2 صَمُوِيل 16:4 - الكتاب المقدس بالعربي الدارجي هنا تشاد

⁴ وَ الْمَلِكْ قَالْ لِصِيبَا: «كَنْ كَيْ دَا، مِنْ هِنِي لِقِدَّامْ كُلَّ الْمَالْ هَنَا مَفِيبُشَتْ دَا هَنَاكْ إِنْتَ.» وَ صِيبَا سَجَدْ قِدَّامَهْ وَ قَالْ: «أَنَا عَبْدَكْ، يَا سِيدِي الْمَلِكْ، كَنْ إِنْتَ رِضِيتْ لَيِّ.»

2 صَمُوِيل 16:4 Referenca të Kryqëzuara

أمْثال 18:17

الْيِحَجِّي أَوَّلْ، النَّاسْ يَحْسُبُوا عِنْدَهْ حَقّ وَ لَاكِنْ وَكِتْ قَبِيلَهْ يِحَجِّي، يِكَدِّبَهْ.

أمْثال 18:13

الْيُرُدّ فِي الْكَلَامْ قُبَّالْ مَا يَسْمَعَهْ يِوَصِّفْ نِفَاقَهْ وَ عَيْبَهْ.

أمْثال 19:2

النِّيَّةْ فِي الْخِدْمَةْ بَلَا مَعْرَفَةْ مَا عَدِيلَةْ وَ الْعَجَلَةْ تَرْمِي سِيدْهَا فِي الْخَطَا.

تَثْنِية 19:15

وَ نَادُمْ وِحَيْدَهْ مَا يَقْدَرْ يَشْهَدْ فِي نَادُمْ وَ يِثَبِّتْ فَوْقَهْ الْخَطَا أَوْ الذَّنِبْ أَوْ أَيِّ ذَنِبْ آخَرْ الْهُو سَوَّاهْ. وَ التُّهْمَةْ مَا تَثْبِتْ إِلَّا بِشَهَادَةْ هَنَا نَاسْ إِتْنَيْن أَوْ تَلَاتَةْ.

خُروج 23:8

مَا تَقْبَلْ رَشْوَةْ أَشَانْ هِي تَعَمِي عُيُونْ الْمَسَائِيلْ وَ تِعَوِّجْ كَلَامْ الصَّالِحِينْ.

2 صَمُوِيل 14:22

وَ طَوَّالِي، يُوَابْ وَقَعْ فِي الْأَرْض وَ سَجَدْ وَ بَارَكْ الْمَلِكْ وَ قَالْ: «الْيَوْم أَنَا عَبْدَكْ عِرِفْت كَدَرْ إِنْتَ سِيدِي الْمَلِكْ رِضِيتْ لَيِّ أَشَانْ إِنْتَ سَوَّيْت الشَّيّءْ الْأَنَا عَبْدَكْ قُلْتَهْ لَيْك.»

2 صَمُوِيل 14:4

وَ خَلَاصْ، الْمَرَةْ الْمِنْ حِلَّةْ تَقُوعَةْ مَشَتْ لِلْمَلِكْ دَاوُدْ وَ وَقَعَتْ فِي الْأَرْض وَ سَجَدَتْ قِدَّامَهْ وَ قَالَتْ: «يَا الْمَلِكْ، أَفْزَعْنِي!»

2 صَمُوِيل 9:6

وَ وَكِتْ مَفِيبُشَتْ وِلَيْد يُونَتَانْ وِلَيْد شَاوُولْ وَصَّلْ بَكَانْ دَاوُدْ، وَقَعْ بِوِجْهَهْ وَ سَجَدْ قِدَّامَهْ. وَ دَاوُدْ سَأَلَهْ وَ قَالْ: «دَا إِنْتَ مَفِيبُشَتْ وَلَّا؟» وَ هُو رَدَّ وَ قَالْ: «أَيْوَى، أَنَا عَبْدَكْ.»

2 صَمُوِيل 9:9

وَ الْمَلِكْ نَادَاهْ لِصِيبَا خَدَّامْ شَاوُولْ وَ قَالْ لَيَّهْ: «كُلَّ شَيّءْ الْهَنَا سِيدَكْ شَاوُولْ وَ عَايِلْتَهْ، أَنَا نَنْطِيهْ لِوِلَيْد وِلَيْدَهْ مَفِيبُشَتْ.

2 صَمُوِيل 16:3

وَ الْمَلِكْ قَالْ لَيَّهْ: «وَيْن وِلَيْد سِيدَكْ؟» وَ صِيبَا قَالْ لَيَّهْ: «هُو قَاعِدْ فِي أُورُشَلِيمْ وَ قَالْ: ‹الْيَوْم بَنِي إِسْرَائِيلْ يِقَبُّلُوا لَيِّ مُلُكْ أَبُويِ شَاوُولْ.›»

2 صَمُوِيل 16:5

وَ وَكِتْ دَاوُدْ قَرَّبْ لِحِلَّةْ بَحُرِيمْ، رَاجِلْ وَاحِدْ مَرَقْ لَيَّهْ. وَ الرَّاجِلْ دَا، هُو مِنْ خَشُمْ بَيْت شَاوُولْ وَ أُسْمَهْ شِمْعِي وِلَيْد قِيرَا. وَ هُو مَرَقْ مِنْ الْحِلَّةْ وَ قَاعِدْ يَلْعَنْ فَوْقَهْ.

2 صَمُوِيل 19:27

وَ خَدَّامِي كَدَبْ فَوْقِي أَنَا عَبْدَكْ قِدَّامَكْ إِنْتَ سِيدِي الْمَلِكْ. وَ سِيدِي الْمَلِكْ، هُو مِثِلْ مَلَكْ اللّٰهْ وَ بَيْدَا، سَوِّي كُلَّ شَيّءْ التِّدَوْرَهْ.

2 صَمُوِيل 14:8

وَ الْمَلِكْ قَالْ لَيْهَا: «قَبِّلِي أَمْشِي بَيْتِي. وَ أَنَا ذَاتِي نَنْطِي أَمُرْ فِي سَبَبْكِ.»