2 صَمُوِيل 21:1 - الكتاب المقدس بالعربي الدارجي هنا تشاد

¹ وَ فِي وَكِتْ حُكُمْ دَاوُدْ، بِقِي جُوعْ وَ الْجُوعْ دَا قَعَدْ تَلَاتَةْ سَنَةْ مُتَتَابِعِينْ. وَ دَاوُدْ سَأَلْ اللّٰهْ وَ اللّٰهْ رَدَّ لَيَّهْ وَ قَالْ: «الْجُوعْ دَا جَاءْ بِسَبَبْ الدِّمَمْ الشَّاوُولْ وَ عَايِلْتَهْ كَتَلَوْهُمْ. هُمَّنْ كَتَلَوْا مِنْ سُكَّانْ قِبْعُونْ.»

2 صَمُوِيل 21:1 Referenca të Kryqëzuara

تكوين 26:1

وَ فِي جُوعْ جَاءْ فِي الْبَلَدْ، بَعَدْ الْجُوعْ الْجَاءْ أَوَّلْ فِي وَكِتْ إِبْرَاهِيمْ. وَ إِسْحَاقْ قَمَّ مَشَى حِلَّةْ قَرَارْ بَكَانْ أَبِيمَلِكْ، مَلِكْ الْفِلِسْطِيِّينْ.

تكوين 12:10

وَ بَعَدْ دَا، الْجُوعْ دَخَلْ فِي الْبَلَدْ دِي. وَ أَبْرَامْ مَشَى فِي مَصِرْ لِيَقْعُدْ مُدَّةْ هِنَاكْ أَشَانْ الْجُوعْ بِقِي شَدِيدْ.

زَبُور 91:15

كَنْ هُو يِنَادِينِي، أَنَا نُرُدّ لَيَّهْ وَ نُكُونْ مَعَايَهْ فِي الضِّيقَةْ وَ نِخَلِّصَهْ وَ نِشَرِّفَهْ.

زَبُور 50:15

فِي يَوْم الضِّيقَةْ، نَادُونِي وَ خَلَاصْ، أَنَا نِنَجِّيكُو وَ إِنْتُو تِمَجُّدُونِي.»

أيُّوب 10:2

وَ نُقُولْ لِرَبِّي: «مَا تَجْعَلْنِي خَاطِي! أَوْرِينِي مَالَا تَهْرِجْنِي؟

2 مُلوك 8:1

وَ يَوْم وَاحِدْ، أَلْيَسَعْ حَجَّى لِلْمَرَةْ الْأَوَّلْ حَيَّى لَيْهَا وِلَيْدهَا وَ قَالْ: «قُمِّي إِنْتِ وَ عَايِلِتْكِ وَ أَمْشِي أَلْجَأَيْ فِي الْبَكَانْ التَّقْدَرَوْا تِعِيشُوا فَوْقَهْ. أَشَانْ اللّٰهْ قَرَّرْ يِجِيبْ الْجُوعْ فِي الْبَلَدْ دِي وَ يَقْعُدْ مُدَّةْ سَبْعَةْ سَنَةْ.»

2 مُلوك 6:25

وَ فِي الْوَكِتْ دَا، فِي جُوعْ شَدِيدْ فِي السَّامِرَةْ. وَ الْجُوعْ دَا بِقِي شَدِيدْ زِيَادَةْ لَحَدِّي أَكِلْ هَوَانْ كُلَ بِقِي غَالِي. رَاسْ حُمَارْ تَمَنَهْ بِقِي 80 حَجَرْ فُضَّةْ وَ نُصّ كَوْرَوْ هَنَا هُرَارْ الْحَمَامْ كُلَ بِقِي 5 حَجَرْ فُضَّةْ.

1 مُلوك 18:2

وَ خَلَاصْ، إِلِيَاسْ قَمَّ مَشَى لِيِقَابِلْ أَخَابْ. وَ فِي الْوَكِتْ دَا، الْجُوعْ بِقِي شَدِيدْ مَرَّةْ وَاحِدْ فِي مَدِينَةْ السَّامِرَةْ.

1 مُلوك 17:1

وَ فِيَّهْ رَاجِلْ وَاحِدْ أُسْمَهْ إِلِيَاسْ سَاكِنْ فِي حِلَّةْ تِشْبِي فِي تُرَابْ قِلْعَادْ. وَ هُو قَالْ لِلْمَلِكْ أَخَابْ: «نَحْلِفْ بِاللّٰهْ الْحَيّ، إِلٰـهْ بَنِي إِسْرَائِيلْ الْأَنَا قَاعِدْ نَعَبُدَهْ، فِي السِّنِينْ الْجَايِينْ مَا فِي كَرَنْج وَ لَا مَطَرَةْ إِلَّا كَنْ أَنَا شَحَدْتَهْ.»

