2 تَسَلونِيكِي 3:16 - الكتاب المقدس بالعربي الدارجي هنا تشاد

¹⁶ وَ هَسَّعْ، خَلِّي رَبّ السَّلَامْ ذَاتَهْ يَنْطِيكُو السَّلَامْ فِي كُلِّ وَكِتْ وَ فِي كُلِّ شَيّءْ. الرَّبّ مَعَاكُو كُلُّكُو.

2 تَسَلونِيكِي 3:16 Referenca të Kryqëzuara

زَبُور 29:11

اللّٰهْ يَنْطِي قُدْرَةْ لِشَعَبَهْ وَ يِبَارِكْهُمْ وَ يَنْطِيهُمْ السَّلَامَةْ.

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

يُوحَنَّا 14:27

«نِخَلِّيكُو بِسَلَامْ. نَنْطِيكُو سَلَامْ هَنَايِ. أَنَا نَنْطِيكُو مَا مِثِلْ نَاسْ الدُّنْيَا يَنْطُوكُو. مَا تِبَرْجُلُوا وَ مَا تَخَافَوْا.

مَتَّى 1:23

<الْبِنَيَّةْ الْعُدْرِيَّةْ تَبْقَى غَلْبَانَةْ وَ تَلْدَ وِلَيْد وَ يِسَمُّوهْ عِمَّانُوِيل.> وَ أُسُمْ عِمَّانُوِيل مَعَنَاتَهْ اللّٰهْ مَعَانَا.

رَوْمَا 15:33

اللّٰهْ رَبّ السَّلَامْ يُكُونْ مَعَاكُو كُلُّكُو. آمِينْ.

رَوْمَا 16:20

وَ اللّٰهْ رَبّ السَّلَامْ مَا يِأَخِّرْ يَرْحَكْ إِبْلِيسْ تِحِتْ رِجْلَيْكُو. عَلَيْكُمْ رَحْمَةْ رَبِّنَا عِيسَى.

قُضياء 6:24

وَ فِي الْبَكَانْ دَا، قِدْعُونْ بَنَى مَدْبَحْ لِلّٰهْ وَ سَمَّاهْ اللّٰهْ هُو السَّلَامْ. وَ لَحَدِّي الْيَوْم، الْمَدْبَحْ دَا قَاعِدْ فِي حِلَّةْ عُفْرَةْ فِي أَرْض خَشُمْ بَيْت أَبِعَازَرْ.

لُوقا 2:14

«مَجُّدُوا اللّٰهْ فِي الْأَعَالِي! وَ السَّلَامْ فِي الْأَرْض لِكُلَّ النَّاسْ، أَشَانْ اللّٰهْ رَاضِي بَيْهُمْ!»

1 تَسَلونِيكِي 5:23

خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

2 تِمُوتَاوُس 4:22

الرَّبّ مَعَاكْ. عَلَيْكُمْ النِّعْمَةْ.

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

مَتَّى 28:20

وَ عَلُّمُوهُمْ أَشَانْ يِسَوُّوا كُلَّ شَيّءْ الْأَنَا وَصَّيْتكُو بَيَّهْ. وَ خَلَاصْ أَنَا قَاعِدْ مَعَاكُو كُلَّ يَوْم لَحَدِّي كُمَالَةْ الدُّنْيَا.»

زَكَرِيَّا 6:13

أَيْوَى، هُو بَسْ يَبْنِي بَيْت اللّٰهْ وَ هُو بَسْ الْيَلْبَسْ خَلَقْ الْمُلُكْ وَ يَقْعُدْ فِي كُرْسِيهْ وَ يَحْكِمْ. وَ رَاجِلْ الدِّينْ كُلَ يَقْعُدْ جَنْب كُرْسِيهْ وَ أَمْبَيْنَاتْهُمْ هُمَّنْ الْإِتْنَيْن فِي مُوَافَقَةْ كَامِلَةْ.“›

عَدد 6:26

اللّٰهْ يَرْضَى بَيْكُو وَ يَنْطِيكُو السَّلَامْ.›

فِلِمُون 1:25

عَلَيْكُمْ رَحْمَةْ الرَّبّ عِيسَى الْمَسِيحْ.

إشَعْيا 8:10

سَوُّوا شَوْرِتْكُو وَ لَاكِنْ شَوْرِتْكُو دِي تَفْشُلْ. قُولُوا كَلَامْكُو مِثِلْ تِدَوْرُوهْ وَ لَاكِنْ كَلَامْكُو دَا مَا يِلْحَقَّقْ أَشَانْ عِمَّانُوِيل، اللّٰهْ مَعَانَا.

1 صَمُوِيل 17:37

وَ دَاوُدْ قَالْ: «اللّٰهْ النَّجَّانِي مِنْ الدُّودْ وَ الدُّبّ، هُو يَقْدَرْ يِنَجِّينِي مِنْ الْفِلِسْطِي دَا.» وَ شَاوُولْ قَالْ لِدَاوُدْ: «أَمْشِي! اللّٰهْ مَعَاكْ.»

رَعُوث 2:4

وَ بَعَدْ شِيَّةْ، بُعَازْ كُلَ جَاءْ مِنْ بَيْت لَحَمْ وَ قَالْ لِلَّمَّامِينْ: «اللّٰهْ مَعَاكُو!» وَ هُمَّنْ قَالَوْا لَيَّهْ: «اللّٰهْ يِبَارِكَكْ!»

