2 تَسَلونِيكِي 2:7 - الكتاب المقدس بالعربي الدارجي هنا تشاد

⁷ وَ هَسَّعْ كُلَ، قُدْرَةْ نَاكِرْ الْحَقّ قَاعِدَةْ تَخْدِمْ بِتَلْبِيدْ. وَ هُو مَا يِبِينْ لَحَدِّي الْيَدْحَرَهْ يَرْفَعَوْه مِنَّهْ.

2 تَسَلونِيكِي 2:7 Referenca të Kryqëzuara

1 يُوحَنَّا 2:18

يَا عِيَالِي، الْوَكِتْ الْأَخِيرْ بَدَا. أَوَّلْ سِمِعْتُوا كَدَرْ عَدُو الْمَسِيحْ يَجِي وَ خَلَاصْ عُدْوَانْ الْمَسِيحْ كَتِيرِينْ جَوْا. وَ بَيْدَا، نَعَرْفُوا الْوَكِتْ الْأَخِيرْ بَدَا خَلَاصْ.

أعمال الرُسُل 20:29

وَ أَنَا نَعَرِفْ كَدَرْ بَعَدْ أَنَا مَشَيْت خَلَاصْ، نَاسْ فَسْلِينْ يَدْخُلُوا فِي أُسُطْكُو مِثِلْ الْمَرَافْعِينْ يِنْدَسَّوْا فِي أُسْط الْغَنَمْ وَ يَاكُلُوهُمْ.

1 يُوحَنَّا 4:3

وَ لَاكِنْ أَيِّ نَادُمْ الْيُقُولْ هُو يِحَجِّي بِقُدْرَةْ الرُّوحْ وَ مَا يَشْهَدْ لِعِيسَى، كَلَامَهْ مَا مِنْ اللّٰهْ. دَا مِنْ رُوحْ هَنَا عَدُو الْمَسِيحْ السِّمِعْتُوا بَيَّهْ لَابُدَّ يَجِي وَ حَالِيّاً قَاعِدْ فِي الدُّنْيَا.

رُؤية 17:7

وَ الْمَلَكْ حَجَّى لَيِّ وَ قَالْ: «مَالَا عَجَّبْت مِنْهَا؟ نِفَسِّرْ لَيْك مَعَنَى هَنَا الْمَرَةْ وَ الْحَيْوَانْ الشَّايِلْهَا فِي ضَهَرَهْ الْعِنْدَهْ سَبْعَةْ رَاسْ وَ عَشَرَةْ قُرُونْ.

رُؤية 17:5

وَ فِي أُسُمْ عَجِيبْ مَكْتُوبْ فِي جَبْهِتْهَا وَ الْأُسُمْ دَا، هُو بَابِلْ الْكَبِيرَةْ، أَمّ الشَّرَامِيطْ وَ مُحَرَّمَاتْ الْأَرْض.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

2 تَسَلونِيكِي 2:6

وَ تَعَرْفُوا الشَّيّءْ الْقَاعِدْ يَدْحَرَهْ أَشَانْ مَا يِبِينْ قُبَّالْ وَكْتَهْ مَا يَجِي.