2 صَمُوِيل 5:23

وَ دَاوُدْ سَأَلْ اللّٰهْ. وَ اللّٰهْ قَالْ لَيَّهْ: «مَا تَمْشِي تَهْجِمْهُمْ بِقِدَّامْ لَاكِنْ حَوِّقْ لَيْهُمْ بِوَرَاءْ مِنْ جِيهَةْ الشَّدَرْ وَ قَرِّبْ لَيْهُمْ.

2 صَمُوِيل 5:19

وَ دَاوُدْ سَأَلْ اللّٰهْ وَ قَالْ: «نَمْشِي نِحَارِبْ الْفِلِسْطِيِّينْ وَلَّا؟ إِنْتَ تِسَلِّمْهُمْ فِي إِيدِي وَلَّا؟» وَ اللّٰهْ رَدَّ لِدَاوُدْ وَ قَالْ: «أَمْشِي حَارِبْهُمْ وَ أَكِيدْ أَنَا نِسَلِّمْهُمْ لَيْك فِي إِيدَكْ.»

1 صَمُوِيل 23:11

وَ كُبَارَاتْ قَعِيلَةْ يِسَلُّمُونِي لَيَّهْ وَلَّا؟ وَ هُو يَجِي مِثِلْ أَنَا عَبْدَكْ سِمِعْتَهْ وَلَّا؟ يَا اللّٰهْ إِلٰـهْ بَنِي إِسْرَائِيلْ، خَبِّرْنِي أَنَا عَبْدَكْ!» وَ اللّٰهْ قَالْ: «أَيْوَى، شَاوُولْ يَجِي.»

1 صَمُوِيل 23:4

وَ بَتَّانْ دَاوُدْ سَأَلْ اللّٰهْ. وَ اللّٰهْ رَدَّ لَيَّهْ وَ قَالْ: «قُمّ! أَمْشِي وَ أَنْزِلْ فِي قَعِيلَةْ وَ أَنَا نِسَلِّمْ الْفِلِسْطِيِّينْ لَيْك فِي إِيدَكْ.»

1 صَمُوِيل 23:2

وَ دَاوُدْ سَأَلْ اللّٰهْ وَ قَالْ: «يَا رَبّ، نَمْشِي نِحَارِبْ الْفِلِسْطِيِّينْ وَلَّا؟» وَ اللّٰهْ قَالْ لَيَّهْ: «أَمْشِي حَارِبْهُمْ وَ إِنْتَ تِنَجِّي قَعِيلَةْ.»

يَشُوع 7:1

وَ بَنِي إِسْرَائِيلْ عِصَوْا اللّٰهْ فِي الْخُمَامْ الْهُو حَرَّمَهْ لَيْهُمْ. عَكَانْ وِلَيْد كَرْمِي وِلَيْد زَبْدِي وِلَيْد زَارَحْ مِنْ قَبِيلَةْ يَهُوذَا شَالْ مِنْ الْخُمَامْ الْحَرَامْ وَ خَلَاصْ، اللّٰهْ غِضِبْ لِبَنِي إِسْرَائِيلْ.

عَدد 27:21

وَ كَنْ عِنْدَهْ سُؤَالْ يَجِي قِدَّامْ رَاجِلْ الدِّينْ أَلِعَازَرْ وَ أَلِعَازَرْ يَسْأَلْ لَيَّهْ اللّٰهْ بِالْأُرِيمْ وَ التُّمِّيمْ الْبَيْهُمْ يَسْأَلَوْا اللّٰهْ. وَ بَيْدَا، هُو وَ كُلَّ مُجْتَمَعْ بَنِي إِسْرَائِيلْ يَمُرْقُوا وَ يَجُوا بِإِذِنْ رَاجِلْ الدِّينْ أَلِعَازَرْ.»

لاوِيِّين 26:26

وَ أَنَا نِوَقِّفْ مِنْكُو الْمَعَاشْ وَ عَشَرَةْ عَوِينْ يِسَوَّنْ لَيْكُو أَكِلْ فِي فُرُنْ وَاحِدْ. هِنَّ يِجِيبَنَّهْ لَيْكُو شِيَّةْ. إِنْتُو تَاكُلُوا وَ مَا تَشْبَعَوْا.

