْ اللّٰهْ. وَ هُو جَعَلَانِي رَسُولْ أَشَانْ نِبَلِّغْ الْحَيَاةْ الْأَبَدِيَّةْ الْاللّٰهْ وَاعَدَانَا بَيْهَا وَ أَنْطَاهَا بِعِيسَى الْمَسِيحْ.

أفَسُس 1:9

بَيَّنْ لَيْنَا سِرّ هَنَا مُرَادْتَهْ الْهُو رَضْيَانْ بَيْهَا. وَ شَالْ نِيَّةْ لِيِتَمِّمْهَا فِي الْمَسِيحْ.

يُوحَنَّا 14:6

وَ عِيسَى رَدَّ لَيَّهْ وَ قَالْ: «أَنَا بَسْ الدَّرِبْ وَ الْحَقّ وَ الْحَيَاةْ. مَا فِي نَادُمْ يَمْشِي لِلّٰهْ إِلَّا بَيِّ أَنَا.

هُوشَع 13:14

هَلْ نِنَجِّيهُمْ مِنْ الْقَبُرْ؟ هَلْ نَفْدَاهُمْ مِنْ الْمَوْت؟ يَا الْمَوْت، وَيْن وَبَاكْ؟ يَا الْقَبُرْ، وَيْن خَرَابَكْ؟ بَتَّانْ مَا نِشِيفْهُمْ بِعَيْن الرَّحْمَةْ.

رُؤية 22:17

وَ الرُّوحْ الْقُدُّوسْ وَ الْعَرُوسْ يُرُدُّوا لِلْمَسِيحْ وَ يُقُولُوا «تَعَالْ.» وَ خَلِّي أَيِّ نَادُمْ الْيَسْمَعْ الْكَلَامْ دَا يُقُولْ: «تَعَالْ.» وَ أَيِّ نَادُمْ الْعَطْشَانْ، خَلِّي يَجِي. وَ أَيِّ نَادُمْ الْيِدَوْر يَشْرَبْ أَلْمِي الْحَيَاةْ، خَلِّي يِشِيلَهْ بَلَا تَمَنْ.

رُؤية 22:14

وَ مَبْرُوكْ لِلنَّاسْ الْيِغَسُّلُوا خُلْقَانْهُمْ أَشَانْ كَنْ خُلْقَانْهُمْ نُضَافْ، عِنْدُهُمْ حَقّ يَاكُلُوا مِنْ عِيَالْ شَدَرَةْ الْحَيَاةْ وَ يَمْشُوا لِلْبِيبَانْ وَ يِنْدَسَّوْا فِي الْمَدِينَةْ.

رُؤية 18:1

وَ بَعَدْ دَا، أَنَا شِفْت مَلَكْ آخَرْ نَازِلْ مِنْ السَّمَاءْ وَ عِنْدَهْ قُدْرَةْ شَدِيدَةْ. وَ هُو يِرَارِي وَ عِنْدَهْ نُورْ مَجِيدْ لَحَدِّي ضَوَّى كُلَّ الْأَرْض.

رُؤية 2:7

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَاكُلْ مِنْ شَدَرَةْ الْحَيَاةْ الْقَاعِدَةْ فِي جَنَّةْ اللّٰهْ.

2 بُطْرُس 3:2

فَكُّرُوا فِي كَلَامْ الْأَنْبِيَاء الصَّالِحِينْ الْقَالَوْه مِنْ زَمَانْ. وَ فَكُّرُوا فِي وَصِيَّةْ عِيسَى رَبِّنَا وَ مُنَجِّينَا السِّمِعْتُوهَا بِوَاسِطَةْ الرُّسُلْ الْمَشَوْا لَيْكُو.

2 بُطْرُس 2:20

وَ كَنْ النَّاسْ أَوَّلْ مَرَقَوْا مِنْ نَجَاسَةْ الدُّنْيَا بِعِرْفَةْ رَبِّنَا عِيسَى الْمَسِيحْ مُنَجِّينَا وَ بَعَدَيْن نَجَاسَةْ الدُّنْيَا تَكْرُبْهُمْ بَتَّانْ وَ تِنَّصِرْ فَوْقهُمْ، فِي الْبَكَانْ دَا، حَالِتْهُمْ الْأَخِيرَةْ تَبْقَى هَوَانَةْ مِنْ الْأَوَّلْ.

2 بُطْرُس 1:11

وَ بِمِثِلْ دَا، اللّٰهْ يَفْتَحْ لَيْكُو بَابْ وَسِيعْ لِتَدْخُلُوا فِي الْمَمْلَكَةْ الْأَبَدِيَّةْ وَ هِي مَمْلَكَةْ رَبِّنَا عِيسَى الْمَسِيحْ مُنَجِّينَا.

