2 صَمُوِيل 5:6 - الكتاب المقدس بالعربي الدارجي هنا تشاد

⁶ وَ يَوْم وَاحِدْ، دَاوُدْ وَ نَاسَهْ قَمَّوْا مِنْ حِبْرُونْ وَ مَشَوْا أُورُشَلِيمْ لِيِحَارُبُوا الْيَبُوسِيِّينْ السَّاكْنِينْ فِيهَا. وَ الْيَبُوسِيِّينْ قَالَوْا لِدَاوُدْ: «إِنْتَ مَا تَقْدَرْ تَدْخُلْ فِي الْحِلَّةْ دِي! حَتَّى الْعَمْيَانِينْ وَ الْمُكَرْسَحِينْ كُلَ يَقْدَرَوْا يَدْحَرَوْك.» وَ بِالْكَلَامْ دَا، هُمَّنْ يَحْسُبُوا دَاوُدْ مَا يَقْدَرْ يِشِيلْ الْحِلَّةْ.

2 صَمُوِيل 5:6 Referenca të Kryqëzuara

قُضياء 1:8

وَ قَبِيلَةْ يَهُوذَا هَجَمَوْا مَدِينَةْ أُورُشَلِيمْ وَ شَالَوْهَا وَ كَتَلَوْا كُلَّ سُكَّانْهَا بِالْسَّيْف وَ حَرَّقَوْهَا.

إرْمِيا 37:10

حَتَّى كَنْ نَصَرْتُوا فِي كُلَّ دَيْش الْبَابِلِيِّينْ الْقَاعِدِينْ يِحَارُبُوكُو كُلَ، كَنْ فَضَّلَوْا مِنْهُمْ إِلَّا رُجَالْ مَجْرُوحِينْ وَ رَاقْدِينْ فِي خِيَمْهُمْ كُلَ، هُمَّنْ يُقُمُّوا وَ يِحَرُّقُوا الْمَدِينَةْ دِي.“›»

قُضياء 1:21

وَ كَنْ لِلْيَبُوسِيِّينْ السَّاكْنِينْ فِي أُورُشَلِيمْ، قَبِيلَةْ بَنْيَامِينْ مَا شَالَوْا مِنْهُمْ أَرْضُهُمْ. وَ الْيَبُوسِيِّينْ سَاكْنِينْ مَعَ قَبِيلَةْ بَنْيَامِينْ فِي أُورُشَلِيمْ لَحَدِّي الْيَوْم.

يَشُوع 18:28

وَ صِيلَعْ وَ أَلِفْ وَ مَدِينَةْ الْيَبُوسِيِّينْ يَعْنِي أُورُشَلِيمْ وَ قِبَيْعَةْ وَ قَرْيَةْ يَعَرِيمْ. وَ بِالْجُمْلَةْ 14 مُدُنْ وَ حِلَّالْهُمْ التَّابْعِينْ لَيْهُمْ. وَ دَا كُلَّ أَرْض وَرَثَةْ هِنْت قَبِيلَةْ بَنْيَامِينْ حَسَبْ خُشُومْ بُيُوتْهُمْ.

يَشُوع 15:63

وَ لَاكِنْ قَبِيلَةْ يَهُوذَا مَا قِدْرَوْا شَالَوْا أَرْض الْيَبُوسِيِّينْ السَّاكْنِينْ فِي أُورُشَلِيمْ. وَ الْيَبُوسِيِّينْ قَاعِدِينْ يَسْكُنُوا فِي أُورُشَلِيمْ فِي أُسُطْ قَبِيلَةْ يَهُوذَا لَحَدِّي الْيَوْم.

عِبْرَانِيِّين 7:1

وَ مَلْكِصَادِقْ دَا، هُو مَلِكْ حِلَّةْ شَالِيمْ وَ رَاجِلْ دِينْ هَنَا اللّٰهْ الْعَالِي. وَ هُو لَاقَى إِبْرَاهِيمْ وَ بَارَكَهْ وَكِتْ إِبْرَاهِيمْ مُقَبِّلْ مِنْ الْبَكَانْ الْأَنَّصَرْ فَوْقَهْ فِي الْمُلُوكْ.

تكوين 14:18

وَ مَلْكِصَادِقْ مَلِكْ حِلَّةْ شَالِيمْ جَابْ لِأَبْرَامْ خُبْزَةْ وَ خَمَرْ. وَ مَلْكِصَادِقْ دَا، هُو رَاجِلْ دِينْ هَنَا اللّٰهْ الْعَالِي.

يَشُوع 10:3

وَ خَلَاصْ، أَدُونِي صَادِقْ مَلِكْ أُورُشَلِيمْ رَسَّلْ لِهُهَامْ مَلِكْ حِبْرُونْ وَ فِرَامْ مَلِكْ يَرْمُوتْ وَ يَفِيعَ مَلِكْ لَكِيشْ وَ دَبِيرْ مَلِكْ عَقْلُونْ. وَ قَالْ لَيْهُمْ:

2 صَمُوِيل 22:30

يَا إِلٰـهِي! بَيْك إِنْتَ، نَهْجِمْ دُيُوشْ وَ بَيْك إِنْتَ، نُنُطّ دَرَادِرْ الْحِلَّةْ.

أمْثال 21:22

الْحَكِيمْ يُقُمّ ضِدّ مَدِينَةْ الْفُرَّاسْ وَ يَرْمِي دُرْدُرْهَا الْيِأَمِّنْهُمْ.

إرْمِيا 21:13

وَ دَاهُو كَلَامْ اللّٰهْ: «أَكِيدْ نُقُمّ ضِدِّكِ، يَا مَدِينَةْ الْقُدُسْ، الْقَاعِدَةْ فِي رَاسْ الْجَبَلْ وَ تِحِتْكِ الْوَادِي. إِنْتِ تُقُولِي: ‹يَاتُو يَقْدَرْ يَهْجِمْنَا؟ وَ يَاتُو يَقْدَرْ يَجِي يَدْخُلْ فِي كَرَاكِيرْنَا؟›