2 تَسَلونِيكِي 3:2 - الكتاب المقدس بالعربي الدارجي هنا تشاد

² وَ أَسْأَلَوْا اللّٰهْ أَشَانْ يِنَجِّينَا مِنْ النَّاسْ الشَّرِيرِينْ وَ الْفَسْلِينْ. أَكِيدْ مَا كُلَّ النَّاسْ يِآمُنُوا.

2 تَسَلونِيكِي 3:2 Referenca të Kryqëzuara

رَوْمَا 15:31

أَسْأَلَوْا لَيِّ اللّٰهْ أَشَانْ يَفْزَعْنِي مِنْ الْيَهُودْ الْمَا مَسِيحِيِّينْ فِي دَارْ الْيَهُودِيَّةْ. وَ أَسْأَلَوْا أَشَانْ الصَّالِحِينْ الْفِي مَدِينَةْ الْقُدُسْ يَرْضَوْا بِالْمُسَاعَدَةْ النِّجِيبْهَا لَيْهُمْ.

تَثْنِية 32:20

وَ قَالْ: «بَتَّانْ مَا نِوَجِّهْ عَلَيْهُمْ وَ نِشِيفْ شُنُو يُكُونْ لَيْهُمْ فِي الأَخِيرْ أَشَانْ هُمَّنْ ذُرِّيَّةْ مُفْسِدَةْ وَ عِيَالْ الْمَا عِنْدُهُمْ أَمَانْ.

رَوْمَا 10:16

وَ لَاكِنْ مَا كُلَّ النَّاسْ قِبْلَوْا الْبِشَارَةْ. أَشَانْ دَا، النَّبِي إِشَعْيَا قَالْ: <يَا اللّٰهْ، يَاتُو الْآمَنْ بِخَبَرْنَا؟>

أعمال الرُسُل 28:24

وَ وَاحِدِينْ مِنْهُمْ سِمْعَوْا كَلَامَهْ وَ آمَنَوْا وَ وَاحِدِينْ مِنْهُمْ أَبَوْا، مَا يِآمُنُوا.

1 تَسَلونِيكِي 2:18

دَوَّرْنَا نِقَبُّلُوا لَيْكُو، خَاصَّةً أَنَا بُولُسْ. حَاوَلْنَا نَمْشُوا لَيْكُو عِدَّةْ مَرَّاتْ لَاكِنْ إِبْلِيسْ سَدَّ لَيْنَا الدَّرِبْ.

أعمال الرُسُل 14:2

وَ لَاكِنْ الْيَهُودْ الْأَبَوْا مَا يِآمُنُوا حَرَّشَوْا النَّاسْ الْمَا يَهُودْ وَ غَيَّرَوْا فِكِرْهُمْ أَشَانْ يَزْعَلَوْا مِنْ الْمُؤمِنِينْ.

أعمال الرُسُل 13:50

وَ لَاكِنْ الْيَهُودْ حَرَّشَوْا كُبَارَاتْ الْحِلَّةْ وَ الْعَوِينْ الْعَابِدَاتْ اللّٰهْ أَشَانْ يِتَعُّبُوا بُولُسْ وَ بَرْنَابَا. وَ طَرَدَوْهُمْ مِنْ الْبَلَدْ.

أعمال الرُسُل 13:45

وَ الْيَهُودْ شَافَوْا نَاسْ كَتِيرِينْ جَايِينْ وَ حَسَدَوْا بُولُسْ وَ بَرْنَابَا. وَ أَشَانْ دَا، قَمَّوْا خَالَفَوْا كَلَامْ بُولُسْ وَ عَيَّرَوْه.

لُوقا 18:8

نُقُولْ لَيْكُو هُو يَنْصُرْهُمْ عَجَلَةْ. وَ لَاكِنْ وَكِتْ إِبْن الْإِنْسَانْ يِقَبِّلْ فِي الْأَرْض، هُو يَلْقَى نَاسْ مُؤمِنِينْ وَلَّا؟»

مَتَّى 23:23

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ إِنْتُو مُنْكَرِبِينْ فِي الْعُشُرْ لَحَدِّي تَنْطُوا لِلّٰهْ مِنْ النَّعْنَاعْ وَ الشَّمَارْ وَ الْكَمُّونْ. وَ لَاكِنْ إِنْتُو نِسِيتُوا مَا طَبَّقْتُوا الشُّرُوطْ الْكُبَارْ فِي التَّوْرَاةْ مِثِلْ الْعَدَالَةْ وَ الرَّحْمَةْ وَ الْأَمَانْ. أَوَّلْ شَيّءْ وَاجِبْ تِسَوُّوا الْأَشْيَاءْ الْكُبَارْ دَوْل وَ بَتَّانْ مَا تَنْسَوْا كَلَامْ الْعُشُورْ.

مَتَّى 17:17

وَ عِيسَى رَدَّ وَ قَالْ: «يَا النَّاسْ الْعُوُجْ وَ مَا عِنْدُكُو إِيمَانْ! لَحَدِّي مَتَى نَقْعُدْ مَعَاكُو؟ لَحَدِّي مَتَى نِلْحَمَّلْكُو؟ جِيبُوا لَيِّ الْوِلَيْد هِنِي.»

2 تِمُوتَاوُس 4:17

لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.

1 كُرُنْتُس 15:32

هِنِي فِي حِلَّةْ أَفَسُسْ أَنَا تِعِبْت مَرَّةْ وَاحِدْ مِثِلْ نَادُمْ قَاعِدْ يِدَاوِسْ الْحَيْوَانَاتْ الْخَطِيرِينْ. وَ كَنْ بُعَاثْ مَا فِيهْ، وَيْن الْفَايْدَةْ لِلْإِنْسَانْ مِنْ التَّعَبْ الْمِثِلْ دَا؟ كَنْ مِثِلْ دَا، أَخَيْر نِتَابُعُوا كَلَامْ هَنَا مُذْنِبِينْ الزَّمَانْ الْقَالَوْا: <خَلِّي نَاكُلُوا وَ نَشَرْبَوْا أَشَانْ أَمْبَاكِرْ، خَلَاصْ نُمُوتُوا!>

أعمال الرُسُل 17:5

وَ بَيْدَا، الْيَهُودْ الْمَا آمَنَوْا، حَسَدَوْهُمْ لِبُولُسْ وَ سِيلَا. وَ نَادَوْا النَّاسْ الْمَا نَافْعِينْ الرَّايْغِينْ فِي الشَّوَارِعْ وَ لَمَّوْهُمْ فِي بَكَانْ وَاحِدْ. وَ قَمَّوْا حَرَّشَوْهُمْ لَحَدِّي بَرْجَالْ كَبِيرْ بِقِي فِي لُبّ الْحِلَّةْ. وَ هَجَمَوْا بَيْت يَاسُونْ أَشَانْ يِدَوْرُوا يَمُرْقُوا بُولُسْ وَ سِيلَا فِي قِدَّامْ النَّاسْ.

أعمال الرُسُل 25:27

مَا نِدَوْر نِوَدِّي نَادُمْ مَتْهُومْ فِي رَوْمَا كَنْ التُّهْمَةْ مَا وَاضْحَةْ. فِي فِكْرِي أَنَا، دَا مَا وَاجِبْ.»