2 صَمُوِيل 5:3 - الكتاب المقدس بالعربي الدارجي هنا تشاد

³ وَ كُلَّ شُيُوخْ بَنِي إِسْرَائِيلْ جَوْا لِدَاوُدْ فِي حِبْرُونْ وَ هُو سَوَّى مَعَاهُمْ مُعَاهَدَةْ قِدَّامْ اللّٰهْ. وَ هُمَّنْ مَسَحَوْه وَ دَرَّجَوْه مَلِكْ فِي بَنِي إِسْرَائِيلْ.

2 صَمُوِيل 5:3 Referenca të Kryqëzuara

2 صَمُوِيل 2:4

وَ نَاسْ قَبِيلَةْ يَهُوذَا جَوْا لِدَاوُدْ مَسَحَوْه وَ دَرَّجَوْه مَلِكْ فَوْقهُمْ. وَ وَكِتْ خَبَّرَوْه كَدَرْ نَاسْ حِلَّةْ يَابِيشْ فِي تُرَابْ قِلْعَادْ سَتَرَوْا جَنَازَةْ شَاوُولْ،

1 صَمُوِيل 23:18

وَ خَلَاصْ، هُمَّنْ الْإِتْنَيْن جَدَّدَوْا عَلَاقِتْهُمْ قِدَّامْ اللّٰهْ. وَ بَعَدْ دَا، يُونَتَانْ قَبَّلْ بَيْتَهْ وَ دَاوُدْ قَعَدْ فِي الْغَابَةْ.

1 صَمُوِيل 16:13

وَ خَلَاصْ، صَمُوِيلْ شَالْ دِهِنْ مِنْ قَرْنَهْ وَ مَسَحْ دَاوُدْ وَ دَرَّجَهْ قِدَّامْ أَخْوَانَهْ. وَ طَوَّالِي، رُوحْ اللّٰهْ نَزَلْ فِي دَاوُدْ وَ مِنْ الْيَوْم دَا، هُو قَاعِدْ فَوْقَهْ. وَ صَمُوِيلْ قَبَّلْ فِي حِلَّةْ الرَّامَةْ.

2 مُلوك 11:17

وَ يَهُويَدَعْ سَوَّى مُعَاهَدَةْ بَيْن اللّٰهْ وَ بَيْن الْمَلِكْ وَ شَعَبَهْ لِيَبْقَوْا شَعَبْ اللّٰهْ. وَ بَتَّانْ سَوَّى مُعَاهَدَةْ أَمْبَيْن الْمَلِكْ وَ الشَّعَبْ.

2 صَمُوِيل 3:21

وَ أَبْنِيرْ قَالْ لِدَاوُدْ: «خَلِّي نَمْشِي نِلِمّ كُلَّ بَنِي إِسْرَائِيلْ لِيِنْضَمَّوْا لَيْك إِنْتَ، يَا سِيدِي الْمَلِكْ. وَ هُمَّنْ يِسَوُّوا مَعَاكْ مُعَاهَدَةْ وَ إِنْتَ تَحْكِمْ فِي أَيِّ بَكَانْ الْقَلْبَكْ يِدَوْرَهْ.» وَ خَلَاصْ، دَاوُدْ خَلَّاهْ مَشَى. وَ أَبْنِيرْ فَاتْ بِالسَّلَامَةْ.

قُضياء 11:11

وَ خَلَاصْ، يِفْتَاحْ مَشَى مَعَ كُبَارَاتْ قِلْعَادْ وَ الشَّعَبْ خَطَّوْه فَوْقهُمْ كَبِيرْ وَ قَايِدْ. وَ فِي حِلَّةْ مِصْفَةْ قِدَّامْ اللّٰهْ، يِفْتَاحْ ثَبَّتْ الْعَلَاقَةْ السَّوَّاهَا مَعَ كُبَارَاتْ قِلْعَادْ.

نَحَمْيا 9:38

وَ بِسَبَبْ دَا، أَنِحْنَ بَنِي إِسْرَائِيلْ شِلْنَا نِيَّةْ أَسْتَفَقْنَا وَ كَتَبْنَا الْإِسْتِفَاقْ دَا. وَ كُبَارَاتْنَا وَ اللَّاوِيِّينْ وَ رُجَالْ الدِّينْ هَنَانَا، أَيِّ وَاحِدْ خَطَّ خِتْمَهْ بِأُسْمَهْ فِي وَرَقَةْ الْإِسْتِفَاقْ.

