2 صَمُوِيل 8:10 - الكتاب المقدس بالعربي الدارجي هنا تشاد

¹⁰ خَلَاصْ، رَسَّلْ وِلَيْدَهْ يُورَامْ لِيِسَلِّمَهْ وَ يَشْكُرَهْ أَشَانْ دَاوُدْ حَارَبْ هَدَدْعَازَرْ وَ أَنَّصَرْ فَوْقَهْ. وَ قُبَّالْ دَا، تُوعِي وَ هَدَدْعَازَرْ هُمَّنْ عُدْوَانْ. وَ يُورَامْ وِلَيْد تُوعِي جَابْ لِدَاوُدْ مُعِدَّاتْ كَتِيرِينْ هَنَا فُضَّةْ وَ دَهَبْ وَ نَحَاسْ.

2 صَمُوِيل 8:10 Referenca të Kryqëzuara

زَبُور 129:8

وَ النَّاسْ الْفَايْتِينْ مَا يُقُولُوا: «اللّٰهْ يِبَارِكُّو!» وَ أَنِحْنَ نِبَارُكُوكُو بِأُسُمْ اللّٰهْ.

1 أخبار 18:10

خَلَاصْ رَسَّلْ وِلَيْدَهْ هَدُرَامْ لِيِسَلِّمَهْ وَ يَشْكُرَهْ أَشَانْ دَاوُدْ حَارَبْ هَدَدْعَازَرْ وَ أَنَّصَرْ فَوْقَهْ. وَ قُبَّالْ دَا، تُوعِي وَ هَدَدْعَازَرْ هُمَّنْ عُدْوَانْ. وَ هَدُرَامْ وِلَيْد تُوعِي جَابْ لِدَاوُدْ مُعِدَّاتْ كَتِيرِينْ هَنَا دَهَبْ وَ فُضَّةْ وَ نَحَاسْ.

1 صَمُوِيل 13:10

وَ وَكِتْ شَاوُولْ كَمَّلْ مِنْ قَدِّمِينْ الضَّحِيَّةْ الْمُحَرَّقَةْ، طَوَّالِي شَافْ صَمُوِيلْ وَصَّلْ. وَ هُو مَرَقْ لَاقَاهْ.

إشَعْيا 39:1

وَ فِي الْوَكِتْ دَا، مَلِكْ بَلَدْ بَابِلْ الْأُسْمَهْ مَرُودَكْ بَلَدَانْ وِلَيْد بَلَدَانْ رَسَّلْ جَوَابَاتْ وَ هَدِيَّةْ لِحِزْقِيَّا أَشَانْ هُو سِمِعْ كَدَرْ حِزْقِيَّا مِرِضْ وَ لِقِي الْعَافَيْ.

1 مُلوك 1:47

وَ زِيَادَةْ مِنْ دَا، مَسَائِيلْ الْمَلِكْ جَوْا بَارَكَوْا لِسِيدْنَا الْمَلِكْ دَاوُدْ وَ قَالَوْا لَيَّهْ: ‹خَلِّي الرَّبّ يِسَوِّي أُسُمْ سُلَيْمَانْ يَبْقَى مَشْهُورْ مِنْ أُسْمَكْ إِنْتَ وَ مُلْكَهْ كُلَ يَبْقَى زِيَادَةْ مِنْ مُلْكَكْ إِنْتَ.› وَ الْمَلِكْ سَجَدْ فِي فُرَاشَهْ.

تكوين 43:27

هُو سَلَّمَاهُمْ وَ قَالْ: «شَايِبْكُو الْحَجَّيْتُونِي بَيَّهْ لِسَّاعْ قَاعِدْ حَيّ وَ قَاعِدْ عَافَيْ وَلَّا؟»

2 صَمُوِيل 8:9

وَ تُوعِي مَلِكْ بَلَدْ حَمَاتْ سِمِعْ كَدَرْ دَاوُدْ أَنَّصَرْ فِي كُلَّ عَسْكَرْ هَدَدْعَازَرْ.

2 صَمُوِيل 8:11

وَ الْمُعِدَّاتْ الْجَابَاهُمْ لَيَّهْ دَوْل، دَاوُدْ خَصَّصَاهُمْ لِلّٰهْ. وَ دَا مِثِلْ أَوَّلْ كُلَ، هُو خَصَّصْ لِلّٰهْ الْفُضَّةْ وَ الدَّهَبْ الشَّالَاهُمْ مِنْ الْأُمَمْ الْأَنَّصَرْ فَوْقهُمْ.

2 أخبار 32:23

وَ نَاسْ كَتِيرِينْ يِجِيبُوا هَدَايَا لِلّٰهْ فِي مَدِينَةْ الْقُدُسْ وَ هَدَايَا غَالِيِّينْ لِحِزْقِيَّا مَلِكْ مَمْلَكَةْ يَهُوذَا. وَ مِنْ الْوَكِتْ دَا، أُسُمْ حِزْقِيَّا بِقِي عَالِي وَ مُكَرَّمْ قِدَّامْ كُلَّ الْأُمَمْ.