2 صَمُوِيل 4:12 - الكتاب المقدس بالعربي الدارجي هنا تشاد

¹² وَ دَاوُدْ أَمَرْ نَاسَهْ يَكْتُلُوا رِكَابْ وَ بَعَنَى. وَ هُمَّنْ كَتَلَوْهُمْ وَ قَطَعَوْا إِيدَيْهُمْ وَ رِجْلَيْهُمْ وَ عَلَّقَوْا جِثَثُّهُمْ جَنْب الرَّهَدْ الْفِي حِبْرُونْ. وَ لَاكِنْ رَاسْ إِشْبُوشَتْ كَمَانْ، شَالَوْه وَ دَفَنَوْه فِي قَبُرْ أَبْنِيرْ فِي حِبْرُونْ.

2 صَمُوِيل 4:12 Referenca të Kryqëzuara

2 صَمُوِيل 3:32

وَ دَفَنَوْا جَنَازَةْ أَبْنِيرْ فِي حِبْرُونْ. وَ دَاوُدْ بَكَى شَدِيدْ فِي الْقَبُرْ وَ كُلَّ النَّاسْ الْمَعَايَهْ بَكَوْا.

2 صَمُوِيل 1:15

وَ خَلَاصْ، دَاوُدْ نَادَى وَاحِدْ مِنْ عَسْكَرَهْ وَ قَالْ لَيَّهْ: «أَكْتُلَهْ!» وَ الْعَسْكَرِي ضَرَبْ الْعَمَالِقِي وَ كَتَلَهْ.

مَتَّى 7:2

أَشَانْ مِثِلْ إِنْتُو تِحَاكُمُوا النَّاسْ، مِثِلْ دَا بَسْ اللّٰهْ يِحَاكِمْكُو. هُو يِكِيل لَيْكُو بِنَفْس الْمِكْيَالْ الْإِنْتُو تِكِيلُوا بَيَّهْ لِلنَّاسْ.

زَبُور 55:23

وَ إِنْتَ، يَا إِلٰـهِي، إِنْتَ تِنَزِّلْهُمْ فِي الْقَبُرْ. كَتَّالِينْ الدِّمَمْ وَ الْغَشَّاشِينْ مَا يِعِيشُوا نُصّ عُمُرْهُمْ. وَ لَاكِنْ أَنَا نِتْوَكَّلْ عَلَيْك.

2 صَمُوِيل 21:9

وَ الْمَلِكْ سَلَّمَاهُمْ لِلْقِبْعُونِيِّينْ. وَ خَلَاصْ، الْقِبْعُونِيِّينْ شَنَقَوْهُمْ فِي رَاسْ الْحَجَرْ قِدَّامْ اللّٰهْ. وَ هُمَّنْ السَّبْعَةْ دَوْل، كُلُّهُمْ مَاتَوْا سَوَا. وَ مَوْتهُمْ دَا بِقِي فِي بِدَايَةْ الْقَطِعْ هَنَا الْقَمَحْ الْأَبْيَضْ.

2 صَمُوِيل 2:8

وَ أَبْنِيرْ وِلَيْد نِيرْ قَايِدْ دَيْش شَاوُولْ جَابْ إِشْبُوشَتْ وِلَيْد شَاوُولْ فِي حِلَّةْ مَحَنَايِمْ.

2 صَمُوِيل 16:8

اللّٰهْ قَبَّلْ لَيْك فِي رَاسَكْ الدَّمّ الْإِنْتَ دَفَّقْتَهْ مِنْ عَايِلَةْ شَاوُولْ الْإِنْتَ بِقِيتْ مَلِكْ فِي بَدَلَهْ. هَسَّعْ اللّٰهْ سَلَّمْ الْمُلُكْ لِوِلَيْدَكْ أَبْشَلُومْ وَ دِي بَسْ الْمَصِيبَةْ الْوَاجْبَةْ لَيْك أَشَانْ إِنْتَ كَتَّالْ الدِّمَمْ.»