2 تَسَلونِيكِي 1:11 - الكتاب المقدس بالعربي الدارجي هنا تشاد

¹¹ وَ أَشَانْ دَا، نَسْأَلَوْا لَيْكُو اللّٰهْ دَايْماً أَشَانْ هُو يَجْعَلْكُو نَاسْ الْعِنْدُكُو حَقّ لِمُنَادَاتَهْ. وَ نَسْأَلَوْه لَيْكُو أَشَانْ أَيِّ نِيَّةْ الصَّالْحَةْ الشِّلْتُوهَا وَ أَيِّ خِدْمَةْ الْبَدَيْتُوهَا بِسَبَبْ إِيمَانْكُو، اللّٰهْ يِتَمِّمْهَا بِقُدُرْتَهْ.

2 تَسَلونِيكِي 1:11 Referenca të Kryqëzuara

فِلِبِّي 2:13

أَشَانْ اللّٰهْ هُو الْقَاعِدْ يِسَوِّي عَمَلَهْ فَوْقكُو وَ هُو يَنْطِيكُو النِّيَّةْ وَ الْقُدْرَةْ لِتِسَوُّوا الشَّيّءْ الْعَدِيلْ الْيَرْضَى بَيَّهْ.

1 تَسَلونِيكِي 1:3

وَ أَيِّ وَكِتْ النَّسْأَلَوْا لَيْكُو أَبُونَا اللّٰهْ، نِفَكُّرُوا فِي الْعَمَلْ السَّوَّيْتُوهْ بِالْإِيمَانْ وَ الْخِدْمَةْ السَّوَّيْتُوهَا بِالْمَحَبَّةْ وَ عَشَمْكُو الْقَوِي فِي رَبِّنَا عِيسَى الْمَسِيحْ.

2 تَسَلونِيكِي 1:5

وَ دَا كُلَّ كَيْ يِوَصِّفْ كَدَرْ اللّٰهْ يَحْكِمْ بِالْعَدِلْ. وَ بِالتَّعَبْ دَا، اللّٰهْ يِجَهِّزْكُو أَشَانْ تَدْخُلُوا فِي مَمْلَكَتَهْ الْإِنْتُو قَاعِدِينْ تَتْعَبَوْا فِي شَانْهَا.

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

أفَسُس 1:5

مِنْ أَوَّلْ، هُو قَدَّرْ لَيْنَا وَ شَالْ نِيَّةْ أَشَانْ نَبْقَوْا عِيَالَهْ بِوَاسِطَةْ عِيسَى الْمَسِيحْ. وَ دِي بَسْ نِيّتَهْ الْهُو رَضْيَانْ بَيْهَا.

رَوْمَا 8:30

وَ النَّاسْ الْاللّٰهْ عَزَلَاهُمْ، هُو نَادَاهُمْ. وَ النَّاسْ النَّادَاهُمْ دَوْل، هُو سَوَّاهُمْ صَالِحِينْ. وَ السَّوَّاهُمْ صَالِحِينْ دَوْل، هُو أَنْطَاهُمْ مَجْدَهْ.

لُوقا 12:32

«يَا غِنَيْمَاتِي، مَا تَخَافَوْا. أَبُوكُو اللّٰهْ عِنْدَهْ نِيَّةْ يَنْطِيكُو الْمَمْلَكَةْ.

فِلِبِّي 1:6

وَ أَنَا مُؤَكِّدْ كَدَرْ اللّٰهْ، الْبَدَا خِدِمْتَهْ الْعَدِيلَةْ فَوْقكُو، هُو يِسَوِّيهَا دَايْماً لَحَدِّي يِتَمِّمْهَا فِي يَوْم جَيَّةْ الْمَسِيحْ عِيسَى.

زَبُور 138:8

اللّٰهْ يِتَمِّمْ كُلَّ شَيّءْ الْهُو بَدَا لَيِّ. يَا اللّٰهْ، رَحْمَتَكْ دَايْمَةْ إِلَى الْأَبَدْ. مَا تِخَلِّي أَعْمَالْ إِيدَيْنَكْ!

زَبُور 51:18

بِرِضَاكْ، سَوِّي الْخَيْر لِصَهْيُون وَ أَبْنِي بَتَّانْ دَرَادِرْ مَدِينَةْ الْقُدُسْ.

رُؤية 5:10

وَ إِنْتَ كَوَّنْتُهُمْ مَمْلَكَةْ وَ سَوَّيْتهُمْ رُجَالْ دِينْ أَشَانْ يَعَبُدُوا اللّٰهْ وَ يَحْكُمُوا فِي الْأَرْض.»

رُؤية 3:4

لَاكِنْ فِي سَارْدِسْ، نَاسَكْ وَاحِدِينْ مَا نَجَّسَوْا نُفُوسْهُمْ. وَ نُقُولْ لِلنَّاسْ دَوْل، هُمَّنْ يُرُوغُوا مَعَايِ لَابْسِينْ خُلْقَانْ بُيُضْ الْعِنْدُهُمْ حَقّ يَلْبَسَوْهُمْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

عِبْرَانِيِّين 3:1

أَشَانْ دَا، يَا أَخْوَانِي الصَّالِحِينْ الْاللّٰهْ نَادَاكُو كُلُّكُو لِتَدْخُلُوا فِي دَرْبَهْ، فَكُّرُوا فِي عِيسَى. هُو رَسُولْ اللّٰهْ وَ كَبِيرْ رُجَالْ الدِّينْ الْأَنِحْنَ مُؤمِنِينْ بَيَّهْ وَ نَشْهَدَوْا لَيَّهْ.

