2 صَمُوِيل 7:8 - الكتاب المقدس بالعربي الدارجي هنا تشاد

⁸ «وَ هَسَّعْ دَا، أَمْشِي قُولْ لِعَبْدِي دَاوُدْ: ‹دَاهُو اللّٰهْ الْقَادِرْ قَالْ: ”أَنَا جِبْتَكْ مِنْ سَرْحَةْ الْغَنَمْ أَشَانْ تَبْقَى كَبِيرْ هَنَا شَعَبِي بَنِي إِسْرَائِيلْ.

2 صَمُوِيل 7:8 Referenca të Kryqëzuara

2 صَمُوِيل 12:7

وَ خَلَاصْ، نَاتَانْ قَالْ لِدَاوُدْ: «الرَّاجِلْ دَا، إِنْتَ ذَاتَكْ! وَ دَاهُو اللّٰهْ إِلٰـهْ بَنِي إِسْرَائِيلْ قَالْ: ‹أَنَا مَسَحْتَكْ وَ دَرَّجْتَكْ مَلِكْ فِي بَنِي إِسْرَائِيلْ وَ نَجَّيْتَكْ مِنْ إِيدْ شَاوُولْ.

2 صَمُوِيل 6:21

وَ دَاوُدْ قَالْ لِمِكَالْ: «أَنَا سَوَّيْت الشَّيّءْ دَا قِدَّامْ اللّٰهْ الْعَزَلَانِي أَنَا أَخَيْر مِنْ أَبُوكِ وَ عَايِلْتَهْ. وَ سَوَّانِي كَبِيرْ هَنَا شَعَبَهْ بَنِي إِسْرَائِيلْ. وَ أَنَا نَفْرَحْ بَتَّانْ زِيَادَةْ قِدَّامْ اللّٰهْ.

1 أخبار 17:7

«وَ هَسَّعْ دَا، أَمْشِي قُولْ لِعَبْدِي دَاوُدْ: ‹دَاهُو اللّٰهْ الْقَادِرْ قَالْ: ”أَنَا جِبْتَكْ مِنْ سَرْحَةْ الْغَنَمْ أَشَانْ تَبْقَى كَبِيرْ هَنَا شَعَبِي بَنِي إِسْرَائِيلْ.

1 صَمُوِيل 10:1

وَ صَمُوِيلْ شَالْ دِهِنْ وَ صَبَّاهْ فِي رَاسْ شَاوُولْ. وَ حَضَنَهْ وَ قَالْ: «بَيْدَا، اللّٰهْ دَرَّجَكْ لِتَبْقَى كَبِيرْ لِشَعَبَهْ بَنِي إِسْرَائِيلْ الْمِثِلْ وَرَثَتَهْ.

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

أعمال الرُسُل 7:46

«وَ اللّٰهْ رِضِي بِدَاوُدْ وَ دَاوُدْ طَلَبْ إِذِنْ أَشَانْ يَبْنِي بَيْت قَوِي لِلّٰهْ رَبّ بَنِي يَعْقُوبْ.

1 صَمُوِيل 2:8

وَ يِقَوِّمْ الْمِسْكِينْ مِنْ التُّرَابْ وَ يَرْفَعْ الْفَقْرَانْ مِنْ الرُّمَادْ. مَعَ الْمُلُوكْ، يِقَعِّدْهُمْ وَ عِزّ وَ شَرَفْ يَنْطِيهُمْ مِثِلْ وَرَثَةْ. لِلّٰهْ بَسْ أَسَاسْ الْأَرْض وَ فَوْقَهْ، خَطَّ الدُّنْيَا.

2 صَمُوِيل 23:1

دَاهُو آخِرْ كَلَامْ دَاوُدْ. دَا كَلَامْ دَاوُدْ وِلَيْد يَسَّى، كَلَامْ الرَّاجِلْ الْعَظِيمْ. هُو الْاللّٰهْ إِلٰـهْ يَعْقُوبْ مَسَحَهْ وَ دَرَّجَهْ مَلِكْ وَ هُو شَاعِرْ الْكُلَّ بَنِي إِسْرَائِيلْ يِحِبُّوهْ وَ يِكَرُّمُوهْ.

