2 صَمُوِيل 20:1 - الكتاب المقدس بالعربي الدارجي هنا تشاد

¹ وَ هِنَاكْ فِي قِلْقَالْ، فِيَّهْ رَاجِلْ وَاحِدْ مَا نَافِعْ أُسْمَهْ شَبَعْ وِلَيْد بِكْرِي مِنْ قَبِيلَةْ بَنْيَامِينْ. وَ هُو ضَرَبْ الْبُوقْ وَ قَالْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى. يَلَّا، يَا بَنِي إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ!»

2 صَمُوِيل 20:1 Referenca të Kryqëzuara

1 مُلوك 12:16

وَ وَكِتْ كُلَّ قَبَايِلْ بَنِي إِسْرَائِيلْ شَافَوْا كَدَرْ الْمَلِكْ مَا سِمِعْ كَلَامْهُمْ دَا، قَالَوْا لَيَّهْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى! يَلَّا، يَا قَبَايِلْ إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ! وَ هَسَّعْ دَا، يَا ذُرِّيَّةْ دَاوُدْ، هِمُّوا بِنُفُوسْكُو.» وَ بَنِي إِسْرَائِيلْ شَتَّوْا وَ قَبَّلَوْا بُيُوتْهُمْ.

2 أخبار 10:16

وَ وَكِتْ كُلَّ قَبَايِلْ بَنِي إِسْرَائِيلْ شَافَوْا كَدَرْ الْمَلِكْ مَا سِمِعْ كَلَامْهُمْ دَا، قَالَوْا لَيَّهْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى! يَلَّا، يَا قَبَايِلْ إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ! وَ هَسَّعْ دَا، يَا ذُرِّيَّةْ دَاوُدْ، هِمُّوا بِنُفُوسْكُو.» وَ خَلَاصْ، كُلَّ بَنِي إِسْرَائِيلْ شَتَّوْا وَ قَبَّلَوْا بُيُوتْهُمْ.

تَثْنِية 13:13

كَدَرْ نَاسْ وَاحِدِينْ مَا نَافْعِينْ لَزَّوْا سُكَّانْ حِلَّالْهُمْ بِالْكَلَامْ الْبُقُولْ: «يَلَّا نَمْشُوا نَعَبُدُوا إِلٰـهَاتْ آخَرِينْ.» وَ دَوْل إِلٰـهَاتْ الْأَوَّلْ مَا تَعَرْفُوهُمْ.

لُوقا 19:27

وَ خَلَاصْ، وَيْن عُدْوَانِي دَوْل الْمَا دَوَّرَوْا أَنَا نَبْقَى فَوْقهُمْ مَلِكْ؟ جِيبُوهُمْ هِنِي وَ أَكْتُلُوهُمْ قِدَّامِي!›»

لُوقا 19:14

وَ شَعَبْ بَلَدَهْ كِرْهَوْه وَ رَسَّلَوْا وَرَايَهْ مُمَثِّلِينْ أَشَانْ يُقُولُوا: ‹مَا نِدَوْرُوا النَّادُمْ دَا يَبْقَى فَوْقنَا مَلِكْ.›

أمْثال 26:21

كَتَرَةْ الْفَحَمْ تِزِيدْ الْجَمُرْ وَ كَتَرَةْ الْحَطَبْ تِزِيدْ النَّارْ وَ الْقَوَّالْ يِزِيدْ الْمَشَاكِلْ.

أمْثال 25:8

مَا تِسَّعْجَلْ وَ تِكَلِّمْ فِي الشَّرِيعَةْ بِالشَّافَتَهْ عَيْنَكْ. تِسَوِّي شُنُو كَنْ فِي الأَخِيرْ خَصِيمَكْ يِخَجِّلَكْ؟

زَبُور 34:19

الصَّالِحْ يَوَاجِهْ بَلَاءْ كَتِيرْ وَ مِنْ كُلِّ وَاحِدْ، اللّٰهْ يِنَجِّيهْ.

زَبُور 17:13

قُمّ، يَا اللّٰهْ، حَارِبْ الْعَاصِي وَ دَنْقِرْ رَاسَهْ! وَ بِسَيْفَكْ، نَجِّينِي مِنَّهْ!

