2 تَسَلونِيكِي 2:3 - الكتاب المقدس بالعربي الدارجي هنا تشاد

³ مَا تِخَلُّوا نَادُمْ يُغُشُّكُو بِأَيِّ شَيّءْ. قُبَّالْ يَوْم الرَّبّ مَا يَجِي، لَابُدَّ الْعِصْيَانْ الْأَخِيرْ يَبْقَى وَ نَاكِرْ الْحَقّ يِبِينْ وَ هُو النَّادُمْ الْاللّٰهْ قَدَّرْ لَيَّهْ الْهَلَاكْ.

2 تَسَلونِيكِي 2:3 Referenca të Kryqëzuara

1 يُوحَنَّا 2:18

يَا عِيَالِي، الْوَكِتْ الْأَخِيرْ بَدَا. أَوَّلْ سِمِعْتُوا كَدَرْ عَدُو الْمَسِيحْ يَجِي وَ خَلَاصْ عُدْوَانْ الْمَسِيحْ كَتِيرِينْ جَوْا. وَ بَيْدَا، نَعَرْفُوا الْوَكِتْ الْأَخِيرْ بَدَا خَلَاصْ.

أفَسُس 5:6

مَا تِخَلُّوا نَادُمْ يُغُشُّكُو بِكَلامْ بَاطِلْ. بِسَبَبْ الذُّنُوبْ الْمِثِلْ دَوْل، اللّٰهْ يِنَزِّلْ غَضَبَهْ فَوْق الْعَاصِيِينْ.

دَنْيال 7:25

وَ هُو يُقُولْ كَلَامْ ضِدّ اللّٰهْ الْعَالِي وَ يِضَايِقْ نَاسَهْ الصَّالِحِينْ وَ يِدَوْر يِغَيِّرْ أَيَّامْ الْأَعْيَادْ وَ تَوْرَاةْ اللّٰهْ. وَ الصَّالِحِينْ يَقَعَوْا فِي إِيدَيْنَهْ مُدَّةْ تَلَاتَةْ سَنَةْ وَ نُصّ.

دَنْيال 8:25

وَ بِنَجَاضْتَهْ، يَنْجَحْ وَ بِكِدْبَهْ، يِسْتَكْبَرْ زِيَادَةْ وَ يِدَمِّرْ نَاسْ كَتِيرِينْ الْعَايْشِينْ فِي السَّلَامَةْ. وَ يُقُمّ ضِدّ سُلْطَانْ السَّلَاطِينْ. وَ يِدَّمَّرْ بَلَا مَا لِمْسَتَهْ إِيدْ.

يُوحَنَّا 17:12

وَكِتْ أَنَا قَاعِدْ مَعَاهُمْ أَنَا حَفَضْتُهُمْ بِأُسْمَكْ، الْأُسُمْ الْإِنْتَ أَنْطَيْتنِي. أَنَا حَرَسْتُهُمْ وَ مَا فِي نَادُمْ مِنْهُمْ هِلِكْ، إِلَّا النَّادُمْ اللَّابُدَّ يَهْلَكْ أَشَانْ الْكَلَامْ الْمَكْتُوبْ فِي الْكِتَابْ يِتِمّ.

رُؤية 17:8

الْحَيْوَانْ الشِّفْتَهْ دَا، هُو أَوَّلْ قَاعِدْ وَ هَسَّعْ مَا فِيهْ وَ يَطْلَعْ مِنْ الْهَاوِيَةْ وَ لَاكِنْ بَعَدْ دَا، يَمْشِي فِي الْهَلَاكْ. وَ سُكَّانْ الْأَرْض الْأَسَامَيْهُمْ مَا مَكْتُوبِينْ مِنْ بِدَايَةْ الدُّنْيَا فِي كِتَابْ الْحَيَاةْ، هُمَّنْ يِشِيفُوا الْحَيْوَانْ الْفَسِلْ دَا وَ يِعَجُّبُوا مِنَّهْ بِلْحَيْن أَشَانْ فِي الْوَكِتْ الْفَاتْ، هُو قَاعِدْ وَ فِي الْوَكِتْ الْحَاضِرْ، هُو مَا فِيهْ وَ فِي الْوَكِتْ الْجَايِ، يِقَبِّلْ.

رُؤية 17:11

وَ الْحَيْوَانْ ذَاتَهْ أَوَّلْ قَاعِدْ وَ هَسَّعْ مَا فِيهْ وَ هُو الْمَلِكْ التَّامِنْ وَ أَوَّلْ هُو وَاحِدْ مِنْ السَّبْعَةْ وَ هُو يَمْشِي فِي الْهَلَاكْ.

1 كُرُنْتُس 6:9

نِسِيتُوا كَدَرْ الْمُذْنِبِينْ مَا يَوْرُثُوا مَمْلَكَةْ اللّٰهْ وَلَّا؟ مَا تُغُشُّوا نُفُوسْكُو. كَنْ نَادُمْ فَاسِقْ وَلَّا عَابِدْ أَصْنَامْ وَلَّا زَنَّايْ وَلَّا شَمْرَوْخَةْ وَلَّا لُوطِي

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

1 يُوحَنَّا 4:3

وَ لَاكِنْ أَيِّ نَادُمْ الْيُقُولْ هُو يِحَجِّي بِقُدْرَةْ الرُّوحْ وَ مَا يَشْهَدْ لِعِيسَى، كَلَامَهْ مَا مِنْ اللّٰهْ. دَا مِنْ رُوحْ هَنَا عَدُو الْمَسِيحْ السِّمِعْتُوا بَيَّهْ لَابُدَّ يَجِي وَ حَالِيّاً قَاعِدْ فِي الدُّنْيَا.