2 صَمُوِيل 10:6 - الكتاب المقدس بالعربي الدارجي هنا تشاد

⁶ وَ نَاسْ بَنِي عَمُّونْ عِرْفَوْا كَدَرْ هُمَّنْ بِقَوْا مَكْرُوهِينْ لِدَاوُدْ. وَ خَلَاصْ، جَنَّدَوْا مُرْتَزَقَةْ 20 000 عَسْكَرْ مِنْ الْأَرَامِيَّيْن الْمِنْ حِلَّةْ بَيْت رَحُوبْ وَ مِنْ الْأَرَامِيَّيْن الْمِنْ حِلَّةْ صُوبَةْ وَ 1 000 رَاجِلْ مِنْ بَلَدْ الْمَلِكْ مَعَاكَةْ وَ 12 000 مِنْ بَلَدْ تَوْب.

2 صَمُوِيل 10:6 Referenca të Kryqëzuara

2 صَمُوِيل 8:5

وَ نَاسْ بَلَدْ أَرَامْ جَوْا مِنْ دِمَشْق لِيَفْزَعَوْا لِهَدَدْعَازَرْ مَلِكْ صُوبَةْ. وَ لَاكِنْ دَاوُدْ كَتَلْ مِنْ نَاسْ أَرَامْ 22 000 رَاجِلْ.

2 صَمُوِيل 8:3

وَ دَاوُدْ أَنَّصَرْ فِي هَدَدْعَازَرْ وِلَيْد رَحُوبْ مَلِكْ صُوبَةْ. وَ دَا فِي الْوَكِتْ الْهَدَدْعَازَرْ دَوَّرْ يِشِيلْ بَتَّانْ مَنْطَقَةْ بَحَرْ الْفُرَاتْ.

تكوين 34:30

وَ بَعَدْ دَا، يَعْقُوبْ قَالْ لِعِيَالَهْ شِمْعُونْ وَ لَاوِي: «إِنْتُو زَرَعْتُوا لَيِّ مَشَاكِلْ! وَ بِسَبَبْكُو إِنْتُو، الْكَنْعَانِيِّينْ وَ الْفِرِزِّيِّينْ نَاسْ الْبَلَدْ يَكْرَهَوْنِي! عِنْدِي رُجَالْ شِيَّةْ بَسْ. وَ كَنْ هُمَّنْ لَمَّوْا فَوْقِي وَ هَجَمَوْنِي، يِدَمُّرُونِي أَنَا وَ نَاسْ بَيْتِي.»

1 صَمُوِيل 27:12

وَ أَكِيشْ آمَنَهْ لِدَاوُدْ وَ قَالْ فِي نَفْسَهْ: «هَسَّعْ دَا، دَاوُدْ بِقِي مَكْرُوهْ لِأَهَلَهْ بَنِي إِسْرَائِيلْ. أَشَانْ دَا، خَلِّي يَبْقَى لَيِّ خَدَّامْ دَايْماً.»

قُضياء 18:28

وَ مَا فِي نَادُمْ الْيِنَجِّيهُمْ أَشَانْ الْحِلَّةْ بَعِيدَةْ مِنْ صَيْدَا وَ مَا عِنْدُهُمْ عَلَاقَةْ مَعَ نَاسْ آخَرِينْ كُلَ. هِي قَاعِدَةْ فِي الْوَادِي هَنَا بَيْت رَحُوبْ. وَ نَاسْ قَبِيلَةْ دَانْ بَنَوْا الْحِلَّةْ دِي بَتَّانْ وَ قَعَدَوْا فَوْقهَا.

قُضياء 11:5

وَ وَكِتْ قَمَّوْا ضِدُّهُمْ، كُبَارَاتْ قِلْعَادْ مَشَوْا فَتَّشَوْا يِفْتَاحْ فِي بَلَدْ تَوْب.