2 أخبار 10:6

وَ الْمَلِكْ رَحَبْعَامْ شَاوَرْ الشُّيُوخْ الْأَوَّلْ قَاعِدِينْ مَعَ أَبُوهْ سُلَيْمَانْ وَكِتْ هُو حَيّ. وَ قَالْ لَيْهُمْ: «شُنُو وَصِيِّتْكُو لَيِّ فِي كَلَامْ الشَّعَبْ دَا؟»

2 صَمُوِيل 23:6

وَ لَاكِنْ كُلَّ النَّاسْ الْمَا نَافْعِينْ، هُمَّنْ مِثِلْ فِرِعْ عِنْدَهْ شَوْك الْيَزْقُلُوهْ بَعِيدْ وَ مَا يِنْكَرِبْ بِإِيدْ سَاكِتْ.

2 صَمُوِيل 15:10

وَ وَكِتْ وَصَّلْ هِنَاكْ، رَسَّلْ نَاسْ بِتَلْبِيدْ فِي كُلَّ قَبَايِلْ بَنِي إِسْرَائِيلْ وَ قَالْ لَيْهُمْ: «وَكِتْ تَسْمَعَوْا حِسّ الْبُوقْ، قُولُوا: ‹أَبْشَلُومْ بِقِي مَلِكْ فِي حِبْرُونْ.›»

1 صَمُوِيل 30:22

وَ مِنْ النَّاسْ الْمَشَوْا مَعَ دَاوُدْ، فِيَّهْ نَاسْ فَسْلِينْ وَ سِيَادْ شَرّ الْقَالَوْا: «النَّاسْ الْمَا مَشَوْا مَعَانَا، مَا نَنْطُوهُمْ شَيّءْ مِنْ الْغَنِيمَةْ الْجِبْنَاهَا. إِلَّا أَيِّ وَاحِدْ يِشِيلْ مَرْتَهْ وَ عِيَالَهْ وَ يَمْشِي!»

1 صَمُوِيل 2:12

وَ لَاكِنْ أَوْلَادْ عَالِي مَا نَافْعِينْ وَ مَا خَايْفِينْ مِنْ اللّٰهْ.

قُضياء 19:22

وَ وَكِتْ هُمَّنْ قَاعِدِينْ يِنْجَمَّوْا، طَوَّالِي رُجَالْ وَاحِدِينْ مَا نَافْعِينْ مِنْ الْحِلَّةْ جَوْا حَوَّقَوْا الْبَيْت. وَ طَقَّوْا الْبَابْ بِشِدَّةْ وَ قَالَوْا لِلشَّايِبْ سِيدْ الْبَيْت: «أَمْرُقْ لَيْنَا النَّادُمْ الدَّخَلْ فِي بَيْتَكْ دَا أَشَانْ نَرُقْدُوا مَعَايَهْ.»

قُضياء 3:27

وَ وَكِتْ وِصِلْ هِنَاكْ، ضَرَبْ الْبُوقْ فِي جِبَالْ أَفْرَايِمْ. وَ كُلَّ بَنِي إِسْرَائِيلْ نَزَلَوْا مَعَايَهْ مِنْ الْجِبَالْ وَ هُو مَاشِي قِدَّامْهُمْ.

يُوحَنَّا 13:8

وَ سِمْعَانْ بُطْرُسْ قَالْ: «أَبَداً مَا تِغَسِّلْ رِجِلَيْنِي!» وَ عِيسَى رَدَّ لَيَّهْ وَ قَالْ: «كَنْ أَنَا مَا نِغَسِّلَكْ، إِنْتَ مَا عِنْدَكْ حَقّ مَعَايِ.»

تكوين 46:21

وَ أَوْلَادْ بَنْيَامِينْ هُمَّنْ بَالَعْ وَ بَاكَرْ وَ أَشْبِيلْ وَ قِيرَا وَ نَعَمَانْ وَ إِيحِي وَ رُوشْ وَ مُفِّيمْ وَ حُفِّيمْ وَ أَرَدْ.

1 صَمُوِيل 13:2

وَ يَوْم وَاحِدْ، شَاوُولْ عَزَلْ 3 000 رَاجِلْ مِنْ بَنِي إِسْرَائِيلْ. وَ 2 000 خَطَّاهُمْ مَعَايَهْ فِي مِكْمَاشْ وَ فِي جَبَلْ بَيْت إِيلْ. وَ 1 000 كَمَانْ خَطَّاهُمْ مَعَ يُونَتَانْ وِلَيْدَهْ فِي حِلَّةْ قِبَيْعَةْ بَنْيَامِينْ. وَ الْفَضَّلَوْا مِنْ الرُّجَالْ، شَاوُولْ قَالْ خَلِّي أَيِّ وَاحِدْ يِقَبِّلْ بَيْتَهْ.