فِلِبِّي 3:14

وَ نِجَاهِدْ أَشَانْ نِتَمِّمْ الْمَقْصُودْ وَ نَلْقَى الْجَائِزَةْ وَ هِي الْبَرَكَةْ الْاللّٰهْ يِدَوْر يَنْطِيهَا لِلنَّاسْ النَّادَاهُمْ فِي مَجْدَهْ بِالْمَسِيحْ عِيسَى.

أفَسُس 1:16

أَنَا قَاعِدْ نَشْكُرْ اللّٰهْ دَايْماً فِي شَانْكُو وَ نِفَكِّرْ لَيْكُو فِي أَيِّ وَكِتْ النِّصَلِّي.

أفَسُس 1:9

بَيَّنْ لَيْنَا سِرّ هَنَا مُرَادْتَهْ الْهُو رَضْيَانْ بَيْهَا. وَ شَالْ نِيَّةْ لِيِتَمِّمْهَا فِي الْمَسِيحْ.

رَوْمَا 1:9

وَ اللّٰهْ النَّعَبُدَهْ بِكُلَّ رُوحِي فِي بَلِّغِينْ بِشَارَةْ إِبْنَهْ، هُو شَاهِدْ لَيِّ كَدَرْ أَنَا قَاعِدْ نِفَكِّرْ فَوْقكُو دَايْماً وَ نَدْعِي لَيْكُو

مَرْخُوس 4:28

فِي الْبِدَايَةْ، الْأَرْض تِقَوِّمْ نَبَاتْ. وَ بَعَدْ دَا، النَّبَاتْ يِسِلّ قَنْدُولْ. وَ فِي الْآخِرْ، الْقَنْدُولْ يَنْطِي حُبُوبْ.

زَكَرِيَّا 4:7

إِنْتَ تَحْسِبْ نَفْسَكْ كَبِيرْ، يَا الْجَبَلْ؟ قِدَّامْ زَرُبَابِلْ تَقَعْ وَ تَبْقَى سَهَلَةْ بَسْ. وَ كَنْ زَرُبَابِلْ يِجِيبْ آخِرْ حَجَرْ لِيَبْنُوا بَيْتِي، النَّاسْ يِعِيطُوا وَ يُقُولُوا: ”مَبْرُوكْ! مَبْرُوكْ لِلْحَجَرْ!“›»

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

إشَعْيا 66:9

وَ اللّٰهْ قَالْ: «أَنَا نَفْتَحْ بَطُنْ الْأَمّ وَ مَا نِخَلِّيهَا تَلْدَ وَلَّا؟» أَيْوَى، إِلٰـهَكْ قَالْ: «أَنَا النِّوَلِّدْ، نَدْحَرْ الصَّغِيرْ مَا يَمْرُقْ وَلَّا؟»

إشَعْيا 25:9

وَ فِي الْيَوْم دَا، يُقُولُوا: «دَاهُو إِلٰـهْنَا. أَنِحْنَ خَطَّيْنَا عَشَمْنَا فَوْقَهْ وَ هُو نَجَّانَا. أَيْوَى، هُو بَسْ اللّٰهْ الْخَطَّيْنَا عَشَمْنَا فَوْقَهْ. يَلَّا نَفْرَحَوْا وَ نِنْبَسْطُوا أَشَانْ هُو نَجَّانَا!

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

زَبُور 68:20

إِلٰـهْنَا هُو الْإِلٰـهْ الْيِنَجِّينَا، اللّٰهْ الرَّبّ بَسْ يَحْفَضْنَا مِنْ الْمَوْت.

زَبُور 48:14

أَشَانْ الرَّبّ دَا، هُو إِلٰـهْنَا دَايْماً وَ إِلَى الْأَبَدْ. هُو يُقُودْنَا لَحَدِّي الْمَوْت.

1 كُرُنْتُس 1:8

الْمَسِيحْ يَحْفَضْكُو لَحَدِّي فِي الْآخِرَةْ. أَشَانْ دَا، فِي يَوْم جَيَّةْ رَبِّنَا عِيسَى الْمَسِيحْ، تُكُونُوا بَلَا عَيْب.

دَنْيال 3:17

وَ لَاكِنْ، يَا الْمَلِكْ، إِلٰـهْنَا الْأَنِحْنَ قَاعِدِينْ نَعَبُدُوهْ يَقْدَرْ يِنَجِّينَا مِنْ النَّارْ أَمْ لَهِيبْ الشَّدِيدَةْ وَ مِنْ إِيدَكْ إِنْتَ كُلَ.

إشَعْيا 55:7

خَلِّي الْعَاصِي يِخَلِّي دَرْبَهْ وَ النَّادُمْ الْفَسِلْ يِخَلِّي أَفْكَارَهْ. خَلِّي يِقَبِّلْ لِلّٰهْ وَ هُو يَرْحَمَهْ أَشَانْ غُفْرَانْ إِلٰـهْنَا وَسِيعْ.

رَوْمَا 11:29

أَشَانْ كَنْ اللّٰهْ أَنْطَى نَادُمْ عَطِيَّةْ، هُو مَا يَنْدَمْ لَيْهَا. وَ كَنْ نَادَى نَادُمْ، مَا يِبَطِّلْ مُنَادَاتَهْ.

رَوْمَا 15:14

يَا أَخْوَانِي، أَنَا بِنَفْسِي مُؤَكِّدْ كَدَرْ إِنْتُو مَلَانِينْ بِالْخَيْر وَ بِالْعِلِمْ وَ قَادْرِينْ تِلْوَاصَوْا أَمْبَيْنَاتْكُو.