2 صَمُوِيل 13:5 - الكتاب المقدس بالعربي الدارجي هنا تشاد

⁵ وَ يُنَدَابْ قَالْ لَيَّهْ: «أَرْقُدْ فِي سَرِيرْ وَ سَوِّي نَفْسَكْ مَرْضَانْ. وَ وَكِتْ أَبُوكْ يَجِي لَيْك فِي بَيْتَكْ لِيِشِيفَكْ، قُولْ لَيَّهْ: ‹مِنْ فَضْلَكْ، أَنْطِي إِذِنْ لِأَخْتِي تَامَارْ تَجِي تَنْطِينِي أَكِلْ. وَ الْأَكِلْ دَا، خَلِّي تِسَوِّي قِدَّامِي نِشِيفَهْ بِعَيْنِي. وَ هِي ذَاتْهَا تِجِيبَهْ لَيِّ وَ أَنَا نَاكُلَهْ.›»

2 صَمُوِيل 13:5 Referenca të Kryqëzuara

أعمال الرُسُل 23:15

أَشَانْ دَا، رَسُّلُوا لِلْقَايِدْ الرَّوْمَانِي وَ قُولُوا لَيَّهْ إِنْتُو وَ نَاسْ الْمَجْلَسْ تِدَوْرُوا تِأَكُّدُوا مِنْ كَلَامْ بُولُسْ. وَ أَطُلْبُوا مِنْ الْقَايِدْ هُو يِوَدِّيهْ لَيْكُو. وَ أَنِحْنَ كَمَانْ، جَاهِزِينْ. نَكْتُلُوا بُولُسْ قُبَّالْ مَا يَجِي فِي بَكَانْ الْمَجْلَسْ.»

أمْثال 19:27

يَا وِلَيْدِي، كَنْ مَا تَسْمَعْ الْوَصِيَّةْ تِبَعِّدْ مِنْ كَلَامْ الْمَعْرَفَةْ.

2 صَمُوِيل 16:21

وَ أَخِتُوفَلْ قَالْ لِأَبْشَلُومْ: «أَمْشِي أَرْقُدْ مَعَ سِرِّيَّاتْ أَبُوكْ الْخَلَّاهِنْ يَحْفَضَنْ الْبَيْت. وَ بِمِثِلْ دَا، كُلَّ بَنِي إِسْرَائِيلْ يَسْمَعَوْه وَ إِنْتَ تَبْقَى مَكْرُوهْ لِأَبُوكْ. وَ النَّاسْ الْمَعَاكْ يَلْقَوْا شَجَاعَةْ.»

2 صَمُوِيل 13:4

وَ يَوْم وَاحِدْ، يُنَدَابْ سَأَلَهْ لِأَمْنُونْ وَ قَالْ لَيَّهْ: «يَا وِلَيْد الْمَلِكْ، مَالَكْ أَيِّ مَا صَبَاحْ إِنْتَ كَسْلَانْ؟ مَا تِأَوْرِينِي السَّبَبْ وَلَّا؟» وَ أَمْنُونْ قَالْ لَيَّهْ: «نِحِبّ تَامَارْ أَخُتْ أَبْشَلُومْ أَخُويِ.»

2 صَمُوِيل 13:6

وَ خَلَاصْ، أَمْنُونْ رَقَدْ وَ سَوَّى نَفْسَهْ مَرْضَانْ. وَ وَكِتْ الْمَلِكْ أَبُوهْ جَاءْ لِيِشِيفَهْ، هُو قَالْ لَيَّهْ: «مِنْ فَضْلَكْ، أَنْطِي إِذِنْ لِأَخْتِي تَامَارْ تَجِي تِسَوِّي لَيِّ إِتْنَيْن كَعَكْ فِي قِدَّامِي. وَ هِي ذَاتْهَا تَنْطِينِي وَ أَنَا نَاكُلَهْ.»