2 أخبار 23:16

وَ يَهُويَدَعْ سَوَّى مُعَاهَدَةْ مَعَ كُلَّ الشَّعَبْ وَ مَعَ الْمَلِكْ. وَ بِالْمُعَاهَدَةْ دِي، الشَّعَبْ يَبْقَوْا شَعَبْ اللّٰهْ.

1 أخبار 11:3

وَ فِي شَانْ دَا، كُلَّ شُيُوخْ بَنِي إِسْرَائِيلْ جَوْا لِدَاوُدْ فِي حِبْرُونْ وَ هُو سَوَّى مَعَاهُمْ مُعَاهَدَةْ قِدَّامْ اللّٰهْ. وَ هُمَّنْ مَسَحَوْه وَ دَرَّجَوْه مَلِكْ فِي بَنِي إِسْرَائِيلْ حَسَبْ كَلَامْ اللّٰهْ الْقَالَهْ زَمَانْ بِوَاسِطَةْ صَمُوِيلْ.

1 صَمُوِيل 11:15

وَ خَلَاصْ، كُلَّ بَنِي إِسْرَائِيلْ مَشَوْا لِحِلَّةْ قِلْقَالْ وَ ثَبَّتَوْا الْمَلِكْ شَاوُولْ قِدَّامْ اللّٰهْ. وَ قَدَّمَوْا ضَحَايَا سَلَامَةْ لِلّٰهْ. وَ بَعَدْ دَا، شَاوُولْ وَ كُلَّ بَنِي إِسْرَائِيلْ فِرْحَوْا فَرْحَةْ شَدِيدَةْ.

خُروج 3:16

«هَسَّعْ دَا، يَا مُوسَى، أَمْشِي لِكُلَّ شُيُوخْ بَنِي إِسْرَائِيلْ وَ قُولْ لَيْهُمْ: ‹اللّٰهْ رَبّ جُدُودْكُو إِبْرَاهِيمْ وَ إِسْحَاقْ وَ يَعْقُوبْ بَانْ لَيِّ وَ قَالْ هُو شَافَاكُو وَ شَافْ الشَّيّءْ الْقَاعِدِينْ يِسَوُّوهْ لَيْكُو فِي مَصِرْ.

يَشُوع 10:36

وَ مِنْ عَقْلُونْ، يَشُوعْ وَ كُلَّ بَنِي إِسْرَائِيلْ مَشَوْا حِلَّةْ حِبْرُونْ وَ حَارَبَوْهَا.

1 مُلوك 1:34

وَ فِي الْبَكَانْ دَاكْ، صَدُوقْ رَاجِلْ الدِّينْ وَ النَّبِي نَاتَانْ يَمْسَحَوْه وَ يِدَرُّجُوهْ مَلِكْ فِي إِسْرَائِيلْ. وَ خَلَاصْ، تَضُرْبُوا الْبُوقْ وَ تُقُولُوا: ‹يِعِيشْ الْمَلِكْ سُلَيْمَانْ.›

1 أخبار 11:1

وَ كُلَّ بَنِي إِسْرَائِيلْ جَوْا لِدَاوُدْ فِي حِبْرُونْ وَ قَالَوْا لَيَّهْ: «شِيفْ! أَنِحْنَ مِنْ دَمَّكْ وَ لَحَمَكْ.

2 صَمُوِيل 2:7

صَحِيحْ، كَنْ سِيدْكُو شَاوُولْ مَاتْ كُلَ، شِدُّوا حَيْلكُو وَ أَبْقَوْا رُجَالْ فَحَلِينْ. أَشَانْ نَاسْ قَبِيلَةْ يَهُوذَا مَسَحَوْنِي وَ دَرَّجَوْنِي مَلِكْ فَوْقهُمْ.»

1 أخبار 28:4

وَ لَاكِنْ اللّٰهْ إِلٰـهْ بَنِي إِسْرَائِيلْ عَزَلَانِي مِنْ كُلَّ عَايِلَةْ أَبُويِ أَشَانْ نَحْكِمْ فِي إِسْرَائِيلْ. أَشَانْ هُو عَزَلْ قَبِيلَةْ يَهُوذَا تَحْكِمْ وَ مِنْ قَبِيلَةْ يَهُوذَا هُو عَزَلْ عَايِلَةْ أَبُويِ وَ مِنْ كُلَّ أَخْوَانِي عِيَالْ أَبُويِ هُو عَزَلْنِي أَنَا لِنَبْقَى مَلِكْ فِي كُلَّ بَنِي إِسْرَائِيلْ.