2 صَمُوِيل 5:2 - الكتاب المقدس بالعربي الدارجي هنا تشاد

² وَ زَمَانْ وَكِتْ شَاوُولْ مَلِكْنَا، إِنْتَ قَاعِدْ تُقُودْ دَيْش بَنِي إِسْرَائِيلْ. وَ فِي الْوَكِتْ دَاكْ بَسْ، اللّٰهْ قَالْ لَيْك: ‹إِنْتَ تَبْقَى رَاعِي لِشَعَبِي بَنِي إِسْرَائِيلْ وَ تَحْكِمْ فَوْقهُمْ.›»

2 صَمُوِيل 5:2 Referenca të Kryqëzuara

مَتَّى 2:6

<يَا بَيْت لَحَمْ فِي دَارْ بَنِي يَهُوذَا، إِنْتِ مَا حِلَّةْ الْأَصْغَرْ لِحُكَّامْ يَهُوذَا أَشَانْ نَادُمْ وَاحِدْ يَمْرُقْ مِنْكِ وَ هُو الْحَاكِمْ الْيَبْقَى رَاعِي لِأُمَّتِي بَنِي إِسْرَائِيلْ.>»

مِيخا 5:4

وَ هُو يُقُمّ وَ يُقُودْهُمْ مِثِلْ رَاعِي بِقُدْرَةْ اللّٰهْ وَ بِعَظَمَةْ أُسُمْ اللّٰهْ إِلٰـهَهْ. وَ شَعَبَهْ يَسْكُنُوا بِأَمَانْ أَشَانْ قُدُرْتَهْ تِلْوَسَّعْ لَحَدِّي آخِرْ الْأَرْض.

حِزْقِيال 34:23

وَ نِجِيبْ لِغَنَمِي رَاعِي وَاحِدْ الْيَسْرَحْ بَيْهُمْ. وَ هُو يَبْقَى مِثِلْ عَبْدِي دَاوُدْ. يَسْرَحْ بَيْهُمْ وَ يَبْقَى لَيْهُمْ رَاعِي.

يُوحَنَّا 10:11

«أَنَا الرَّاعِي الْعَدِيلْ. الرَّاعِي الْعَدِيلْ هُو النَّادُمْ الْيَفْدَى غَنَمَهْ بِحَيَاتَهْ.

2 صَمُوِيل 7:7

وَ فِي أَيِّ بَكَانْ، أَنَا سِرْت مَعَ كُلَّ بَنِي إِسْرَائِيلْ. وَ أَنَا أَبَداً مَا كَلَّمْت لِوَاحِدْ مِنْ كُبَارَاتْ قَبَايِلْ بَنِي إِسْرَائِيلْ الْأَنَا أَمَرْتُهُمْ لِيَحْكُمُوا فَوْق شَعَبِي وَ لَا سَأَلْتَهْ مَالَا مَا بَنَى لَيِّ بَيْت هَنَا حَطَبْ الْأَرْز.“›

إشَعْيا 40:11

مِثِلْ الرَّاعِي، يَرْعَا غَنَمَهْ وَ بِإِيدَهْ، يِلِمّ حُمْلَانَهْ. وَ يِشِيلْهُمْ فِي حُضْنَهْ وَ يِوَدِّي الشَّوَايِلْ بِهُدُوءْ.»

1 صَمُوِيل 25:30

وَ وَكِتْ اللّٰهْ يِتِمّ كُلَّ شَيّءْ الْوَاعَدَكْ بَيَّهْ إِنْتَ سَيِّدِي، هُو يِدَرِّجَكْ مَلِكْ فِي إِسْرَائِيلْ.

إشَعْيا 55:4

وَ دَاهُو أَنَا ثَبَّتَّهْ مِثِلْ شَاهِدْ فِي الْأُمَمْ وَ قَايِدْ الْيُقُودْ الشَّعَبْ.

1 صَمُوِيل 18:13

وَ فِي شَانْ دَا، شَاوُولْ بَعَدَهْ مِنَّهْ وَ خَطَّاهْ قَايِدْ فِي أَلِفْ عَسْكَرْ وَ هُو يَمْشِي وَ يَجِي فِي رَاسْهُمْ.

1 صَمُوِيل 16:1

وَ اللّٰهْ قَالْ لِصَمُوِيلْ: «لِمَتَى إِنْتَ تَحْزَنْ لِشَاوُولْ، الْأَنَا أَبَيْتَهْ بَتَّانْ مَا يَمْلُكْ فِي إِسْرَائِيلْ؟ هَسَّعْ دَا، شِيلْ قَرْنَكْ وَ أَمْلَا دِهِنْ وَ تَعَالْ نِرَسِّلَكْ لِيَسَّى الْمِنْ حِلَّةْ بَيْت لَحَمْ أَشَانْ أَنَا عَزَلْت وَاحِدْ مِنْ عِيَالَهْ لِيَبْقَى مَلِكْ.»

عِبْرَانِيِّين 2:10

اللّٰهْ الْخَلَقْ كُلَّ شَيّءْ وَ فِي شَانَهْ كُلَّ شَيّءْ مَوْجُودْ، هُو دَوَّرْ نَاسْ كَتِيرِينْ يَبْقَوْا عِيَالَهْ وَ يَدْخُلُوا فِي مَجْدَهْ. وَ أَشَانْ دَا، اللّٰهْ سَوَّى شَيّءْ مُوَافِقْ لَيْهُمْ. هُو رَسَّلْ النَّادُمْ الْيَفْتَحْ لَيْهُمْ دَرِبْ النَّجَاةْ. وَ جَعَلْ لِلْمَسِيحْ التَّعَبْ وَ بِتَعَبَهْ دَا، هُو بِقِي الْمُنَجِّي الْكَامِلْ.

