2 صَمُوِيل 11:2 - الكتاب المقدس بالعربي الدارجي هنا تشاد

² وَ يَوْم وَاحِدْ بِعَشِيَّةْ، دَاوُدْ قَمَّ مِنْ فُرَاشَهْ وَ قَاعِدْ يِحَوِّقْ فِي رَاسْ قَصْرَهْ وَ مِنْ فَوْق، شَافْ مَرَةْ قَاعِدَةْ تِلْبَرَّدْ. وَ هِي جَمِيلَةْ مَرَّةْ وَاحِدْ.

2 صَمُوِيل 11:2 Referenca të Kryqëzuara

مَتَّى 5:28

وَ لَاكِنْ أَنَا نُقُولْ لَيْكُو أَيِّ رَاجِلْ الْقَاعِدْ يِشِيفْ مَرَةْ بِشَهْوَةْ، هُو زَنَاهَا خَلَاصْ فِي قَلْبَهْ.

زَبُور 119:37

بَعِّدْ عُيُونِي مِنْ الشَّوْفِينْ الْمَا نَافِعْ وَ عَيِّشْنِي فِي دَرْبَكْ.

1 يُوحَنَّا 2:16

أَشَانْ كُلِّ شَيّءْ الْقَاعِدْ فِي الدُّنْيَا مِثِلْ شَهْوَاتْ الْجِسِمْ وَ طَمَعْ الْعَيْن وَ فَشَارْ بِالْمَالْ مَا مِنْ أَبُونَا وَ لَاكِنْ مِنْ الدُّنْيَا.

أعمال الرُسُل 10:9

وَ أَمْبَاكِرْ بِضُهُرْ وَكِتْ الرُّجَالْ التَّلَاتَةْ دَوْل مَاشِينْ فِي الدَّرِبْ قَرَّبَوْا لِحِلَّةْ يَافَا، بُطْرُسْ طَلَعْ فِي رَاسْ الْبَيْت أَشَانْ يِصَلِّي.

أمْثال 6:25

مَا تِتْمَنَّى فِي قَلْبَكْ جَمَالْهَا وَ مَا تِخَلِّيهَا تَسْحَرَكْ بِعُيُونْهَا.

أيُّوب 31:1

أَنَا سَوَّيْت عَهَدْ مَعَ نَفْسِي مَا نِشِيفْ بِشَهْوَةْ لِبِنَيَّةْ.

1 بُطْرُس 4:7

كُمَالَةْ كُلَّ شَيّءْ قَرِيبْ. أَشَانْ دَا، خُطُّوا بَالْكُو وَ أَقْعُدُوا ثَابْتِينْ دَايْماً أَشَانْ تَقْدَرَوْا تِصَلُّوا فِي أَيِّ وَكِتْ.

أمْثال 31:30

سَمَاحْ الْمَرَةْ يُغُشّ وَ جَمَالْهَا يُزُولْ. وَ لَاكِنْ الْخَايْفَةْ مِنْ اللّٰهْ، هِي بَسْ يَشْكُرُوهَا.

تَثْنِية 22:8

وَ كَنْ بَنَيْتُوا بَيْت جَدِيدْ، حَوُّقُوا رَاسَهْ بِدُرْدُرْ أَشَانْ بَيْتكُو مَا يَبْقَى سَبَبْ هَنَا دِمَّةْ وَكِتْ نَادُمْ يَقَعْ مِنَّهْ.

تكوين 3:6

وَ خَلَاصْ، الْمَرَةْ شَافَتْ الشَّدَرَةْ دِي تَعَجِبْ الْعَيْن وَ سَمْحَةْ لِلْأَكِلْ وَ عَدِيلَةْ تَنْطِي الْعِلِمْ. وَ بَيْدَا، قَطَعَتْ مِنْ عِيَالْهَا، أَكَلَتَهْ وَ رَاجِلْهَا قَاعِدْ جَنْبَهَا وَ هِي أَنْطَتَهْ وَ هُو كُلَ أَكَلْ.

مَتَّى 10:27

أَيِّ شَيّءْ النُّقُولَهْ لَيْكُو فِي اللَّيْل، قُولُوهْ فِي النَّهَارْ. وَ الْكَلَامْ الْكَلَّمْتَهْ لَيْكُو بِبِشَيْش فِي أَدَانْكُو، بَلُّغُوهْ بَرَّا فِي الشَّوَارِعْ.

إرْمِيا 19:13

وَ بُيُوتْ مَدِينَةْ الْقُدُسْ وَ قُصُورْ مُلُوكْ يَهُوذَا يَبْقَوْا نِجْسِينْ مِثِلْ تُوفَةْ. أَشَانْ فِي رُوسَيْ الْبُيُوتْ دَوْل، حَرَّقَوْا بَخُورْ لِكُلَّ قُوَّاتْ السَّمَاءْ وَ قَدَّمَوْا هَدَايَا شَرَابْ لِإِلٰـهَاتْ آخَرِينْ.“›»

أمْثال 19:15

الْكَسَلْ يِلِزّ فِي النَّوْم الشَّدِيدْ وَ الْيِطَبِّقْ إِيدَيْنَهْ يُمُوتْ مِنْ الْجُوعْ.

