2 صَمُوِيل 3:3 - الكتاب المقدس بالعربي الدارجي هنا تشاد

³ وَ التَّانِي كِلَابْ وَ أَمَّهْ أُسُمْهَا أَبِقَايِلْ الْأَوَّلْ مَرِةْ نَابَالْ مِنْ حِلَّةْ كَرْمَلْ. وَ التَّالِتْ أَبْشَلُومْ وَ أَمَّهْ أُسُمْهَا مَعَاكَةْ بِنَيَّةْ تَلْمَايْ مَلِكْ بَلَدْ قَشُورْ.

2 صَمُوِيل 3:3 Referenca të Kryqëzuara

1 صَمُوِيل 27:8

وَ دَاوُدْ وَ نَاسَهْ قَاعِدِينْ يَمْشُوا يَهْجُمُوا الْقَشُورِيِّينْ وَ الْقِرْزِيِّينْ وَ الْعَمَالِقْ. وَ دَوْل النَّاسْ السَّاكْنِينْ مِنْ زَمَانْ فِي الْأَرْض مِنْ شُورْ لَحَدِّي بَلَدْ مَصِرْ.

1 أخبار 3:1

وَ دَاهُو أَوْلَادْ دَاوُدْ الْوِلْدَوْهُمْ لَيَّهْ فِي حِبْرُونْ. أَمْنُونْ الْبِكِرْ وَ أَمَّهْ أُسُمْهَا أَخِنُوعَمُ مِنْ حِلَّةْ يَزْرَعِيلْ. وَ التَّانِي أُسْمَهْ دَنْيَالْ وَ أَمَّهْ أُسُمْهَا أَبِقَايِلْ مِنْ حِلَّةْ كَرْمَلْ.

2 صَمُوِيل 2:2

وَ دَاوُدْ قَمَّ مَشَى حِبْرُونْ مَعَ عَوِينَهْ الْإِتْنَيْن أَخِنُوعَمُ الْمِنْ حِلَّةْ يَزْرَعِيلْ وَ أَبِقَايِلْ مَرِةْ نَابَالْ الْمِنْ حِلَّةْ كَرْمَلْ.

1 صَمُوِيل 25:42

وَ أَبِقَايِلْ قَمَّتْ عَجَلَةْ وَ رِكْبَتْ فِي حُمَارْهَا. وَ مَشَنْ مَعَاهَا خَمْسَةْ بَنَاتْ وَ تَابَعَنْ خَدَّامِينْ دَاوُدْ. وَ خَلَاصْ، هِي بِقَتْ مَرِةْ دَاوُدْ.

1 صَمُوِيل 25:3

وَ الرَّاجِلْ دَا أُسْمَهْ نَابَالْ وَ مَرْتَهْ أُسُمْهَا أَبِقَايِلْ. هِي مَرَةْ عَاقْلَةْ وَ سَمْحَةْ بِلْحَيْن وَ لَاكِنْ رَاجِلْهَا إِيدَيْنَهْ قَوِي وَ هَوَانْ. وَ هُو مِنْ خَشُمْ بَيْت كَالِبْ.

يَشُوع 13:13

وَ لَاكِنْ بَنِي إِسْرَائِيلْ مَا شَالَوْا أَرْض الْقَشُورِيِّينْ وَ لَا الْمَعَاكِيِّينْ وَ بَيْدَا، هُمَّنْ سَاكْنِينْ فِي أُسْط بَنِي إِسْرَائِيلْ لَحَدِّي الْيَوْم.

تَثْنِية 3:14

وَ ذُرِّيَّةْ يَيِيرْ وِلَيْد مَنَسَّى شَالَوْا كُلَّ مَنْطَقَةْ أَرْقُوبْ لَحَدِّي تُرَابْ الْقَشُورِيِّينْ وَ الْمَعَاكِيِّينْ. وَ سَمَّوْا بَلَدْ بَاشَانْ بِأُسُمْ جِدُّهُمْ يَيِيرْ وَ لَحَدِّي الْيَوْم كُلَ، بِنَادُوهَا فُرْقَانْ يَيِيرْ.

2 صَمُوِيل 18:33

وَ خَلَاصْ، الْمَلِكْ بَرْجَلْ وَ طَلَعْ فِي الْقَصِرْ الْقَاعِدْ فِي خَشُمْ بَابْ الْحِلَّةْ وَ دَخَلْ فِي غُرْفَةْ وَ قَمَّ يَبْكِي. وَ يُرُوغْ وَ يُقُولْ: «يَا وِلَيْدِي أَبْشَلُومْ! هَايْ وِلَيْدِي! يَا وِلَيْدِي أَبْشَلُومْ، مَالَا أَنَا مَا مُتّْ فِي بَدَلَكْ! هَايْ وِلَيْدِي أَبْشَلُومْ، يَا وِلَيْدِي!»