1 صَمُوِيل 18:16

وَ لَاكِنْ كُلَّ بَنِي إِسْرَائِيلْ وَ نَاسْ قَبِيلَةْ يَهُوذَا يِرِيدُوهْ لِدَاوُدْ أَشَانْ هُو بَسْ قَايِدْ الدَّيْش وَ قَاعِدْ يَمْشِي وَ يَجِي فِي رَاسْهُمْ.

1 صَمُوِيل 18:5

وَ فِي أَيِّ مُهِمَّةْ الشَّاوُولْ يِرَسِّلَهْ فَوْقهَا، دَاوُدْ يَنْجَحْ. وَ شَاوُولْ خَطَّاهْ قَايِدْ فِي الرُّجَالْ الْمُحَارِبِينْ. وَ كُلَّ الشَّعَبْ وَ رُجَالْ شَاوُولْ رَادَوْه لِدَاوُدْ.

عَدد 27:17

وَ النَّادُمْ دَا يُقُودْهُمْ، يَمْرُقْ وَ يَجِي بَيْهُمْ وَ يِمَرِّقْهُمْ وَ يِدَخِّلْهُمْ. وَ بَيْدَا، شَعَبْ اللّٰهْ مَا يَبْقَوْا مِثِلْ الْغَنَمْ الْمَا عِنْدُهُمْ رَاعِي.»

1 صَمُوِيل 25:28

وَ سَامِحْ أَنَا خَادْمَكْ فِي الْخَطَا السَّوَّيْتَهْ، يَا سَيِّدِي. أَكِيدْ اللّٰهْ يِثَبِّتْ ذُرِّيّتَكْ فِي الْمُلُكْ أَشَانْ إِنْتَ قَاعِدْ تِحَارِبْ فِي شَانْ اللّٰهْ. وَ أَبَداً فِي مُدَّةْ حَيَاتَكْ، مَا يَلْقَوْا فَوْقَكْ أَيِّ عَيْب.

1 صَمُوِيل 13:14

وَ هَسَّعْ دَا، مُلْكَكْ مَا يِطَوِّلْ. أَشَانْ اللّٰهْ عَزَلْ نَادُمْ آخَرْ الْهُو رَضْيَانْ بَيَّهْ وَ دَرَّجَهْ لِيَحْكِمْ شَعَبَهْ. وَ لَاكِنْ إِنْتَ مَا تَابَعْت وَصِيَّةْ اللّٰهْ الْأَمَرَكْ بَيْهَا.»

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

2 مُلوك 20:5

«قَبِّلْ أَمْشِي لِحِزْقِيَّا كَبِيرْ شَعَبِي وَ قُولْ لَيَّهْ: ‹دَاهُو اللّٰهْ إِلٰـهْ جِدَّكْ دَاوُدْ قَالْ: ”أَنَا سِمِعْت سُؤَالَكْ وَ شِفْت دُمُوعَكْ الدَّفَّقَوْا. هَسَّعْ دَا، أَنَا نَشْفِيكْ وَ فِي الْيَوْم التَّالِتْ، إِنْتَ تَقْدَرْ تَمْشِي لِبَيْت اللّٰهْ.

تكوين 49:24

لَاكِنْ هُو كَرَبْ نُبَّالَهْ عَدِيلْ وَ إِيدَيْنَهْ ثَابْتِينْ. تَلْقَى الْبَرَكَةْ بِقُدْرَةْ اللّٰهْ الْجَبَّارْ، إِلٰـهْ يَعْقُوبْ، أَيْوَى، بِأُسُمْ اللّٰهْ الرَّاعِي الْيَحْمِي إِسْرَائِيلْ.

1 أخبار 11:2

زَمَانْ وَكِتْ شَاوُولْ مَلِكْ، إِنْتَ قَاعِدْ تُقُودْ دَيْش بَنِي إِسْرَائِيلْ. وَ فِي الْوَكِتْ دَاكْ بَسْ، اللّٰهْ إِلٰـهَكْ قَالْ لَيْك: ‹إِنْتَ تَبْقَى رَاعِي لِشَعَبِي بَنِي إِسْرَائِيلْ وَ تَحْكِمْ فَوْقهُمْ.›»

2 أخبار 1:10

وَ أَنْطِينِي الْحِكْمَةْ وَ الْعِلِمْ لِنَعَرِفْ كِكَّيْف نُقُودْ الشَّعَبْ دَا. أَشَانْ يَاتُو يَقْدَرْ يَحْكِمْ فِي شَعَبَكْ الْكَتِيرِينْ دَوْل؟»

2 صَمُوِيل 6:21

وَ دَاوُدْ قَالْ لِمِكَالْ: «أَنَا سَوَّيْت الشَّيّءْ دَا قِدَّامْ اللّٰهْ الْعَزَلَانِي أَنَا أَخَيْر مِنْ أَبُوكِ وَ عَايِلْتَهْ. وَ سَوَّانِي كَبِيرْ هَنَا شَعَبَهْ بَنِي إِسْرَائِيلْ. وَ أَنَا نَفْرَحْ بَتَّانْ زِيَادَةْ قِدَّامْ اللّٰهْ.

2 صَمُوِيل 7:8

«وَ هَسَّعْ دَا، أَمْشِي قُولْ لِعَبْدِي دَاوُدْ: ‹دَاهُو اللّٰهْ الْقَادِرْ قَالْ: ”أَنَا جِبْتَكْ مِنْ سَرْحَةْ الْغَنَمْ أَشَانْ تَبْقَى كَبِيرْ هَنَا شَعَبِي بَنِي إِسْرَائِيلْ.