2 تَسَلونِيكِي 2:2 - الكتاب المقدس بالعربي الدارجي هنا تشاد

² أَشَانْ مَا تِبَرْجُلُوا بِسُهُولَةْ كَنْ نَادُمْ يُقُولْ يَوْم الرَّبّ جَاءْ خَلَاصْ. وَ مَا تِخَلُّوا كَلَامَهْ يِبَرْجِلْ فِكِرْكُو. مَا تِصَدُّقُوا بِكَلَامْ مِثِلْ دَا، كَنْ جَاءْ بِرُؤْيَةْ أَوْ مِنْ خَبَرْ وَاحِدْ أَوْ بِمَكْتُوبْ يُقُولُوا جَايِ مِنِّنَا.

2 تَسَلونِيكِي 2:2 Referenca të Kryqëzuara

مَرْخُوس 13:7

«وَ وَكِتْ إِنْتُو تَسْمَعَوْا خَبَرْ هَنَا حُرُوبْ قَرِيبْ وَ حُرُوبْ بَعِيدْ، مَا تِبَرْجُلُوا. أَشَانْ دَا وَاجِبْ يُكُونْ. وَ لَاكِنْ دَا لِسَّاعْ مَا كُمَالَةْ الدُّنْيَا.

2 تَسَلونِيكِي 3:17

أَنَا بُولُسْ شِلْت الْقَلَمْ فِي إِيدِي وَ قَاعِدْ نَكْتِبْ السَّلَامْ دَا. دِي بَسْ الْعَلَامَةْ فِي أَيِّ جَوَابْ الْأَنَا نَكْتِبَهْ. دِي بَسْ كِتَابْتِي.

لُوقا 21:9

وَ وَكِتْ تَسْمَعَوْا خَبَرْ هَنَا حُرُوبْ وَ تَمَرُّدْ، مَا تَخَافَوْا أَشَانْ دَا وَاجِبْ يُكُونْ قُبَّالْ. لَاكِنْ الْكُمَالَةْ مَا تَجِي عَجَلَةْ.»

1 تَسَلونِيكِي 4:15

وَ حَسَبْ الْكَلَامْ الرَّبِّنَا ذَاتَهْ أَوْرَانَا بَيَّهْ، نُقُولُوا لَيْكُو كَدَرْ أَنِحْنَ الْحَيِّينْ فِي يَوْم جَيَّةْ الرَّبّ، أَبَداً مَا نِقَدُّمُوا لِأَخْوَانَّا الْمَاتَوْا خَلَاصْ.

1 كُرُنْتُس 1:8

الْمَسِيحْ يَحْفَضْكُو لَحَدِّي فِي الْآخِرَةْ. أَشَانْ دَا، فِي يَوْم جَيَّةْ رَبِّنَا عِيسَى الْمَسِيحْ، تُكُونُوا بَلَا عَيْب.

يُوحَنَّا 14:1

وَ عِيسَى قَالْ بَتَّانْ: «مَا تِبَرْجُلُوا. آمُنُوا بِاللّٰهْ وَ آمُنُوا بَيِّ.

لُوقا 21:19

أَقْعُدُوا ثَابْتِينْ فِي التَّعَبْ دَا وَ مِثِلْ دَا تِنَجُّوا نُفُوسْكُو.

مَتَّى 24:24

أَشَانْ نَاسْ كَتِيرِينْ يَجُوا وَ يُقُولُوا هُمَّنْ الْمَسِيحْ وَلَّا يُقُولُوا بِكِدِبْ هُمَّنْ أَنْبِيَاء. وَ يِسَوُّوا عَلَامَاتْ كُبَارْ وَ عَجَايِبْ لَحَدِّي يُغُشُّوا النَّاسْ الْاللّٰهْ عَزَلَاهُمْ، كَنْ دَا مُمْكِنْ.

مِيخا 2:11

وَ كَنْ نَادُمْ يَجْرِي وَرَاءْ الرِّيحْ وَ يِتْنَبَّأْ بِكِدِبْ وَ يُقُولْ: «أَنَا نِتْنَبَّأْ لَيْكُو بِخَمَرْ وَ مَرِيسَةْ»، دَا بَسْ النَّبِي الْوَاجِبْ لَيْكُو إِنْتُو الشَّعَبْ دَا!

