2 صَمُوِيل 21:10 - الكتاب المقدس بالعربي الدارجي هنا تشاد

¹⁰ وَ رِصْفَةْ بِنَيَّةْ أَيَّا شَالَتْ شُوَالْ وَ فَرَشَتَهْ فِي رَاسْ الْحَجَرْ وَ قَعَدَتْ هِنَاكْ مِنْ بِدَايَةْ قَطِعْ الْقَمَحْ الْأَبْيَضْ لَحَدِّي أَلْمِي الْخَرِيفْ صَبَّ فِي الْجَنَازَاتْ دَوْل. وَ بِنَهَارْ، هِي تَدْحَرْ الصُّقُورَةْ مَا يَنْزُلُوا فَوْقهُمْ وَ بِلَيْل، تَدْحَرْ مِنْهُمْ حَيْوَانَاتْ الْكَدَادَةْ.

2 صَمُوِيل 21:10 Referenca të Kryqëzuara

تَثْنِية 21:23

خَلَاصْ مَا تِخَلُّوا جَنَازْتَهْ مُعَلَّقَةْ فِي الشَّدَرَةْ طُولْ اللَّيْل. وَ لَاكِنْ أَدْفُنُوهَا فِي نَفْس الْيَوْم أَشَانْ الْجَنَازَةْ الْمُعَلَّقَةْ فِي الشَّدَرَةْ تِجِيبْ لَعَنَةْ اللّٰهْ فِي الْبَلَدْ. وَ مَا وَاجِبْ تِنَجُّسُوا بَلَدْكُو الْاللّٰهْ إِلٰـهْكُو يَنْطِيهَا لَيْكُو وَرَثَةْ.

زَكَرِيَّا 10:1

أَسْأَلَوْا اللّٰهْ أَشَانْ يِنَزِّلْ لَيْكُو مَطَرْ الرِّشَاشْ فِي وَكْتَهْ. اللّٰهْ بَسْ يِكَوِّنْ السَّحَابْ وَ يِنَزِّلْ مَطَرْ كَتِيرْ. وَ لِأَيِّ إِنْسَانْ كُلَ، هُو يِقَوِّمْ مَعَاشْ فِي زَرْعَهْ.

يُوِيل 2:23

يَا نَاسْ صَهْيُون، أَفْرَحَوْا وَ أَنْبَسْطُوا بِاللّٰهْ إِلٰـهْكُو. أَشَانْ يِنَزِّلْ مَطَرْ أَوَّلْ الْخَرِيفْ الْوَاجِبْ لَيْكُو وَ يِنَزِّلْ لَيْكُو مَطَرْ الرِّشَاشْ وَ مَطَرْ الْخَرِيفْ مِثِلْ زَمَانْ.

1 مُلوك 21:27

وَ وَكِتْ أَخَابْ سِمِعْ الْكَلَامْ دَا، شَرَّطْ خُلْقَانَهْ وَ لِبِسْ خَلَقْ هَنَا تَوْبَةْ وَ صَامْ. وَ هُو يُنُومْ وَ يُقُمّ بِخَلَقْ التَّوْبَةْ دَا وَ يُرُوغْ بِشَيْش بِشَيْش.

2 صَمُوِيل 3:7

وَ شَاوُولْ عِنْدَهْ سِرِّيَةْ وَاحِدَةْ أُسُمْهَا رِصْفَةْ وَ أَبُوهَا أُسْمَهْ أَيَّا. وَ يَوْم وَاحِدْ، إِشْبُوشَتْ تَهَمْ أَبْنِيرْ وَ قَالْ: «مَالَا دَخَلْت فِي سِرِّيَةْ أَبُويِ؟»

يُوِيل 1:18

أَسْمَعَوْا، الْبَهَايِمْ قَاعِدِينْ يَقُنْتُوا وَ الْبَقَرْ عَايْرِينْ فِي أَيِّ بَكَانْ. أَشَانْ مَا عِنْدُهُمْ قَشّ وَ الْغَنَمْ كُلَ تَعْبَانِينْ.

