2 صَمُوِيل 18:3 - الكتاب المقدس بالعربي الدارجي هنا تشاد

³ وَ لَاكِنْ عَسْكَرَهْ قَالَوْا لَيَّهْ: «لَا! يَا سِيدْنَا الْمَلِكْ، إِنْتَ مَا تَمْشِي مَعَانَا. أَشَانْ كَنْ أَنِحْنَ عَرَّدْنَا كُلَ، نَادُمْ يَجْعَلْنَا مَا فِيهْ وَ كَنْ نُصِّنَا مَاتْ كُلَ، مَا يِجِيبُوا خَبَرْنَا. وَ إِنْتَ وِحَيْدَكْ مُهِمّ مِنْ 10 000 مِنِّنَا وَ دَا أَخَيْر لَيْنَا كَنْ تَقْعُدْ فِي الْمَدِينَةْ وَ تِجِيبْ لَيْنَا مِنْهَا الْفَزَعْ.»

2 صَمُوِيل 18:3 Referenca të Kryqëzuara

2 صَمُوِيل 21:17

وَ لَاكِنْ أَبِشَايْ وِلَيْدهَا لِصَرُويَةْ جَاءْ فَزَعْ لِدَاوُدْ وَ ضَرَبْ الْفِلِسْطِي وَ كَتَلَهْ. وَ فِي الْبَكَانْ دَا، عَسْكَرْ دَاوُدْ حَلَفَوْا وَ قَالَوْا لَيَّهْ: «بَتَّانْ إِنْتَ مَا تَمْرُقْ مَعَانَا فِي الْحَرِبْ. أَشَانْ إِنْتَ نُورْ بَنِي إِسْرَائِيلْ مَا تُمُوتْ.»

زَكَرِيَّا 13:7

دَاهُو كَلَامْ اللّٰهْ الْقَادِرْ: «يَا سَيْف، قُمّ ضِدّ رَاعِيِّ. أَيْوَى، قُمّ ضِدّ قَرِيبِي! أَضْرُبْ الرَّاعِي وَ الْغَنَمْ يِشِتُّوا وَ نَضْرُبْ حَتَّى الدُّقَاقْ كُلَ.

مَراثِي إرْمِيا 4:20

الْمَلِكْ الْاللّٰهْ مَسَحَهْ وَ دَرَّجَهْ، هُو مِثِلْ رُوحْنَا وَ قُلْنَا نِعِيشُوا تِحْتَهْ مَعَ الْأُمَمْ. وَ لَاكِنْ الْعَدُو رَمَاهْ فِي الشَّرَكْ وَ كَرَبَهْ.

1 مُلوك 22:31

وَ مَلِكْ بَلَدْ أَرَامْ أَنْطَى أَمُرْ لِـ‍ 32 مِنْ كُبَارَاتْ عَرَبَاتَهْ هَنَا الْحَرِبْ وَ قَالْ لَيْهُمْ: «مَا تَهْجُمُوا الْعَسْكَرْ وَ لَا كُبَارَاتْهُمْ لَاكِنْ أَهْجُمُوا مَلِكْ مَمْلَكَةْ إِسْرَائِيلْ.»

2 صَمُوِيل 17:2

أَنَا نِغَفِّلَهْ وَكِتْ هُو عَيَّانْ وَ مَا عِنْدَهْ قُدْرَةْ. وَ أَنَا نِبَرْجِلَهْ وَ كُلَّ الشَّعَبْ الْمَعَايَهْ يِعَرُّدُوا. وَ خَلَاصْ، أَنَا نَكْتُلَهْ هُو وِحَيْدَهْ.

2 صَمُوِيل 10:11

وَ بَعَدْ دَا، يُوَابْ قَالْ لِأَبِشَايْ: «كَنْ الْأَرَامِيَّيْن غَلَبَوْنِي، إِنْتَ تَجِي تَفْزَعْنِي. وَ كَنْ بَنِي عَمُّونْ غَلَبَوْك، أَنَا نَجِي نَفْزَعَكْ.

1 صَمُوِيل 18:7

وَ هِنَّ كُلِّهِنْ كَيْ قَاعِدَاتْ يَلْعَبَنْ وَ يِغَنَّنْ وَ يُقُولَنْ: «شَاوُولْ كَتَلْ آلَافْ وَ دَاوُدْ كَتَلْ عَشَرَاتْ الْآلَافْ!»