عِبْرَانِيِّين 13:20

وَ خَلَاصْ، اللّٰهْ رَبّ السَّلَامْ بَعَثْ مِنْ أُسْط الْمَيْتِينْ رَبِّنَا عِيسَى الْبِقِي رَاعِي كَبِيرْ هَنَا غَنَمْ اللّٰهْ بِسَبَبْ دَمّ الْمُعَاهَدَةْ الْأَبَدِيَّةْ.

عِبْرَانِيِّين 7:2

وَ لَيَّهْ هُو، إِبْرَاهِيمْ أَنْطَى الْعُشُرْ مِنْ كُلَّ شَيّءْ الشَّالَهْ فِي الْحَرِبْ. وَ أَوَّلْ شَيّءْ، الْأُسُمْ مَلْكِصَادِقْ مَعَنَاتَهْ الْمَلِكْ الْعَادِلْ وَ بَتَّانْ هُو مَلِكْ شَالِيمْ، مَعَنَاتَهْ مَلِكْ السَّلَامْ.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

1 كُرُنْتُس 14:33

أَشَانْ اللّٰهْ مَا يَرْضَى بِالْبَرْجَالْ. هُو يَرْضَى بِالسَّلَامْ. وَ مِثِلْ قَاعِدْ يَبْقَى فِي كُلَّ جَمَاعَاتْ الْمُؤمِنِينْ الصَّالِحِينْ،

إشَعْيا 66:12

وَ دَاهُو اللّٰهْ قَالْ: «أَنَا نَنْطِي السَّلَامْ لِمَدِينَةْ الْقُدُسْ مِثِلْ أَلْمِي الْبَحَرْ. وَ نِجِيبْ لَيْهَا مَجْد الْأُمَمْ مِثِلْ وَادِي الْجَارِي. وَ يِرَضُّعُوكُو وَ يِشِيلُوكُو فِي حُضُونْهُمْ وَ يِدَادُلُوكُو فِي الرِّكَبُّهُمْ.

إشَعْيا 54:10

حَتَّى كَنْ الْجِبَالْ يِلْحَوَّلَوْا وَ الْحُجَارْ يِنْهَزَّوْا كُلَ، مَحَبِّتِي مَا تِكِسّ مِنْكِ وَ مُعَاهَدَتِي هِنْت السَّلَامْ مَا تِنْقَطِعْ.» دَا كَلَامْ اللّٰهْ الْيَرْحَمْكِ.

إشَعْيا 45:7

أَنَا كَوَّنْت النُّورْ وَ خَلَقْت الضَّلَامْ. وَ سَوَّيْت السَّلَامْ وَ خَلَقْت الْفَسَالَةْ وَ أَنَا اللّٰهْ نِسَوِّي كُلَّ الشَّيّءْ.

إشَعْيا 26:12

يَا اللّٰهْ، إِنْتَ بَسْ ثَبَّتّْ لَيْنَا السَّلَامْ أَشَانْ كُلَّ أَعْمَالْنَا، إِنْتَ بَسْ تِحَقِّقْهُمْ لَيْنَا.

زَبُور 72:7

وَ فِي أَيَّامْ حُكْمَهْ، الْعَدَالَةْ تِزِيدْ وَ كَنْ الْقَمَرْ قَاعِدْ دَا، السَّلَامْ يِزِيدْ.

زَبُور 72:3

وَ مِنْ الْجِبَالْ، يَنْزِلْ السَّلَامْ وَ مِنْ الْحُجَارْ، تَنْزِلْ الْعَدَالَةْ لِلشَّعَبْ.

زَبُور 46:11

اللّٰهْ الْقَادِرْ مَعَانَا أَيْوَى، إِلٰـهْ يَعْقُوبْ هُو مَسْكَنَّا الْقَوِي. وَقْفَةْ.

2 تَسَلونِيكِي 3:18

عَلَيْكُمْ كُلُّكُو رَحْمَةْ رَبِّنَا عِيسَى الْمَسِيحْ.

حَقَّاي 2:9

الْمَجْد هَنَا الْبَيْت دَا يَبْقَى زِيَادَةْ وَ يُفُوتْ الْمَجْد هَنَا الْبَيْت الْأَوَّلْ. وَ دَا، اللّٰهْ الْقَادِرْ بَسْ قَالَهْ. وَ فِي الْبَكَانْ دَا بَسْ، أَنَا نِثَبِّتْ السَّلَامْ.» وَ دَا كَلَامْ اللّٰهْ الْقَادِرْ.

زَبُور 46:7

اللّٰهْ الْقَادِرْ مَعَانَا أَيْوَى، إِلٰـهْ يَعْقُوبْ هُو مَسْكَنَّا الْقَوِي. وَقْفَةْ.

1 صَمُوِيل 20:13

وَ لَاكِنْ خَلِّي اللّٰهْ يِعَاقِبْنِي عِقَابْ شَدِيدْ كَنْ أَنَا مَا خَبَّرْتَكْ كَدَرْ أَبُويِ يِدَوْر يِسَوِّي لَيْك شَيّءْ فَسِلْ وَ مَا خَلَّيْتَكْ مَشَيْت بِالسَّلَامَةْ! خَلِّي اللّٰهْ يُكُونْ مَعَاكْ مِثِلْ هُو كَانْ مَعَ أَبُويِ أَوَّلْ.

أفَسُس 6:23

وَ خَلِّي كُلَّ الْأَخْوَانْ يَلْقَوْا السَّلَامْ وَ الْمَحَبَّةْ مَعَ الْإِيمَانْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

1 تَسَلونِيكِي 3:11

وَ هَسَّعْ، خَلِّي اللّٰهْ أَبُونَا ذَاتَهْ وَ رَبِّنَا عِيسَى يِسَهُّلُوا لَيْنَا الدَّرِبْ أَشَانْ نَجُوكُو.