2 صَمُوِيل 24:17

وَ وَكِتْ دَاوُدْ شَافْ الْمَلَكْ الْكَتَلْ الشَّعَبْ دَا، قَالْ لِلّٰهْ: «أَنَا بَسْ أَذْنَبْت وَ سَوَّيْت الْخَطَا دَا. لَاكِنْ الشَّعَبْ دَوْل الْمِثِلْ الْغَنَمْ سَوَّوْا شُنُو؟ عَاقِبْنِي أَنَا وَ عَايِلْتِي.»

1 مُلوك 3:6

وَ سُلَيْمَانْ رَدَّ وَ قَالْ: «إِنْتَ سَوَّيْت خَيْر كَتِيرْ لِأَبُويِ دَاوُدْ عَبْدَكْ أَشَانْ هُو تَابَعْ دَرْبَكْ بِأَمَانْ وَ عَدَالَةْ وَ قَلِبْ أَبْيَضْ. وَ إِنْتَ حَفَضْت لَيَّهْ الْخَيْر الْكَتِيرْ دَا وَ أَنْطَيْتَهْ وِلَيْد الشَّالْ مُلْكَهْ الْيَوْم.

1 مُلوك 8:16

‹مِنْ يَوْم الْأَنَا مَرَقْت شَعَبِي بَنِي إِسْرَائِيلْ مِنْ بَلَدْ مَصِرْ، أَنَا مَا عَزَلْت حِلَّةْ وَاحِدَةْ مِنْ كُلَّ حِلَّالْ قَبَايِلْ بَنِي إِسْرَائِيلْ لِيَبْنُوا بَيْت النُّخُطّ فَوْقَهْ أُسْمِي. وَ لَاكِنْ أَنَا عَزَلْت دَاوُدْ لِيَحْكِمْ فِي شَعَبِي بَنِي إِسْرَائِيلْ.›»

1 أخبار 21:17

وَ دَاوُدْ قَالْ لِلرَّبّ: «مَا أَنَا بَسْ أَمَرْت يَحْسُبُوا الشَّعَبْ وَلَّا؟ وَ أَنَا بَسْ أَذْنَبْت وَ سَوَّيْت الْخَطَا دَا. لَاكِنْ الشَّعَبْ دَوْل مِثِلْ غَنَمْ بَسْ، مَا سَوَّوْا شَيّءْ! يَا اللّٰهْ إِلٰـهِي! عَاقِبْنِي أَنَا وَ عَايِلْتِي وَ لَاكِنْ مَا تِنَزِّلْ الْوَبَاءْ دَا فِي شَعَبَكْ.»

2 صَمُوِيل 5:2

وَ زَمَانْ وَكِتْ شَاوُولْ مَلِكْنَا، إِنْتَ قَاعِدْ تُقُودْ دَيْش بَنِي إِسْرَائِيلْ. وَ فِي الْوَكِتْ دَاكْ بَسْ، اللّٰهْ قَالْ لَيْك: ‹إِنْتَ تَبْقَى رَاعِي لِشَعَبِي بَنِي إِسْرَائِيلْ وَ تَحْكِمْ فَوْقهُمْ.›»

2 صَمُوِيل 14:13

وَ هِي قَالَتْ لَيَّهْ: «مَالَا إِنْتَ مَا فَكَّرْت مِثِلْ دَا فِي شَعَبْ الرَّبّ؟ وَ بِكَلَامَكْ الْإِنْتَ كَلَّمْتَهْ هَسَّعْ، يَا الْمَلِكْ، إِنْتَ بِقِيتْ خَاطِي أَشَانْ إِنْتَ مَا قَبَّلْت وِلَيْدَكْ الْمُعَرِّدْ.

عَمُوس 7:15

لَاكِنْ اللّٰهْ بَسْ نَادَانِي وَكِتْ أَنَا قَاعِدْ نَسْرَحْ بِغَنَمِي وَ قَالْ لَيِّ: ‹أَمْشِي أَتْنَبَّأْ لِشَعَبِي بَنِي إِسْرَائِيلْ.›