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

حِزْقِيال 39:4

وَ تَقَعْ فِي جِبَالْ إِسْرَائِيلْ، إِنْتَ وَ كُلَّ عَسْكَرَكْ وَ كُلَّ الشُّعُوبْ الْمَعَاكْ. وَ نِسَوِّيكُو مَعَاشْ لِلصُّقُورَةْ وَ كُلَّ الطُّيُورْ وَ حَيْوَانَاتْ الْكَدَادَةْ.

إرْمِيا 14:22

هَلْ مِنْ الْإِلٰـهَاتْ الزَّايْلِينْ هَنَا الْأُمَمْ دَوْل فِي وَاحِدْ الْيَقْدَرْ يِنَزِّلْ الْأَلْمِي وَلَّا؟ هَلْ السَّمَاءْ ذَاتْهَا تِنَزِّلْ الْمَطَرْ وَلَّا؟ لَا! إِلَّا بَيْك إِنْتَ اللّٰهْ إِلٰـهْنَا. وَ أَنِحْنَ نَرْجَوْك بِعَشَمْ أَشَانْ إِنْتَ بَسْ التِّسَوِّي كُلَّ شَيّءْ.»

تَثْنِية 21:13

وَ تِغَيِّرْ خُلْقَانْهَا الْأَوَّلْ كَرَبَوْهَا بَيْهُمْ مَسْجُونَةْ. وَ تَسْكُنْ مَعَايَهْ فِي بَيْتَهْ. وَ هِي تَحْزَنْ لِأَبُوهَا وَ أَمَّهَا لِمُدَّةْ شَهَرْ. وَ بَعَدْ دَا، يَجِي لَيْهَا وَ يَاخُدْهَا وَ هِي تَبْقَى مَرْتَهْ.

تَثْنِية 11:14

خَلَاصْ هُو يِنَزِّلْ مَطَرْ فِي الْوَكِتْ الْمُوَافِقْ فِي بِدَايَةْ الْخَرِيفْ وَ الرِّشَاشْ. وَ بَعَدَهْ، يَجِي الدَّرَتْ الْفَوْقَهْ تِلِمُّوا قَمَحْكُو وَ خَمَرْكُو وَ دِهِنْكُو.

1 صَمُوِيل 17:44

وَ قَالْ بَتَّانْ: «تَعَالْ قِدَّامْ! خَلِّي نَنْطِي لَحَمَكْ لِطُيُورْ السَّمَاءْ وَ لِوُحُوشْ الْكَدَادَةْ.»

تكوين 40:19

بَعَدْ تَلَاتَةْ يَوْم، الْمَلِكْ يَمُرْقَكْ مِنْ السِّجِنْ وَ يَشُنْقُوكْ فِي شَدَرَةْ. وَ الطُّيُورْ يَجُوا يَاكُلُوا جِلْدَكْ.»

1 صَمُوِيل 17:46

الْيَوْم اللّٰهْ يَرْمِيكْ فِي إِيدِي وَ أَنَا نَكْتُلَكْ وَ نَقْطَعْ رَاسَكْ. وَ نَنْطِي جِثَثْ الْفِلِسْطِيِّينْ لِطُيُورْ السَّمَاءْ وَ حَيْوَانَاتْ الْأَرْض. وَ بَيْدَا، كُلَّ الدُّنْيَا تَعَرِفْ كَدَرْ بَنِي إِسْرَائِيلْ عِنْدُهُمْ إِلٰـهْ الْيِحَارِبْ لَيْهُمْ.

2 صَمُوِيل 21:11

وَ خَبَّرَوْه لِدَاوُدْ بِالشَّيّءْ السَّوَّتَهْ رِصْفَةْ بِنَيَّةْ أَيَّا سِرِّيَةْ شَاوُولْ.

تَثْنِية 21:22

وَ كَنْ حَكَمْتُوا لِنَادُمْ وَاحِدْ بِالْمَوْت بِسَبَبْ ذَنْبَهْ وَ كَتَلْتُوهْ وَ عَلَّقْتُوهْ فِي شَدَرَةْ،