قُضياء 11:3

وَ يِفْتَاحْ عَرَّدْ بَعِيدْ مِنْ أَخْوَانَهْ وَ مَشَى سَكَنْ فِي بَلَدْ تَوْب. وَ نَاسْ وَاحِدِينْ مَا نَافْعِينْ أَنْضَمَّوْا مَعَ يِفْتَاحْ وَ قَاعِدِينْ يِحَارُبُوا مَعَايَهْ.

أمْثال 25:8

مَا تِسَّعْجَلْ وَ تِكَلِّمْ فِي الشَّرِيعَةْ بِالشَّافَتَهْ عَيْنَكْ. تِسَوِّي شُنُو كَنْ فِي الأَخِيرْ خَصِيمَكْ يِخَجِّلَكْ؟

2 صَمُوِيل 8:12

وَ الْأُمَمْ دَوْل هُمَّنْ الْأَدَوْمِيِّينْ وَ الْمُوَابِيِّينْ وَ بَنِي عَمُّونْ وَ الْفِلِسْطِيِّينْ وَ الْعَمَالِقْ. وَ كُلَّ الْغَنِيمَةْ الشَّالَاهَا مِنْ هَدَدْعَازَرْ وِلَيْد رَحُوبْ مَلِكْ حِلَّةْ صُوبَةْ، دِي كُلَ هُو خَصَّصَاهَا لِلّٰهْ.

1 صَمُوِيل 13:4

وَ كُلَّ بَنِي إِسْرَائِيلْ سِمْعَوْا كَدَرْ شَاوُولْ كَتَلْ قَايِدْ الْفِلِسْطِيِّينْ وَ هُمَّنْ عِرْفَوْا كَدَرْ الْفِلِسْطِيِّينْ قَاعِدِينْ يَكْرَهَوْهُمْ. وَ خَلَاصْ، كُلَّ رُجَالْ بَنِي إِسْرَائِيلْ وَقَفَوْا مِثِلْ رَاجِلْ وَاحِدْ وَرَاءْ شَاوُولْ فِي حِلَّةْ قِلْقَالْ.

تَثْنِية 3:14

وَ ذُرِّيَّةْ يَيِيرْ وِلَيْد مَنَسَّى شَالَوْا كُلَّ مَنْطَقَةْ أَرْقُوبْ لَحَدِّي تُرَابْ الْقَشُورِيِّينْ وَ الْمَعَاكِيِّينْ. وَ سَمَّوْا بَلَدْ بَاشَانْ بِأُسُمْ جِدُّهُمْ يَيِيرْ وَ لَحَدِّي الْيَوْم كُلَ، بِنَادُوهَا فُرْقَانْ يَيِيرْ.

خُروج 5:21

وَ الْمُكَلَّفِينْ مِنْ بَنِي إِسْرَائِيلْ قَالَوْا لَيْهُمْ: «خَلِّي اللّٰهْ يِشِيفْ الشَّيّءْ الْإِنْتُو سَوَّيْتُوهْ دَا وَ يِعَاقِبْكُو! فِي شَانْكُو إِنْتُو بَسْ الْمَلِكْ مَعَ خَدَّامِينَهْ كِرْهَوْنَا مِثِلْ الْكَفَنْ. وَ دَا، مِثِلْ إِنْتُو أَنْطَيْتُوهُمْ سَيْف لِيِكَتُّلُونَا.»

2 صَمُوِيل 10:5

وَ خَبَّرَوْا دَاوُدْ بِالْإِهَانَةْ الزِّيَادَةْ الْبِقَتْ فِي نَاسَهْ. وَ هُو رَسَّلْ لَيْهُمْ نَادُمْ لِيُقُولْ لَيْهُمْ: «أَقْعُدُوا فِي حِلَّةْ أَرِيحَا لَحَدِّي دُقُونْكُو يُقُمُّوا وَ بَعَدْ دَا، تَعَالُوا.»