2 صَمُوِيل 16:7

وَ دَاهُو كَلَامْ شِمْعِي الْقَاعِدْ يُقُولَهْ: «يَلَّا أَمْشِي! يَلَّا أَمْشِي! يَا كَتَّالْ الدِّمَمْ الْمَا نَافِعْ!

2 صَمُوِيل 18:17

وَ شَالَوْا جَنَازَةْ أَبْشَلُومْ وَ زَقَلَوْهَا فِي نُقْرَةْ فِي الْغَابَةْ وَ رَدَمَوْا فَوْقَهْ حُجَارْ. وَ كُلَّ بَنِي إِسْرَائِيلْ عَرَّدَوْا وَ أَيِّ وَاحِدْ قَبَّلْ بَيْتَهْ.

2 صَمُوِيل 20:2

وَ خَلَاصْ، كُلَّ رُجَالْ بَنِي إِسْرَائِيلْ طَرَّفَوْا مِنْ دَاوُدْ وَ تَابَعَوْا شَبَعْ وِلَيْد بِكْرِي. وَ لَاكِنْ رُجَالْ بَنِي يَهُوذَا أَنْرَبَطَوْا فِي مَلِكْهُمْ وَ مَشَوْا مَعَايَهْ مِنْ الْأُرْدُنْ لَحَدِّي أُورُشَلِيمْ.

2 صَمُوِيل 20:22

وَ الْمَرَةْ مَشَتْ خَبَّرَتْ كُلَّ نَاسْ الْحِلَّةْ بِفِكِرْهَا الْحَكِيمْ دَا. وَ خَلَاصْ، هُمَّنْ قَطَعَوْا رَاسْ شَبَعْ وِلَيْد بِكْرِي وَ زَقَلَوْه لِيُوَابْ. وَ يُوَابْ ضَرَبْ الْبُوقْ وَ عَسْكَرَهْ طَرَّفَوْا مِنْ الْحِلَّةْ وَ أَيِّ وَاحِدْ قَبَّلْ بَيْتَهْ. وَ يُوَابْ كُلَ مَشَى بَكَانْ الْمَلِكْ فِي أُورُشَلِيمْ.

1 مُلوك 21:10

وَ خُطُّوا نَاسَيْن الْمَا نَافْعِينْ مُقَابِلِينَهْ وَ خَلِّي يَشْهَدَوْا فَوْقَهْ وَ يُقُولُوا: ‹هُو عَيَّرْ الرَّبّ وَ الْمَلِكْ.› وَ بَعَدْ دَا، أَمُرْقُوهْ بَرَّا مِنْ الْحِلَّةْ وَ أَرْجُمُوهْ لَحَدِّي يُمُوتْ.»

رَعُوث 2:3

وَ خَلَاصْ، رَعُوثْ مَشَتْ تِلَقِّطْ وَرَاءْ اللَّمَّامِينْ وَ بِصُدْفَةْ هِي مَشَتْ فِي زَرَعْ هَنَا بُعَازْ مِنْ أَهَلْ أَلِيمَلِكْ.

2 صَمُوِيل 16:11

وَ دَاوُدْ قَالْ لِأَبِشَايْ وَ لِكُلَّ مَسَائِيلَهْ: «شِيفُوا وِلَيْدِي، هُو الْمَرَقْ مِنْ صُلْبِي. هُو كُلَ يِدَوْر يَكْتُلْنِي وَ دَا مَالَا يَبْقَى عَجِيبْ كَنْ النَّادُمْ مِنْ قَبِيلَةْ بَنْيَامِينْ دَا قَاعِدْ يَلْعَنْ فَوْقِي؟ خَلِّي يُقُولْ اللَّعَنَةْ دِي كَنْ اللّٰهْ بَسْ أَمَرَهْ بَيْهَا.

مَرْخُوس 3:24

كَنْ نَاسْ هَنَا مَمْلَكَةْ يِدَّاوَسَوْا أَمْبَيْنَاتْهُمْ، الْمَمْلَكَةْ دِي مَا تَقْعُدْ ثَابْتَةْ.