2 صَمُوِيل 5:9 - الكتاب المقدس بالعربي الدارجي هنا تشاد

⁹ وَ دَاوُدْ سَكَنْ فِي الْبَكَانْ الْقَوِي دَا وَ سَمَّاهْ مَدِينَةْ دَاوُدْ. وَ بَعَدْ دَا، بَنَى دُرْدُرْ الدِّفَاعْ السَّمَّوْه مِلُّو الْقَاعِدْ أَمْبَيْن الزِّرَاعَةْ وَ مَسْكَنَهْ.

2 صَمُوِيل 5:9 Referenca të Kryqëzuara

1 مُلوك 9:24

وَ بِنَيَّةْ فِرْعَوْن حَوَّلَتْ مِنْ مَدِينَةْ دَاوُدْ وَ مَشَتْ فِي الْبَيْت السُّلَيْمَانْ بَنَى لَيْهَا. وَ بَعَدْ دَا كَمَانْ، سُلَيْمَانْ بَنَى دُرْدُرْ الدِّفَاعْ السَّمَّوْه مِلُّو.

1 مُلوك 9:15

وَ دَاهُو الشَّيّءْ الْبُخُصّ الْخِدْمَةْ الْإِجْبَارِيَّةْ الْأَسَاسْهَا الْمَلِكْ سُلَيْمَانْ فِي وَكِتْ بُنَى بَيْت اللّٰهْ وَ قَصِرْ الْمَلِكْ وَ دُرْدُرْ الدِّفَاعْ السَّمَّوْه مِلُّو وَ دَرَادِرْ هَنَا مَدِينَةْ الْقُدُسْ وَ حِلَّالْ حَاصُورْ وَ مَقِدُّو وَ قَازَرْ.

2 أخبار 32:5

وَ حِزْقِيَّا شَدَّ حَيْلَهْ وَ عَدَّلْ كُلَّ دُرْدُرْ الْحِلَّةْ الْمُكَسَّرْ وَ قَوَّمْ بُيُوتْ طُوَالْ هَنَا مُرَاقَبَةْ. وَ بَنَى دُرْدُرْ جَدِيدْ بَرَّا مِنْ دُرْدُرْ الْمَدِينَةْ وَ قَوَّى دُرْدُرْ الدِّفَاعْ السَّمَّوْه مِلُّو الْفِي مَدِينَةْ دَاوُدْ. وَ صَنَعْ سِلَاحْ وَ دَرَقْ بِكَتَرَةْ.

1 مُلوك 11:27

وَ دَاهُو السَّبَبْ الْقَوَّمْ يَرُبَعَامْ لِيِتْمَرَّدْ. دَا فِي وَكِتْ السُّلَيْمَانْ قَاعِدْ يَبْنِي دُرْدُرْ الدِّفَاعْ السَّمَّوْه مِلُّو وَ يِكَدِّكْ الْخُرْمَةْ الْفِي دُرْدُرْ مَدِينَةْ دَاوُدْ أَبُوهْ.

2 صَمُوِيل 5:7

وَ بَيْدَا كُلَ، دَاوُدْ شَالْ بَكَانْهُمْ الْقَوِي الْأُسْمَهْ صَهْيُون. وَ الْبَكَانْ دَا، سَمَّوْه مَدِينَةْ دَاوُدْ.

1 أخبار 11:8

وَ هُو وَسَّعْ الْحِلَّةْ مِنْ أَيِّ جِيهَةْ وَ دَا مِنْ دُرْدُرْ الدِّفَاعْ السَّمَّوْه مِلُّو لَحَدِّي حَوَالَيْهَا. وَ يُوَابْ كَمَانْ جَدَّدْ الْبَاقِي هَنَا الْحِلَّةْ.

قُضياء 9:20

وَ كَنْ أَبَيْتُوا كَمَانْ، خَلِّي نَارْ تَمْرُقْ مِنْ أَبِيمَلِكْ وَ تَاكُلْ سُكَّانْ شَكِيمْ وَ شَعَبْ بَيْت مِلُّو. وَ خَلِّي نَارْ تَمْرُقْ مِنْ سُكَّانْ شَكِيمْ وَ شَعَبْ بَيْت مِلُّو وَ تَاكُلْ أَبِيمَلِكْ.»

