2 صَمُوِيل 8:2 - الكتاب المقدس بالعربي الدارجي هنا تشاد

² هُو أَنَّصَرْ فِي نَاسْ مُوَابْ وَ رَقَّدَاهُمْ فِي الْأَرْض وَ قَاوَسَاهُمْ بِحَبِلْ. وَ خَطَّاهُمْ بِمَجْمُوعَاتْ وَ فِي أَيِّ تَلَاتَةْ مَجْمُوعَةْ، يَكْتُلْ مَجْمُوعْتَيْن. وَ نَاسْ بَلَدْ مُوَابْ قَعَدَوْا تِحِتْ حُكُمْ دَاوُدْ وَ يِكَفُّوا مِيرِي.

2 صَمُوِيل 8:2 Referenca të Kryqëzuara

عَدد 24:17

أَنَا نِشِيفْ الْجَايِ وَ لَاكِنْ مَا يَجِي هَسَّعْ. أَنَا قَاعِدْ نِشِيفَهْ وَ لَاكِنْ مَا مِنْ قَرِيبْ. مِنْ ذُرِّيَّةْ يَعْقُوبْ تَطْلَعْ نَجْمَةْ وَ مِنْ بَنِي إِسْرَائِيلْ يَجِي مَلِكْ. بِعَصَاةْ مُلْكَهْ يَكْسِرْ جَبْهَةْ مُوَابْ وَ يَكْتُلْ كُلَّ ذُرِّيَّةْ شِيتْ.

زَبُور 60:8

بَلَدْ مُوَابْ مِثِلْ مَاعُونْ بَرُودِي وَ بَلَدْ أَدَوْم مِثِلْ بَكَانْ النَّزْقُلْ فَوْقَهْ نَعَالِي. وَ ضِدّ بَلَدْ الْفِلِسْطِيِّينْ، نِكَوْرِكْ كُرَوْرَاكْ الْحَرِبْ.»

2 صَمُوِيل 8:6

وَ دَاوُدْ خَطَّ مُحَافِظِينْ فِي الْأَرَامِيَّيْن الْقَاعِدِينْ تِحِتْ حُكُمْ مَدِينَةْ دِمَشْق. وَ الْأَرَامِيَّيْن قَعَدَوْا تِحِتْ حُكُمْ دَاوُدْ وَ قَاعِدِينْ يِكَفُّوا مِيرِي. وَ اللّٰهْ أَنْطَى النَّصُرْ لِدَاوُدْ فِي أَيِّ بَكَانْ الْيَمْشِي فَوْقَهْ.

1 صَمُوِيل 10:27

وَ لَاكِنْ نَاسْ وَاحِدِينْ الْمَا نَافْعِينْ قَالَوْا: «هُو دَا يِنَجِّينَا وَلَّا؟» هُمَّنْ كِرْهَوْه وَ مَا قَدَّمَوْا لَيَّهْ هَدَايَا. وَ شَاوُولْ مَا قَالْ شَيّءْ.

إشَعْيا 36:16

مَا تَسْمَعَوْا كَلَامْ حِزْقِيَّا أَشَانْ دَاهُو مَلِكْ أَشُورْ قَالْ: ‹سَوُّوا مَعَايِ صُلُحْ وَ سَلُّمُوا نُفُوسْكُو لَيِّ. وَ خَلَاصْ، أَيِّ وَاحِدْ مِنْكُو يَاكُلْ مِنْ إِنْتَاجْ عِنَبَهْ وَ تِينَهْ وَ يَشْرَبْ مِنْ أَلْمِي بِيرَهْ.

زَبُور 108:9

بَلَدْ مُوَابْ مِثِلْ مَاعُونْ بَرُودِي وَ بَلَدْ أَدَوْم مِثِلْ بَكَانْ النَّزْقُلْ فَوْقَهْ نَعَالِي. وَ ضِدّ بَلَدْ الْفِلِسْطِيِّينْ، نِكَوْرِكْ كُرَوْرَاكْ الْحَرِبْ!»

2 أخبار 26:8

وَ الْمَعُونِيِّينْ أَنْطَوْا هَدَايَا لِعُزِّيَّا. وَ أُسْمَهْ بِقِي طَالِعْ وَ سِمْعَوْا بَيَّهْ لَحَدِّي حُدُودْ مَصِرْ أَشَانْ هُو بِقِي شَدِيدْ مَرَّةْ وَاحِدْ.