إشَعْيا 7:2

وَ قَالَوْا لِلْمَلِكْ أَحَازْ الْمِنْ ذُرِّيَّةْ دَاوُدْ: «دَاهُو مَلِكْ أَرَامْ خَطَّ مُعَسْكَرَهْ فِي تُرَابْ قَبِيلَةْ أَفْرَايِمْ.» خَلَاصْ فِي الْبَكَانْ دَا، الْمَلِكْ وَ شَعَبَهْ بَرْجَلَوْا بِقَوْا مِثِلْ شَدَرْ الْغَابَةْ الْهَزَّتَهْ الرِّيحْ.

رُؤية 19:20

وَ الْحَيْوَانْ غَلَبَوْه وَ كَرَبَوْه. وَ كَرَبَوْا مَعَايَهْ الْكَدَّابْ السَّوَّى نَفْسَهْ نَبِي الْأَوَّلْ سَوَّى عَجَايِبْ فِي قِدَّامَهْ. وَ الْعَجَايِبْ دَوْل، هُو سَوَّاهُمْ أَشَانْ يُغُشّ بَيْهُمْ النَّاسْ الْقِبْلَوْا وَسِمْ الْحَيْوَانْ الْفَسِلْ وَ سَجَدَوْا لِصَنَمَهْ. وَ رَمَوْا الْحَيْوَانْ الْفَسِلْ وَ الْكَدَّابْ حَيِّينْ فِي بَحَرْ النَّارْ الْمُأَوْقِدَةْ بِكِبْرِيتْ أَصْفَرْ.

1 تَسَلونِيكِي 3:3

أَشَانْ نَادُمْ وَاحِدْ مِنْكُو مَا يِبَرْجِلْ بِسَبَبْ التَّعَبْ الْقَاعِدْ فَوْقكُو. إِنْتُو ذَاتْكُو تَعَرْفُوا كَدَرْ مُقَدَّرْ لَيْنَا النَّاسْ يِتَعُّبُونَا.

أفَسُس 5:6

مَا تِخَلُّوا نَادُمْ يُغُشُّكُو بِكَلامْ بَاطِلْ. بِسَبَبْ الذُّنُوبْ الْمِثِلْ دَوْل، اللّٰهْ يِنَزِّلْ غَضَبَهْ فَوْق الْعَاصِيِينْ.

إشَعْيا 26:3

يَا رَبّ! لِلنَّادُمْ الثَّابِتْ، إِنْتَ تِجِيبْ السَّلَامْ أَشَانْ هُو يِتْوَكَّلْ عَلَيْك.

2 تَسَلونِيكِي 2:15

وَ بِمِثِلْ دَا، يَا أَخْوَانِي، أَقْعُدُوا ثَابْتِينْ وَ أَكُرْبُوا قَوِي التَّعْلِيمْ الْعَلَّمْنَاهْ لَيْكُو، كَنْ مِنْ الْكَلَامْ الْقُلْنَاهْ لَيْكُو بِخُشُومْنَا وَلَّا مِنْ الْكَلَامْ الْكَتَبْنَاهْ لَيْكُو فِي جَوَابَاتْنَا.

1 تَسَلونِيكِي 5:2

أَشَانْ إِنْتُو ذَاتْكُو تَعَرْفُوا عَدِيلْ كَدَرْ يَوْم الرَّبّ يَجِي بِغَفْلَةْ مِثِلْ جَيَّةْ السَّرَّاقْ بِاللَّيْل.

يُوحَنَّا 14:27

«نِخَلِّيكُو بِسَلَامْ. نَنْطِيكُو سَلَامْ هَنَايِ. أَنَا نَنْطِيكُو مَا مِثِلْ نَاسْ الدُّنْيَا يَنْطُوكُو. مَا تِبَرْجُلُوا وَ مَا تَخَافَوْا.

1 كُرُنْتُس 7:26

هَسَّعْ حَالِيّاً إِنْتُو قَاعِدِينْ فِي تَعَبْ شَدِيدْ. أَشَانْ دَا، فِي فِكْرِي أَخَيْر كَنْ أَيِّ نَادُمْ مَا يِغَيِّرْ حَالْتَهْ.

1 كُرُنْتُس 14:32

وَ النَّادُمْ الْيِتْنَبَّأْ عِنْدَهْ قُدْرَةْ فِي الْكَلَامْ الْيُقُولَهْ