2 تَسَلونِيكِي 3:10 - الكتاب المقدس بالعربي الدارجي هنا تشاد

¹⁰ وَ وَكِتْ أَنِحْنَ قَاعِدِينْ مَعَاكُو، وَصَّيْنَاكُو وَ قُلْنَا لَيْكُو كَنْ نَادُمْ مَا يِدَوْر يَخْدِمْ، خَلِّي يَابَى الْأَكِلْ كُلَ.

2 تَسَلونِيكِي 3:10 Referenca të Kryqëzuara

تكوين 3:19

وَ بِدُرَاعَكْ بَسْ تَاكُلْ لَحَدِّي تِقَبِّلْ فِي التُّرَابْ الْخَلَقَوْك مِنَّهْ. أَشَانْ إِنْتَ مِنْ التُّرَابْ وَ تِقَبِّلْ فِي التُّرَابْ.»

أمْثال 20:4

فِي وَكْت الْخَرِيفْ، الْكَسْلَانْ مَا يَحْرِتْ وَ فِي الدَّرَتْ، يِفَتِّشْ نَتِيجَةْ وَ مَا يَلْقَاهَا.

1 تَسَلونِيكِي 4:11

شِيلُوا نِيَّةْ أَشَانْ تِعِيشُوا بِحَالْ هَادِيَةْ. وَ مَا تَدْخُلُوا فِي شُؤُونْ النَّاسْ. أَخْدُمُوا بِدُرَاعْكُو مِثِلْ أَنِحْنَ وَصَّيْنَاكُو بَيَّهْ.

أمْثال 13:4

الْكَسْلَانْ يِتْمَنَّى وَ مَا يَلْقَى وَ لَاكِنْ النَّشِيطْ يَنْجَحْ وَ يَشْبَعْ.

أمْثال 21:25

مُنَى الْكَسْلَانْ يَكْتُلَهْ أَشَانْ إِيدَيْنَهْ أَبَوْا الْخِدْمَةْ.

1 تَسَلونِيكِي 3:4

وَ وَكِتْ لِسَّاعْنَا قَاعِدِينْ مَعَاكُو، قُلْنَا لَيْكُو كَدَرْ التَّعَبْ يَجِي فَوْقنَا كُلِّنَا. وَ خَلَاصْ، بِقِي مِثِلْ قُلْنَا وَ دَا تَعَرْفُوهْ.

يُوحَنَّا 16:4

لَاكِنْ قُلْت لَيْكُو الْكَلَامْ دَا أَشَانْ وَكِتْ التَّعَبْ يَجِي فَوْقكُو، تِفَكُّرُوا وَ تَعَرْفُوا كَدَرْ أَنَا أَوْرَيْتكُو بَيَّهْ. وَ أَنَا مَا أَوْرَيْتكُو مِنْ الْبِدَايَةْ بِالتَّعَبْ الْيَجِيكُو أَشَانْ أَوَّلْ أَنَا قَاعِدْ مَعَاكُو.

أعمال الرُسُل 20:18

وَ وَكِتْ الْكُبَارَاتْ جَوْا، بُولُسْ كَلَّمْ لَيْهُمْ وَ قَالْ: «إِنْتُو تَعَرْفُوا حَالْتِي كِكَّيْف كُلَّ الْمُدَّةْ الْقَعَدْتَهَا مَعَاكُو فِي بَلَدْ آسِيَا مِنْ أَوَّلْ يَوْم جِيتْ.

لُوقا 24:44

وَ عِيسَى حَجَّى لَيْهُمْ وَ قَالْ: «خَلَاصْ بِقِي مِثِلْ الْكَلَامْ الْأَوَّلْ قُلْتَهْ لَيْكُو وَكِتْ أَنَا قَاعِدْ مَعَاكُو. أَنَا قُلْت لَيْكُو كَدَرْ كُلَّ الْكَلَامْ الْبُخُصِّنِي فِي تَوْرَاةْ مُوسَى وَ كُتُبْ الْأَنْبِيَاء وَ الزَّبُورْ وَاجِبْ يِتِمّ.»

2 تَسَلونِيكِي 2:5

نِسِيتُوا وَلَّا؟ وَكِتْ أَنَا قَاعِدْ مَعَاكُو أَوْرَيْتكُو بَيَّهْ.