2 تَسَلونِيكِي 2:8 - الكتاب المقدس بالعربي الدارجي هنا تشاد

⁸ وَ فِي الْوَكِتْ دَا بَسْ، نَاكِرْ الْحَقّ يِبِينْ وَ الرَّبّ عِيسَى يَكْتُلَهْ بِنَفْخَةْ وَاحِدَةْ مِنْ خَشْمَهْ وَ يِدَمِّرَهْ بِنُورْ جَيْتَهْ.

2 تَسَلونِيكِي 2:8 Referenca të Kryqëzuara

2 تَسَلونِيكِي 2:3

مَا تِخَلُّوا نَادُمْ يُغُشُّكُو بِأَيِّ شَيّءْ. قُبَّالْ يَوْم الرَّبّ مَا يَجِي، لَابُدَّ الْعِصْيَانْ الْأَخِيرْ يَبْقَى وَ نَاكِرْ الْحَقّ يِبِينْ وَ هُو النَّادُمْ الْاللّٰهْ قَدَّرْ لَيَّهْ الْهَلَاكْ.

إشَعْيا 11:4

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

رُؤية 20:10

وَ إِبْلِيسْ الْأَوَّلْ غَشَّاهُمْ رَمَوْه فِي بَحَرْ هَنَا نَارْ وَ كِبْرِيتْ أَصْفَرْ. وَ دَا نَفْس الْبَكَانْ الْأَوَّلْ رَمَوْا فَوْقَهْ الْحَيْوَانْ الْفَسِلْ وَ الْكَدَّابْ السَّوَّى نَفْسَهْ نَبِي. وَ يِعَذُّبُوهُمْ لَيْل وَ نَهَارْ دَايْماً وَ إِلَى الْأَبَدْ.

رُؤية 19:15

وَ سَيْف مُطَرَّقْ مَارِقْ مِنْ خَشْمَهْ وَ يَضْرُبْ بَيَّهْ الْأُمَمْ. وَ هُو يَحْكِمْ فَوْقهُمْ بِعَصَاةْ هَنَا حَدِيدْ. هُو بَسْ الْيِفَجِّقْ الْعِنَبْ فِي الْعَصَّارَةْ وَ مَعَنَاتَهْ هُو مَسْؤُولْ مِنْ غَضَبْ اللّٰهْ الْقَادِرْ.

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

رُؤية 2:16

وَ أَشَانْ دَا، نُقُولْ لَيْك تُوبْ مِنْ ذُنُوبَكْ. وَ كَنْ مَا تُبْت، أَنَا نَجِي لَيْك قَرِيبْ وَ نِدَاوِسْ النَّاسْ دَوْل بِالْسَّيْف الْمَارِقْ مِنْ خَشْمِي.

1 يُوحَنَّا 5:18

نَعَرْفُوا كَدَرْ النَّاسْ الْاللّٰهْ سَوَّاهُمْ عِيَالَهْ مَا يَذْنُبُوا وَ إِبْن اللّٰهْ يَحْفَضْهُمْ وَ إِبْلِيسْ الشَّرِيرْ مَا يَقْدَرْ يَلْمَسْهُمْ.

عِبْرَانِيِّين 10:27

لَاكِنْ مَا فِي شَيّءْ يِفَضِّلْ لَيْنَا إِلَّا نَرْجَوْا بِخَوْف شَدِيدْ الْحِسَابْ وَ النَّارْ الْمُحْرِقَةْ هَنَا غَضَبْ اللّٰهْ التَّاكُلْ كُلَّ الْعَاصِيِينْ.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

2 تِمُوتَاوُس 1:10

وَ هَسَّعْ فِي الزَّمَنْ الْحَاضِرْ، هُو بَيَّنْ رَحْمَتَهْ بِجَيَّةْ النَّادُمْ الْيِنَجِّينَا وَ هُو الْمَسِيحْ عِيسَى. الْمَسِيحْ بَطَّلْ قُدْرَةْ الْمَوْت وَ فِي بِشَارْتَهْ وَصَّفْ لَيْنَا الْحَيَاةْ الْأَبَدِيَّةْ.

دَنْيال 7:26

وَ لَاكِنْ مَجْلَسْ الْقُضْيَاءْ يِلِمّ وَ يِشِيلُوا مِنْ الْمَلِكْ دَا سُلْطِتَهْ وَ يِكَسُّرُوا مَمْلَكَتَهْ وَ يِدَمُّرُوهَا مَرَّةْ وَاحِدْ.

أيُّوب 4:9

بِنَفْخَةْ مِنْ الرَّبّ، يِدَّمَّرَوْا وَ بِرِيحْ غَضَبَهْ، يِكَمُّلُوا.

رُؤية 1:16

وَ فِي إِيدَهْ الزَّيْنَةْ، هُو شَايِلْ سَبْعَةْ نُجُومْ. وَ سَيْف مُطَرَّقْ مِنْ جَايْ وَ جَايْ مَارِقْ مِنْ خَشْمَهْ. وَ وِجْهَهْ يِضَوِّي شَدِيدْ مِثِلْ حَرَّايِةْ الضُّهُرْ.

1 يُوحَنَّا 3:12

وَ مَا وَاجِبْ نَبْقَوْا مِثِلْ قَابِيلْ. هُو نَادُمْ هَنَا إِبْلِيسْ الشَّرِيرْ وَ كَتَلْ أَخُوهْ. وَ مَالَا كَتَلَهْ؟ هُو كَتَلَهْ أَشَانْ هُو ذَاتَهْ قَاعِدْ يِسَوِّي الْفَسَالَةْ وَ لَاكِنْ أَخُوهْ قَاعِدْ يِسَوِّي الْعَدَالَةْ.

