2 صَمُوِيل 22:3 - الكتاب المقدس بالعربي الدارجي هنا تشاد

³ إِلٰـهِي هُو مَلْجَئِي وَ الْبَكَانْ النِّلَّبَّدْ فَوْقَهْ. هُو دَرَقَتِي وَ الْقُدْرَةْ التِّنَجِّينِي. هُو مَسْكَنِي الْقَوِي وَ مَلْجَئِي وَ مِنْ سِيَادْ الْعُنُفْ، يِنَجِّينِي.

2 صَمُوِيل 22:3 Referenca të Kryqëzuara

زَبُور 9:9

خَلِّي اللّٰهْ يُكُونْ مَلْجَأْ لِلْمَظْلُومْ، أَيْوَى، يَبْقَى مَلْجَأْ فِي وَكْت الضِّيقَةْ.

إشَعْيا 12:2

دَاهُو الْإِلٰـهْ الْمُنَجِّي! أَنَا أَتْوَكَّلْت عَلَيَّهْ وَ بَتَّانْ مَا نَخَافْ. أَشَانْ قُدُرْتِي وَ قُوِّتِي، هُو اللّٰهْ وَ هُو بَسْ النَّجَّانِي.»

أمْثال 18:10

أُسُمْ اللّٰهْ هُو مِثِلْ بَيْت طَوِيلْ وَ قَوِي. الصَّالِحْ يَطْلَعْ فَوْقَهْ وَ شَيّءْ مَا يَلْحَقَهْ.

أمْثال 30:5

كُلَّ كَلَامْ الرَّبّ صَافِي وَ عِنْدَهْ ضَمَانْ وَ هُو مِثِلْ دَرَقَةْ يَحْمِي الْيَلْجَأَوْا لَيَّهْ.

زَبُور 46:11

اللّٰهْ الْقَادِرْ مَعَانَا أَيْوَى، إِلٰـهْ يَعْقُوبْ هُو مَسْكَنَّا الْقَوِي. وَقْفَةْ.

زَبُور 18:2

اللّٰهْ هُو مَلْجَئِي يَحْمِينِي وَ يِنَجِّينِي. إِلٰـهِي هُو مَلْجَئِي وَ الْبَكَانْ النِّلَّبَّدْ فَوْقَهْ. هُو دَرَقَتِي وَ الْقُدْرَةْ التِّنَجِّينِي. هُو مَسْكَنِي الْقَوِي.

تَثْنِية 33:29

أَفْرَحَوْا، يَا بَنِي إِسْرَائِيلْ! يَاتُو الْمِثِلْكُو؟ إِنْتُو شَعَبْ النَّجَّاكُو اللّٰهْ. هُو الدَّرَقَةْ التَّحْمِيكُو وَ السَّيْف الْيِوَصِّفْ قُدْرِتْكُو. وَ عُدْوَانْكُو يِلْمَسْكَنَوْا وَ إِنْتُو تِفَجُّقُوا بَكَانَاتْهُمْ الْعَالِيِينْ.

تكوين 15:1

وَ بَعَدْ دَا، اللّٰهْ حَجَّى لِأَبْرَامْ فِي رُؤْيَةْ وَ قَالْ لَيَّهْ: «أَبْرَامْ! مَا تَخَافْ. أَنَا قَاعِدْ مَعَاكْ. أَنَا دَرَقَتَكْ. وَ نَنْطِيكْ أَجُرْ كَبِيرْ بِلْحَيْن.»

عِبْرَانِيِّين 2:13

وَ هُو بُقُولْ لِلّٰهْ: <أَنَا نِتْوَكَّلْ عَلَيْك.> وَ بُقُولْ: <دَاهُونِي أَنَا مَعَ النَّاسْ الْاللّٰهْ جَعَلَاهُمْ عِيَالِي.>

لُوقا 1:69

هُو رَسَّلْ لَيْنَا نَادُمْ قَادِرْ مِنْ ذُرِّيَّةْ عَبْدَهْ دَاوُدْ أَشَانْ يِنَجِّينَا.

زَبُور 144:2

هُو الْيَرْحَمْنِي وَ هُو بَكَانِي الْقَوِي، هُو مَسْكَنِي وَ هُو الْيِنَجِّينِي. هُو دَرَقَتِي وَ مَلْجَئِي وَ هُو الْخَطَّ الشَّعَبْ تِحْتِي.

