2 تَسَلونِيكِي 1:8 - الكتاب المقدس بالعربي الدارجي هنا تشاد

⁸ هُو يَجِي بِنَارْ أَمّ لَهِيبْ حَامِيَةْ. وَ هُو يِعَاقِبْ النَّاسْ الْمَا يِدَوْرُوا يَعَرْفُوا اللّٰهْ وَ مَا يِتَابُعُوا بِشَارَةْ رَبِّنَا عِيسَى.

2 تَسَلونِيكِي 1:8 Referenca të Kryqëzuara

1 بُطْرُس 4:17

أَشَانْ الْوَكِتْ تَمَّ وَ الْحِسَابْ يَبْدَا. وَ أَكِيدْ يَبْدَا بِنَاسْ بَيْت اللّٰهْ. وَ كَنْ الْحِسَابْ يَبْدَا بَيْنَا أَنِحْنَ الْمُؤمِنِينْ، يَبْقَى كِكَّيْف لِلنَّاسْ الْأَبَوْا مَا تَابَعَوْا بِشَارَةْ اللّٰهْ؟

2 بُطْرُس 3:7

وَ بِكِلْمَةْ اللّٰهْ بَتَّانْ السَّمَاوَاتْ وَ الْأَرْض الْقَاعِدِينْ حَالِيّاً مَضْمُومِينْ أَشَانْ يَرْجَوْا النَّارْ. اللّٰهْ قَاعِدْ يَحْفَضْهُمْ لَحَدِّي يَوْم الْحِسَابْ الْيَهْلَكَوْا فَوْقَهْ النَّاسْ الْفَسْلِينْ.

عِبْرَانِيِّين 10:27

لَاكِنْ مَا فِي شَيّءْ يِفَضِّلْ لَيْنَا إِلَّا نَرْجَوْا بِخَوْف شَدِيدْ الْحِسَابْ وَ النَّارْ الْمُحْرِقَةْ هَنَا غَضَبْ اللّٰهْ التَّاكُلْ كُلَّ الْعَاصِيِينْ.

زَبُور 79:6

نَزِّلْ غَضَبَكْ فِي الْأُمَمْ الْمَا يَعَرْفُوكْ وَ ضِدّ الْمَمَالِكْ الْمَا يِنَادُوا أُسْمَكْ.

عِبْرَانِيِّين 10:30

نَعَرْفُوا اللّٰهْ بَسْ الْقَالْ: <التَّارْ هَنَايِ، أَنَا بَسْ النِّشِيلَهْ.> وَ بَتَّانْ مَكْتُوبْ: <اللّٰهْ يِحَاكِمْ شَعَبَهْ.>

عِبْرَانِيِّين 2:3

وَ كِكَّيْف أَنِحْنَ نَنْجَوْا كَنْ مَا نِتَابُعُوا عَدِيلْ كَلَامْ هَنَا النَّجَاةْ الْمُهِمَّةْ دِي؟ الْأَوَّلْ بَلَّغَاهَا، هُو رَبِّنَا. وَ الشُّهُودْ السِّمْعَوْا كَلَامَهْ أَكَّدَوْهَا لَيْنَا.

غَلاطِية 4:8

فِي الْوَكِتْ الْفَاتْ، مَا عِرِفْتُوا اللّٰهْ وَ إِنْتُو عَبِيدْ لِلْإِلٰـهَاتْ الْمَا إِلٰـهَاتْ بِالصَّحِيحْ.

رَوْمَا 6:16

تَعَرْفُوا عَدِيلْ كَدَرْ كَنْ تِسَلُّمُوا نُفُوسْكُو لِنَادُمْ أَشَانْ تِتَابُعُوا كَلَامَهْ مِثِلْ عَبِيدْ، خَلَاصْ إِنْتُو عَبِيدْ لِلنَّادُمْ التِّتَابُعُوا كَلَامَهْ دَا. كَنْ تَبْقَوْا عَبِيدْ لِلذَّنِبْ دَا، الذَّنِبْ يِوَدِّيكُو لِلْمَوْت وَ لَاكِنْ كَنْ تِتَابُعُوا كَلَامْ اللّٰهْ، هُو يِسَوِّيكُو صَالِحِينْ.