2 صَمُوِيل 14:24

وَ الْمَلِكْ قَالْ: «خَلِّي أَبْشَلُومْ يَمْشِي بَيْتَهْ مَا يِقَابِلْنِي.» وَ خَلَاصْ، أَبْشَلُومْ مَشَى بَيْتَهْ وَ مَا قَابَلَهْ لِلْمَلِكْ.

2 صَمُوِيل 13:1

وَ بَعَدْ دَا، دَاهُو الشَّيّءْ الْكَانْ. أَبْشَلُومْ وِلَيْد دَاوُدْ عِنْدَهْ أَخُتْ وَاحِدَةْ جَمِيلَةْ أُسُمْهَا تَامَارْ. وَ أَمْنُونْ وِلَيْد دَاوُدْ الْآخَرْ حَبَّاهَا لِتَامَارْ.

2 صَمُوِيل 14:32

وَ أَبْشَلُومْ قَالْ لِيُوَابْ: «أَشَانْ أَنَا رَسَّلْت لَيْك تَجِي لَيِّ وَ إِنْتَ أَبَيْت. أَنَا دَوَّرْت نِرَسِّلَكْ بَكَانْ الْمَلِكْ تُقُولْ لَيَّهْ: ‹مَالَا أَنَا جِيتْ مِنْ قَشُورْ؟ أَخَيْر لَيِّ نِقَبِّلْ بَتَّانْ هِنَاكْ.› وَ هَسَّعْ، نِدَوْر نِقَابِلْ الْمَلِكْ. وَ كَنْ أَنَا خَاطِي كَمَانْ، خَلِّي يَكْتُلْنِي.»

2 صَمُوِيل 15:7

وَ بَعَدْ أَرْبَعَةْ سَنَةْ، أَبْشَلُومْ قَالْ لِلْمَلِكْ: «مِنْ فَضْلَكْ، خَلِّينِي نَمْشِي حِلَّةْ حِبْرُونْ لِنِحَقِّقْ النَّذِرْ السَّوَّيْتَهْ لِلّٰهْ.

2 صَمُوِيل 15:8

أَشَانْ وَكِتْ أَنَا عَبْدَكْ سَاكِنْ فِي قَشُورْ فِي بَلَدْ أَرَامْ، سَوَّيْت نَذِرْ وَ قُلْت: ‹كَنْ قَبَّلْت بِعَافَيْ فِي أُورُشَلِيمْ، نَعَبُدْ اللّٰهْ.›»

1 مُلوك 1:6

وَ أَدُنِيَّا هُو جَمِيلْ مَرَّةْ وَاحِدْ وَ وِلْدَوْه بَعَدْ أَبْشَلُومْ. وَ أَبَداً أَبُوهْ فِي كُلَّ حَيَاتَهْ مَا كَشَّرْ لَيَّهْ وَ قَالْ: «مَالَا تِسَوِّي شَيّءْ مِثِلْ دَا؟»

1 مُلوك 2:15

وَ هُو قَالْ: «إِنْتِ تَعَرْفِي كَدَرْ الْمُلُكْ دَا هَنَايِ أَنَا وَ كُلَّ بَنِي إِسْرَائِيلْ يِدَوْرُوا أَنَا نَبْقَى مَلِكْ. وَ لَاكِنْ الْمُلُكْ مَرَقْ مِنِّي وَ وَقَعْ لِأَخُويِ سُلَيْمَانْ أَشَانْ اللّٰهْ بَسْ دَوَّرْ كَدَرْ هُو يَبْقَى مَلِكْ.

1 أخبار 3:2

وَ التَّالِتْ أَبْشَلُومْ وَ أَمَّهْ أُسُمْهَا مَعَاكَةْ بِنَيَّةْ تَلْمَايْ مَلِكْ بَلَدْ قَشُورْ. وَ الرَّابِعْ أَدُنِيَّا وَ أَمَّهْ أُسُمْهَا حَقِّيتْ.

2 صَمُوِيل 14:23

وَ يُوَابْ قَمَّ وَ مَشَى قَشُورْ قَبَّلَهْ لِأَبْشَلُومْ فِي أُورُشَلِيمْ.