2 تَسَلونِيكِي 3:1 - الكتاب المقدس بالعربي الدارجي هنا تشاد

¹ وَ آخَرْ شَيّءْ يَا أَخْوَانِي، أَسْأَلَوْا لَيْنَا اللّٰهْ أَشَانْ كَلَامْ الرَّبّ يِلْوَزَّعْ عَجَلَةْ فِي أُسْط النَّاسْ وَ يَقْبَلَوْه بِشَرَفْ مِثِلْ إِنْتُو قِبِلْتُوهْ.

2 تَسَلونِيكِي 3:1 Referenca të Kryqëzuara

1 تَسَلونِيكِي 5:25

يَا أَخْوَانِي، أَسْأَلَوْا اللّٰهْ لَيْنَا أَنِحْنَ كُلَ.

كُلُوسِي 4:3

وَ أَسْأَلَوْا اللّٰهْ لَيْنَا كُلَ. أَسْأَلَوْه أَشَانْ يَفْتَحْ لَيْنَا دَرِبْ لِلْبِشَارَةْ أَشَانْ نِبَلُّغُوا النَّاسْ بِسِرّ اللّٰهْ هُو الْمَسِيحْ. وَ بِسَبَبْ الْبِشَارَةْ دِي، أَنَا قَاعِدْ فِي السِّجِنْ.

1 كُرُنْتُس 16:9

أَشَانْ اللّٰهْ فَتَحْ لَيِّ الدَّرِبْ وَ بَيْدَا، عِنْدِي فُرْصَةْ نِسَوِّي خِدْمَةْ عَدِيلَةْ بِلْحَيْن. وَ الْيِخَالُفُونِي كُلَ كَتِيرِينْ.

1 تَسَلونِيكِي 1:8

مِنْكُو إِنْتُو، بِشَارَةْ الرَّبّ شَتَّتْ وَ مَشَتْ بَعِيدْ. مَا مَشَتْ فِي مَقِدُونِيَةْ وَ أَخَايَةْ بَسْ وَ لَاكِنْ لِحْقَتْ أَيِّ بَكَانْ، لَحَدِّي مَا نَقْدَرَوْا نُقُولُوا شَيّءْ فِيكُو كُلَ أَشَانْ إِيمَانْكُو بِاللّٰهْ مَعْرُوفْ.

أعمال الرُسُل 19:20

وَ بِمِثِلْ دَا، نَاسْ السِّمْعَوْا كَلَامْ الرَّبّ زَادَوْا وَ قُدْرَةْ كَلَامَهْ زَادَتْ فِي أُسُطْهُمْ.

1 تَسَلونِيكِي 5:17

وَ مَا تَكْسَلَوْا مِنْ الصَّلَاةْ

أعمال الرُسُل 12:24

وَ عَدَدْ النَّاسْ السِّمْعَوْا كَلَامْ اللّٰهْ زَادْ وَ نَاسْ كَتِيرِينْ آمَنَوْا.

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

1 تَسَلونِيكِي 2:13

وَ فِي شَانْ دَا، نَشْكُرُوا اللّٰهْ دَايْماً أَشَانْ وَكِتْ سِمِعْتُوا مِنِّنَا كَلَامْ اللّٰهْ، إِنْتُو كَرَبْتُوهْ قَوِي. قِبِلْتُوهْ مَا مِثِلْ كَلَامْ إِنْسَانِي بَسْ لَاكِنْ قِبِلْتُوهْ مِثِلْ كَلَامْ اللّٰهْ. وَ بِالصَّحِيحْ، هُو كَلَامْ اللّٰهْ وَ قَاعِدْ يِسَوِّي خِدِمْتَهْ فِي قُلُوبْكُو إِنْتُو الْمُؤمِنِينْ.

1 تَسَلونِيكِي 2:1

يَا أَخْوَانِي، إِنْتُو ذَاتْكُو تَعَرْفُوا كَدَرْ إِنْتُو فَضَّلْتُونَا وَ دَا مَا سَاكِتْ.

1 تَسَلونِيكِي 1:5

أَشَانْ الْبِشَارَةْ الْبَلَّغْنَاهَا لَيْكُو مَا جَاتْ لَيْكُو بِكَلَامْ بَسْ لَاكِنْ بِقُدْرَةْ وَ بِخِدْمَةْ الرُّوحْ الْقُدُّوسْ وَ بِعَشَمْ مُؤَكَّدْ. وَ إِنْتُو شِفْتُوا حَالْنَا مَعَاكُو وَ خِدْمِتْنَا فِي شَانْكُو.

2 كُرُنْتُس 1:11

وَ إِنْتُو كُلَ وَاجِبْ تِعَاوُنُونَا بِدُعَاكُو. وَ اللّٰهْ يَقْبَلْ دُعَاكُو الْكَتِيرْ وَ بِسَبَبْ دُعَاكُو دَا، هُو يِبَارِكْنَا وَ خَلَاصْ نَاسْ كَتِيرِينْ يَشْكُرُوا اللّٰهْ فِي شَانَّا.

رَوْمَا 15:30

وَ هَسَّعْ يَا أَخْوَانِي، نَطْلُبْ مِنْكُو بِأُسُمْ رَبِّنَا عِيسَى الْمَسِيحْ وَ بِمَحَبَّةْ الرُّوحْ الْقُدُّوسْ أَشَانْ إِنْتُو تَسْأَلَوْا اللّٰهْ مَعَايِ بِشِدَّةْ.

أعمال الرُسُل 6:7

وَ نَاسْ زِيَادَةْ سِمْعَوْا كَلَامْ اللّٰهْ وَ عَدَدْ التَّلَامِيذ زَادْ فِي مَدِينَةْ الْقُدُسْ. وَ كَتِيرِينْ مِنْ رُجَالْ الدِّينْ آمَنَوْا بِعِيسَى الْمَسِيحْ.

مَتَّى 9:38

أَشَانْ دَا، أَطُلْبُوا مِنْ سِيدْ الزَّرَعْ هُو يِرَسِّلْ خَدَّامِينَهْ يِلِمُّوا غَلِّتَهْ.»

زَبُور 138:2

نَسْجُدْ عَلَيْ بَيْتَكْ الْمُقَدَّسْ وَ نِمَجِّدْ أُسْمَكْ أَشَانْ رَحْمَتَكْ وَ أَمَانَكْ. أَشَانْ إِنْتَ كَبَّرْت أُسْمَكْ وَ وَعَدَكْ زِيَادَةْ مِنْ كُلِّ شَيّءْ.

لُوقا 10:2

وَ قَالْ لَيْهُمْ: «النَّاسْ مِثِلْ زَرَعْ كَبِيرْ وَ غَلِّتَهْ نِجْضَتْ خَلَاصْ وَ لَاكِنْ الْيَخْدُمُوا فَوْقَهْ شِيَّةْ. أَشَانْ دَا، أَسْأَلَوْا سِيدْ الزَّرَعْ أَشَانْ يِرَسِّلْ خَدَّامِينَهْ يِلِمُّوا غَلِّتَهْ.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.