مَتَّى 25:41

«وَ بَتَّانْ، يِحَجِّي لِلنَّاسْ الْقَاعِدِينْ فِي نُصَّهْ الْإِسْرَايْ وَ يُقُولْ: ‹كِسُّوا بَعِيدْ مِنِّي، إِنْتُو الْمَلْعُونِينْ! أَمْشُوا فِي النَّارْ الْأَبَدِيَّةْ الْاللّٰهْ جَهَّزَاهَا لِإِبْلِيسْ وَ خَدَّامِينَهْ.

رُؤية 20:10

وَ إِبْلِيسْ الْأَوَّلْ غَشَّاهُمْ رَمَوْه فِي بَحَرْ هَنَا نَارْ وَ كِبْرِيتْ أَصْفَرْ. وَ دَا نَفْس الْبَكَانْ الْأَوَّلْ رَمَوْا فَوْقَهْ الْحَيْوَانْ الْفَسِلْ وَ الْكَدَّابْ السَّوَّى نَفْسَهْ نَبِي. وَ يِعَذُّبُوهُمْ لَيْل وَ نَهَارْ دَايْماً وَ إِلَى الْأَبَدْ.

عِبْرَانِيِّين 12:29

أَشَانْ اللّٰهْ النَّعَبُدُوهْ دَا، هُو مِثِلْ نَارْ التَّحْرِقْ كُلَّ شَيّءْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

رُؤية 6:10

وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»

1 تَسَلونِيكِي 4:5

مَا تِخَلُّوا شَهْوَاتْكُو يَمُلْكُوا فَوْقكُو. مَا تَبْقَوْا مِثِلْ النَّاسْ الْمَا مُؤمِنِينْ الْمَا يَعَرْفُوا اللّٰهْ.

رَوْمَا 1:28

النَّاسْ أَبَوْا مَا يَعَرْفُوا اللّٰهْ وَ أَشَانْ دَا، اللّٰهْ سَلَّمَاهُمْ لِعُقُولْهُمْ الْفَاسْدِينْ وَ قَمَّوْا يِسَوُّوا الشَّيّءْ الْمَا وَاجِبْ يِسَوُّوهْ.

أعمال الرُسُل 6:7

وَ نَاسْ زِيَادَةْ سِمْعَوْا كَلَامْ اللّٰهْ وَ عَدَدْ التَّلَامِيذ زَادْ فِي مَدِينَةْ الْقُدُسْ. وَ كَتِيرِينْ مِنْ رُجَالْ الدِّينْ آمَنَوْا بِعِيسَى الْمَسِيحْ.

يُوحَنَّا 3:19

وَ دَاهُو الْحُكُمْ، نُورْ اللّٰهْ دَخَلْ فِي الدُّنْيَا وَ النَّاسْ حَبَّوْا الضَّلَامْ وَ مَا دَوَّرَوْا النُّورْ أَشَانْ عَمَلْهُمْ شَيْن.

مَتَّى 25:46

«وَ النَّاسْ دَوْل يِنْدَسَّوْا فِي الْعِقَابْ الْأَبَدِي وَ الصَّالِحِينْ كَمَانْ يِنْدَسَّوْا فِي الْحَيَاةْ الْأَبَدِيَّةْ.»

صَفَنْيا 1:6

وَ نُقُشّ الْيِخَلُّونِي أَنَا اللّٰهْ وَ الْمَا يِتَابُعُونِي وَ لَا يَسْأَلَوْا مِنِّي.»