1 يُوحَنَّا 2:13

يَا الْأَبَّهَاتْ، نَكْتِبْ لَيْكُو أَشَانْ إِنْتُو عِرِفْتُوا الْقَاعِدْ مِنْ الْبِدَايَةْ. يَا الشَّبَابْ، نَكْتِبْ لَيْكُو أَشَانْ إِنْتُو غَلَبْتُوا إِبْلِيسْ الشَّرِيرْ.

2 تِمُوتَاوُس 4:1

نِوَصِّيكْ قِدَّامْ اللّٰهْ وَ قِدَّامْ الْمَسِيحْ عِيسَى الْيِشَارِعْ الْحَيِّينْ وَ الْمَيْتِينْ وَ دَا فِي الْيَوْم الْهُو يِبِينْ فَوْقَهْ فِي مَمْلَكَتَهْ.

1 تِمُوتَاوُس 6:14

تَابِعْ وَصِيَّةْ اللّٰهْ بَلَا خَطَا وَ بَلَا عَيْب لَحَدِّي يَوْم رَبِّنَا عِيسَى الْمَسِيحْ يِقَبِّلْ وَ كُلَّ النَّاسْ يِشِيفُوهْ.

مَتَّى 13:38

وَ الزَّرَعْ يِمَثِّلْ الدُّنْيَا. وَ التَّيْرَابْ الْعَدِيلْ يِمَثِّلْ نَاسْ الْمَمْلَكَةْ وَ السِّعِدْ يِمَثِّلْ نَاسْ إِبْلِيسْ الشَّرِيرْ.

مَتَّى 13:19

أَيِّ نَادُمْ الْيَسْمَعْ بِشَارَةْ الْمَمْلَكَةْ وَ مَا يَفْهَمْهَا، إِبْلِيسْ الشَّرِيرْ يَجِي وَ يِشِيلْ الْكَلَامْ مِنْ قَلْبَهْ. وَ دَا مِثِلْ التَّيْرَابْ الْوَقَعْ فَوْق الدَّرِبْ.

هُوشَع 6:5

أَشَانْ دَا، أَنَا ضَرَبْتُكُو بِالْأَنْبِيَاء وَ كَتَلْتُكُو بِكَلَامِي وَ نُورْ شَرِيعْتِي نَوَّرْكُو مِثِلْ نُورْ الصَّبَاحْ.

زَبُور 18:15

مِنْ شِدَّةْ زَعَلَكْ، يَا اللّٰهْ، وَ مِنْ حَمُو رِيحْ الْجَايَةْ مِنَّكْ، قَعَرْ الْبَحَرْ بَانْ وَ أَسَاسْ الدُّنْيَا أَنْكَشَفْ.

إشَعْيا 30:28

وَ نَفْخَتَهْ مِثِلْ سَيْل الشَّدِيدْ الْيَطْلَعْ لَحَدِّي يَلْحَقْ الرَّقَبَةْ. وَ هُو يِغَرْبِلْ الْأُمَمْ غَرْبِلِينْ الدَّمَارْ وَ يِلَجِّمْ الشُّعُوبْ لِيِوَدِّرْهُمْ.

دَنْيال 7:25

وَ هُو يُقُولْ كَلَامْ ضِدّ اللّٰهْ الْعَالِي وَ يِضَايِقْ نَاسَهْ الصَّالِحِينْ وَ يِدَوْر يِغَيِّرْ أَيَّامْ الْأَعْيَادْ وَ تَوْرَاةْ اللّٰهْ. وَ الصَّالِحِينْ يَقَعَوْا فِي إِيدَيْنَهْ مُدَّةْ تَلَاتَةْ سَنَةْ وَ نُصّ.

دَنْيال 8:25

وَ بِنَجَاضْتَهْ، يَنْجَحْ وَ بِكِدْبَهْ، يِسْتَكْبَرْ زِيَادَةْ وَ يِدَمِّرْ نَاسْ كَتِيرِينْ الْعَايْشِينْ فِي السَّلَامَةْ. وَ يُقُمّ ضِدّ سُلْطَانْ السَّلَاطِينْ. وَ يِدَّمَّرْ بَلَا مَا لِمْسَتَهْ إِيدْ.

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

مَتَّى 16:28

وَ نُقُولْ لَيْكُو الْحَقّ. فِي نَاسْ وَاحِدِينْ الْقَاعِدِينْ هِنِي مَا يُمُوتُوا قُبَّالْ مَا يِشِيفُوا إِبْن الْإِنْسَانْ جَايِ فِي مَمْلَكَتَهْ.»

1 كُرُنْتُس 1:28

أَيْوَى، اللّٰهْ عَزَلْ النَّاسْ الْمَسَاكِينْ وَ الْمَحْقُورِينْ وَ الْمَا عِنْدُهُمْ فَايْدَةْ حَسَبْ نَاسْ الدُّنْيَا، أَشَانْ يِبَطِّلْ فَايْدَةْ النَّاسْ الْيُقُولُوا هُمَّنْ بَسْ عِنْدُهُمْ فَايْدَةْ.

رُؤية 13:5

وَ الْحَيْوَانْ عِنْدَهْ إِذِنْ أَشَانْ يِحَجِّي كَلَامْ هَنَا إِسْتِكْبَارْ وَ كُفُرْ. وَ عِنْدَهْ إِذِنْ أَشَانْ يَمْلُكْ فِي النَّاسْ مُدَّةْ 42 شَهَرْ.

2 صَمُوِيل 23:7

وَ النَّادُمْ الْيِدَوْر يِلَمِّسَهْ، وَاجِبْ يِشِيلْ فَاسْ أَوْ عُودْ حَرْبَةْ حَتَّى يُكُرَّهْ وَ يَزْقُلَهْ فِي النَّارْ وَ يُتُشَّهْ.»