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

عِبْرَانِيِّين 10:32

فَكُّرُوا فِي الْوَكِتْ الْفَاتْ وَكِتْ أَوَّلْ مَرَّةْ دَخَلْتُوا فِي نُورْ اللّٰهْ. فِي الْوَكِتْ دَاكْ، إِنْتُو جَاهَدْتُوا وَ صَبَرْتُوا صَبُرْ قَوِي فِي الضِّيقَةْ.

تِيطُس 3:4

وَ لَاكِنْ وَكِتْ اللّٰهْ مُنَجِّينَا بَيَّنْ مَحَنِّتَهْ وَ مَحَبِّتَهْ لِلْإِنْسَانْ،

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

2 تَسَلونِيكِي 2:8

وَ فِي الْوَكِتْ دَا بَسْ، نَاكِرْ الْحَقّ يِبِينْ وَ الرَّبّ عِيسَى يَكْتُلَهْ بِنَفْخَةْ وَاحِدَةْ مِنْ خَشْمَهْ وَ يِدَمِّرَهْ بِنُورْ جَيْتَهْ.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

غَلاطِية 5:4

إِنْتُو التِّدَوْرُوا تَبْقَوْا صَالِحِينْ بِطَبِّقِينْ شُرُوطْ التَّوْرَاةْ دَوْل، أَنْفَرَقْتُوا مَرَّةْ وَاحِدْ مِنْ الْمَسِيحْ وَ خَلَّيْتُوا مِنْكُو نِعْمَةْ اللّٰهْ.

2 كُرُنْتُس 5:4

وَ وَكِتْ أَنِحْنَ قَاعِدِينْ فِي الْخَيْمَةْ الْأَرْضِيَّةْ دِي، نَقُنْتُوا مِنْ الْحِمِلْ التَّقِيلْ. وَ دَاهُو الشَّيّءْ النِّدَوْرُوهْ وَ هُو، مَا نَبْقَوْا عَرْيَانِينْ مِنْ الْجِسِمْ الْأَرْضِي لَاكِنْ نِدَوْرُوا نَلْبَسَوْا الْجِسِمْ الْجَدِيدْ. وَ فِي الْبَكَانْ دَا، الْحَيَاةْ الْأَبَدِيَّةْ دِي تَاكُلْ مَرَّةْ وَاحِدْ الْجِسِمْ الْيُمُوتْ.

1 كُرُنْتُس 4:5

بِمِثِلْ دَا، مَا تِحَاسُبُوا خِدْمَةْ أَيِّ نَادُمْ قُبَّالْ يَوْم الْحِسَابْ. فِي الْيَوْم دَا، رَبِّنَا يَجِي وَ يِبَيِّنْ كُلَّ شَيّءْ الْمُلَبَّدْ فِي الضَّلَامْ وَ يَكْشِفْ نِيَّةْ النَّاسْ الْقَاعِدَةْ فِي قُلُوبْهُمْ. وَ أَيِّ نَادُمْ يَلْقَى رِضَى، مَا مِنْ النَّاسْ لَاكِنْ مِنْ اللّٰهْ.

رَوْمَا 6:6

نَعَرْفُوا كَدَرْ جِسِمْنَا الْإِنْسَانِي الْقَدِيمْ مَاتْ مَعَ الْمَسِيحْ فِي الصَّلِيبْ وَ بَيْدَا، الْجِسِمْ الْمُذْنِبْ أَدَّمَّرْ. وَ أَنِحْنَ مَا نَبْقَوْا بَتَّانْ عَبِيدْ لِلذَّنِبْ

رَوْمَا 3:31

وَ بِمِثِلْ دَا، هَلْ بَدَّلْنَا مَرَّةْ وَاحِدْ شُرُوطْ التَّوْرَاةْ بِالْإِيمَانْ وَلَّا؟ لَا، أَبَداً. بِالْعَكْس، أَنِحْنَ ثَبَّتْنَا شُرُوطْ التَّوْرَاةْ.

أعمال الرُسُل 13:23

«وَ خَلَاصْ، مِنْ ذُرِّيَّةْ دَاوُدْ، اللّٰهْ رَسَّلْ عِيسَى لِبَنِي إِسْرَائِيلْ أَشَانْ يِنَجِّيهُمْ. وَ مِثِلْ دَا، اللّٰهْ تَمَّ الْوَعَدْ الْأَنْطَاهْ لِدَاوُدْ.

أعمال الرُسُل 5:31

وَ لَاكِنْ اللّٰهْ قَعَّدَهْ بِنُصَّهْ الزَّيْنَايْ وَ جَعَلَهْ مَلِكْ وَ مُنَجِّي. وَ بَيْدَا، أَنْطَى فُرْصَةْ لِبَنِي إِسْرَائِيلْ أَشَانْ يُتُوبُوا وَ هُو يَغْفِرْ لَيْهُمْ ذُنُوبْهُمْ.

