2 صَمُوِيل 11:1 - الكتاب المقدس بالعربي الدارجي هنا تشاد

¹ وَ فِي السَّنَةْ الْجَدِيدَةْ، فِي وَكِتْ الْمُلُوكْ يَمْشُوا الْحَرِبْ، دَاوُدْ رَسَّلْ يُوَابْ قَايِدْ دَيْشَهْ وَ نَاسَهْ وَ كُلَّ بَنِي إِسْرَائِيلْ فِي الْحَرِبْ. وَ هُمَّنْ دَمَّرَوْا بَنِي عَمُّونْ وَ حَاصَرَوْا مَدِينَةْ رَبَّةْ عَاصِمَتْهُمْ. وَ لَاكِنْ دَاوُدْ قَعَدْ فِي أُورُشَلِيمْ.

2 صَمُوِيل 11:1 Referenca të Kryqëzuara

1 أخبار 20:1

وَ فِي السَّنَةْ الْجَدِيدَةْ، فِي الْوَكِتْ الْمُلُوكْ يَمْشُوا الْحَرِبْ، يُوَابْ قَايِدْ الدَّيْش مَشَى دَمَّرْ بَلَدْ بَنِي عَمُّونْ وَ حَاصَرْ مَدِينَةْ رَبَّةْ عَاصِمَتْهُمْ. وَ لَاكِنْ دَاوُدْ قَعَدْ فِي أُورُشَلِيمْ. وَ يُوَابْ شَالْ رَبَّةْ وَ دَمَّرَاهَا.

1 مُلوك 20:26

وَ فِي السَّنَةْ الْجَدِيدَةْ، بَنْهَدَادْ وَ كُلَّ عَسْكَرْ الْأَرَامِيَّيْن مَشَوْا وَ لَمَّوْا فِي حِلَّةْ أَفِيقْ لِيِحَارُبُوا مَمْلَكَةْ إِسْرَائِيلْ.

1 مُلوك 20:22

وَ فِي الْبَكَانْ دَا، النَّبِي جَاءْ لِمَلِكْ مَمْلَكَةْ إِسْرَائِيلْ وَ قَالْ لَيَّهْ: «شِدّ حَيْلَكْ وَ فَكِّرْ فِي الشَّيّءْ الْوَاجِبْ تِسَوِّيهْ. أَشَانْ فِي السَّنَةْ الْجَدِيدَةْ، مَلِكْ أَرَامْ يَجِي يَهْجِمَكْ بَتَّانْ.»

جامِعة 3:8

فِي وَكِتْ لِلْمَحَبَّةْ وَ فِي وَكِتْ لِلْكَرَاهِيَّةْ. فِي وَكِتْ لِلْحَرِبْ وَ فِي وَكِتْ لِلسَّلَامْ.

2 أخبار 36:10

وَ فِي السَّنَةْ الْجَدِيدَةْ، الْمَلِكْ نَبُوخَدْنَصَرْ رَسَّلْ نَاسْ وَ شَالَوْا يُيَكِينْ وَ خُمَامْ غَالِيِّينْ مِنْ بَيْت اللّٰهْ وَ وَدَّوْهُمْ بَابِلْ. وَ دَرَّجْ صِدْقِيَّا قَرِيبَهْ لِيُيَكِينْ مَلِكْ فِي بَلَدْ يَهُوذَا وَ مَدِينَةْ الْقُدُسْ.

تَثْنِية 3:11

وَ عُوقْ مَلِكْ بَاشَانْ، هُو آخِرْ وَاحِدْ الْفَضَّلْ مِنْ الرَّفَايِينْ. وَ سَرِيرَهْ هَنَا حَدِيدْ قَاعِدْ فِي رَبَّةْ عَاصِمَةْ بَنِي عَمُّونْ. وَ طُولْ السَّرِيرْ دَا 9 دُرَاعْ وَ عُرْضَهْ 4 دُرَاعْ.

