2 صَمُوِيل 15:2 - الكتاب المقدس بالعربي الدارجي هنا تشاد

² وَ بِفَجُرْ بَدْرِي، أَبْشَلُومْ يُقُمّ وَ يَقِيفْ فِي خَشُمْ الدَّرِبْ هَنَا مَدَخَلْ الْحِلَّةْ. وَ كُلِّ وَكِتْ كَنْ نَادُمْ عِنْدَهْ مُشْكِلَةْ وَ جَايِ بَكَانْ الْمَلِكْ أَشَانْ يِسَوِّي لَيَّهْ شَرِيعَةْ، أَبْشَلُومْ يِوَقِّفَهْ وَ يُقُولْ لَيَّهْ: «إِنْتَ مِنْ حِلَّةْ الْوَيْنِي؟» وَ أَكُونْ النَّادُمْ دَا يُقُولْ: «أَنَا عَبْدَكْ جَايِ مِنْ قَبِيلَةْ وَاحِدَةْ هَنَا بَنِي إِسْرَائِيلْ.»

2 صَمُوِيل 15:2 Referenca të Kryqëzuara

مَتَّى 27:1

وَ وَكِتْ الْوَطَاةْ أَصْبَحَتْ كُبَارَاتْ رُجَالْ الدِّينْ وَ الشُّيُوخْ لَمَّوْا بَتَّانْ وَ أَشَّاوَرَوْا فِي عِيسَى لِيَحْكُمُوا لَيَّهْ بِالْمَوْت.

أمْثال 4:16

النَّاسْ دَوْل مَا يُنُومُوا كَنْ مَا سَوَّوْا الْفَسِلْ وَ مَا يَنْعَسَوْا كَنْ مَا رَمَوْا نَادُمْ.

أيُّوب 24:14

وَ الْكَاتِلْ يُقُمّ فِي وَكْت الشَّقَاقْ يَكْتُلْ الْمِسْكِينْ وَ الْفَقْرَانْ وَ يَسْرِقْ بِاللَّيْل.

2 صَمُوِيل 19:8

وَ خَلَاصْ، الْمَلِكْ قَمَّ مَشَى قَعَدْ فِي خَشُمْ بَابْ الْحِلَّةْ وَ أَوْرَوْهُمْ لِلْعَسْكَرْ وَ قَالَوْا لَيْهُمْ: «دَاهُو الْمَلِكْ مَشَى قَعَدْ فِي خَشُمْ بَابْ الْحِلَّةْ.» وَ كُلَّ الْعَسْكَرْ جَوْا قِدَّامْ الْمَلِكْ. وَ عَسْكَرْ أَبْشَلُومْ كَمَانْ عَرَّدَوْا وَ أَيِّ وَاحِدْ قَبَّلْ بَيْتَهْ.

رَعُوث 4:1

وَ وَكِتْ بُعَازْ قَبَّلْ، مَشَى قَعَدْ فِي خَشُمْ بَابْ الْحِلَّةْ وَ دَا بَكَانْ الْمَلَمَّةْ. وَ الرَّاجِلْ الْوَرِيثْ الْهُو كَلَّمْ بَيَّهْ لِرَعُوثْ كُلَ جَاءْ فَايِتْ. وَ بُعَازْ قَالْ لَيَّهْ: «تَعَالْ، يَا قَرِيبِي، وَ أَقْعُدْ هِنِي.» وَ خَلَاصْ الرَّاجِلْ دَا جَاءْ قَعَدْ جَنْبَهْ.

خُروج 18:26

وَ قَاعِدِينْ يِشَارُعُوا الشَّعَبْ فِي كُلَّ وَكِتْ. مَشَاكِلْهُمْ الْكُبَارْ يِقَدُّمُوهُمْ لِمُوسَى وَ الدُّقَاقْ كَمَانْ، هُمَّنْ بَسْ يِحِلُّوهُمْ.

خُروج 18:16

وَ كَنْ عِنْدُهُمْ مُشْكِلَةْ كُلَ، هُمَّنْ يَجُوا لَيِّ لِنِسَوِّي لَيْهُمْ شَرِيعَةْ بَيْن الْوَاحِدْ وَ الْآخَرْ. وَ نِعَرِّفْهُمْ بِقَوَانِينْ الرَّبّ وَ وَصِيَّاتَهْ.»

خُروج 18:14

وَكِتْ نَسِيبَهْ يَسْرُونْ شَافْ كُلَّ شَيّءْ الْمُوسَى قَاعِدْ يِسَوِّيهْ لِلشَّعَبْ، قَالْ لَيَّهْ: «شُنُو الْقَاعِدْ تِسَوِّيهْ لِلشَّعَبْ دَا؟ مَالَا إِنْتَ وِحَيْدَكْ بَسْ تَقْعُدْ تِشَارِعْهُمْ؟ وَ مَالَا هُمَّنْ كُلُّهُمْ وَاقْفِينْ قِدَّامَكْ مِنْ الْفَجُرْ لَحَدِّي الْعَشِيَّةْ؟»

تكوين 34:20

وَ حَمُورْ مَعَ وِلَيْدَهْ شَكِيمْ مَشَوْا فِي خَشُمْ بَابْ حِلِّتْهُمْ، الْبَكَانْ النَّاسْ يِلِمُّوا فَوْقَهْ. وَ حَجَّوْا لِنَاسْ الْحِلَّةْ

تَثْنِية 17:8

وَ كَنْ مَا تَقْدَرَوْا تِسَوُّوا الشَّرِيعَةْ هَنَا الْكَتِلْ وَ الْخِلَافْ وَ الْجِرَاحْ وَ النَّاسْ مَا مُقَصِّدِينْ بِشَرِيعَةْ مَدِينِتْكُو، خَلَاصْ قُمُّوا أَمْشُوا فِي الْبَكَانْ الْيَعَزِلَهْ اللّٰهْ إِلٰـهْكُو.

2 أخبار 10:7

وَ الشُّيُوخْ رَدَّوْا لَيَّهْ وَ قَالَوْا: «كَنْ إِنْتَ تَبْقَى زَيْن مَعَ الشَّعَبْ وَ تَرْضَى بِكَلَامْهُمْ وَ تُرُدّ لَيْهُمْ بِكَلَامْ حَلُو، خَلَاصْ هُمَّنْ يَخْدُمُوا دَايْماً تِحْتَكْ.»

دَنْيال 11:21

وَ قَالْ بَتَّانْ لِدَنْيَالْ: «يَرْكَبْ فِي بَلَدْ سُورِيَا مَلِكْ آخَرْ مَكْرُوهْ وَ النَّاسْ مَا يَنْطُوهْ مَجْد الْمَلِكْ. وَ وَكِتْ الْبَلَدْ قَاعِدَةْ فِي السَّلَامْ، هُو يَقْلَعْ الْمُلُكْ بِنَجَاضَةْ.