يُوحَنَّا 20:31

لَاكِنْ الْكَلَامْ الْمَكْتُوبْ هِنِي أَنْكَتَبْ أَشَانْ إِنْتُو تِصَدُّقُوا كَدَرْ عِيسَى هُو الْمَسِيحْ وَ إِبْن اللّٰهْ وَ تِآمُنُوا بَيَّهْ وَ تَلْقَوْا بِأُسْمَهْ الْحَيَاةْ الْأَبَدِيَّةْ.

يُوحَنَّا 5:40

لَاكِنْ إِنْتُو أَبَيْتُوا مَا تَجُوا لَيِّ أَشَانْ تَلْقَوْا مِنِّي الْحَيَاةْ.

يُوحَنَّا 4:42

وَ حَجَّوْا لِلْمَرَةْ وَ قَالَوْا: «أَنِحْنَ نِآمُنُوا. مَا أَشَانْ سِمِعْنَا كَلَامْكِ بَسْ. لَاكِنْ أَنِحْنَ ذَاتْنَا سِمِعْنَا كَلَامَهْ وَ نَعَرْفُوا أَكِيدْ هُو بَسْ النَّادُمْ الْيِنَجِّي كُلَّ النَّاسْ.»

يُوحَنَّا 1:9

وَ النُّورْ الصَّحِيحْ جَاءْ فِي الدُّنْيَا لِيِنَوِّرْ كُلَّ النَّاسْ.

لُوقا 13:7

وَ حَجَّى لِلْخَدَّامْ الْمَسْؤُولْ فِي الْجِنَيْنَةْ وَ قَالْ: ‹شِيفْ! مِنْ تَلَاتَةْ سَنَةْ أَنَا قَاعِدْ نَجِي نِفَتِّشْ عِيَالْ مِنْ الشَّدَرَةْ دِي وَ مَا لِقِيتْ فَوْقهَا شَيّءْ. مَالَا نِخَلِّيهَا تَفْسِدْ التُّرَابْ؟ أَقْطَعْهَا!›

لُوقا 11:36

كَنْ كُلَّ جِلْدَكْ أَنْمَلَى نُورْ وَ مَا عِنْدَهْ ضَلَامْ فِي أَيِّ بَكَانْ، يَبْقَى لَيْك مِثِلْ فَانُوسْ يِضَوِّي ضَيّ تَمَامْ.»

لُوقا 2:11

الْيَوْم وِلْدَوْا لَيْكُو صَغِيرْ فِي مَدِينَةْ دَاوُدْ وَ هُو الْيِنَجِّي النَّاسْ وَ هُو الْمَسِيحْ وَ الرَّبّ.

إشَعْيا 45:21

خَبُّرُوا وَ قَرُّبُوا وَ لِمُّوا سَوَا وَ أَشَّاوَرَوْا! يَاتُو حَجَّى بَيَّهْ مِنْ زَمَانْ وَ خَبَّرْ بَيَّهْ مِنْ الْوَكِتْ الْفَاتْ؟ مَا أَنَا اللّٰهْ وَلَّا؟ وَ لَا إِلٰـهْ إِلَّا أَنَا! أَنَا إِلٰـهْ الصَّادِقْ وَ الْمُنَجِّي وَ مَا فِي إِلٰـهْ آخَرْ إِلَّا أَنَا.

إشَعْيا 45:15

أَكِيدْ، إِنْتَ إِلٰـهْ الْمَا تِنْشَافْ وَ إِنْتَ إِلٰـهْ بَنِي إِسْرَائِيلْ الْمُنَجِّي!

إشَعْيا 43:3

أَشَانْ أَنَا اللّٰهْ إِلٰـهَكْ، قُدُّوسْ إِسْرَائِيلْ الْيِنَجِّيكْ. أَنَا أَنْطَيْت بَلَدْ مَصِرْ لِنَفْدَاكْ وَ بَلَدْ الْحَبَشَةْ وَ بَلَدْ سَبَأ فِي بَدَلَكْ.

1 يُوحَنَّا 4:14

وَ أَنِحْنَ شِفْنَا عَدِيلْ كَدَرْ اللّٰهْ رَسَّلْ إِبْنَهْ فِي الدُّنْيَا أَشَانْ يِنَجِّي نَاسْ الدُّنْيَا وَ أَنِحْنَ قَاعِدِينْ نَشْهَدَوْا لَيَّهْ.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

رُؤية 20:14

وَ خَلَاصْ الْمَوْت وَ الْقَبُرْ، رَمَوْهُمْ فِي بَحَرْ النَّارْ. وَ بَحَرْ النَّارْ، هُو الْمَوْت التَّانِي.

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

2 تِمُوتَاوُس 4:1

نِوَصِّيكْ قِدَّامْ اللّٰهْ وَ قِدَّامْ الْمَسِيحْ عِيسَى الْيِشَارِعْ الْحَيِّينْ وَ الْمَيْتِينْ وَ دَا فِي الْيَوْم الْهُو يِبِينْ فَوْقَهْ فِي مَمْلَكَتَهْ.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.