زَبُور 59:16

أَنَا نِغَنِّي بِقُدُرْتَكْ وَ نَفْرَحْ بِرَحْمَتَكْ أَشَانْ إِنْتَ مَسْكَنِي الْقَوِي وَ مَلْجَئِي فِي يَوْم الضِّيقَةْ.

زَبُور 14:6

إِنْتُو تِشَّمَّتَوْا لِشَوْرَةْ الْمَسَاكِينْ وَ لَاكِنْ اللّٰهْ هُو مَلْجَئْهُمْ.

إرْمِيا 16:19

يَا اللّٰهْ! إِنْتَ قُدُرْتِي وَ بَكَانِي الْقَوِي وَ إِنْتَ مَلْجَئِي فِي يَوْم الضِّيقَةْ. لَيْك إِنْتَ يَجُوا الْأُمَمْ مِنْ آخِرْ الْأَرْض وَ يُقُولُوا: «جُدُودْنَا وَرَثَوْا إِلَّا إِلٰـهَاتْ غَشَّاشِينْ وَ هُمَّنْ الزَّايْلِينْ الْمَا عِنْدُهُمْ فَايْدَةْ.

إشَعْيا 32:2

وَ أَيِّ وَاحِدْ مِنْهُمْ يَبْقَى مِثِلْ بَكَانْ الْيِلَّبَّدَوْا فَوْقَهْ مِنْ الرِّيحْ وَ مِثِلْ بَكَانْ الْيَحْمِي مِنْ الْمَطَرَةْ الشَّدِيدَةْ. وَ يَبْقَى مِثِلْ مَجَارِي أَلْمِي فِي بَكَانْ الْيَابِسْ وَ مِثِلْ ضُلّ الْجَبَلْ فِي أَرْض جَفَافْ.

زَبُور 140:4

يَا اللّٰهْ، أَحْفَضْنِي مِنْ إِيدْ الْعَاصِي وَ أَحْمِينِي مِنْ سِيدْ الْعُنُفْ، مِنْ هُمَّنْ الْعِنْدُهُمْ نِيَّةْ لِيَرْمُونِي.

زَبُور 55:9

يَا رَبّ! بَرْجِلْهُمْ وَ شَتِّتْ كَلَامْهُمْ. أَشَانْ أَنَا شِفْت الْعُنُفْ وَ الْهُرَاجْ فِي الْمَدِينَةْ

زَبُور 46:7

اللّٰهْ الْقَادِرْ مَعَانَا أَيْوَى، إِلٰـهْ يَعْقُوبْ هُو مَسْكَنَّا الْقَوِي. وَقْفَةْ.

لُوقا 1:71

هُو يِنَجِّينَا مِنْ عُدْوَانَّا وَ مِنْ قُدْرَةْ كُلَّ النَّاسْ الْيَكْرَهَوْنَا.

زَبُور 140:11

خَلِّي اللِّسَانَهْ طَوِيلْ مَا يَقْعُدْ فِي الْبَلَدْ وَ الْفَسَالَةْ تِطَارِدْ سِيدْ الْعُنُفْ.»

زَبُور 140:1

يَا اللّٰهْ، خَلِّصْنِي مِنْ الرَّاجِلْ الْفَسِلْ وَ أَحْفَضْنِي مِنْ سِيدْ الْعُنُفْ،

زَبُور 86:14

يَا رَبّ! الْمُسْتَكْبِرِينْ قَمَّوْا ضِدِّي وَ سِيَادْ الْعُنُفْ بِكَتَرَةْ دَوَّرَوْا مَوْتِي وَ أَبَداً هُمَّنْ مَا خَطَّوْك فِي فِكِرْهُمْ.

زَبُور 84:11

أَيْوَى، اللّٰهْ الرَّبّ مِثِلْ حَرَّايْ وَ مِثِلْ دَرَقَةْ، هُو يَنْطِي الرَّحْمَةْ وَ الشَّرَفْ. هُو مَا يَمْنَعْ الْخَيْر لِلْيَمْشُوا فِي الطَّرِيقْ الْعَدِيلْ.

زَبُور 84:9

يَا رَبّ! شِيفْ مَلِكْنَا الْهُو دَرَقَتْنَا. أَيْوَى، شِيفْ وِجِهْ النَّادُمْ الْإِنْتَ مَسَحْتَهْ وَ دَرَّجْتَهْ.

