2 صَمُوِيل 5:12 - الكتاب المقدس بالعربي الدارجي هنا تشاد

¹² وَ بَيْدَا، دَاوُدْ عِرِفْ كَدَرْ اللّٰهْ ثَبَّتَهْ مَلِكْ فِي بَنِي إِسْرَائِيلْ. وَ اللّٰهْ زَادْ دَرَجَةْ مُلْكَهْ فِي شَانْ شَعَبَهْ بَنِي إِسْرَائِيلْ.

2 صَمُوِيل 5:12 Referenca të Kryqëzuara

2 صَمُوِيل 7:16

وَ عَايِلَةْ بَيْتَكْ تَحْكِمْ دَايْماً بَعَدَكْ وَ مُلْكَكْ يَثْبِتْ إِلَى الْأَبَدْ.“›»

1 مُلوك 10:9

بَارَكْ اللّٰهْ إِلٰـهَكْ الرِّضِي بَيْك وَ خَطَّاكْ فِي كُرْسِي الْمُلُكْ لِتَمْلُكْ فِي بَنِي إِسْرَائِيلْ أَشَانْ اللّٰهْ قَاعِدْ يِحِبّ بَنِي إِسْرَائِيلْ إِلَى الْأَبَدْ. وَ فِي شَانْ دَا بَسْ، هُو خَطَّاكْ مَلِكْ فَوْقهُمْ لِتَحْكِمْ بِالْحَقّ وَ الْعَدَالَةْ.»

1 أخبار 14:2

وَ بَيْدَا، دَاوُدْ عِرِفْ كَدَرْ اللّٰهْ ثَبَّتَهْ مَلِكْ فِي بَنِي إِسْرَائِيلْ. وَ اللّٰهْ رَفَعْ دَرَجَةْ مُلْكَهْ فِي شَانْ شَعَبَهْ بَنِي إِسْرَائِيلْ.

دَنْيال 2:30

أَنَا مَا عِنْدِي حِكْمَةْ زِيَادَةْ مِنْ كُلَّ النَّاسْ وَ اللّٰهْ مَا كَشَفْ لَيِّ السِّرّ دَا بِسَبَبْ حِكْمَتِي لَاكِنْ أَشَانْ إِنْتَ الْمَلِكْ تَعَرِفْ التَّفْسِيرْ وَ تَفْهَمْ الشَّيّءْ الْجَاءْ لَيْك فِي فِكْرَكْ.

أسْتِير 4:14

وَ كَنْ إِنْتِ تَسْكُتِي مَا تُقُولِي شَيّءْ فِي الْوَكِتْ الْمُنَاسِبْ دَا، الْأَمَانْ وَ النَّجَاةْ هَنَا الْيَهُودْ يَجُوا مِنْ بَكَانْ آخَرْ. وَ لَاكِنْ إِنْتِ وَ عَايِلَةْ أَبُوكِ كَمَانْ تِدَّمَّرَوْا. وَ يَاتُو يَعَرِفْ كَدَرْ فِي الْحَالَةْ الْمِثِلْ دِي بَسْ، إِنْتِ بِقِيتِ مَلِكَةْ؟»

2 أخبار 2:11

وَ حِيرَامْ مَلِكْ بَلَدْ صُورْ كَتَبْ مَكْتُوبْ وَ رَدَّ لِسُلَيْمَانْ وَ قَالْ: «أَشَانْ اللّٰهْ يِحِبّ شَعَبَهْ دَا بَسْ، هُو خَطَّاكْ فَوْقهُمْ مَلِكْ.»

2 صَمُوِيل 5:11

وَ حِيرَامْ مَلِكْ بَلَدْ صُورْ رَسَّلْ نَاسْ لِدَاوُدْ وَ وَدَّوْا لَيَّهْ حَطَبْ الْأَرْز. وَ رَسَّلْ نَجَّارِينْ الْحَطَبْ وَ نَاسْ الْيَقْطَعَوْا الْحَجَرْ لِيَبْنُوا بَيْت لِدَاوُدْ.

2 صَمُوِيل 5:13

وَ وَكِتْ دَاوُدْ قَمَّ مِنْ حِبْرُونْ وَ جَاءْ فِي أُورُشَلِيمْ، أَخَدْ عَوِينْ آخَرَاتْ وَ شَالْ سِرِّيَّاتْ. وَ هِنَّ وِلْدَنْ لَيَّهْ أَوْلَادْ وَ بَنَاتْ.

عَدد 24:7

أَلْمِي يِسِيلْ مِنْ عَيْنَهْ وَ بِذِرْتَهْ يَزْقُوهَا بِأَلْمِي كَتِيرْ. وَ مَلِكْهُمْ يَبْقَى زِيَادَةْ مِنْ الْمَلِكْ أَقَاقْ وَ مَمْلَكَتَهْ تَبْقَى قَوِيَّةْ.