قُضياء 9:6

وَ كُلَّ سُكَّانْ شَكِيمْ وَ كُلَّ شَعَبْ بَيْت مِلُّو مَشَوْا لِلشَّدَرَةْ الْكَبِيرَةْ الْقَاعِدَةْ جَنْب الْحَجَرْ الْغَزَّوْه فِي شَكِيمْ. وَ هِنَاكْ دَرَّجَوْا أَبِيمَلِكْ مَلِكْ.

2 صَمُوِيل 5:8

وَ فِي الْيَوْم دَا، دَاوُدْ قَالْ لِنَاسَهْ: «كَنْ أَيِّ نَادُمْ يِدَوْر يَهْجِمْ الْيَبُوسِيِّينْ، خَلِّي يَدْخُلْ لَيْهُمْ بِالْمَجْرَةْ الْيَدْخُلْ بَيَّهْ الْأَلْمِي الْفِي تِحِتْ الْأَرْض وَ يَلْحَقْهُمْ. وَ كَنْ لِلْمُكَرْسَحِينْ وَ الْعَمْيَانِينْ دَوْل، أَنَا نَكْرَهُّمْ.» وَ فِي شَانْ دَا، الْمَثَلْ بُقُولْ: «الْعَمْيَانِينْ وَ الْمُكَرْسَحِينْ مَا يَدْخُلُوا بَيْت اللّٰهْ.»

2 مُلوك 12:20

وَ مَسَائِيلْ يُوَاشْ أَتْمَرَّدَوْا ضِدَّهْ وَ ضَرَبَوْه فِي حِلَّةْ بَيْت مِلُّو فِي الدَّرِبْ الْمَاشِي عَلَيْ حِلَّةْ صِلَّةْ.

زَبُور 122:3

مَدِينَةْ الْقُدُسْ هِي مَدِينَةْ مَبْنِيَّةْ بِجَمَالْ وَ مُوَحَّدَةْ.

إشَعْيا 29:1

الْعَذَابْ لِأَرِيِيلْ الْهِي مَدِينَةْ الْقُدُسْ، أَرِيِيلْ الْمَدِينَةْ الدَّاوُدْ هَجَمْهَا! كَنْ يِعَيُّدُوا أَعْيَادْهَا سَنَةْ بَعَدْ سَنَةْ كُلَ،

2 صَمُوِيل 6:10

وَ دَاوُدْ أَبَى مَا يِوَدِّي صَنْدُوقْ اللّٰهْ فِي بَيْتَهْ فِي مَدِينَةْ دَاوُدْ. وَ لَاكِنْ وَدَّاهْ فِي بَيْت عُبَيْد أَدَوْم الْمِنْ حِلَّةْ قَاتْ.

1 مُلوك 2:10

وَ دَاوُدْ مَاتْ وَ لِحِقْ أَبَّهَاتَهْ وَ دَفَنَوْه فِي مَدِينَةْ دَاوُدْ فِي أُورُشَلِيمْ.

2 مُلوك 12:21

وَ الْمَسَائِيلْ دَوْل هُمَّنْ يُزَاكَارْ وِلَيْد شِمْعَاتْ وَ يَهُزَبَادْ وِلَيْد شُمِيرْ. وَ هُمَّنْ ضَرَبَوْا يُوَاشْ وَ كَتَلَوْه. وَ دَفَنَوْه فِي قَبُرْ جُدُودَهْ فِي مَدِينَةْ دَاوُدْ. وَ وِلَيْدَهْ أَمَصْيَا حَكَمْ فِي بَدَلَهْ.

نَحَمْيا 3:15

وَ لِخَشُمْ الْبَابْ الْبِنَادُوهْ عَيْن أَلْمِي كَمَانْ، الْعَدَّلَهْ شَلُّونْ وِلَيْد كُلْحُوزَى كَبِيرْ فِي تُرَابْ حِلَّةْ مِصْفَةْ. وَ شَلُّونْ بَنَى خَشُمْ الْبَابْ دَا وَ سَوَّى لَيَّهْ رَاسْ وَ رَكَّبْ الْبَابْ بِتَرْبَازَهْ وَ قُفُلَهْ. وَ بَتَّانْ عَدَّلْ الدُّرْدُرْ الْمَاشِي مِنْ الرَّهَدْ الْبِنَادُوهْ سِلْوَامْ لَحَدِّي جِنَيْنَةْ الْمَلِكْ وَ لَحَدِّي الدَّرِبْ الْبِدَلِّي بِعَتَبَاتْ مِنْ مَدِينَةْ دَاوُدْ.