حِزْقِيال 21:20

وَ الدَّرِبْ الْوَاحِدْ يِوَدِّي السَّيْف لِرَبَّةْ مَدِينَةْ بَنِي عَمُّونْ. وَ الدَّرِبْ الْآخَرْ يِوَدِّيهْ لِمَدِينَةْ الْقُدُسْ هِي الْمَدِينَةْ الْقَوِيَّةْ فِي بَلَدْ يَهُوذَا.

زَكَرِيَّا 14:3

وَ بَعَدْ دَا، اللّٰهْ يُقُمّ وَ يِحَارِبْ الْأُمَمْ دَوْل مِثِلْ هُو حَارَبْ فِي أَيَّامْ الْحَرِبْ الْفَاتَوْا.

1 صَمُوِيل 18:30

وَ فِي أَيِّ وَكِتْ كَنْ كُبَارَاتْ الْفِلِسْطِيِّينْ يَهْجُمُوا، دَاوُدْ يِنَّصِرْ فَوْقهُمْ. وَ نَصْرَهْ بِقِي زِيَادَةْ مِنْ نَصُرْ كُلَّ الْقُيَّادْ الْآخَرِينْ هَنَا شَاوُولْ. وَ بَيْدَا، أُسْمَهْ طَلَعْ.

2 صَمُوِيل 10:14

وَ وَكِتْ بَنِي عَمُّونْ شَافَوْا الْأَرَامِيَّيْن عَرَّدَوْا، هُمَّنْ كُلَ عَرَّدَوْا مِنْ أَبِشَايْ وَ قَبَّلَوْا حِلِّتْهُمْ. وَ خَلَاصْ، يُوَابْ خَلَّى مِنَّهْ الدُّوَاسْ ضِدّ بَنِي عَمُّونْ وَ قَبَّلْ أُورُشَلِيمْ.

إرْمِيا 49:2

فِي شَانْ دَا، يَجِي يَوْم وَاحِدْ الْفَوْقَهْ أَنَا نِجِيبْ كُرَوْرَاكْ الْهُجُومْ فِي رَبَّةْ مَدِينَةْ بَنِي عَمُّونْ. وَ دَا كَلَامْ اللّٰهْ. هِي تَخْرَبْ وَ تَبْقَى كَوْم هَنَا تُرَابْ وَ الْحِلَّالْ التَّابْعِينْ لَيْهَا يَحْرَقَوْا بِنَارْ. وَ فِي الْبَكَانْ دَا، بَنِي إِسْرَائِيلْ يَقْلَعَوْا مِنْ الْعُدْوَانْ الْقَلَعَوْا مِنْهُمْ. وَ دَا، اللّٰهْ بَسْ قَالَهْ.

إرْمِيا 49:3

يَا نَاسْ مَدِينَةْ حَشْبُونْ، أَحْزَنَوْا أَشَانْ حِلَّةْ عَايْ أَدَّمَّرَتْ! يَا سُكَّانْ حِلَّالْ رَبَّةْ، أَبْكُوا! أَلْبَسَوْا خُلْقَانْ الْحِزِنْ وَ نُوحُوا! وَ أَجْرُوا جَايْ وَ جَايْ فِي لُبّ الدُّرْدُرْ. أَشَانْ صَنَمْكُو مُولَكْ يِوَدُّوهْ فِي الْغُرْبَةْ مَعَ رُجَالْ الدِّينْ هِنَيْه وَ خَدَّامِينَهْ.

عَمُوس 1:14

وَ فِي شَانْ دَا، أَنَا نِنَزِّلْ نَارْ فِي دَرَادِرْ مَدِينَةْ رَبَّةْ التَّاكُلْ كُلَّ قُصُورْهَا بِكُرَوْرَاكْ فِي يَوْم الْحَرِبْ وَ بِأَمْ زَوْبَعَانَةْ فِي يَوْم هَنَا رِيحْ شَدِيدَةْ.

زَبُور 60:9

يَاتُو الْيِوَدِّينِي لِلْمَدِينَةْ الْقَوِيَّةْ؟ يَاتُو الْيُقُودْنِي لَحَدِّي بَلَدْ أَدَوْم؟