2 صَمُوِيل 16:1 - الكتاب المقدس بالعربي الدارجي هنا تشاد

¹ وَ وَكِتْ دَاوُدْ قَاعِدْ يَنْزِلْ مِنْ رَاسْ الْجَبَلْ بِغَادِي، لَاقَى صِيبَا خَدَّامْ مَفِيبُشَتْ سَايِقْ حَمِيرْ إِتْنَيْن الشَّدَّ فَوْقهُمْ 200 خُبْزَةْ وَ 100 عَبُّودْ هَنَا عِنَبْ يَابِسْ مُعَبَّكْ وَ 100 عَبُّودْ هَنَا تِينْ يَابِسْ مُعَبَّكْ وَ قِرْبَةْ هَنَا خَمَرْ.

2 صَمُوِيل 16:1 Referenca të Kryqëzuara

1 صَمُوِيل 25:18

وَ طَوَّالِي، أَبِقَايِلْ شَالَتْ 200 خُبْزَةْ وَ 2 قِرْبَةْ هَنَا خَمَرْ وَ 5 غَنَمْ مُنَجَّضِينْ وَ 15 كَوْرَوْ هَنَا قَمَحْ فَرِيكِي وَ 100 دُكْرُمَةْ هَنَا عِنَبْ يَابِسْ مُعَبَّكْ وَ 200 دُكْرُمَةْ هَنَا تِينْ يَابِسْ مُعَبَّكْ. وَ كُلَّ الْأَشْيَاءْ دَوْل، هِي شَدَّتْهُمْ فِي حَمِيرْ.

2 صَمُوِيل 15:32

وَ وَكِتْ دَاوُدْ وَصَّلْ فِي رَاسْ الْجَبَلْ فِي بَكَانْ عِبَادَةْ الرَّبّ، حُوشَايْ الْمِنْ حِلَّةْ أَرْكِي جَاءْ لَاقَاهْ لِدَاوُدْ وَ خَلَقَهْ مُشَرَّطْ مِنْ الْحِزِنْ وَ عِنْدَهْ تُرَابْ فِي رَاسَهْ.

عَمُوس 8:1

دَاهُو الشَّيّءْ الْاللّٰهْ الرَّبّ وَصَّفَهْ لَيِّ أَنَا عَمُوسْ فِي الرُّؤْيَةْ. أَنَا شِفْت قُفَّةْ مَلَانَةْ بِفَوَاكِهْ نَجِيضِينْ.

إرْمِيا 40:12

وَ بَيْدَا، خَلَاصْ النَّاسْ الْعَرَّدَوْا قَبَّلَوْا مِنْ الْبَكَانَاتْ الْمُشَتَّتِينْ فَوْقهُمْ. وَ جَوْا فِي بَلَدْ يَهُوذَا فِي مِصْفَةْ لِقَدَالْيَا. وَ هُمَّنْ قَطَعَوْا الْعِنَبْ وَ الْفَوَاكِهْ بِكَتَرَةْ.

إرْمِيا 40:10

وَ أَنَا نَقْعُدْ هِنِي فِي مِصْفَةْ وَ نِمَثِّلْكُو قِدَّامْ الْبَابِلِيِّينْ الْيَجُوا لَيْنَا. وَ إِنْتُو كَمَانْ تَخْدُمُوا وَ تَقْطَعَوْا الْعِنَبْ وَ الْفَوَاكِهْ وَ تِعَصُّرُوا دِهِنْ الزَّيْتُونْ وَ تُضُمُّوهْ فِي الْمَخَازِنْ. وَ تَسْكُنُوا فِي الْحِلَّالْ الْإِنْتُو شِلْتُوهُمْ فِي وَكْت الْحَرِبْ.»