تكوين 43:1

الْجُوعْ بِقِي شَدِيدْ بِلْحَيْن فِي بَلَدْ كَنْعَانْ.

تكوين 41:57

وَ النَّاسْ جَايِينْ مِنْ كُلَّ الْبُلْدَانْ لِيَشْرُوا قَمَحْ مِنْ يُوسُفْ فِي مَصِرْ أَشَانْ الْجُوعْ بِقِي شَدِيدْ مَرَّةْ وَاحِدْ فِي كُلَّ الْبُلْدَانْ.

تكوين 42:5

وَ خَلَاصْ، أَوْلَادْ يَعْقُوبْ وِصْلَوْا فِي مَصِرْ لِيَشْرُوا قَمَحْ مِثِلْ نَاسْ آخَرِينْ كُلَ أَشَانْ الْجُوعْ بِقِي شَدِيدْ فِي بَلَدْ كَنْعَانْ.

2 صَمُوِيل 16:8

اللّٰهْ قَبَّلْ لَيْك فِي رَاسَكْ الدَّمّ الْإِنْتَ دَفَّقْتَهْ مِنْ عَايِلَةْ شَاوُولْ الْإِنْتَ بِقِيتْ مَلِكْ فِي بَدَلَهْ. هَسَّعْ اللّٰهْ سَلَّمْ الْمُلُكْ لِوِلَيْدَكْ أَبْشَلُومْ وَ دِي بَسْ الْمَصِيبَةْ الْوَاجْبَةْ لَيْك أَشَانْ إِنْتَ كَتَّالْ الدِّمَمْ.»

2 صَمُوِيل 20:26

وَ عِيرَا الْمِنْ حِلَّةْ يَيِيرِيْ، هُو كُلَ رَاجِلْ دِينْ يَخْدِمْ لِدَاوُدْ.

2 صَمُوِيل 21:5

وَ هُمَّنْ قَالَوْا لِلْمَلِكْ: «شَاوُولْ دَوَّرْ يِدَمِّرْنَا وَ يِوَدِّرْنَا مَرَّةْ وَاحِدْ مِنْ بَلَدْ إِسْرَائِيلْ.

2 صَمُوِيل 24:1

وَ يَوْم وَاحِدْ، اللّٰهْ غِضِبْ بَتَّانْ لِبَنِي إِسْرَائِيلْ وَ لَزَّ دَاوُدْ يِسَوِّي شَيّءْ الْمَا بِوَافِقْ وَ قَالْ لَيَّهْ: «قُمّ أَحْسِبْ بَنِي إِسْرَائِيلْ وَ بَنِي يَهُوذَا.»

يَشُوع 9:20

وَ دَاهُو الشَّيّءْ النِّسَوُّوهْ لَيْهُمْ. نِخَلُّوهُمْ حَيِّينْ أَشَانْ غَضَبْ اللّٰهْ مَا يَنْزِلْ فَوْقنَا بِسَبَبْ الْحَلِيفَةْ الْحَلَفْنَاهَا لَيْهُمْ.»

رَعُوث 1:1

فِي وَكِتْ الْحُكَّامْ قُبَّالْ بَنِي إِسْرَائِيلْ مَا عِنْدُهُمْ مَلِكْ، جُوعْ شَدِيدْ جَاءْ فِي بَلَدْ يَهُوذَا وَ فِي شَانْ دَا، رَاجِلْ وَاحِدْ مِنْ حِلَّةْ بَيْت لَحَمْ مَشَى لِبَلَدْ مُوَابْ لِيَسْكُنْ هِنَاكْ. وَ الرَّاجِلْ دَا مَشَى مَعَ مَرْتَهْ وَ أَوْلَادَهْ الْإِتْنَيْن.

1 صَمُوِيل 10:22

وَ هُمَّنْ سَأَلَوْا اللّٰهْ بَتَّانْ وَ قَالَوْا: «الرَّاجِلْ دَا قَاعِدْ مَعَانَا هِنِي وَلَّا؟» وَ اللّٰهْ قَالْ: «أَيْوَى! شِيفُوهْ! مُلَّبِّدْ جَنْب الْخُمَامْ.»

زَبُور 27:8

وَ نِفَكِّرْ فِي كَلَامَكْ الْبُقُولْ: «وَجُّهُوا لِلّٰهْ.» وَ أَنَا نِوَجِّهْ عَلَيْك، يَا اللّٰهْ.