2 صَمُوِيل 19:1 - الكتاب المقدس بالعربي الدارجي هنا تشاد

¹ وَ مَشَوْا كَلَّمَوْه لِيُوَابْ وَ قَالَوْا لَيَّهْ: «دَاهُو الْمَلِكْ قَاعِدْ يَبْكِي وَ يُنُوحْ لِأَبْشَلُومْ.»

2 صَمُوِيل 19:1 Referenca të Kryqëzuara

2 صَمُوِيل 18:14

وَ يُوَابْ قَالْ: «أَنَا مَا نِأَخِّرْ وَكْتِي مَعَاكْ.» وَ خَلَاصْ، يُوَابْ شَالْ تَلَاتَةْ كَوْكَابْ وَ غَزَّاهُمْ فِي قَلِبْ أَبْشَلُومْ وَكِتْ هُو لِسَّاعْ حَيّ وَ مُعَلَّقْ فِي الشَّدَرَةْ.

2 صَمُوِيل 18:5

وَ هُو أَمَرْ يُوَابْ وَ أَبِشَايْ وَ إِتَّايْ وَ قَالْ لَيْهُمْ: «أَسَّهَّلَوْا مَعَ الصَّبِي أَبْشَلُومْ فِي شَانْ رَيْدِتِي لَيَّهْ.» وَ كُلَّ عَسْكَرَهْ سِمْعَوْا بِالْأَمُرْ الْمَلِكْ أَنْطَاهْ لِلْقُيَّادْ فِي سَبَبْ أَبْشَلُومْ.

أمْثال 17:25

الْوِلَيْد الْمَطْمُوسْ يِجِيبْ الْحِزِنْ لِأَبُوهْ وَ لِأَمَّهْ الْوِلْدَتَهْ، يِمَرِّرْ لَيْهَا الْحَيَاةْ.

2 صَمُوِيل 18:33

وَ خَلَاصْ، الْمَلِكْ بَرْجَلْ وَ طَلَعْ فِي الْقَصِرْ الْقَاعِدْ فِي خَشُمْ بَابْ الْحِلَّةْ وَ دَخَلْ فِي غُرْفَةْ وَ قَمَّ يَبْكِي. وَ يُرُوغْ وَ يُقُولْ: «يَا وِلَيْدِي أَبْشَلُومْ! هَايْ وِلَيْدِي! يَا وِلَيْدِي أَبْشَلُومْ، مَالَا أَنَا مَا مُتّْ فِي بَدَلَكْ! هَايْ وِلَيْدِي أَبْشَلُومْ، يَا وِلَيْدِي!»

2 صَمُوِيل 18:20

وَ يُوَابْ قَالْ لَيَّهْ: «لَا! الْيَوْم إِنْتَ مَا تِوَدِّي خَبَرْ حَلُو، تِوَدِّيهْ يَوْم آخَرْ. وَ الْخَبَرْ هَنَا الْيَوْم دَا، خَبَرْ شَيْن أَشَانْ وِلَيْد الْمَلِكْ مَاتْ.»

2 صَمُوِيل 18:12

وَ الرَّاجِلْ قَالْ لِيُوَابْ: «كَنْ إِنْتَ تَنْطِينِي 1 000 حَجَرْ فُضَّةْ كُلَ، أَنَا مَا نَرْفَعْ إِيدِي وَ نَضُرْبَهْ لِوِلَيْد الْمَلِكْ. أَشَانْ أَنِحْنَ كُلِّنَا سِمِعْنَا بِأَمُرْ الْمَلِكْ الْأَنْطَاهْ لَيْك إِنْتَ وَ أَبِشَايْ وَ إِتَّايْ وَ قَالْ: ‹فَكُّرُوا فِي الصَّبِي أَبْشَلُومْ.›

2 صَمُوِيل 19:2

وَ النَّصُرْ هَنَا الْيَوْم دَا أَلْبَدَّلْ بِحِزِنْ لِكُلَّ الْعَسْكَرْ أَشَانْ فِي الْيَوْم دَا، سِمْعَوْا كَدَرْ الْمَلِكْ حَزْنَانْ بِسَبَبْ مَوْت وِلَيْدَهْ.

زَكَرِيَّا 12:10

وَ نِنَزِّلْ فِي ذُرِّيَّةْ دَاوُدْ وَ فِي سُكَّانْ مَدِينَةْ الْقُدُسْ رُوحْ هَنَا رَحْمَةْ وَ دُعَا. وَ يِشِيفُوا عَلَيِّ أَنَا الْهُمَّنْ طَعَنَوْنِي بِعَمَلْهُمْ الشَّيْن الْمِثِلْ حَرْبَةْ. هُمَّنْ يَحْزَنَوْا لَيَّهْ مِثِلْ حِزِنْ الْوِلَيْد الْوَحِيدْ وَ يَبْكُوا لَيَّهْ مِثِلْ بَكِي لِلْوِلَيْد الْبِكِرْ.

تكوين 37:35

أَوْلَادَهْ وَ بَنَاتَهْ كُلُّهُمْ يَجُوا يِحَنُّسُوهْ لَاكِنْ هُو أَبَى مَا يِلْحَنَّسْ لَيْهُمْ وَ قَالْ: «أَنَا نَقْعُدْ حَزْنَانْ لَحَدِّي نَمْشِي نِلِمُّوا مَعَايَهْ فِي الْقَبُرْ.» وَ قَاعِدْ يَبْكِي لِوِلَيْدَهْ بَسْ.