1 أخبار 12:40

وَ كُلَّ النَّاسْ السَّاكْنِينْ فِي الْمَنْطَقَةْ دِي وَ ذُرِّيَّةْ يَسَّاكَرْ وَ زَبُلُونْ وَ نَفْتَالِي كُلَ، جَابَوْا أَكِلْ بِحَمِيرْ وَ جُمَالْ وَ بِغَالْ وَ تِيرَانْ. جَابَوْا دَقِيقْ وَ عَبُّودْ هَنَا تِينْ وَ عِنَبْ يَابِسْ وَ خَمَرْ وَ دِهِنْ وَ غَنَمْ وَ بَقَرْ بِكَتَرَةْ أَشَانْ عِنْدُهُمْ فَرْحَةْ كَبِيرَةْ فِي بَلَدْ إِسْرَائِيلْ.

2 صَمُوِيل 19:32

وَ بَرْزِلَّايْ شَايِبْ مَرَّةْ وَاحِدْ، عُمْرَهْ 80 سَنَةْ. وَ وَكِتْ الْمَلِكْ قَاعِدْ فِي مَحَنَايِمْ، هُو بَسْ وَقَفْ مَعَايَهْ وَ رَيَّسَهْ أَشَانْ هُو غَنِيْ مَرَّةْ وَاحِدْ.

2 صَمُوِيل 15:30

وَ دَاوُدْ قَاعِدْ يَطْلَعْ جَبَلْ الزَّيْتُونْ بِبَكِي وَ سَدَّ رَاسَهْ وَ مَاشِي بَلَا نَعَالْ. وَ كُلَّ النَّاسْ الطَّالِعِينْ مَعَايَهْ، هُمَّنْ كُلَ سَدَّوْا رُوسَيْهُمْ وَ قَاعِدِينْ يَبْكُوا.

1 صَمُوِيل 16:20

وَ يَسَّى شَالْ حُمَارْ وَ شَدَّ فَوْقَهْ خُبْزَةْ وَ قِرْبَةْ هَنَا خَمَرْ وَ سَخَلْ وَ أَنْطَاهْ لِدَاوُدْ وِلَيْدَهْ وَ رَسَّلَهْ لِشَاوُولْ.

1 صَمُوِيل 10:3

«مِنْ الْبَكَانْ دَا، أَمْشِي لَحَدِّي تِوَصِّلْ فِي قَعَرْ الشَّدَرَةْ الْكَبِيرَةْ الْفِي جَبَلْ تَابُورْ. وَ فِي الْبَكَانْ دَا، يَلْقَوْك رُجَالْ تَلَاتَةْ الطَّالِعِينْ لِيَعَبُدُوا الرَّبّ فِي حِلَّةْ بَيْت إِيلْ. وَ وَاحِدْ مِنْ الرُّجَالْ دَوْل شَايِلْ تَلَاتَةْ سَخَلْ وَ التَّانِي شَايِلْ تَلَاتَةْ خُبْزَةْ وَ التَّالِتْ كَمَانْ شَايِلْ قِرْبَةْ هِنْت عَصِيرْ الْعِنَبْ.

مِيخا 7:1

يَا خَسَارْتِي! أَنَا بِقِيتْ مِثِلْ نَادُمْ الْيَقْطَعْ الْكِشَّيْب وَ الْيِلَقِّطْ الْفَضْلَةْ هَنَا الْعِنَبْ. وَ دَاهُو مَا فَضَّلْ عَنْقُودْ نَاكُلَهْ وَ لَا تِينْ النِّرِيدَهْ.

أمْثال 18:16

هَدِيَّةْ الْإِنْسَانْ تِسَهِّلْ لَيَّهْ دَرْبَهْ وَ مَعَ الْكُبَارَاتْ كُلَ، هِي تِقَابِلَهْ.

2 صَمُوِيل 19:17

وَ مَشَوْا مَعَ شِمْعِي 1 000 رَاجِلْ مِنْ قَبِيلَةْ بَنْيَامِينْ. وَ صِيبَا خَدَّامْ عَايِلَةْ شَاوُولْ، هُو كُلَ مَشَى مَعَاهُمْ وَ مَعَايَهْ أَوْلَادَهْ الْخَمْسَةَ عَشَرْ وَ خَدَّامِينَهْ الْعِشْرِينْ. وَ هُمَّنْ أَسَّعْجَلَوْا وَ لِحْقَوْا بَحَرْ الْأُرْدُنْ قُبَّالْ الْمَلِكْ.