2 صَمُوِيل 6:2 - الكتاب المقدس بالعربي الدارجي هنا تشاد

² وَ قَمَّ مَعَ كُلَّ النَّاسْ دَوْل وَ مَشَوْا حِلَّةْ بَعْلَةْ يَهُوذَا أَشَانْ يِجِيبُوا مِنْ هِنَاكْ صَنْدُوقْ الرَّبّ. وَ دَا الصَّنْدُوقْ الْفَوْقَهْ أُسُمْ اللّٰهْ الْقَادِرْ، هُو الْعَرْشَهْ قَاعِدْ بَيْن الْمَخْلُوقِينْ السَّمَاوِيِّينْ الْمَصْنُوعِينْ فِي سِدَادَةْ الصَّنْدُوقْ.

2 صَمُوِيل 6:2 Referenca të Kryqëzuara

1 صَمُوِيل 4:4

وَ خَلَاصْ، رَسَّلَوْا نَاسْ فِي حِلَّةْ شِيلَوْه وَ جَابَوْا صَنْدُوقْ مُعَاهَدَةْ اللّٰهْ الْقَادِرْ، هُو الْقَاعِدْ فِي الْعَرْشَهْ أَمْبَيْن الْمَخْلُوقِينْ السَّمَاوِيِّينْ. وَ أَوْلَادْ عَالِي الْإِتْنَيْن حُفْنِي وَ فِينْحَاسْ، هُمَّنْ كُلَ مَشَوْا مَعَ صَنْدُوقْ مُعَاهَدَةْ الرَّبّ.

زَبُور 80:1

يَا إِنْتَ التُّقُودْ ذُرِّيَّةْ يُوسُفْ مِثِلْ غَنَمْ، يَا رَاعِي إِسْرَائِيلْ، أَسْمَعْ! يَا إِنْتَ الْقَاعِدْ فَوْق الْمَخْلُوقِينْ السَّمَاوِيِّينْ، بَيِّنْ نَفْسَكْ!

1 صَمُوِيل 7:1

وَ سُكَّانْ حِلَّةْ قَرْيَةْ يَعَرِيمْ جَوْا شَالَوْا صَنْدُوقْ اللّٰهْ وَ خَطَّوْه فِي بَيْت أَبِنَدَابْ فِي رَاسْ الْحَجَرْ. وَ خَصَّصَوْا وِلَيْدَهْ أَلِعَازَرْ لِيَحْفَضَهْ.

1 بُطْرُس 1:12

وَ اللّٰهْ وَصَّفْ لِلْأَنْبِيَاء كَدَرْ هُمَّنْ يَخْدُمُوا لَيْكُو إِنْتُو وَ مَا لِنُفُوسْهُمْ. هُمَّنْ كَلَّمَوْا بِالْأَشْيَاءْ الْيَبْقَوْا فِي وَكِتْنَا. وَ إِنْتُو سِمِعْتُوا بِخَبَرْهُمْ مِنْ النَّاسْ الْبَلَّغَوْا لَيْكُو الْبِشَارَةْ. وَ دَا، بِقُدْرَةْ الرُّوحْ الْقُدُّوسْ الْاللّٰهْ نَزَّلَهْ مِنْ السَّمَاءْ. وَ الْكَلَامْ دَا، الْمَلَائِكَةْ ذَاتْهُمْ دَوَّرَوْا يَفْهَمَوْه.

إشَعْيا 54:5

أَشَانْ الْخَلَقَاكِ، هُو مِثِلْ رَاجِلْكِ وَ أُسْمَهْ اللّٰهْ الْقَادِرْ. وَ الْيَفْدَاكِ، هُو قُدُّوسْ إِسْرَائِيلْ وَ يِنَادُوهْ إِلٰـهْ كُلَّ الْأَرْض.

إشَعْيا 47:4

وَ الْيَفْدَانَا، أُسْمَهْ اللّٰهْ الْقَادِرْ قُدُّوسْ إِسْرَائِيلْ.

يَشُوع 15:60

وَ وَرَثَوْا بَتَّانْ قَرْيَةْ بَعَلْ يَعْنِي قَرْيَةْ يَعَرِيمْ وَ رَبَّةْ. بِالْجُمْلَةْ 2 مَدِينَةْ وَ حِلَّالْهُمْ التَّابْعِينْ لَيْهُمْ.

2 صَمُوِيل 22:11

هُو رِكِبْ فِي مَخْلُوقْ سَمَاوِي وَ طَارْ وَ بِجَنَاحَيْ الرِّيحْ، حَامْ.

1 صَمُوِيل 6:21

وَ هُمَّنْ رَسَّلَوْا لِسُكَّانْ قَرْيَةْ يَعَرِيمْ وَ قَالَوْا لَيْهُمْ: «الْفِلِسْطِيِّينْ قَبَّلَوْا صَنْدُوقْ اللّٰهْ. هَسَّعْ دَا، تَعَالُوا وَدُّوهْ بَكَانْكُو!»

زَبُور 99:1

اللّٰهْ هُو الْمَلِكْ. خَلِّي الشُّعُوبْ يَرْجُفُوا! هُو قَاعِدْ فَوْق الْمَخْلُوقِينْ السَّمَاوِيِّينْ. خَلِّي الْأَرْض تِنْهَزَّ!