زَبُور 72:14

وَ مِنْ الظُّلُمْ وَ الْعُنُفْ، يَفْدَاهُمْ وَ حَيَاتْهُمْ دِي غَالِيَةْ لَيَّهْ.

زَبُور 71:7

أَنَا بِقِيتْ عَجَبْ لِنَاسْ كَتِيرِينْ لَاكِنْ إِنْتَ مَلْجَئِي الْقَوِي.

زَبُور 61:3

أَشَانْ إِنْتَ مَلْجَئِي وَ بَيْت الْمُرَاقَبَةْ قِدَّامْ عُدْوَانِي.

زَبُور 46:1

الرَّبّ هُو مَلْجَئْنَا وَ قُدْرِتْنَا وَ فَزَعْ دَايِمْ فِي كُلِّ ضِيقَةْ.

زَبُور 28:7

اللّٰهْ هُو مَلْجَئِي وَ دَرَقَتِي. قَلْبِي أَتْوَكَّلْ عَلَيَّهْ وَ أَنَا لِقِيتْ الْفَزَعْ. أَنَا نَفْرَحْ بَيَّهْ بِكُلَّ قَلْبِي وَ نَشْكُرَهْ بِغِنَيْ.

زَبُور 27:5

أَشَانْ هُو يَحْفَضْنِي فِي مَسْكَنَهْ فِي يَوْم الْفَسَالَةْ. وَ يِلَبِّدْنِي فِي خَيْمِتَهْ وَ يَرْفَعْنِي فَوْق فِي بَكَانْ الْأَمَانْ.

زَبُور 5:12

أَشَانْ إِنْتَ، يَا اللّٰهْ، تِبَارِكْ الصَّالِحْ وَ مِثِلْ دَرَقَةْ كَبِيرَةْ، تَحْمِيهْ بِنِعْمَتَكْ.

زَبُور 3:3

وَ لَاكِنْ، يَا اللّٰهْ، إِنْتَ دَرَقَتِي، إِنْتَ عَظَمَتِي وَ تَرْفَعْ رَاسِي.

2 صَمُوِيل 22:51

اللّٰهْ أَنْطَى النَّصُرْ لِلْمَلِكْ الْهُو دَرَّجَهْ. أَيْوَى، وَصَّفْ خَيْرَهْ لِلنَّادُمْ الْهُو مَسَحَهْ، لِدَاوُدْ وَ ذُرِّيّتَهْ إِلَى الْأَبَدْ.»

2 صَمُوِيل 22:49

وَ يَمْرُقْنِي مِنْ إِيدْ عُدْوَانِي وَ يَنْصُرْنِي فَوْقهُمْ وَ يِنَجِّينِي مِنْ النَّاسْ الْيِسَوُّوا الْعُنُفْ.

1 صَمُوِيل 2:1

وَ حِنَّةْ صَلَّتْ وَ قَالَتْ: «نِعْمَةْ اللّٰهْ مَلَتْ قَلْبِي بِالْفَرَحْ، اللّٰهْ رَفَعْ رَاسِي وَ أَنْطَانِي قُدْرَةْ. قِدَّامْ عُدْوَانِي، ضِحِكْت بِحِسّ عَالِي وَ بِنَجَاتَكْ أَنَا فِرِحْت، يَا رَبِّي.

تَثْنِية 32:37

وَ اللّٰهْ يُقُولْ: «وَيْن إِلٰـهَاتْهُمْ وَ وَيْن مَلْجَئْهُمْ الْيَلْجَأَوْا لَيَّهْ؟

تِيطُس 3:6

الْهُو نَزَّلَهْ فَوْقنَا بِكُلَّ بَرَكَاتَهْ بِوَاسِطَةْ مُنَجِّينَا عِيسَى الْمَسِيحْ.

تِيطُس 3:4

وَ لَاكِنْ وَكِتْ اللّٰهْ مُنَجِّينَا بَيَّنْ مَحَنِّتَهْ وَ مَحَبِّتَهْ لِلْإِنْسَانْ،

لُوقا 1:47

وَ نَفْرَحْ بِلْحَيْن بِاللّٰهْ الْيِنَجِّينِي.