دَنْيال 7:10

وَ بَحَرْ هَنَا نَارْ جَارِي وَ فَايِتْ قِدَّامَهْ. وَ أُلُوفْ الْآلَافْ يَخْدُمُوا لَيَّهْ وَ مَلَايِينْ وَاقْفِينْ قِدَّامَهْ. وَ نَاسْ مَجْلَسْ الْقُضْيَاءْ قَعَدَوْا وَ فَتَحَوْا الْكُتُبْ.

إشَعْيا 27:11

وَ وَكِتْ الْفُرُوعْ يَبْقَوْا يَابْسِينْ، الْعَوِينْ يِكَسِّرَنْهُمْ وَ يِأَوْقِدَنْهُمْ نَارْ. أَشَانْ الشَّعَبْ دَوْل مَا عِنْدُهُمْ مَعْرَفَةْ وَ الْخَلَقَاهُمْ مَا رَحَمَاهُمْ وَ الْكَوَّنَاهُمْ مَا حَنَّ فَوْقهُمْ.

زَبُور 94:1

يَا اللّٰهْ، إِنْتَ الْإِلٰـهْ التِّشِيلْ التَّارْ! يَا إِلٰـهْ التِّشِيلْ التَّارْ، بَيِّنْ نَفْسَكْ!

زَبُور 18:44

وَ يُخُطُّوا أُدْنَيْهُمْ لِيَسْمَعَوْنِي وَ الْأَجَانِبْ يِمَسْكُنُوا نُفُوسْهُمْ لَيِّ.

تَثْنِية 32:35

وَ أَنَا بَسْ النِّشِيلْ التَّارْ وَ نَنْطِي الْأَجُرْ وَكِتْ رِجْلَيْهُمْ يِتَّرْتَعَوْا أَشَانْ يَوْم خَرَابْهُمْ قَرَّبْ وَ يَجِيهُمْ بِسُرْعَةْ.»

تَثْنِية 5:5

وَ فِي الْوَكِتْ دَاكْ، أَنَا بِقِيتْ وَسِيطْ أَمْبَيْنكُو إِنْتُو وَ اللّٰهْ لِنِأَوْرِيكُو بِكَلَامَهْ. أَشَانْ إِنْتُو خُفْتُوا مِنْ النَّارْ وَ مَا طَلَعْتُوا فِي الْجَبَلْ. وَ اللّٰهْ قَالْ:

تَثْنِية 4:30

وَ كَنْ فِي ضِيقِتْكُو تَوَاجُهُوا كُلَّ الْكَلَامْ دَا، خَلَاصْ فِي الأَخِيرْ، تِقَبُّلُوا لِلّٰهْ إِلٰـهْكُو وَ تَسْمَعَوْا كَلَامَهْ.

تَثْنِية 4:11

وَ فِي الْيَوْم دَا، قَرَّبْتُوا لَيِّ وَ وَقَفْتُوا فِي قَعَرْ الْجَبَلْ وَ الْجَبَلْ مُقَبَّضْ نَارْ لَحَدِّي نَارَهْ طَالْعَةْ فِي السَّمَاءْ وَ عِنْدَهْ ضَلَامْ وَ سَحَابْ وَ غَمَامْ أَزْرَقْ كُرُمْ.

خُروج 5:2

وَ الْمَلِكْ قَالْ: «اللّٰهْ هُو يَاتُو الْأَنَا نَسْمَعْ كَلَامَهْ وَ نِخَلِّي بَنِي إِسْرَائِيلْ يَمُرْقُوا؟ أَنَا مَا نَعَرِفْ اللّٰهْ. وَ مَا نِخَلِّيهُمْ يَمُرْقُوا.»

تكوين 3:24

وَ مِنْ طَرَدْ الْإِنْسَانْ، اللّٰهْ الرَّبّ خَطَّ مَخْلُوقِينْ سَمَاوِيِّينْ بِالنُّصّ الصَّبْحَانِي لِجِنَيْنَةْ عَدِنْ. وَ بِسَيْف الْعِنْدَهْ نَارْ يُدُورْ، هُمَّنْ يَحَرْسُوا دَرِبْ شَدَرَةْ الْحَيَاةْ.