2 صَمُوِيل 4:7

وَ وَكِتْ دَخَلَوْا فِي الْبَيْت، لِقَوْه رَاقِدْ فِي سَرِيرَهْ فِي لُبّ بَيْتَهْ قَاعِدْ يِنْجَمَّ. وَ خَلَاصْ، طَعَنَوْه كَتَلَوْه وَ قَطَعَوْا رَاسَهْ وَ عَرَّدَوْا بَيَّهْ. وَ هُمَّنْ رَاغَوْا طُولْ اللَّيْل فِي الدَّرِبْ الْمَاشِي وَادِي الْأُرْدُنْ.

تكوين 34:2

وَ شَكِيمْ وِلَيْد حَمُورْ شَيْخ بَلَدْ الْحِوِّيِّينْ شَافَاهَا. وَ هُو خَطَفْهَا وَ لِعِبْ مَعَاهَا وَ تَلَّفْ شَرَفْهَا.

تكوين 6:2

فِيَّهْ مَخْلُوقِينْ سَمَاوِيِّينْ وَ هُمَّنْ مِثِلْ النَّاسْ. وَ شَافَوْا بَنَاتْ النَّاسْ هِنَّ سَمْحَاتْ وَ عَزَّلَوْا مِنْهِنْ وَ شَالَوْهِنْ.

2 صَمُوِيل 4:5

وَ رِكَابْ وَ بَعَنَى عِيَالْ رِمُّونْ الْمِنْ حِلَّةْ بِيرُوتْ مَشَوْا بَكَانْ إِشْبُوشَتْ وَكِتْ الْحَرَّايْ حَامِيَةْ. وَ هُو رَاقِدْ يِنْجَمَّ.

1 صَمُوِيل 9:25

وَ بَعَدْ دَا، نَزَلَوْا مِنْ بَكَانْ الْعِبَادَةْ وَ مَشَوْا الْحِلَّةْ. وَ صَمُوِيلْ حَجَّى مَعَ شَاوُولْ فِي رَاسْ بَيْتَهْ.

تكوين 39:6

أَشَانْ دَا بَسْ، فُوطِفَارْ أَنْطَى كُلَّ شَيّءْ الْعِنْدَهْ فِي إِيدَيْن يُوسُفْ. وَ فُوطِفَارْ مَا يِسَوِّي شَيّءْ فِي بَيْتَهْ، إِلَّا يَجِي يَاكُلْ بَسْ. وَ يُوسُفْ صَبِي جَمِيلْ وَ طُولَهْ كُلَ سَمَحْ.

مَتَّى 24:17

وَ أَيِّ نَادُمْ الْقَاعِدْ يِنْجَمَّ فِي رَاسْ بَيْتَهْ، خَلِّي يَجْرِي وَ مَا يِدَلِّي يِشِيلْ خُمَامَهْ مِنْ الْبَيْت.

تكوين 12:11

وَ وَكِتْ قَرَّبَوْا لِمَصِرْ، أَبْرَامْ قَالْ لِمَرْتَهْ سَارَايْ: «أَسْمَعَيْ! أَنَا نَعَرِفْ كَدَرْ إِنْتِ مَرَةْ سَمْحَةْ بِلْحَيْن.

تَثْنِية 5:21

«مَا تِتْمَنَّى مَرِةْ جَارَكْ. وَ لَا تَطْمَعْ فِي بَيْت جَارَكْ وَ لَا زَرْعَهْ وَ لَا عَبْدَهْ وَ لَا خَادْمَهْ وَ لَا تَوْرَهْ وَ لَا حُمَارَهْ وَ لَا أَيِّ شَيّءْ هَنَايَهْ.»

2 صَمُوِيل 13:1

وَ بَعَدْ دَا، دَاهُو الشَّيّءْ الْكَانْ. أَبْشَلُومْ وِلَيْد دَاوُدْ عِنْدَهْ أَخُتْ وَاحِدَةْ جَمِيلَةْ أُسُمْهَا تَامَارْ. وَ أَمْنُونْ وِلَيْد دَاوُدْ الْآخَرْ حَبَّاهَا لِتَامَارْ.

2 صَمُوِيل 14:27

وَ أَبْشَلُومْ عِنْدَهْ أَوْلَادْ تَلَاتَةْ وَ بِنَيَّةْ وَاحِدَةْ أُسُمْهَا تَامَارْ. وَ هِي مَرَةْ جَمِيلَةْ مَرَّةْ وَاحِدْ.

أمْثال 7:8

هُو فَايِتْ فِي الشَّارِعْ جَنْب بَكَانْ الزَّانِيَةْ وَ بِبِشَيْش، مُتَوَجِّهْ عَلَيْ بَيْتهَا.