2 صَمُوِيل 3:12 - الكتاب المقدس بالعربي الدارجي هنا تشاد

¹² وَ خَلَاصْ، أَبْنِيرْ رَسَّلْ نَاسْ لِدَاوُدْ وَ قَالْ لَيْهُمْ: «أَمْشُوا قُولُوا لِدَاوُدْ: ‹يَاتُو يَحْكِمْ الْبَلَدْ دِي؟› وَ قُولُوا لَيَّهْ بَتَّانْ: ‹خَلِّي يِسَوِّي مَعَايِ مُعَاهَدَةْ وَ أَنَا نِسَاعِدَهْ وَ كُلَّ بَنِي إِسْرَائِيلْ يِنْضَمَّوْا لَيَّهْ.›»

2 صَمُوِيل 3:12 Referenca të Kryqëzuara

زَبُور 62:9

أَيْوَى، بَنِي آدَم زَايْلِينْ وَ الْإِنْسَانْ مَا عِنْدَهْ أَمَانْ. كَنْ خَطَّيْتهُمْ فِي الْمِيزَانْ كُلَ، وَزِنْهُمْ خَفِيفْ مِنْ الرِّيحْ.

2 صَمُوِيل 19:41

وَ لَاكِنْ وَكِتْ قَرَّبَوْا لِلْمَلِكْ، كُلَّ رُجَالْ بَنِي إِسْرَائِيلْ قَالَوْا لَيَّهْ: «مَالَا أَخْوَانَّا بَنِي يَهُوذَا شَالَوْك وَ قَطَّعَوْك الْبَحَرْ إِنْتَ وَ عَايِلْتَكْ وَ كُلَّ نَاسَكْ الْمَعَاكْ؟»

2 صَمُوِيل 19:14

وَ بِكَلَامَهْ دَا، دَاوُدْ رَضَّى قُلُوبْ بَنِي يَهُوذَا. وَ مِثِلْ رَاجِلْ وَاحِدْ، هُمَّنْ رَسَّلَوْا قَالَوْا لِلْمَلِكْ: «قَبِّلْ إِنْتَ وَ كُلَّ نَاسَكْ.»

2 صَمُوِيل 19:6

إِنْتَ تِحِبّ الْيَكْرَهَوْك وَ تَكْرَهْ الْيِحِبُّوكْ! وَ الْيَوْم وَصَّفْتِنَا كَدَرْ وَ لَا قَايِدْ وَ لَا خَدَّامْ مَا يِسَاوُوا شَيّءْ قِدَّامَكْ. وَ أَنَا عِرِفْت كَدَرْ الْيَوْم كَنْ أَبْشَلُومْ قَاعِدْ حَيّ وَ أَنِحْنَ دَوْل كُلِّنَا مُتْنَا كُلَ، إِنْتَ حَلُو لَيْك.

2 صَمُوِيل 3:27

وَ وَكِتْ أَبْنِيرْ قَبَّلْ جَاءْ فِي حِبْرُونْ، يُوَابْ لَاقَاهْ فِي خَشُمْ بَابْ الْحِلَّةْ وَ طَرَّفَهْ مِثِلْ يِدَوْر يِحَجِّي لَيَّهْ بِعَشِيرْ. وَ طَوَّالِي، طَعَنَهْ فِي بَطْنَهْ وَ كَتَلَهْ. وَ بَيْدَا، هُو أَلْكَفَّى التَّارْ هَنَا أَخُوهْ عَسَاحِيلْ.

2 صَمُوِيل 3:21

وَ أَبْنِيرْ قَالْ لِدَاوُدْ: «خَلِّي نَمْشِي نِلِمّ كُلَّ بَنِي إِسْرَائِيلْ لِيِنْضَمَّوْا لَيْك إِنْتَ، يَا سِيدِي الْمَلِكْ. وَ هُمَّنْ يِسَوُّوا مَعَاكْ مُعَاهَدَةْ وَ إِنْتَ تَحْكِمْ فِي أَيِّ بَكَانْ الْقَلْبَكْ يِدَوْرَهْ.» وَ خَلَاصْ، دَاوُدْ خَلَّاهْ مَشَى. وَ أَبْنِيرْ فَاتْ بِالسَّلَامَةْ.

2 صَمُوِيل 3:11

وَ إِشْبُوشَتْ مَا يَقْدَرْ يُقُولْ كِلْمَةْ وَاحِدَةْ كُلَ لِأَبْنِيرْ أَشَانْ هُو خَايِفْ مِنَّهْ.

2 صَمُوِيل 3:13

وَ دَاوُدْ قَالْ: «سَمَحْ! نِسَوِّي مَعَاكْ مُعَاهَدَةْ. وَ لَاكِنْ نَطْلُبْ مِنَّكْ شَيّءْ وَاحِدْ. قُبَّالْ مَا تَجِي تِقَابِلْنِي، جِيبْ لَيِّ مَرْتِي مِكَالْ بِنَيَّةْ شَاوُولْ. وَ بَعَدْ دَا، تَعَالْ قَابِلْنِي.»

2 صَمُوِيل 3:38

وَ الْمَلِكْ قَالْ لِمَسَائِيلَهْ: «أَعَرْفُوا كَدَرْ الْيَوْم قَايِدْ كَبِيرْ مَاتْ فِي إِسْرَائِيلْ.