1 بُطْرُس 3:6

وَ مِثِلْ دَا، سَارَةْ سِمْعَتْ كَلَامْ إِبْرَاهِيمْ وَ نَادَتَهْ سَيِّدْهَا. وَ هَسَّعْ كَنْ تِسَوَّنْ الْخَيْر وَ مَا تِخَلَّنْ أَيِّ خَوْف يَكْرُبْكَنْ، إِنْتَنْ تَبْقَنْ بَنَاتْهَا.

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

عِبْرَانِيِّين 11:8

وَ بِالْإِيمَانْ، إِبْرَاهِيمْ سِمِعْ كَلَامْ اللّٰهْ وَ قَمَّ مَشَى فِي الْبَكَانْ الْبَعَدَيْن يَبْقَى وَرَثَتَهْ. وَ هُو مَشَى قُبَّالْ مَا يَعَرِفْ الْبَكَانْ الْوَاجِبْ يَمْشِي لَيَّهْ.

عِبْرَانِيِّين 5:9

وَ خَلَاصْ، هُو بِقِي الْمُنَجِّي الْكَامِلْ وَ بِقِي دَرِبْ النَّجَاةْ الْأَبَدِيَّةْ لِكُلَّ النَّاسْ الْيِتَابُعُوا كَلَامَهْ.

غَلاطِية 3:1

يَا نَاسْ غَلَاطِيَةْ الْمَطَامِيسْ! بِكَلَامْ وَاضِحْ بِلْحَيْن فَسَّرْنَا لَيْكُو مَوْت عِيسَى الْمَسِيحْ فِي الصَّلِيبْ. وَ هَسَّعْ نَادُمْ سَوَّى لَيْكُو سِحِرْ وَلَّا؟

2 كُرُنْتُس 10:5

وَ أَيِّ كَلَامْ هَنَا إِسْتِكْبَارْ الْيِسِدّ الدَّرِبْ الْبَيَّهْ النَّاسْ يَعَرْفُوا اللّٰهْ. وَ نَكُرْبُوا أَيِّ فِكِرْ وَ نِسَوُّوهْ يِتَابِعْ كَلَامْ الْمَسِيحْ.

1 كُرُنْتُس 15:34

قَبُّلُوا فِي الدَّرِبْ الْعَدِيلْ التَّعَرْفُوهْ وَ خَلُّوا مِنْكُو الذُّنُوبْ. قُلْت الْكَلَامْ دَا أَشَانْ نَاسْ وَاحِدِينْ مِنْكُو مَا يَعَرْفُوا اللّٰهْ. وَ دَا عَيْب لَيْكُو.

رَوْمَا 16:26

وَ لَاكِنْ هَسَّعْ بَيَّنَهْ خَلَاصْ بِكُتُبْ الْأَنْبِيَاء لِكُلَّ الْأُمَمْ الْمَا يَهُودْ. وَ اللّٰهْ الْحَيّ إِلَى الْأَبَدْ أَنْطَى الْأَمُرْ دَا أَشَانْ كُلَّ الشَّعَبْ يِآمُنُوا بَيَّهْ وَ يِتَابُعُوا كَلَامَهْ.

رَوْمَا 15:18

وَ أَبَداً مَا نِدَوْر نِحَجِّي بِأَيِّ خِدْمَةْ إِلَّا الْخِدْمَةْ الْعِيسَى الْمَسِيحْ سَوَّاهَا بَيِّ أَشَانْ الْأُمَمْ يِطِيعُوا اللّٰهْ. هُو خَدَمْ بِكَلَامْ وَ بِفِعِلْ

رَوْمَا 10:16

وَ لَاكِنْ مَا كُلَّ النَّاسْ قِبْلَوْا الْبِشَارَةْ. أَشَانْ دَا، النَّبِي إِشَعْيَا قَالْ: <يَا اللّٰهْ، يَاتُو الْآمَنْ بِخَبَرْنَا؟>

رَوْمَا 1:5

وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.

