2 صَمُوِيل 7:7 - الكتاب المقدس بالعربي الدارجي هنا تشاد

⁷ وَ فِي أَيِّ بَكَانْ، أَنَا سِرْت مَعَ كُلَّ بَنِي إِسْرَائِيلْ. وَ أَنَا أَبَداً مَا كَلَّمْت لِوَاحِدْ مِنْ كُبَارَاتْ قَبَايِلْ بَنِي إِسْرَائِيلْ الْأَنَا أَمَرْتُهُمْ لِيَحْكُمُوا فَوْق شَعَبِي وَ لَا سَأَلْتَهْ مَالَا مَا بَنَى لَيِّ بَيْت هَنَا حَطَبْ الْأَرْز.“›

2 صَمُوِيل 7:7 Referenca të Kryqëzuara

1 أخبار 17:6

وَ فِي أَيِّ بَكَانْ، أَنَا سِرْت مَعَ كُلَّ بَنِي إِسْرَائِيلْ. وَ أَنَا أَبَداً مَا كَلَّمْت لِوَاحِدْ مِنْ حُكَّامْ بَنِي إِسْرَائِيلْ الْأَنَا أَمَرْتُهُمْ لِيَحْكُمُوا فَوْق شَعَبِي وَلَّا سَأَلْتَهْ مَالَا مَا بَنَاهْ لَيِّ بَيْت هَنَا حَطَبْ الْأَرْز“؟›

2 صَمُوِيل 5:2

وَ زَمَانْ وَكِتْ شَاوُولْ مَلِكْنَا، إِنْتَ قَاعِدْ تُقُودْ دَيْش بَنِي إِسْرَائِيلْ. وَ فِي الْوَكِتْ دَاكْ بَسْ، اللّٰهْ قَالْ لَيْك: ‹إِنْتَ تَبْقَى رَاعِي لِشَعَبِي بَنِي إِسْرَائِيلْ وَ تَحْكِمْ فَوْقهُمْ.›»

أعمال الرُسُل 21:28

وَ نَادَوْا بِحِسّ عَالِي وَ قَالَوْا: «يَا بَنِي إِسْرَائِيلْ، تَعَالُوا عَاوُنُونَا! دَا بَسْ الرَّاجِلْ الْقَاعِدْ يِعَلِّمْ النَّاسْ فِي كُلَّ بَكَانْ بِكَلَامْ ضِدّ الْيَهُودْ وَ ضِدّ التَّوْرَاةْ وَ ضِدّ الْبَيْت دَا. وَ هَسَّعْ، هُو دَخَلْ فِي بَيْت اللّٰهْ بِنَاسْ مَا يَهُودْ! وَ نَجَّسْ الْبَيْت الْمُقَدَّسْ!»

أعمال الرُسُل 20:28

«فَكُّرُوا فِي نُفُوسْكُو وَ فِي كُلَّ جَمَاعَةْ الْمُؤمِنِينْ هَنَا اللّٰهْ أَشَانْ الرُّوحْ الْقُدُّوسْ خَطَّاكُو فَوْقهُمْ رُعْيَانْ. أَيْوَى، أَسْرَحَوْا بِجَمَاعَةْ الْمُؤمِنِينْ الْاللّٰهْ شَرَاهُمْ بِدَمّ إِبْنَهْ.

مَتَّى 2:6

<يَا بَيْت لَحَمْ فِي دَارْ بَنِي يَهُوذَا، إِنْتِ مَا حِلَّةْ الْأَصْغَرْ لِحُكَّامْ يَهُوذَا أَشَانْ نَادُمْ وَاحِدْ يَمْرُقْ مِنْكِ وَ هُو الْحَاكِمْ الْيَبْقَى رَاعِي لِأُمَّتِي بَنِي إِسْرَائِيلْ.>»

مِيخا 5:4

وَ هُو يُقُمّ وَ يُقُودْهُمْ مِثِلْ رَاعِي بِقُدْرَةْ اللّٰهْ وَ بِعَظَمَةْ أُسُمْ اللّٰهْ إِلٰـهَهْ. وَ شَعَبَهْ يَسْكُنُوا بِأَمَانْ أَشَانْ قُدُرْتَهْ تِلْوَسَّعْ لَحَدِّي آخِرْ الْأَرْض.

حِزْقِيال 34:23

وَ نِجِيبْ لِغَنَمِي رَاعِي وَاحِدْ الْيَسْرَحْ بَيْهُمْ. وَ هُو يَبْقَى مِثِلْ عَبْدِي دَاوُدْ. يَسْرَحْ بَيْهُمْ وَ يَبْقَى لَيْهُمْ رَاعِي.

حِزْقِيال 34:15

وَ أَنَا ذَاتِي نِسَرِّحْ غَنَمِي وَ نِرَقِّدْهُمْ. وَ دَا كَلَامْ اللّٰهْ الرَّبّ.

حِزْقِيال 34:2

«يَا إِبْن آدَمْ، أَتْنَبَّأْ ضِدّ رُعْيَانْ إِسْرَائِيلْ. أَتْنَبَّأْ وَ قُولْ لِلرُّعْيَانْ دَوْل: ‹دَاهُو اللّٰهْ الرَّبّ قَالْ: ”الْعَذَابْ لَيْكُو إِنْتُو، يَا رُعْيَانْ إِسْرَائِيلْ التَّسْرَحَوْا بِنُفُوسْكُو بَسْ! الرُّعْيَانْ مَا وَاجِبْ يَسْرَحَوْا بِالْغَنَمْ وَلَّا؟

إرْمِيا 23:4

وَ أَنَا نُخُطّ فَوْقهُمْ رُعْيَانْ عَدِيلِينْ الْيَسْرَحَوْا بَيْهُمْ عَدِيلْ. وَ هُمَّنْ مَا يَخَافَوْا بَتَّانْ وَ لَا يِبَرْجُلُوا وَ وَاحِدْ مِنْهُمْ كُلَ مَا يِوَدِّرْ.» وَ دَا كَلَامْ اللّٰهْ.

إرْمِيا 3:15

وَ نُخُطّ فَوْقكُو كُبَارَاتْ مِثِلْ رُعْيَانْ الْأَنَا نَرْضَى بَيْهُمْ وَ يُقُودُوكُو بِفِكِرْ عَدِيلْ وَ مَعْرَفَةْ.»

إشَعْيا 40:11

مِثِلْ الرَّاعِي، يَرْعَا غَنَمَهْ وَ بِإِيدَهْ، يِلِمّ حُمْلَانَهْ. وَ يِشِيلْهُمْ فِي حُضْنَهْ وَ يِوَدِّي الشَّوَايِلْ بِهُدُوءْ.»

تَثْنِية 23:14

أَشَانْ اللّٰهْ إِلٰـهْكُو قَاعِدْ مَعَاكُو فِي لُبّ مُعَسْكَرْكُو لِيِنَجِّيكُو وَ يِسَلِّمْ لَيْكُو عُدْوَانْكُو. وَ فِي شَانْ دَا، وَاجِبْ الْمُعَسْكَرْ يُكُونْ مُخَصَّصْ لِلّٰهْ. وَ بَيْدَا، خَلِّي اللّٰهْ مَا يِشِيفْ شَيّءْ عَفِنْ فِي الْمُعَسْكَرْ وَ يِخَلِّيكُو.

1 بُطْرُس 5:1

وَ نِدَوْر نِوَصِّي كُبَارَاتْ جَمَاعَةْ الْمُؤمِنِينْ الْمَعَاكُو. أَنَا كُلَ كَبِيرْ مِثِلْهُمْ. وَ أَنَا شَاهِدْ لِتَعَبْ الْمَسِيحْ وَ بَتَّانْ مُشَارِكْ فِي قُدْرَةْ الْمَسِيحْ الْمَجِيدَةْ التِّبِينْ قَرِيبْ.

1 أخبار 11:2

زَمَانْ وَكِتْ شَاوُولْ مَلِكْ، إِنْتَ قَاعِدْ تُقُودْ دَيْش بَنِي إِسْرَائِيلْ. وَ فِي الْوَكِتْ دَاكْ بَسْ، اللّٰهْ إِلٰـهَكْ قَالْ لَيْك: ‹إِنْتَ تَبْقَى رَاعِي لِشَعَبِي بَنِي إِسْرَائِيلْ وَ تَحْكِمْ فَوْقهُمْ.›»

إشَعْيا 66:1

دَاهُو اللّٰهْ قَالْ: «السَّمَاءْ عَرْشِي وَ الْأَرْض بَكَانْ نُخُطّ رِجِلَيْنِي. هَلْ تَقْدَرَوْا تَبْنُوا بَيْت الْيِشِيلْنِي وَلَّا؟ وَلَّا تَقْدَرَوْا تَبْنُوا لَيِّ بَكَانْ لِلرَّاحَةْ؟