إرْمِيا 16:9

أَشَانْ أَنَا اللّٰهْ الْقَادِرْ إِلٰـهْ بَنِي إِسْرَائِيلْ قُلْت: ‹فِي الْبَلَدْ دِي، فِي الْأَيَّامْ دَوْل وَ قِدَّامْ عُيُونْكُو، أَكِيدْ أَنَا نِوَقِّفْ أَيِّ غِنَيْ هَنَا سُرُورْ وَ فَرَحْ وَ رَقْرَاقْ الْعَرِيسْ وَ زَغْرَاطْ الْعَرُوسْ.›»

إشَعْيا 45:21

خَبُّرُوا وَ قَرُّبُوا وَ لِمُّوا سَوَا وَ أَشَّاوَرَوْا! يَاتُو حَجَّى بَيَّهْ مِنْ زَمَانْ وَ خَبَّرْ بَيَّهْ مِنْ الْوَكِتْ الْفَاتْ؟ مَا أَنَا اللّٰهْ وَلَّا؟ وَ لَا إِلٰـهْ إِلَّا أَنَا! أَنَا إِلٰـهْ الصَّادِقْ وَ الْمُنَجِّي وَ مَا فِي إِلٰـهْ آخَرْ إِلَّا أَنَا.

زَبُور 32:7

إِنْتَ مَلْجَئِي وَ فِي الضِّيقَةْ تَحْمِينِي وَ بِغِنَيْ النَّجَاةْ، مَلَيْت قَلْبِي. وَقْفَةْ.

زَبُور 142:4

أَنْظُرْ بِالزَّيْنَةْ وَ شِيفْ! مَا فِي نَادُمْ الْيَعَرِفْنِي وَ مَا فِي مَلْجَأْ لَيِّ وَ مَا فِي الْيِهِمّ بِحَيَاتِي.

تَثْنِية 32:4

هُو الْمَلْجَأْ وَ أَعْمَالَهْ تَمَامِينْ أَشَانْ دُرُوبَهْ كُلُّهُمْ عَدَالَةْ. هُو إِلٰـهْ أَمِينْ وَ مَا عِنْدَهْ أَيِّ ظُلُمْ وَ صَادِقْ وَ عَادِلْ.

1 صَمُوِيل 2:2

مَا فِي شَيّءْ قُدُّوسْ مِثِلْ اللّٰهْ. مَا فِي إِلٰـهْ إِلَّا إِنْتَ وَ مَا فِي مَلْجَأْ مِثِلْ إِلٰـهْنَا.

2 صَمُوِيل 22:31

«الرَّبّ، دَرْبَهْ عَدِيلْ، كَلَامْ اللّٰهْ دَايْماً كَامِلْ. هُو دَرَقَةْ لِلنَّادُمْ الْيَلْجَأْ لَيَّهْ.

2 صَمُوِيل 22:47

«الْحَيّ هُو اللّٰهْ وَ بَارَكْ اللّٰهْ مَلْجَئِي! الْعَالِي هُو إِلٰـهْ مَلْجَئِي الْيِنَجِّينِي.

2 صَمُوِيل 23:3

اللّٰهْ إِلٰـهْ بَنِي إِسْرَائِيلْ حَجَّى، أَيْوَى، مَلْجَأْ بَنِي إِسْرَائِيلْ قَالْ لَيِّ: ‹الْمَلِكْ الْيَحْكِمْ بِالْعَدَالَةْ وَ يُقُودْ النَّاسْ بِخَوْف اللّٰهْ،

خُروج 15:2

اللّٰهْ هُو قُدُرْتِي وَ فِيَّهْ هُو، أَنَا نِغَنِّي. هُو بَسْ النَّجَّانِي وَ هُو رَبِّي الْأَنَا نِمَجِّدَهْ. هُو الرَّبّ الْأَبُويِ عَبَدَهْ. أَنَا نِعَظِّمَهْ!

زَبُور 9:10

الْيَعَرْفُوا أُسْمَكْ يِتْوَكَّلَوْا عَلَيْك أَشَانْ إِنْتَ مَا تَابَى الْيِفَتُّشُوكْ، يَا اللّٰهْ!

زَبُور 46:2

فِي شَانْ دَا، مَا نَخَافَوْا مِنْ شَيّءْ وَكِتْ الْأَرْض تِلْحَرَّكْ وَ وَكِتْ الْجِبَالْ يِنْهَزَّوْا فِي أُسْط الْبُحُورْ