1 أخبار 18:2

وَ هُو أَنَّصَرْ فِي نَاسْ مُوَابْ. وَ بَعَدْ دَا، نَاسْ بَلَدْ مُوَابْ قَعَدَوْا تِحِتْ حُكُمْ دَاوُدْ وَ يِكَفُّوا مِيرِي.

2 مُلوك 17:3

وَ شَلْمَنَاسَرْ مَلِكْ بَلَدْ أَشُورْ جَاءْ حَارَبَهْ لِهُوشَعْ مَلِكْ مَمْلَكَةْ إِسْرَائِيلْ وَ قِدِرْ فَوْقَهْ. وَ هُوشَعْ كَفَّى لَيَّهْ الْمِيرِي.

2 مُلوك 1:1

وَ بَعَدْ مَوْت أَخَابْ، بَلَدْ مُوَابْ أَتْمَرَّدَتْ ضِدّ بَنِي إِسْرَائِيلْ.

2 صَمُوِيل 12:31

وَ دَاوُدْ شَالْ نَاسْ الْمَدِينَةْ دِي وَ خَدَّمَاهُمْ بِقُوءْ خِدْمَةْ الْيِسَوُّوهَا بِمُنْشَارْ وَ خَازُوقْ هَنَا حَدِيدْ وَ فَاسْ. وَ عَصَرَاهُمْ فِي سَلِّلِينْ الدِّرِنْقَيْل كُلَ. وَ هُو سَوَّى مِثِلْ دَا فِي كُلَّ حِلَّالْ بَنِي عَمُّونْ. وَ بَعَدْ دَا، دَاوُدْ وَ كُلَّ النَّاسْ قَبَّلَوْا فِي أُورُشَلِيمْ.

1 صَمُوِيل 14:47

وَ وَكِتْ شَاوُولْ شَالْ الْمُلُكْ فِي إِسْرَائِيلْ، هُو حَارَبْ كُلَّ عُدْوَانَهْ الْمُجَاوِرِينَهْ مِثِلْ نَاسْ مُوَابْ وَ بَنِي عَمُّونْ وَ نَاسْ أَدَوْم وَ مُلُكْ صُوبَةْ وَ الْفِلِسْطِيِّينْ. وَ فِي أَيِّ بَكَانْ يِوَجِّهْ، هُو يِنَّصِرْ.

زَبُور 83:6

هُمَّنْ نَاسْ أَدَوْم وَ الْإِسْمَاعِيلِيِّينْ وَ نَاسْ مُوَابْ وَ ذُرِّيَّةْ هَاجَرْ

1 صَمُوِيل 22:3

وَ بَعَدْ دَا، دَاوُدْ مَشَى فِي حِلَّةْ مِصْفَةْ فِي بَلَدْ مُوَابْ. وَ قَالْ لِمَلِكْ مُوَابْ: «مِنْ فَضْلَكْ، أَنْطِي إِذِنْ لِأَبُويِ وَ أَمِّي يَجُوا يَقْعُدُوا فِي بَكَانَكْ لَحَدِّي نِشِيفْ الشَّيّءْ الْيِسَوِّيهْ لَيِّ الرَّبّ.»

1 صَمُوِيل 22:4

وَ هُو شَالَاهُمْ وَ وَدَّاهُمْ قِدَّامْ الْمَلِكْ وَ هُمَّنْ قَعَدَوْا مَعَايَهْ كُلَّ الْمُدَّةْ الدَّاوُدْ قَاعِدْ فَوْقهَا فِي الْبَكَانْ الْقَوِي.

1 مُلوك 4:21

وَ الْمَلِكْ سُلَيْمَانْ حَكَمْ فِي كُلَّ الْمَمَالِكْ مِنْ بَحَرْ الْفُرَاتْ وَ بَلَدْ الْفِلِسْطِيِّينْ لَحَدِّي حُدُودْ بَلَدْ مَصِرْ. وَ هُمَّنْ دَوْل يِكَفُّوا الْمِيرِي وَ يَخْدُمُوا لِلْمَلِكْ سُلَيْمَانْ فِي كُلَّ مُدَّةْ حَيَاتَهْ.

زَبُور 18:45

الْأَجَانِبْ كِسْلَوْا وَ مَرَقَوْا مِنْ مَلْجَئْهُمْ بِرَجِفِينْ.

زَبُور 60:10

مَا إِنْتَ، الْإِلٰـهْ الطَّرَدْتِنَا وَلَّا؟ مَا إِنْتَ، الرَّبّ، الْأَبَى مَا يَمْرُقْ مَعَ عَسْكَرْنَا وَلَّا؟