2 صَمُوِيل 7:2 - الكتاب المقدس بالعربي الدارجي هنا تشاد

² وَ يَوْم وَاحِدْ، الْمَلِكْ قَالْ لِلنَّبِي نَاتَانْ: «شِيفْ، أَنَا سَاكِنْ فِي بَيْت جَمِيلْ هَنَا حَطَبْ الْأَرْز. وَ لَاكِنْ صَنْدُوقْ الرَّبّ قَاعِدْ فِي خَيْمَةْ بَسْ.»

2 صَمُوِيل 7:2 Referenca të Kryqëzuara

2 صَمُوِيل 5:11

وَ حِيرَامْ مَلِكْ بَلَدْ صُورْ رَسَّلْ نَاسْ لِدَاوُدْ وَ وَدَّوْا لَيَّهْ حَطَبْ الْأَرْز. وَ رَسَّلْ نَجَّارِينْ الْحَطَبْ وَ نَاسْ الْيَقْطَعَوْا الْحَجَرْ لِيَبْنُوا بَيْت لِدَاوُدْ.

2 صَمُوِيل 12:1

وَ اللّٰهْ رَسَّلْ نَاتَانْ لِدَاوُدْ. وَ النَّبِي مَشَى لِدَاوُدْ وَ قَالْ لَيَّهْ: «فِيَّهْ نَاسَيْن قَاعِدِينْ فِي حِلَّةْ وَاحِدَةْ. الرَّاجِلْ الْوَاحِدْ غَنِيْ وَ الْآخَرْ فَقْرِي.

أعمال الرُسُل 7:46

«وَ اللّٰهْ رِضِي بِدَاوُدْ وَ دَاوُدْ طَلَبْ إِذِنْ أَشَانْ يَبْنِي بَيْت قَوِي لِلّٰهْ رَبّ بَنِي يَعْقُوبْ.

يُوحَنَّا 2:17

وَ تَلَامِيذَهْ فَكَّرَوْا فِي الْكَلَامْ الْمَكْتُوبْ الْبُقُولْ: <حُبِّي لِبَيْتَكْ بِقِي لَيِّ مِثِلْ نَارْ حَرَقَتْنِي.>

حَقَّاي 1:4

«هَسَّعْ، إِنْتُو تَسْكُنُوا فِي بُيُوتْ الْجَمَّلْتُوهُمْ بِحَطَبْ وَ لَاكِنْ بَيْت اللّٰهْ قَاعِدْ مُدَمَّرْ. دَا عَدِيلْ وَلَّا؟»

1 أخبار 29:29

وَ كُلَّ عَمَلْ الْمَلِكْ دَاوُدْ مِنْ الْبِدَايَةْ لِلنِّهَايَةْ مَكْتُوبْ فِي كُتُبْ الْبِنَادُوهُمْ أَعْمَالْ النَّبِي صَمُوِيلْ وَ أَعْمَالْ النَّبِي نَاتَانْ وَ أَعْمَالْ النَّبِي قَادْ.

1 أخبار 16:1

وَ هُمَّنْ جَابَوْا صَنْدُوقْ الرَّبّ وَ خَطَّوْه فِي لُبّ الْخَيْمَةْ الدَّاوُدْ جَهَّزَاهَا لَيَّهْ. وَ بَعَدْ دَا، قَدَّمَوْا لِلرَّبّ ضَحَايَا مُحَرَّقِينْ وَ ضَحَايَا سَلَامَةْ.

زَبُور 132:5

قَبُلْ مَا نَلْقَى بَكَانْ لِلّٰهْ الْيَبْقَى مَسْكَنْ لَيَّهْ هُو الْجَبَّارْ، إِلٰـهْ يَعْقُوبْ.»

2 أخبار 1:4

وَ صَنْدُوقْ الرَّبّ كَمَانْ، دَاوُدْ جَابَهْ مِنْ حِلَّةْ قَرْيَةْ يَعَرِيمْ وَ خَطَّاهْ فِي الْبَكَانْ الْهُو جَهَّزَهْ لَيَّهْ وَ دِي خَيْمَةْ فِي أُورُشَلِيمْ.

1 أخبار 14:1

وَ حِيرَامْ مَلِكْ بَلَدْ صُورْ رَسَّلْ نَاسْ لِدَاوُدْ وَ وَدَّوْا لَيَّهْ حَطَبْ الْأَرْز. وَ رَسَّلْ بَنَّايِينْ وَ نَجَّارِينْ الْحَطَبْ لِيَبْنُوا بَيْت لِلْمَلِكْ دَاوُدْ.

2 صَمُوِيل 7:17

وَ نَاتَانْ حَجَّى لِدَاوُدْ بِكُلَّ الْكَلَامْ الْقَالَهْ لَيَّهْ اللّٰهْ فِي الرُّؤْيَةْ دِي.