يُوحَنَّا 8:19

وَ قَمَّوْا سَأَلَوْه وَ قَالَوْا: «أَبُوكْ وَيْن؟» وَ عِيسَى رَدَّ لَيْهُمْ وَ قَالْ: «مَا تَعَرْفُونِي وَ مَا تَعَرْفُوا أَبُويِ. كَنْ أَوَّلْ عِرِفْتُونِي، تَعَرْفُوا أَبُويِ كُلَ.»

إرْمِيا 9:6

هُمَّنْ يَمْشُوا مِنْ عُنُفْ لِعُنُفْ وَ مِنْ غَشّ لِغَشّ وَ يَابَوْا مَا يَعَرْفُونِي.» وَ دَا كَلَامْ اللّٰهْ.

إشَعْيا 61:2

أَنَا نَعْلِنْ سَنِةْ نِعْمَةْ اللّٰهْ وَ يَوْم التَّارْ هَنَا إِلٰـهْنَا. وَ دَا، لِنِصَبِّرْ كُلَّ الْحَزْنَانِينْ.

إشَعْيا 1:19

وَ كَنْ قَصَّدْتُوا وَ سِمِعْتُوا كَلَامِي، تَاكُلُوا مِنْ أَحْسَنْ إِنْتَاجْ الْأَرْض.

زَبُور 9:10

الْيَعَرْفُوا أُسْمَكْ يِتْوَكَّلَوْا عَلَيْك أَشَانْ إِنْتَ مَا تَابَى الْيِفَتُّشُوكْ، يَا اللّٰهْ!

1 صَمُوِيل 2:12

وَ لَاكِنْ أَوْلَادْ عَالِي مَا نَافْعِينْ وَ مَا خَايْفِينْ مِنْ اللّٰهْ.

إشَعْيا 1:28

الْعَاصِيِينْ وَ الْمُذْنِبِينْ يِدَّمَّرَوْا سَوَا وَ الْأَبَوْا اللّٰهْ، يِكَمُّلُوا.

إرْمِيا 10:25

وَ خَلِّي غَضَبَكْ يَنْزِلْ فِي الْأُمَمْ الْمَا يَعَرْفُوكْ وَ فِي الْقَبَايِلْ الْمَا يِنَادُوا أُسْمَكْ. أَشَانْ هُمَّنْ دَمَّرَوْا ذُرِّيَّةْ يَعْقُوبْ وَ سَوَّوْهُمْ مَا فِيهُمْ وَ خَرَبَوْا مَسَاكِنْهُمْ.

يَهُوذَا 1:7

وَ بَتَّانْ، فَكُّرُوا فِي حِلَّالْ سَدُومْ وَ عَمُورَةْ وَ الْحِلَّالْ الْجَنْبُهُمْ. سُكَّانْهُمْ كُلَ بِقَوْا مِثِلْ الْمَلَائِكَةْ دَوْل أَشَانْ أَنْكَرَبَوْا فِي الزِّنَى وَ تَابَعَوْا شَهْوَاتْ مُخَالِفِينْ لِلطَّبِيعَةْ. وَ أَشَانْ دَا، اللّٰهْ صَبَّ فَوْقهُمْ النَّارْ الْأَبَدِيَّةْ وَ هُمَّنْ بِقَوْا لَيْنَا مَثَلْ هَنَا عَذَابْ.

2 صَمُوِيل 23:7

وَ النَّادُمْ الْيِدَوْر يِلَمِّسَهْ، وَاجِبْ يِشِيلْ فَاسْ أَوْ عُودْ حَرْبَةْ حَتَّى يُكُرَّهْ وَ يَزْقُلَهْ فِي النَّارْ وَ يُتُشَّهْ.»