2 صَمُوِيل 4:1 - الكتاب المقدس بالعربي الدارجي هنا تشاد

¹ وَ وَكِتْ إِشْبُوشَتْ وِلَيْد شَاوُولْ سِمِعْ كَدَرْ أَبْنِيرْ مَاتْ فِي حِبْرُونْ، هُو أَنْبَهَتْ مَرَّةْ وَاحِدْ. وَ كُلَّ بَنِي إِسْرَائِيلْ أَنْبَهَتَوْا.

2 صَمُوِيل 4:1 Referenca të Kryqëzuara

عَزْرا 4:4

وَ مِثِلْ دَا، نَاسْ الْبَلَدْ قَاعِدِينْ يِكَسُّلُوهُمْ لِشَعَبْ بَنِي يَهُوذَا وَ يِخَوُّفُوهُمْ لِيَدْحَرَوْهُمْ مِنْ الْبُنَى.

إشَعْيا 13:7

وَ بِسَبَبْ دَا، كُلَّ الْإِيدَيْن يِنْرَخُوا وَ أَيِّ نَادُمْ قَلْبَهْ يِنْقَطِعْ.

إرْمِيا 6:24

وَ سُكَّانْ صَهْيُون قَالَوْا: «وَكِتْ سِمِعْنَا الْخَبَرْ، إِيدَيْنَّا أَنْرَخَوْا وَ الْخَوْف وَ الْوَجَعْ كَرَبَوْنَا مِثِلْ الْمَرَةْ الْقَاعِدَةْ تِطَالِقْ.»

صَفَنْيا 3:16

وَ فِي الْيَوْم دَا، يُقُولُوا لِمَدِينَةْ الْقُدُسْ: «مَا تَخَافَيْ، يَا صَهْيُون، وَ مَا تَكْسَلَيْ.

إرْمِيا 50:43

وَ وَكِتْ مَلِكْ بَابِلْ سِمِعْ الْخَبَرْ، إِيدَيْنَهْ أَنْرَخَوْا. وَ الْخَوْف وَ الْوَجَعْ كَرَبَوْه مِثِلْ الْمَرَةْ الْقَاعِدَةْ تِطَالِقْ.»

إشَعْيا 35:3

قَوُّوا إِيدَيْكُو الْعَيَّانِينْ وَ ثَبُّتُوا رِكَبُّكُو الْيَرْجُفُوا.

نَحَمْيا 6:9

وَ مِثِلْ دَا، كُلَّ النَّاسْ دَوْل بِدَوْرُوا بِخَوُّفُونَا وَ فِي فِكِرْهُمْ بُقُولُوا: «إِيدَيْنهُمْ يِنْرَخُوا، مَا يَقْدَرَوْا يِكَمُّلُوا الْخِدْمَةْ دِي.» وَ أَنَا كَمَانْ سَأَلْت اللّٰهْ وَ قُلْت: «يَا رَبّ، زِيدْ قُدُرْتِي!»

2 صَمُوِيل 17:2

أَنَا نِغَفِّلَهْ وَكِتْ هُو عَيَّانْ وَ مَا عِنْدَهْ قُدْرَةْ. وَ أَنَا نِبَرْجِلَهْ وَ كُلَّ الشَّعَبْ الْمَعَايَهْ يِعَرُّدُوا. وَ خَلَاصْ، أَنَا نَكْتُلَهْ هُو وِحَيْدَهْ.

2 صَمُوِيل 3:27

وَ وَكِتْ أَبْنِيرْ قَبَّلْ جَاءْ فِي حِبْرُونْ، يُوَابْ لَاقَاهْ فِي خَشُمْ بَابْ الْحِلَّةْ وَ طَرَّفَهْ مِثِلْ يِدَوْر يِحَجِّي لَيَّهْ بِعَشِيرْ. وَ طَوَّالِي، طَعَنَهْ فِي بَطْنَهْ وَ كَتَلَهْ. وَ بَيْدَا، هُو أَلْكَفَّى التَّارْ هَنَا أَخُوهْ عَسَاحِيلْ.

2 صَمُوِيل 2:8

وَ أَبْنِيرْ وِلَيْد نِيرْ قَايِدْ دَيْش شَاوُولْ جَابْ إِشْبُوشَتْ وِلَيْد شَاوُولْ فِي حِلَّةْ مَحَنَايِمْ.