2 صَمُوِيل 6:17

وَ هُمَّنْ جَابَوْا صَنْدُوقْ اللّٰهْ وَ خَطَّوْه فِي بَكَانَهْ فِي لُبّ الْخَيْمَةْ الدَّاوُدْ جَهَّزَاهَا لَيَّهْ. وَ بَعَدْ دَا، دَاوُدْ قَدَّمْ لِلّٰهْ ضَحَايَا مُحَرَّقِينْ وَ ضَحَايَا سَلَامَةْ.

خُروج 40:21

وَ خَلَاصْ، شَالْ الصَّنْدُوقْ الْفَوْقَهْ لِيحَانْ الْمُعَاهَدَةْ وَ دَسَّاهْ فِي الْخَيْمَةْ وَ دَارَقَهْ بِسِتَارْ مِثِلْ اللّٰهْ أَمَرَهْ بَيَّهْ.

2 صَمُوِيل 11:11

وَ أُرِيَّا رَدَّ لِدَاوُدْ وَ قَالْ: «صَنْدُوقْ اللّٰهْ وَ عَسْكَرْ بَنِي إِسْرَائِيلْ وَ بَنِي يَهُوذَا سَاكْنِينْ فِي خِيَمْ وَ سِيدِي يُوَابْ وَ نَاسَكْ الْآخَرِينْ قَاعِدِينْ بَرَّا فِي الْكَدَادَةْ. وَ بَيْدَا، كِكَّيْف نَمْشِي بَيْتِي وَ نَاكُلْ وَ نَشْرَبْ وَ نَرْقُدْ مَعَ مَرْتِي؟ دَا مَا مُمْكِنْ! نَحْلِفْ لَيْك بِحَيَاتَكْ إِنْتَ كَدَرْ شَيّءْ مِثِلْ دَا، أَبَداً مَا نِسَوِّيهْ.»

1 مُلوك 1:22

وَ وَكِتْ بَتْشَابَعْ لِسَّاعْهَا تِحَجِّي مَعَ الْمَلِكْ كَيْ بَسْ، النَّبِي نَاتَانْ وَصَّلْ.

1 مُلوك 8:17

وَ سُلَيْمَانْ قَالْ بَتَّانْ: «دَاوُدْ أَبُويِ عِنْدَهْ نِيَّةْ لِيَبْنِي بَيْت لِلّٰهْ إِلٰـهْ بَنِي إِسْرَائِيلْ.

1 أخبار 22:7

وَ دَاوُدْ قَالْ لِسُلَيْمَانْ: «يَا وِلَيْدِي! زَمَانْ أَنَا ذَاتِي عِنْدِي نِيَّةْ نَبْنِي بَيْت لِلّٰهْ إِلٰـهِي.

2 أخبار 9:29

وَ الْبَاقِي مِنْ عَمَلْ سُلَيْمَانْ مِنْ الْبِدَايَةْ لِلنِّهَايَةْ مَكْتُوبْ فِي الْكُتُبْ الْبِنَادُوهُمْ أَعْمَالْ النَّبِي نَاتَانْ وَ كَلَامْ النَّبِي أَخِيَّا الْمِنْ حِلَّةْ شِيلَوْه وَ رُؤْيَةْ النَّبِي يَعْدُو، الْيِحَجِّي بِيَرُبَعَامْ وِلَيْد نَبَاتْ.

2 أخبار 29:25

وَ خَلَاصْ، الْمَلِكْ خَطَّ رُجَالْ الدِّينْ فِي بَيْت اللّٰهْ بِآلَاتْهُمْ هَنَا الْمُسِيقَى مِثِلْ النَّقَاقِيرْ وَ الْجِقِنْدِيَّةْ وَ أَمْ سِبَيْبَةْ. وَ دَا حَسَبْ أَمُرْ الْمَلِكْ دَاوُدْ وَ قَادْ النَّبِي الْيِشِيفْ رُؤْيَةْ لِلْمَلِكْ وَ نَاتَانْ النَّبِي أَشَانْ الْأَمُرْ دَا جَاءْ مِنْ اللّٰهْ بِوَاسِطَةْ الْأَنْبِيَاء دَوْل.

1 مُلوك 1:8

وَ لَاكِنْ وَ لَا صَدُوقْ رَاجِلْ الدِّينْ وَ لَا بَنَايَا وِلَيْد يَهُويَدَعْ وَ لَا النَّبِي نَاتَانْ وَ لَا شِمْعِي وَ لَا رِيعِي وَ لَا فُرَّاسْ دَاوُدْ هُمَّنْ دَوْل مَا أَنْضَمَّوْا مَعَ أَدُنِيَّا.

1 مُلوك 4:5

وَ عَزَرْيَا وِلَيْد نَاتَانْ هُو مَسْؤُولْ فِي الْحُكَّامْ وَ زَبُودْ وِلَيْد نَاتَانْ هُو رَاجِلْ دِينْ وَ مُسْتَشَارْ الْخَاصّ هَنَا الْمَلِكْ.

زَبُور 132:2

هُو حَلَفْ لِلّٰهْ وَ سَوَّى نَذِرْ لِلْجَبَّارْ، لِإِلٰـهْ يَعْقُوبْ وَ قَالْ: