2 تَسَلونِيكِي 1:3 - الكتاب المقدس بالعربي الدارجي هنا تشاد

³ يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

2 تَسَلونِيكِي 1:3 Referenca të Kryqëzuara

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

2 تَسَلونِيكِي 2:13

لَاكِنْ، يَا أَخْوَانِي الرَّبِّنَا يِحِبُّكُو، وَاجِبْ نَشْكُرُوا اللّٰهْ دَايْماً فِي شَانْكُو إِنْتُو. اللّٰهْ عَزَلَاكُو مِنْ الْأَوَّلْ أَشَانْ يِنَجِّيكُو وَ يِسَوِّيكُو صَالِحِينْ بِعَمَلْ الرُّوحْ الْقُدُّوسْ. وَ دَا يَبْقَى أَشَانْ إِنْتُو آمَنْتُوا بِالْحَقّ.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

فِلِبِّي 1:9

وَ أَنَا قَاعِدْ نَسْأَلْ اللّٰهْ أَشَانْ هُو يِزِيدْ مَحَبِّتْكُو وَ يِكَتِّرْهَا لَيْكُو بِزِيَادَةْ. وَ خَلِّي يَنْطِيكُو مَعَاهَا عِلِمْ وَ فِهِمْ تَمَامْ

1 تَسَلونِيكِي 3:12

وَ لَيْكُو إِنْتُو، خَلِّي الرَّبّ يِزِيدْ مَحَبِّتْكُو وَ يِكَتِّرْهَا أَشَانْ تِرَّايَدَوْا أَمْبَيْنَاتْكُو بِزِيَادَةْ وَ تِحِبُّوا كُلَّ النَّاسْ مِثِلْ أَنِحْنَ نِحِبُّوكُو.

يُوحَنَّا 15:2

أَيِّ فِرِعْ الْمَا قَاعِدْ يَلْدَ، هُو يَمُرْقَهْ مِنِّي. وَ أَيِّ فِرِعْ الْقَاعِدْ يَلْدَ، هُو يِبَرْبِرَهْ أَشَانْ يَبْقَى نَضِيفْ وَ يَلْدَ زِيَادَةْ.

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

1 تَسَلونِيكِي 3:9

مِنْ شِدَّةْ الْفَرْحَةْ، مَا نَعَرْفُوا كِكَّيْف نَشْكُرُوا اللّٰهْ فِي شَانْكُو. أَيْوَى فِي شَانْكُو إِنْتُو، نَفْرَحَوْا قِدَّامْ اللّٰهْ بِفَرْحَةْ كَبِيرَةْ بِلْحَيْن.

رَوْمَا 1:8

أَوَّلْ شَيّءْ، نَشْكُرْ اللّٰهْ بِأُسُمْ عِيسَى الْمَسِيحْ فِي شَانْكُو كُلُّكُو أَشَانْ إِيمَانْكُو بِقِي مَعْرُوفْ فِي كُلَّ الدُّنْيَا.

2 بُطْرُس 1:13

أَشَانْ وَكِتْ أَنَا لِسَّاعْ قَاعِدْ حَيّ، وَاجِبْ نِذَكِّرْكُو لِمَا تَنْسَوْا.

1 تَسَلونِيكِي 3:6

لَاكِنْ هَسَّعْ بَسْ، تِمُوتَاوُسْ قَبَّلْ مِنْكُو وَ جَابْ لَيْنَا خَبَرْ حَلُو. أَوْرَانَا بِإِيمَانْكُو وَ مَحَبِّتْكُو وَ قَالْ فِكِرْكُو فَوْقنَا دَايْماً فِكِرْ زَيْن وَ إِنْتُو مُشْتَاقِينْ لَيْنَا مِثِلْ أَنِحْنَ مُشْتَاقِينْ لَيْكُو.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

أفَسُس 5:20

أَشْكُرُوا اللّٰهْ أَبُونَا فِي كُلَّ وَكِتْ وَ فِي كُلَّ شَيّءْ بِأُسُمْ رَبِّنَا عِيسَى الْمَسِيحْ.

1 كُرُنْتُس 1:4

نَشْكُرْ اللّٰهْ دَايْماً فِي شَانْكُو وَ فِي شَانْ الرَّحْمَةْ الْهُو أَنْطَاكُو بِعَلَاقِتْكُو مَعَ الْمَسِيحْ عِيسَى.

لُوقا 17:5

وَ الرُّسُلْ حَجَّوْا لِلرَّبّ عِيسَى وَ قَالَوْا: «زِيدْ لَيْنَا الْإِيمَانْ.»

لُوقا 15:32

لَاكِنْ وَاجِبْ نَفْرَحَوْا بِالْفَرْحَةْ دِي أَشَانْ أَخُوكْ دَا، أَوَّلْ جَعَلْنَاهْ مَيِّتْ وَ دَاهُو هُو حَيّ. وَ أَوَّلْ هُو وَدَّرْ وَ خَلَاصْ لِقِينَاهْ عَافَيْ.›»

زَبُور 92:13

هُو مُمَقَّنْ فِي بَيْت اللّٰهْ وَ يِخَضِّرْ فِي فَضَايَةْ إِلٰـهْنَا.

زَبُور 84:7

دَايْماً قُدْرِتْهُمْ قَاعِدَةْ تِزِيدْ وَ يِقَرُّبُوا لِلرَّبّ فِي صَهْيُون.

أيُّوب 17:9

الصَّالِحْ يَثْبِتْ فِي دَرْبَهْ وَ الْإِيدَيْنَهْ نَضِيفْينْ يَلْقَى قُدْرَةْ زِيَادَةْ.

2 كُرُنْتُس 10:15

وَ أَنِحْنَ مَا نُفُوتُوا غَادِي مِنْ حُدُودْنَا وَ مَا نِسْتَكْبَرَوْا فِي الْخِدْمَةْ السَّوَّوْهَا نَاسْ آخَرِينْ. لَاكِنْ نِتْمَنَّوْا كَدَرْ إِيمَانْكُو يِزِيدْ وَ خِدْمِتْنَا أَمْبَيْنَاتْكُو كُلَ تِزِيدْ مَرَّةْ وَاحِدْ.

2 تَسَلونِيكِي 2:1

نِدَوْرُوا نِحَجُّوا لَيْكُو بِجَيَّةْ رَبِّنَا عِيسَى الْمَسِيحْ وَ كِكَّيْف اللّٰهْ يِلِمِّنَا مَعَايَهْ. يَا أَخْوَانِي، نِوَصُّوكُو