2 صَمُوِيل 10:7

وَ وَكِتْ دَاوُدْ سِمِعْ بِالشَّيّءْ دَا، رَسَّلْ يُوَابْ مَعَ كُلَّ الْعَسْكَرْ الْفَحَلِينْ ضِدُّهُمْ.

2 صَمُوِيل 23:34

وَ أَلِفَالَطْ وِلَيْد أَحَسْبَايْ وِلَيْد رَاجِلْ وَاحِدْ مِنْ حِلَّةْ مَعَاكَةْ وَ أَلِعَامْ وِلَيْد أَخِتُوفَلْ مِنْ حِلَّةْ قِيلُو

2 مُلوك 7:6

أَشَانْ الرَّبّ خَلَّى الْأَرَامِيَّيْن يَسْمَعَوْا حَرَكَةْ شَدِيدَةْ هَنَا عَرَبَاتْ الْحَرِبْ وَ هَنَا خَيْل وَ هَنَا عَسْكَرْ. وَ هُمَّنْ قَالَوْا أَمْبَيْنَاتْهُمْ: «دَاهُو مَلِكْ مَمْلَكَةْ إِسْرَائِيلْ أَجَّرْ مُلُوكْ الْحِتِّيِّينْ وَ الْمَصْرِيِّينْ لِيُقُمُّوا ضِدِّنَا.»

زَبُور 48:4

دَاهُو مُلُوكْ حَدَّدَوْا وَكِتْ لِيِلِمُّوا وَ يَمْشُوا ضِدّ الْمَدِينَةْ.

إرْمِيا 40:8

وَ الرُّجَالْ الْمُسَلَّحِينْ وَ كُبَارَاتْهُمْ دَوْل جَوْا لِقَدَالْيَا فِي مِصْفَةْ. وَ كُبَارَاتْهُمْ هُمَّنْ إِسْمَاعِيلْ وِلَيْد نَتَنْيَا وَ يُوحَنَانْ وَ يُونَتَانْ أَوْلَادْ قَارِحْ وَ سَرَايَا وِلَيْد تَنْحُومَتْ وَ عِيَالْ عِيفَايْ مِنْ حِلَّةْ نَطُوفَا وَ يَزَنْيَا مِنْ حِلَّةْ مَعَاكَةْ.

إرْمِيا 46:21

وَ مُرْتَزَقَتْهَا قَاعِدِينْ فِي أُسُطْهَا مِثِلْ الْعَجَّالْ السُّمَانْ. وَ لَاكِنْ بِسُمُنْهُمْ دَا كُلَ، يِعَرُّدُوا مَا يَثْبُتُوا. أَشَانْ يَوْم الْخَرَابْ جَاءْ لَيْهُمْ وَ وَكِتْ عِقَابْهُمْ وَقَعْ فَوْقهُمْ.

2 صَمُوِيل 16:21

وَ أَخِتُوفَلْ قَالْ لِأَبْشَلُومْ: «أَمْشِي أَرْقُدْ مَعَ سِرِّيَّاتْ أَبُوكْ الْخَلَّاهِنْ يَحْفَضَنْ الْبَيْت. وَ بِمِثِلْ دَا، كُلَّ بَنِي إِسْرَائِيلْ يَسْمَعَوْه وَ إِنْتَ تَبْقَى مَكْرُوهْ لِأَبُوكْ. وَ النَّاسْ الْمَعَاكْ يَلْقَوْا شَجَاعَةْ.»

1 مُلوك 11:24

وَ رِزُونْ لَمَّ مَجْمُوعَةْ هَنَا رُجَالْ حَرَامِيِّينْ وَ بِقِي كَبِيرْهُمْ. وَ وَكِتْ دَاوُدْ قَمَّ كَتَلْ نَاسْ هَدَدْعَازَرْ، رِزُونْ وَ نَاسَهْ مَشَوْا مَدِينَةْ دِمَشْق وَ قَعَدَوْا هِنَاكْ وَ حَكَمَوْا فَوْقهَا.