2 تَسَلونِيكِي 3:3 - الكتاب المقدس بالعربي الدارجي هنا تشاد

³ لَاكِنْ رَبِّنَا هُو صَادِقْ وَ هُو يِقَوِّيكُو وَ يَحْفَضْكُو مِنْ إِبْلِيسْ الشَّرِيرْ.

2 تَسَلونِيكِي 3:3 Referenca të Kryqëzuara

2 تِمُوتَاوُس 4:18

وَ هُو يِنَجِّينِي مِنْ كُلِّ شَيّءْ فَسِلْ وَ يِوَدِّينِي عَافَيْ فِي مَمْلَكَتَهْ السَّمَاوِيَّةْ. الْحَمْدُ للّٰهْ دَايْماً وَ إِلَى الْأَبَدْ. آمِينْ.

1 تَسَلونِيكِي 5:24

النَّادَاكُو فِي دَرْبَهْ، هُو صَادِقْ. وَ أَكِيدْ كُلَّ الشَّيّءْ دَا، هُو يِسَوِّيهْ.

1 كُرُنْتُس 10:13

مَا فِي تَجْرِبَةْ جَاتْ فَوْقكُو الْمَا جَاتْ فِي كُلَّ النَّاسْ. وَ اللّٰهْ هُو صَادِقْ وَ بِالتَّجْرِبَةْ دِي، هُو يَفْتَحْ لَيْكُو دَرِبْ أَشَانْ تَمُرْقُوا بَيَّهْ وَ يَنْطِيكُو الْقُدْرَةْ أَشَانْ تَصْبُرُوا فِي التَّجْرِبَةْ دِي.

زَبُور 121:7

وَ اللّٰهْ يَحْفَضَكْ مِنْ كُلَّ شَيّءْ فَسِلْ، هُو يَحْفَضْ حَيَاتَكْ.

1 كُرُنْتُس 1:9

اللّٰهْ هُو صَادِقْ فِي وَعَدَهْ. وَ هُو بَسْ النَّادَاكُو أَشَانْ تَدْخُلُوا فِي الْعَلَاقَةْ الْعِنْدُكُو مَعَ إِبْنَهْ عِيسَى الْمَسِيحْ رَبِّنَا.

يُوحَنَّا 17:15

أَنَا مَا نَسْأَلَكْ أَشَانْ تَمْرُقْهُمْ مِنْ الدُّنْيَا. نَسْأَلَكْ أَشَانْ تَحْفَضْهُمْ مِنْ إِبْلِيسْ الشَّرِيرْ.

يَهُوذَا 1:24

اللّٰهْ قَادِرْ وَ يَقْدَرْ يَحْفَضْكُو أَشَانْ مَا تَقَعَوْا. هُو بَسْ يِوَدِّيكُو فِي حَضَرَتَهْ الْمَجِيدَةْ بَلَا أَيِّ عَيْب، فَرْحَانِينْ فَرْحَةْ شَدِيدَةْ.

مَتَّى 6:13

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

2 بُطْرُس 2:9

وَ خَلَاصْ بَيْدَا كُلَ كَيْ، نَعَرْفُوا كَدَرْ اللّٰهْ يَقْدَرْ يَفْزَعْ الصَّالِحِينْ فِي وَكْت التَّجْرِبَةْ وَ يِرَاقِبْ النَّاسْ الْفَسْلِينْ لَحَدِّي يِعَاقِبْهُمْ فِي يَوْم الْحِسَابْ.

زَبُور 19:13

بَعِّدْنِي أَنَا عَبْدَكْ مِنْ الْمُسْتَكْبِرِينْ وَ مَا تِخَلِّيهُمْ يَمُلْكُوا فَوْقِي. وَ خَلَاصْ، نُكُونْ عَدِيلْ وَ بَرِي مِنْ الْخَطَا الْكَبِيرْ.

2 تَسَلونِيكِي 2:17

خَلِّي يِشَجِّعْكُو بِزِيَادَةْ وَ يَنْطِيكُو قُدْرَةْ أَشَانْ تِسَوُّوا دَايْماً الْخَيْر فِي كَلَامْكُو وَ عَمَلْكُو.

لُوقا 11:4

سَامِحْ لَيْنَا ذُنُوبْنَا مِثِلْ أَنِحْنَ قَاعِدِينْ نِسَامُحُوا كُلَّ النَّاسْ الْخِطَوْا فَوْقنَا. مَا تِدِسِّنَا فِي التَّجْرِبَةْ.›»

مَتَّى 5:37

كَنْ كَلَامَكْ ‹أَيْوَى›، قُولْ ‹أَيْوَى›. وَ كَنْ كَلَامَكْ ‹لَا›، قُولْ ‹لَا›. وَ أَيِّ كَلَامْ الزِّيَادَةْ مِنْ دَا جَايِ مِنْ شَرّ إِبْلِيسْ.

1 أخبار 4:10

يَعْبِيصْ سَأَلْ اللّٰهْ وَ قَالْ: «يَا اللّٰهْ إِلٰـهْ بَنِي إِسْرَائِيلْ، بَارِكْنِي وَ وَسِّعْ أَرْضِي وَ أَحْفَضْنِي وَ طَرِّفْ مِنِّي الشَّرّ وَ التَّعَبْ.» وَ اللّٰهْ أَنْطَاهْ لِيَعْبِيصْ كُلَّ شَيّءْ الْهُو سَأَلَهْ.

تكوين 48:16

يَا اللّٰهْ النَّجَّيْتنِي مِنْ كُلَّ شَيّءْ فَسِلْ! نَطْلُبْ مِنَّكْ تِبَارِكْ الْعِيَالْ دَوْل أَشَانْ بَيْهُمْ هُمَّنْ، أُسْمِي يَقْعُدْ دَايْماً مِثِلْ أُسُمْ أَبَّهَاتِي إِبْرَاهِيمْ وَ إِسْحَاقْ. وَ خَلِّي عِيَالْهُمْ يِزِيدُوا وَ يَبْقَوْا كَتِيرِينْ فِي كُلَّ الْأَرْض.»

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.